Frjáls verslun - 01.03.1980, Síða 32

Hjá Félagi íslenskra iðnrekenda
eru 10 starfsmenn, þar af þrír við-
skiptafræðingar, einn hagfræð-
ingur, einn iðnaðarverkfræðingur
og einn tæknifræðingur.
Á síðasta ári var velta félagsins
140 miljónir króna og var megin-
hluti teknanna féiagsgjöld tæp-
lega 200 félagsmanna. Þau eru
tvenns konar: beinar greiðslur fé-
lagsmanna og iðnaðarmálagjald,
sem öll félög í iðnaði greiða. Það
gjald er innheimt með iðnlána-
sjóðsgjaldi. Samtals nema þessi
gjöld 75% tekna félagsins. Aðrar
tekjur koma af seldri þjónustu og
styrkjum til einstakra verkefna úr
ýmsum sjóöum.
Breytt verkefnaskrá
Valur Valsson framkvæmda-
stjóri Fíl sagði í samtali við Frjálsa
verslun, að framan af hefði aðal-
verkefni félagsins verið að sinna
hagsmunum fyrirtækja gagnvart
opinberum aöilum. Þá hafi tíminn
að mestu farið í tollamál og verð-
lagsmál.
,,í dag hefur þetta breyst svolít-
ið“, sagði hann. „Ennþá fer mjög
mikill tími í að sinna aöbúnaði iðn-
fyrirtækja og reyna að skapa eðli-
legt umhverfi fyrir iðnaðinn. En að
auki er nú lögð áhersla á aðgerðir
til að aðstoða fyrirtækin inn á við.
Þaö felst í ýmiss konar tækniráð-
gjöf og rekstrarráðgjöf."
„Aukin áhersla á aðstoð
við fyrirtækin inn á við”
— segir Valur Valsson,
framkvæmdastjóri
Félags ísl. iðnrekenda
Fatnaður og sælgæti
Á síðasta ári sagði Valur, að
sérstakt átak hafi verið gert í fata-
iðnaðinum til framleiðniaukningar.
Það starf væri enn í fullum gangi
og væri það unniö í samvinnu við
Iðntæknistofnun með styrk frá
Iðnþróunarsjóöi. Hefði þegar
náðst afar merkilegur árangur af
þessu starfi.
Nú er einnig lögð sérstök
áhersla á sælgætisiðnaðinn. Eftir
1. apríl þarf hann að mæta toll-
frjálsri samkeppni og er ætlunin að
gera fyrirtækin betur í stakk búin til
að mæta þeirri samkeppni.
Þá er fyrirhugað að gera átak í
að koma á útflutningi húsgagna í
samvinnu við ýmsa opinbera aðila.
Liður í því verður kynnisferð hús-
gagnaframleiðenda til Finnlands.
Og loks er á döfinni að vinna að
endurbótum í rafiðnaði og þá sér-
staklega rafeindaiðnaði.
Erlendir keppinautar
„Vaxandi áhersla er lögð á að
félagið fylgist með aðbúnaði er-
lendra fyrirtækja," sagði Valur.
„Viö teljum nauðsynlegt að koma í
veg fyrir aögerðir, sem skekkja allt
tal um fríverslun. Það hefur verið
slælega staðið að skoðun þessara
mála, en nú hefur orðið breyting
þar á.
Á þessu ári hefst loks innan
EFTA alvörukönnun á styrktarað-
gerðum. Við þurfum að leggja
mikla vinnu í að fylgja því eftir. Við
getum ekki keppt við ríkissjóði
þessara landa."
Fjölgun félagsmanna
Valur sagði, aö mörg fyrirtæki í
iðnaði stæðu enn utan félagsins,
en nytu þó að mörgu leyti góðs af
starfi þess. Nú væri ætlunin að
reyna að fjölga félagsmönnum,
m.a. til að vega upp á móti hækk-
uðum félagsgjöldum til Vinnuveit-
endasambandsins.
Hinar nýju gjaldareglur sam-
bandsins hafa þau áhrif, að þegar
þær verða að fullu komnar til
framkvæmda, munu árleg félags-
gjöld félagsmanna F(l til VSÍ fjór-
faidast. Á síðasta ári voru þau 11
miljónir króna, en verða um 40
miljónir miðað við sama verðgildi.
Valur sagði, að vegna þessa
myndu heildarfélagsgjöld verða
að hækka eitthvað frá því sem nú
er.
32