Frjáls verslun - 01.01.1978, Page 37

hafnanna hér heíma. Við vilj-
um einnig geta dregið úr óþaeg-
indum þeirra sveiflna, sem
verða í flutningaþörfinni. Við
allt þetta hefur verið miðað
þegar ákvarðanir voru teknar
um skipakaup.
I markaðskönnun vegna
skipakaupa þarf m.a. að hafa
hafnarskilyrði í huga, auk
vörumagns og vörutegunda, að
því ógleymdu að leitast alltaf
við að veita sem allra flestum
landsmönnum þjónustu. Hin
aukna notkun gáma og eininga-
lestunar virðist hæfa vel þeim
kröfum, sem almennast eru
gerðar í dag og þeirri hafnar-
aðstöðu, sem við búum nú við.
Sumir hafa spurt: Hvers vegna
kaupið þið ekki sérbyggð skip9
Við svörum því og segjum:
Vegna þess að við erum sann-
færðir um að það sé ekki — enn
sem komið er — þjóðhagslega
hyggilegt. Eflaust mun ein-
hverntíma til þess koma að ís-
lendingum verði reikningslega
rétt að kaupa skip, sem flytja
eingöngu ósekkjað mjöl, áburð,
frystan fisk, bíla, timbur, járn,
svo að nokkur vöruheiti séu
nefnd. En þá þarf einnig með
vaxandi fólksfjölda og aukinni
þörf fyrir sérhæfð skip að
koma til breytt og sérhæfð
hafnaaðstaða. Við munum á-
reiðanlega fylgjast vel með
þessu eins og öðru í framtíðinni
og ákveða þá >ný skipakaup
þegar tími er til þess kominn.
En í dag teljum við að fjöldi
og gerð þeirra samræmist vel
þeim kröfum, sem til okkar eru
nú gerðar. >ess vegna hafa
engar ákvarðanir enn verið
teknar um kaup eða sölur
skipanna, sem eru nú í þjón-
ustu Eimskipafélags íslands.
Um síðari hluta spurningar-
innar, uppbyggingu í landi,
gegnir allt öðru máli en hina
fyrri. Þar kreppir enn víða skór-
inn og þess vegna stefnum við
þar til úrbóta.
Við 'höfum alltof lítið rými
fyrir vörugeymslur hér í
Reykjavík. Þær eru líka of
dreifðar t.d. hér við Reykja-
víkunhöfn og víðar í gamla
bænum, í eigin húsnæði eða
leigðu, og svo inni við Sunda-
höfn. Og hér er vitanlega stefnt
til þess að byggja geymslur,
sem fullnægi þörfum félagsins.
Hvenær því verður lokið veit
ég ekki. En til þessa markmiðs
er stefnt.
Þá er unnið við að fuUgera
Oddeyrarskálann á Akureyri og
vonum við að því verði lokið
að sumri. Þar eiga að verða
góðar geymslur, skrifstofur,
rými fyrir tollgæzlu og annað
það, sem samræma þarf óskum
Akureyringa um góða þjónustu
Eimskipafélagsins í höfuðstað
þeirra Noi'ðlendinga.
Við erum nú að stækka Eim-
skipafélagshúsið og samræmum
hið ytra upprunalega stíl
Guðjóns Samúelssonar en hið
innra mjög brýnni þörf aðal-
skrifstofunnar fyrir aukið hús-
rými, en þrengsli hafa þar lengi
verið okkur til vinnutjóns og
ama.
Tæki — einkum vegna ferm-
ingar og affermingar — erum
við alltaf að endurnýja, en
áreiðanlega nú í stærri áföng-
um en fyrr.
F.V.: — Rekstur ryðvarnar-
stöðvar félagsins var nokkuð á
dagskrá í fyrra. Hvernig hefur
hann gengið?
— Miðað við afköst og stutt-
an starfstíma hefur árangurinn
orðið mjög eðlilegur og þess
vegna erum við eftir atvikum
mjög ánægðir. Annað mál er
það, að þó að ryðvarnarstöðin
sé sjálf að dómi sérfróðra út-
lendinga og óvilhallra ein í röð
hinna fullkomnustu í Evrópu
að tækjabúnaði þá þarf bætta
aðstöðu til fullnýtingar. Nú er
verið að íhuga hvernig sá vandi
verði leystur og að því búnu
verður ryðvarnarstöðin áreið-
anlega gott fyrirtæki.
Jú, ryðvarnarstöðin var víst
á dagskrá í fyrra, en hún hefur
fyrr verið til umræðu. Það var
t.d. talað um nauðsyn ryðvarn-
arstöðvar árið 1974, þegar
hundruð bifreiða ryðféllu hjá
skipafélögunum, sumar óvarð-
ar á annað ár og innflytjendur
urðu fyrir stórfelldu tjóni. Það
er þjóðarnauðsyn að bílar ryð-
falli ekki hér eftir að búið er að
koma þeim á land. Það var
reynt að leysa þennan vanda
með aðgerðum, sem ég hirði
ekki um að rekja hér, en Eim-
skípafélag íslands taldi að
leiddu til margvíslegra óþæg-
inda og árekstra, sem félagið
áleit að auðveldlegast yrði af-
stýrt með því að félagið eign-
aðist eigin ryðvarnarstöð og
byði þar viðskiptavinum sínum
eða öðrum þá þjónustu, sem
þeim var og er nauðsyn að fá.
Hugmynd okkar var alls ekki
sú að stofna til þarflausrar sam-
keppni. Við töldum — og telj-
um enn — að þessi þjónusta
standi í álíka nánum tengslum
við flutninga skipanna og t.d.
vörugeymslurnar.
Það er fræðilega mögulegt að
leigja allt geymslurými af ein-
hverjum húseigendum. En við
teljum hagsmunum viðskipta-
vinanna betur borgið með því
að gefa þeim kost á að geyma
vörurnar í því húsnæði, er við
ráðum sjálfir yfir.
Sama má raunar segja um
flest tæki afgreiðslumannanna.
Náttúrulega gætum við leigt
þau. En við teljum heppilegra
að geta valið þau í samræmi við
þarfir okkar og átt þau. En um
þetta allt má náttúrulega alltaf
deila ef menn finna sér ekki
önnur og veigameiri ágreinings-
atriði.
F.V.: — Hefur félagið í
hyggju að taka upp cinhverja
nýbre.vtni í áætlun skipa sinna
á þessu ári, t.d. með siglingum
til nýrra áfangastaða erlendis?
— Ég held að svar mitt við
þessari spurningu verði naum-
ast talið bitastætt. Enn hafa
engar fastmótaðar áætlanir ver-
ið gerðar um reglubundnar
ferðir til nýrra staða. Við höf-
um hins vegar tjáð stjórnvöld-
um landsins og viðskiptavinum
okkar, að strax og grundvöllur
sé fundinn fyrir nýjum áætl-
anaferðum þá séum við reiðu-
búnir til að hefja þær. í þessu
sambandi hefur einkum verið
rætt um Portúgal. Það væii
sannarlega bæði gaman og nyt-
samlegt ef sú breyting yrði á
viðskiptum okkar við Portú-
gala, sem kaupa af fátækt
sinni umtalsverðan hluta út-
flutningsframleiðslu okkar, að
hún réttlæti upphaf fastra á-
ætlunarferða. Þá mun sannar-
lega ekiki standa á okkur að
hefja þær.
FV 1 1978
37