Frjáls verslun - 01.02.1980, Blaðsíða 9

Tollfrjáls varningur
Ferðamönnum búsettum hér á
landi er heimilt að hafa með sér við
komu til landsins án greiðslu að-
flutningsgjalda varning fenginn er-
lendis í ferðinni, um borð í flutn-
ingsfari eða í tollfrjálsri verzlun hér
á landi fyrir allt að 60 þús. kr. að
smásöluverði á innkaupsstað.
Undantekningar eru þó vöruteg-
undir, sem háðar eru innflutnings-
banni eða takmörkunum sam-
kvæmt sérstökum ákvæðum í
reglugerð. Andvirði matvæla, þar
með talið sælgæti má ekki vera
meira en 15 þús. kr. Börn yngri en
12 ára skulu njóta hálfra þeirra
réttinda, er að framan greinir. Um
áfengi og tóbaksvörur gilda þær
reglur gagnvart ferðamönnum, að
þeir mega flytja inn tollfrjálst 1 lítra
af áfengi undir 47% og 1 lítra af léttu
víni undir 21 % eða þá annað hvort 1
lítra af sterku eða 1 lítra af léttu auk
12 flaskna af sterkum bjór. Heimilt
er að hafa með 200 stk. af vindling-
um eða 250 g af öðru tóbaki.
Ferðamönnum er leyfilegt að halda
til viðbótar allt aö þreföldu magni af
þeim tegundum, sem taldar hafa
verið, þó ekki öli, gegn greiöslu
einkasölugjalds samkvæmt sér-
stakri gjaldskrá. Ber þá ferðamanni
að framvísa varningnum við toll-
gæzlu og greiða tolla þar.
Butik 80 í Bella Center
Ákveðið er að 125 norrænir sýn-
endur og aðrir lengra að komnir
taki þátt í sýningunni Butik
80—Scanshop í Bella Center í
Kaupmannahöfn, sem hefst 27.
marz og lýkur 30. marz. Þetta verð-
ur mjög fjölbreytileg sýning, að því
er segir í fréttum frá Danske Fag-
messer, sem annast undirbúning
hennar. Allar helztu nýjungar í
verzlanainnréttingum verða kynnt-
ar auk fjölbreytilegs úrvals af
hjálpartækjum, sem verða ómiss-
andi í búðum framtíðarinnar, ef þær
eiga að geta gegnt hlutverki sínu í
dreifingarkerfinu. Þeir 125 sýnend-
ur, sem hafa skráð sig til þátttöku,
eru fulltrúar fyrir hin fjölmörgu
fyrirtæki á Norðurlöndum, sem
sérhæft hafa sig í búðarinnrétting-
um og gerð tækja fyrir smásölu-
verzlanir. Hluti sýnenda eru um-
boðsmenn á Norðurlöndum sem
kynna allar helztu nýjungar á hinum
alþjóðlega markaði. Stjórnendur
sýningarinnar telja að meira en
þúsund fyrirtæki eigi beina eða
óbeina aðild að þessari miklu
verzlunarsýningu í Bella Center í
marz.
Ráðstefnur
Fundir—námskeið
í burt frá
bæjarstreitunni
ALLAR FREKARIUPPLYSINGAR
ERU GEFNAR Á SKRIFSTOFU
OKKAR AÐ REYKJANESBRAUT
6, SlMI 25855.
Hin vinsælu EDDU HÓTEL verða
opin frá miðjum júní til Ioka ágúst-
mánaðar.
Hótelin bjóða góða aðstöðu til hvers
konar einkasamkvæma, funda- og
ráðstefnuhalds í þægilegu umhverfi.
Vinsamlegast pantið með góðum
fyrirvara.
FERÐA
SKRIFSTOFA
RÍKISINS
9