Frjáls verslun - 01.04.1974, Blaðsíða 65

Viðskipti
Bankar eru opnir frá kl. 9.30-15.30 frá mánu-
degi til föstudags, en þó eru nokkrir opnir til
kl. 18.00 á fimmtudögum. Verzlanir í London
eru venjulega opnar frá kl. 9.00-18.00 eða 19.00.
Að komast leiðar sinnar
Heathrow flugvöllurinn er aðeins 24 kíló-
metra frá miðborginni og þaðan er auðvelt að
komast með almenningsvagni. Neðanjarðlar-
lestir eru í ferðum um alla borgina frá kl. 5.30
að morgni þar til um miðnætti. Þá aka hinir
alþekktu rauðu strætisvagnar um alla borgina.
Kjósi ferðamenn ekki þessar samgönguleiðir er
hægt að taka leigubíl, bílaleigubíl eða jafnvel
ganga.
París
París er ein elzta borg í Evrópu. Upphaflega
var hún kölluð Lutentia, en nafninu var breytt
í París að því er talið er árið 307 eftir Krist.
Nú er borgin ein helzta menningarmiðstöð
Evrópu.
Hótel
í París eru yfir 1000 mikilsmetin hótel. Ef
viðskiptamenn hyggjast dveljast á hóteli í lúx-
usflokki má gjarnan benda á Hilton hótelið í
París, 18 Avenue de Suffren og Ritz hótelið,
15 Place Vendome. Mörg fjögurra stjörnu hótel
eru einnig í borginni m. a. Claridge, 74
Ghamps Elysés, Grand Hotel, Boulevard des
Capuncines og Normandy hótelið,, 4 Rue de
l’Echelle. Þeir, sem íkjósa heldur þriggja
stjörnu hótel geta m. a. dvalizt á Burgundy
hótelinu, 8 Rue Duphot.
Veitingahús
í París eru fjölmargir vinsælir veitingastaðir
bæði utan og innan dyra. Þ. á. m. eru Chochon
d’Or, 192 Ave. Jean Jaurés, þar sem seldir eru
m. a. ýmsir ljúffengir kjötréttir, Rotisserie de
la Reine Pédaugue, 6 Rue de la Pépinere og
La Méditerranée.
Þjórfé
Þjórfé er yfirleitt alltaf gefið í Frakklandi.
Á kaffi- og veitingahúsum er þjónustugjald
venjulega innifalið í reikningnum, en þó tíðk-
ast að skilja eftir einhverja smámynt á borð-
inu. Á hótelum er venja að gefa burðarmönn-
um, dyravörðum og herbergisþernu 1 franka
hverju, þegar þau veita þjónustu sína. Einnig
tíðkast að gefa leigubílstjórum, hárgreiðslu-
fólki og þeim, sem veitt -hafa viðskiptamannin-
um sérstaka þjónustu, nokkurt þjórfé.
Skemmtanir
Engin borg í heiminum er frægari fyrir
næturlíf og skemmtanir en einmitt París. Hún
hefur ótalmargt upp á að bjóða kaupsýslumann-
inum til skemmtunar. M. a. óperur, leikrit,
hljómleika og fjölmargt annað. Stórkostlegar
revíur og skopleikir eru sýnd á sviði Folies
Bergéres og Casino de Paris. Vetrarsirkusinn,
sem starfandi er í borginni frá októbermánuði
og fram í apríl heldur skemmtilegar sýningar,
sem fáir vilja missa af. Monmartre, listamanna-
hverfið í París er annálað fyrir næturklúbba
sína og skemmtistaði, og þar hafa ferðamenn
átt margar skemmtilegar stundir.
Viðskipti
Flestar verzlanir í París hafa opið frá kl.
9.00-18.30 eða 19.00, skrifstofur eru venjulega
opnar frá kl. 9.00-12.00 og 14.00-18.00. Bankar
hafa opið frá mánudegi til föstudags kl. 9.00-
12.00 og 14.00-16.30.
Að komast leiðar sinnar
Um alla París fara neðanjarðarlestir frá því
kl. 5.30 að morgni til kl. 12.30 eða 1.00 eftir
miðnætti. Á hverri stöð er gott kort yfir þær
leiðir, sem lestirnar fara.
Brussel
í Brussel höfuðborg Belgíu og stærstu borg
landsins búa um 1,2 milljónir manna. í þessu
litla landi búa alls um 9 milljónir manna og
er þetta eitt þéttbýlasta landssvæði Evrópu.
Hótel
Beztu hótelin eru hreinleg og þjónustan og
maturinn góður. Hér koma nöfn og heimilis-
föng nökkurra þeirra.
Brussels Europa Hotel, 107 Rue de la Loi,
Hilton hótelið, 38, Blvd. de Waterloo, Metro-
pole hótelið, 31 Place de Brouckere og Hótel
Plaza, 118-126 Blvd. Adolphe Max.
Veitingahús
Belgískir réttir eru orðaðir fyrir gæði og
ættu viðskiptamenn ekki að láta fram hjá sér
fara að bragða hina frægu belgísku rétti
„Carbonades Flamandes“ og „Fricadeles Brux-
elloises". Veitingahús eru yfirleitt lokuð á
morgnana og hafa því ekki á boðstólum morg-
unverði, en þá er hægt að fá á hótelunum.
Onið er á veitingahúsunum yfirleitt frá kl.
12.00-23.00.
Le Charlton, 28-29 Blvd. de Waterloo, la
Couronne, 28 Grand Place og Le Cygne, 2 Rue
Charles Blue eru allt veitingastaðir, sem orð-
lagðir eru fyrir skemmtilegt umhverfi og
ágæta fæðu.
Þjórfé
í Belgíu er yfirleitt alltaf greitt 15% af verði
í þjórfé á veitinga- og kaffihúsum og hótelum.
í leikhúsum og kvikmyndahúsum er þeim sem
FV 4 1974
65