Ársrit Ræktunarfélags Norðurlands - 01.01.1968, Side 79

81
að fóðra hana eftir þeirri nyt sem hún er í á hverjum tíma,
og það er ekki hægt án þess að notfæra sér kúaskýrsluna.
Ótrúlega margir halda því fram, að það sé mikil vinna
að vigta mjólkina einn dag í viku hverri. Aðrir álíta að
þeir séu að leggja á sig aukavinnu fyrir „aðra“ eins og það
er oft orðað. Þeir sem hafa reynslu af kúaskýrslunni og gera
sér grein fyrir tilgangi hennar vitna um allt annað. Stað-
reyndin er líka sú, að sá fjósamaður, sem vinnur verk sitt
af kunnáttu og vandvirkni, telur eins sjálfsagt að fylgjast
með afurðum kúnna, eins og það að koma mjólkinni í sam-
lag. Þegar vigtun er lokið hverju sinni, er rétt að gefa gaum
að nythæð einstakra kúa og bera saman við síðustu vigtun
og haga kjarnfóðurgjöfinni eftir því. Ekki má þó hugsa sér
að gera það að algildri reglu, því muna verður eftir því, að
gera sér grein fyrir fóðurástandi kýrinnar, sem getur verið
misgott af ýmsum ástæðum. Nú þá eru það heygæðin og
beitargrasið, sem huga verður vel að, og reyna að gera sér
grein fyrir, að hve miklum hluta við getum treyst á það í
heildarfóðrinu og miðað kjarnfóðurgjöfina eftir því. Það
er að vísu rétt, að gildi heysins verður ekki nákvæmlega
metið, með því að skoða það í höndum sér, en laginn fóðr-
ari, sem þekkir töðuvöllinn fer þó í flestum tilfellum nærri
um þetta, ef hann jafnframt setur sig inn í hvernig kýrnar
fóðrast.
Fyrr á árum, og jafnvel enn í dag, þegar rætt var um hve
þessi eða hin kýrin væri góð, þá var sagt að hún hefði kom-
izt þetta hátt sem tiltekið var, sem átti að segja til um hversu
gripurinn var góður. Hitt var líka til, að sagt var að kýrin
væri dropsöm, þ. e. a. s. — hún komst ekki í háa nyt, en
hélt henni vel á sér. Þetta gat gefið nokkrar upplýsingar,
en fjarri fer að þær gætu verið nákvæmar.
Þó kúaskýrslan gefi góðar upplýsingar um afurðir og um
leið ákveðna bendingu um hvernig skal haga kjarnfóður-
gjöf, sem er eflaust veigamest varðandi fóðrunina, þá gefur
hún, eða getur það, margar aðrar upplýsingar um einstak-
ar kýr og kúabúið í heild. Það á að vera hægt að finna marg-
víslegan fróðleik um einstakar kýr, svo sem mjaltahæfni,
6