Árbók Landsbókasafns Íslands - 01.01.1945, Page 74

74
PÁLL EGGERT ÓLASON
Afhent bókagjöf frá Bandaríkjastjórn
háttað eftir flokkum bókanna í deildum safnsins. Sú greining er þó ekki í ritauka-
skráningu fyrr en hin síðari ár.
Að handritum hefir safnið aukizt talsvert. Árið 1925 barst safninu að gjöf hand-
ritasafn Sigmundar Matthíassonar Longs, sem lengi hafði átt heima vestan hafs. Var
það 130 bindi og allmerkt, með því að þar er ýmislegt austfirzkt, einkum í kveðskap
(frá 18. og 19. öld), sem ekki sést annarstaðar, og hefir Sigmundur einnig eftir
föngum látið fylgja skrár og skýrslur um höfundana, notöndum til hagræðis. Um
líkt leyti komu úr dánarbúi Dr. Þorvalds Thoroddsens handrit þau, sem hann hafði
gefið. En að fæstum þeirra er mikið gagn, flest uppköst og prentsmiðjueintök að prent-
uðum ritum sjálfs hans og eru því mestmegnis til minja um þenna stórvirka mann.
Árið 1938 var keypt til landsbókasafnsins handritasafn Dr. Hannesar þjóðskjalavarð-
ar Þorsteinssonar, en hann hafði arfleitt háskólann að því og mestum liluta eigna
sinna. Kaupverð var 12500 kr. Safn þetta er 196 bindi, og er það einn hinn merkasti
fengur, sem borizt hefir landsbókasafninu, einkum vegna fágætra ættfræðibóka, sem
þar eru, margar eða flestar komnar úr eigu Jóns dómstjóra Péturssonar, í sumum
miklir íaukar frá honum, Dr. Hannesi og jafnvel fleiri mönnum. Ýmsir aðrir menn
hafa gefið fáein handrit og er nafna þeirra getið í ritaukaskránum jafnóðum. í þess-