Frjáls verslun - 01.01.1972, Page 10

Islancfl
Greiðslufrestur verður
takmarkaður
IMýjar reglur 1. apríl
Viðskiptaráðuneytið, Seðla-
banki íslands og gjaldeyris-
bankarnir eru þessa dagana að
ganga frá nýjum reglum, sem
miða að því að takmarka notk-
un greiðslufrests.
Um ýmsar vörutegundir hafa
gilt þær reglur, að innflytj-
andi gæti samið um 90 daga
greiðslufrest við erlenda við-
skiptaaðila, og í sumum tilvik-
um upp í eitt ár samkvæmt
sérstökum leyfum íslenzkra yf-
irvalda. Nú er fyrirhugað að
takmarka þessar heimildir enn
meir, og með því móti reyna
að hamla gegn notkun gjald-
eyris.
Engar breytingar munu þó
vera fyrirhugaðar á innflutn-
ingsfrílistanum.
Samkvæmt þeim upplýsing-
um, sem Frjálsri Verzlun hef-
ur tekizt að afla sér, munu hin-
ar nýju reglur ganga í gildi 1.
apríl næstkomandi, og fela þær
það í sér, að greiðslufrestur
verður ekki heimilaður á ýms-
um tilbúnum vörum, eins og
byggingavörum, búsáhöldum,
pappírsvörum og skófatnaði.
Framvegis verður greiðslu-
frestur almennt heimilaður
vegna kaupa á hráefni og
rekstrarvörum.
Góður árangur af póstverðlista
Islenzks markaðar
Rekstur fyrirtækisins ís-
lenzks markaðar á Keflavík-
urflugvelli hefur gengið vel að
undanförnu, og í ljós hefur
komið, að í verzluninni syðra
hefur skapazt kynningarvett-
vangur fyrir íslenzkar fram-
leiðsluvörur, sem leitt hefur til
umtalsverðra viðskipta, að sögn
Einars Elíassonar, stjórnarfor-
manns fyrirtækisins.
Á síðastliðnu ári gaf íslenzk-
ur markaður út póstverðlista,
sem dreift var meðal farþega,
er leið áttu um Keflavíkurflug-
völl, og var hann prentaður í
100.000 eintökum. Komið hef-
ur í ljós, að þessi fyrsta til-
raun, sem gerð er af hálfu ís-
lenzkra aðila með póstverðlista,
hefur náð tilætluðum árangri,
og er mikil hreyfing á við-
skiptum, sem rekja má til
hans.
Á þessu ári er fyrirhugað að
gefa verðlistann út að nýju, og
verður þá haft samráð við Loft-
leiðir um að dreifa honum á
endastöðvum félagsins í New
York og Luxembourg.
Með þessum verðlista hefur
Mikilvœgur kynningarvett-
vangur fyrir íslenzkar iðnaðar-
vörur.
tekizt að opna viðskipti við
fyrirtæki erlendis, sem gera
stærri innkaup en venjulegir
flugfarþegar, og hefur af þessu
hlotizt mikilsverður stuðningur
við íslenzkar iðngreinar, eins
og t. d. fataiðnaðinn.
Þá hefur íslenzkur markað-
ur gert tilraun með kynningu
á íslenzkum matvælum, og
þykir árangur, sem náðst hef-
ur í sölu þeirra mun betri en
gert var ráð fyrir upphaflega.
Að sögn Einars Elíassonar
hefur fyrirtækið nú í hyggju
að taka í notkun betri umbúð-
ir um matvæli, svo að við-
skiptavinirnir geti örugglega
treyst á, að varan komizt ó-
skemmd á ákvörðunarstað,
hvort sem hann er í S-Ameríku
eða Asíu.
Eigendur íslenzks markaðar,
sem eru ýmis íslenzk iðnfyrir-
tæki, hafa líka á prjónunum
að koma upp umfangsmiklum
markaðskynningum fyrir ís-
lenzkar vörur í framtíðinni.
Áætluð velta íslenzks mark-
aðar á yfirstandandi fjárhags-
ári er 96 milljónir króna.
6
FV 1 1972