Frjáls verslun - 01.02.1986, Síða 54

íslensk verktakastarf-
semi erlendis á sér ekki
langa sögu. Nokkur fyrir-
tæki hafa þó reynt fyrir
sér erlendis en fram til
þessa hafa verkefnin nær
eingöngu verið í vanþró-
uðum löndum Afríku eða í
Arabaheiminum. Það má
því segja að íslensk verk-
takafyrirtæki hafi leitað
langt yfir skammt, því
sama og ekkert hefur verið
unnið hér í nágrannalönd-
unum. Það heyrir því til
tíðinda að verktakafyrir-
tækið ístak hf. hefur tekið
að sér stórt verk í Færeyj-
um við að reisa sorpeyð-
ingarstöð í næsta ná-
grenni Þórshafnar.
ístak hf Byggir sorpeyðingar- stöð í Færeyjum
Og Færeyjar eru ekkert til að fúlsa við. Miklar framkvæmdir eru í gangi og fjármagn skortir svo sannarlega ekki. Allir hafa heyrt um fram- kvæmdir á sviði samgöngumála, vega- og jarðgangagerðar en í þeirri umræðu gleymist oft hvaðan fjár- magnið er fengið. Það er ekki haft hátt um það í Færeyjum, en sannleik- urinn er sá að dönsk yfirvöld “dæla“ fjármagni til Færeyja, sem síðan er notað til ýmiss konar uppbyggingar. Færeyingar ráða ekki sjálfir yfir þeim tækjabúnaði og þeirri þekkingu sem þarf til margra þessara verka og það er þar sem erlendu verktakafyr- irtækin koma til sögunnar. Dönsk fyrirtæki eru t.d. mjög umsvifamikil á eyjunum og nægir þar að nefna stórfyrirtækið E. Phil & sön, en ístak hf. er einmitt undirverktaki hjá því fyrirtæki. Frjáls verslun var nýlega í Færeyjum og þá var tækifærið notað til að ræða við Sævar Kristbjörns- son, verkstjóra hjá ístaki hf. Snyrtilegur f rágangur Það stóðu yfir miklar sprengingar á vinnusvæði ístaks-manna er blaða- menn FV bar að garði. Eins og á svo mörgum öðrum stöðum í Færeyjum er undirlendi af skornum skammti, þar sem sorpeyðingarstöðin á að rísa en þetta vandamál leysa heimamenn og verktakar með því að búa undir- lendið til. Það er einfaldlega gert með því að taka stykki úr hlíðinni, en Færeyingar mega eiga það að þeir ganga mjög snyrtilega frá þannig að landslagið ber sjaldan skaða af. Oft eru hús og byggingar byggðar inn í brekkuna og torfþök sett á og oftast er frágangurinn slíkur að erfitt er að koma auga á mannvirkin. Það verður að vísu ekki hægt að leyna sorpeyð- ingarstöðinni sem ístak er að byggja en Sævar Kristbjörnsson, verkstjóri fullvissar okkur um að það verði gengið frá verkinu, samkvæmt “fær- eyskri fyrirmynd". — Okkar verk er fólgið í því að við sprengjum fyrir stöðinni, byggj- um hana og skilum tilbúinni með öll- um lögnum, malbikuðum stæðum, gróðri og girðingum, segir Sævar en samkvæmt upplýsingum hans er hér um að ræða nokkur hús á rúmlega