Frjáls verslun - 01.12.1978, Síða 17

flokks knattspyrnudeildar Vals af
Evrópukeppni var t.d. um þrjár
milljónir króna. Viðskipti knatt-
spyrnudeildarinnar við eina feröa-
skrifstofu, vegna utanlandsferða
eru um 10 milljónir á þessu ári.
í Evrópukeppni þarf íslenska
liðiö, sem fær það erlenda heim að
greiða uppihaldskostnaö leik-
manna og dómara. Kostnaður við
uppihald, sem knattspyrnudeild
Vals haföi af Evrópukeppninni er
Austur-Þjóðverjar komu hingað
var 1400 þúsund. Sagði Pétur að
einnig mætti rekja fjölda annarra
kostnaðarliða.
Fasteignakaup eru baktrygging.
— Ég held því fram, að íþrótta-
hreyfingin þurfi í fjáröflun sinni að
leita nýrra leiða, sagði Pétur. Að-
staða Reykjavíkurfélaganna til
fjáröflunar er erfiðari en félaga úti
á landi. Helstu tekjur félaga í
Reykjavík er endalaust auglýs-
ingaöetl sem bitnar að langmestu
leyti á 100-150 fyrirtækjum í
Reykjavík. Sér hver maður, að það
er ekki endalaust hægt að byggja
svo stóran hluta af fjáröflun á
auglýsingabetli hjá sömu aðilum.
Úti á landi er aðstaðan önnur. Þar
eru ekki svo margir aðilar, sem
leita til þeirra sömu, auk þess sem
stuðningur viðkomandi bæjarfé-
lags er þungur á metunum.
— Við höfum reynt að skapa
okkur baktryggingu fjárhagslega,
sagði Pétur Sveinbjarnarson,
þannig að s.l. þrjú ár hefur knatt-
spyrnudeild Vals keypt tvær fast-
eignir. Ástæðan er sú, að við get-
um staðið frammi fyrir því að tapa
e.t.v. 3-4 milljónum á þátttöku í
Evrópukeppni, og orðið fyrir ýms-
um öðrum fjárhagslegum skakka-
föllum.
— Markmiðið er aö geta þegar
fram líða stundir sett peninga sem
þessa í arðbæran rekstur, sem
gæti stutt við bakið á rekstri deild-
arinnar, þannig að draga megi úr
þeirri gífurlegu betlistarfsemi sem
verið hefur. Það kostar gífurlegar
fjárhæðir að reka einstakar deildir
og íþróttahreyfinguna í heild, og
það er óhjákvæmileg staðreynd að
| fara verður út í rekstur af einhverju
tagi, sem gefur af sér einhverjar
tekjur.
— Má segja, að við í knatt-
spyrnudeild Vals höfum aflað mik-
illa tekna, en eytt miklu í íþrótta-
starfið. Ef afla á tekna verður að
nást góður árangur á íþróttasviö-
inu, það er forsenda tekjuöflunar.
Við höfum á að skipa mjög góðu
knattspyrnuliði, sem dregur að sér
fjölda áhorfenda og leiktekjur og
öll önnur fjáröflun verður auð-
veldari ef árangurinn er góður.
Kostar 50 þús. að þjálfa leikmann
í 5. fl.
Reynt hefur verið að koma til
móts við leikmenn meistaraflokks
meó því að greiða hluta feröa-
kostnaðar vegna æfinga í formi
bifreiðastyrks. Einnig greiðir
deildin að mestu leyti sumarleyfi
leikmanna meistaraflokks í lok
keppnistímabilsins, fatnað, æf-
ingabúninga, skó og fleira þess
háttar.
Sú spurning vaknar oft, hvað
langt sé í atvinnumennsku í knatt-
spyrnu hér. Það er óralangur veg-
ur framundan, sagði Pétur, en ef til
Pétur Sveinbjarnarson var knattspyrnuhetja fyrr á árum og getur
mlðlað talsverðu af reynslu sinni á því sviði.
17