Frjáls verslun - 01.08.1969, Page 90

FRJALS VERZLUN
90
frá
ritstjórn
MÖGULEIKAR SKIPASMÍÐAIÐNAÐARINS
I þessu tölublaði Frjálsrar verzlunar er nokkuð fjallað um skipasmíðar. Fyrir-
tækið Hitatæki hf. hefur látið gera könnun á markaði fyrir skemmtibáta í Banda-
ríkjunum, með hliðsjón af því að íslenzkar skipasmiðjur reyndu að komast inn á
þennan markað. Eftir könnun fyrirtækisins að dæma er þarna um all góðan mark-
að að ræða, og íslenzkar skipasmiðjur eru þess fyllilega megnandi að anna þessu
verkefni. Verkkunnátta og vandvirkni íslenzkra skipasmiða er viðurkennd, og
ekki þyrfti að fjárfesta mikið í tækjum og vélum vegna skemmtibátasmíðanna.
Þama er ef til vill komin lausn á verkefnaskorti margra íslenzkra skipasmiðja.
Otto Schopka framkvæmdastjóri segir í grein sinni, að skipasmiðjunum sé
óþarfi að emblína á innanlandsmarkaðinn, — „íslenzk fiskiskip geti orðið sam-
keppnisfær og eftirsótt á alþjóðamarkaði“.
Til þess að íslenzkar skipasmiðjur geti keppt við aðrar þjóðir í smíði
skemmtibáta og fiskiskipa, er nauðsynlegt að til komi nákvæmari og ítarlegri
rannsókn á markaðsmöguleikum, vandleg kynning á framleiðslu íslenzkra skipa-
smíðastöðva, en umfram allt samvinna skipasmíðastöðvanna, hagræðing og greið-
ari aðgangur að rekstrarfjármagni og hagkvæmum lánum.
Islendingar hafa ekki efni á því að nýta ekki sem bezt má verða fjárfest-
inguna í atvinnulífinu og reynslu og verkkunnáttu landsmanna. Þeir verða að leita
nýrra leiða og láta af íhaldssemi, kreddum og smásálarskap. Því aðeins verður
ráðin bót á þeim samdrætti og atvinnuleysi, er hér hefur gætt undanfarin ár.