Frjáls verslun - 01.06.1942, Síða 14

Á SKRIFSTOFUNNI
Meiri stundvísi æskileg.
íslendingum er mjög oft brugðið um óstund-
vísi og mun það ekki með öllu að ósekju.
Ef litið er á skrifstofurnar í Reykjavík og
víðar á landinu er það nokkuð áberandi að
æðri sem lægri koma óstundvíslega til vinnu
sinnar.
Á þeim skrifstofum, þar sem t. d. á að opna
kl. 9 f. h., er algengt að skrifstofufólkið kemur
ekki til vinnu fyrr en 10—20 mínútur yfir kl.
9. Vinna hefst þá naumast fyrir alvöru fyrr en
kl. 9Víá eða jafnvel síðar.
Svipað á sér stað í matar- eða kaffihléum.
Menn fara oft alllangt fram yfir þann tíma,
sem þeim er ætlaður og veldur það margvís-
legum töfum og truflunum á vinnunni.
Þetta þyrfti nauðsynlega að breytast. Menn
ættu að koma stundvíslega til vinnu, því með
því verður allt skrifstofuhald auðveldara og
eftir því, sem betur er starfað, þann tíma, sem
skrifstofan er opin, eftir því er minni hætta á
því að um yfirvinnu verði að ræða og tafir
eftir venjulegan starfstíma.
Yfirvinna þykir flestu skrifstofufólki frem-
ur hvimleið og oft orsakast hún af slælegri
stjórn þeirra, sem skrifstofunum ráða og einn-
ig oft af töfum, sem óstundvísi og aðrar óþarf-
ar frátafir valda. Þetta ættu æðri sem lægri á
skrifstofum að hafa hugfast. — Með auknum
hraða í viðskiptalífinu eykst verðgildi tímans,
og mesta viðskiptaþjóð vor nú, hefur að kjör-
orði að tíminn séu peningar, en það er viður-
kennt með öllum þjóðum þar sem viðskipti
blómgvast og framkvæmdir.
Það hefur löngum þótt brenna við að vinnu-
brögð séu bágborin á opinberum skrifstofum.
Hér skal ekki út í það farið hvort ástandið sé
verra yfirleitt hjá því opinbera en einkafyrir-
tækjum að þessu leyti, en þó skal hér bennt á
eitt dæmi.
Á einni opinberri skrifstofu hér í bænum,
sem verzlunarmenn þurfa mjög að leita til, skal
opnað kl. 10 f. h., en það mun naumast koma
fyrir að byrjað sé að afgreiða fyrr en 20—30
mínútum síðar, eða um kl. 10y%. Fram til þess
tíma er starfsfólkið að tínast inn og taka til
bækur sínar og skjöl, og fyrst þegar það er af-
staðið getur afgreiðsla hafist. Þetta getur verið
mjög bagalegt fyrir þá sem við skrifstofu þessa
þurfa að skifta og ætti þarna að vera svipað
fyrirkomulag og í banka, að allt sé tilbúið til
afgreiðslu þegar opnað er að morgni og einnig
að allir sem inni eru og bíða afgreiðslu á lok-
unartíma verði afgreiddir, en á því mun hafa
orðið misbrestur.
*
Eins og er kunnugt hafa meðlimir Félags ísl.
stórkaupmanna skrifstofur sínar opnar frá kl.
9—5 með nokkrum undantekningum. Nokkrir
stórkaupmenn, sem eru utan félagsins munu
hafa annan og lengri skrifstofutíma. Það væri
að öllu leyti eðlilegt að þessar skrifstofur hefðu
opið sama tíma og félagsmenn. Einnig væri
það eðlilegt að skrifstofur, sem eru um margt
sambærilegar stórkaupmannaskrifstofunum, svo
sem skrifstofur útgerðarfyrirtækja og fleiri
slíkar, hefðu ekki opið lengri tíma en frá kl.
9—5. Hér er um ósamræmi að ræða, sem æski-
legt er að leiðrétt verði.
14
FRJÁLS VERZLUN