Frjáls verslun - 01.01.1972, Qupperneq 14

Ferðamál
Rannsókn á ísl. ferðamálum
senn hafin
Vonir standa til, að rannsókn
sú á ferðamálum á íslandi sem
Sameinuðu þjóðirnar ætla að
fjármagna, geti hafizt í júní
næstkomandi. Hérlendis var
staddur um 15 daga skeið í
janúar sérfræðingur á vegum
samgöngumálanefndar Samein-
uðu þjóðanna til að vinna að
álitsgerð um málið.
Þessi sérfræðingur, Jacques
Seletti að nafni, er franskur
viðskiptafræðingur og hefur
starfað um 15 ára skeið hjá
ráðgjafarfyrirtæki á sviði ferða-
mála.
Hann hefur unnið fyrir Sam-
einuðu þjóðirnar í eitt ár og
ferðazt víða um heim í því
Ríkisútvarpið
skyni að kanna möguleika til
aukinnar ferðamennsku.
Á næstunni verður undirbúið
útboð fyrir þessa könnun af
hálfu S.Þ. og allmörgum ráð-
gjafarfyrirtækjum erlendum
gefinn kostur á að annast hana.
Síðan verða tilboð frá þremur
fyrirtækjanna lögð fyrir íslenzk
yfirvöld til að velja úr. Er gert
ráð fyrir að eftir tvo mánuði
verði endanlega ákveðið hvaða
tilboði verði tekið.
Athugun þessi, sem S.Þ. hafa
heitið a.m.k. 12 milljónum
króna til, mun einkum beinast
að fjórum atriðiim i þróun
ferðamennsku á íslandi þ.e.a.s.
skíðaferðum, heilsurækt með
tilliti til jarðvarma, ráðstefnu-
haldi og lax- og silungsveiði.
í lokaskýrslum eiga að koma
fram niðurstöður um mat á
aðstæðum hérlendis fyrir ferða-
mennsku, markaðsrannsókn fyr-
ir íslenzk ferðamál, þróunar-
áætlun og áætlanir um fjár-
mögnun. Er þá reiknað með
þeim möguleika, að Alþjóða-
bankinn leggi fram fjármagn til
nauðsynlegra framkvæmda.
Jacques Selet-ti. sérfræðingur-
inn frá S.Þ. telur ísland hafa
mjög mikil tækifæri til að
verða eftirsótt ferðamannaland,
en hér skorti allar áætlanir um
hvert stefna skuli.
Græddi 1,7 rnillj. á verkfallinu
Hagnaður sjónvarps 4—6 millj. 1972
Auknar tekjur Ríkisútvarps-
ins í auglýsingagjöldum, sem
rekja má beint til prentara-
verkfallsins í desember, námu
1,7 milljónum króna að því er
Gunnar Vagnsson, fram-
kvæmdastjóri fjármáladeildar
útvarpsins, tjáði FV.
Heildartekjur hljóðvarps af
auglýsingum á árinu 1971 námu
10,3 milljónum, en voru 6,3
milljónir árið áður. Þess er að
gæta í samanburði milli ára,
að 15—17% hækkun varð á
hinum mismunandi auglýsinga-
töxtum í febrúar 1971 og magn-
aukning á árinu varð um 20%.
Tekjurnar hefðu því að hvoru
tveggja meðtöldu átt að verða
8,6 milljónir við eðlilegar að-
stæður, en 1,7 milljón til viðbót-
ar má beinlínis rekja til stöðv-
unar blaðaútgáfu í prentara-
verkfallinu.
Auglýsingatekjur af sjón-
varpi námu 6,2 milljónum í
desember en þar gætir áhrifa
prentaraverkfallsins mjög ó-
verulega, því að sjónvarpsaug-
lýsingar eru undirbúnar með
löngum fyrirvara og auglýsinga-
tímar sjónvarpsins voru bókað-
ir alllöngu fyrirfram.
Það kom fram í viðtali við
Gunnar Vagnsson, að álitlegur
hagnaður varð af rekstri sjón-
varpsins á nýliðnu ári, eða 4-6
RUGLvsmGnsimi
SJÚnURRPS
milljónir. Sama vexður ekki
sagt um hljóðvarpið, því að það
hafði ekki fyllilega fyrir öllum
afskriftum. Ef litið er á Rikis-
útvarpið í heild, hefur stoín-
unin verið rekin hallalaust á
árinu 1971.
í fjárhagsáætlun Ríkisút-
varpsins fyrir þetta ár hafa for-
stöðumenn þess gert ráð fyrir
hækkun afnotagjalda, sem yfir-
völd hafa nú til athugunar. Er
þá reiknað með, að afnotagjald
sjónvarps verði 3600 krónur yf-
ir árið í stað 2800 króna nú, en
afnotagjald útvarps 1650 krón-
ur í stað 1180 króna nú. Miðað
er við óbreytt auglýsingagjöld,
en vera má, að auglýsingagjöld
hljóðvarps hækki um 15—20%
á móti minni hækkun afnota-
gjalds, eða úr 1180 krónum í
1500.
Þessar hækkanir á gjald-
skrám Ríkisútvarpsins má rekja
til launahækkana vegna samn-
inga við opinbera starfsmenn
og niðurfeiiingar afnotagjalds
af útvarpi í bílum. Verða þau
á þessu ári % af venjulegu af-
notagjaldi, y3 á næsta ári og
síðan falla þau niður. Árið 1972
mun rýrnun þessa tekjustofns
leiða til dreifingar 4—6 millj-
ona á aðra tekjustofna Ríkisút-
varpsins.
10
FV 1 1972