Frjáls verslun - 01.06.1987, Qupperneq 27

v •- V' *" '■ -'v *' * *' : ‘
Samkvæmt upplýsingum frá Fararheill ’87 eru aö meðaltali keyrðir 42 bílar
í klessu á degi hverjum.
þjóðarinnar örugga lífsafkomu og
það er nú töluvert.“
Forsvarsmenn bílaumboða hér á
landi eru margir hverjir á móti inn-
flutningi einkaaðila á notuðum bílum
en sú starfsemi hefur aukist veru-
lega á síðustu misserum þótt það sé
ekki á allra færi að „ná sér í einn að
utan.“ Menn verða að vera með til-
tölulega bólgin veski til að geta stað-
greitt bílinn erlendis, því ekki taka
þeir notaðan bíl upp í þarna ytra. En
þrátt fyrir þennan vankant, flutn-
ingskostnað og tolla, verða bílarnir
hingað komnir töluvert undir gang-
verði. En um leið missa bílaumboðin
feitan spón úr aski sínum. Hvaða
augum lítur Asgeir Gunnarsson bíla-
innflytjandi á þetta einstaklingsfram-
tak?
„Já, það er rétt að bílaumboðin líta
misjöfnum augum á þennan inn-
flutning en ég held að ekki sé hægt
að sporna við honum enda tel ég það
ekki nauðsynlegt. Eg er ánægður ef
hingað til lands koma fleiri Volvo bíl-
ar en við flytjum inn. Þótt við fáum
ekki sölulaun fyrir bílana sem ein-
staklingar flytja inn þá komum við
eftir sem áður til með að veita bílun-
um þjónustu. Þeir skapa verkefni
fyrir verkstæði okkar.“ Þetta sjónar-
mið á enn þetur við ef bílar eru fluttir
inn laskaðir eftir árekstur, eins og
algengt er orðið. Þeir bílar eru fluttir
inn í skjóli þess að verkstæðistíminn
sé ódýrari hér heima en ytra, einkan-
lega í Bandaríkjunum. Fyrir vikið er
verð klesstra bíla lægra úti en hér. Af
þessum sökum verða tollarnir einnig
lægri og heildarverð bílsins eftir að
búið er að gera við hér heima er eink-
ar hagstætt. En það besta við þetta
er að verkstæðunum hér er sköpuð
atvinna. Reyndar segir Ásgeir Gunn-
arsson að nú sé svo komið að
mennta þurfi fleiri þifvélavirkja til að
verkstæðin geti valdið aukinni eftir-
spurn næstu ára. „Því miður er
ástandið þannig að bekkirnir eru hálf
tómir uppi í Iðnskóla og ráða verður
bót á því með aukinni kynningu. Það
er ekki í tísku lengur að læra bifvéla-
virkjun en þegar atvinnuöryggið er
tryggt er von þetri launa og því ætti
að vera hægt að laga þetta.“
Vantar bifvélavirkja?
Guðmundur Guðlaugsson yfirken-
nari í Iðnskólanum í Reykjavík
staðfesti orð Ásgeirs í samtali við
Frjálsa verslun. Hann sagði bifvéla-
virkjun hafa orðið einna verst úti í
þeirri lægð sem málmiðnaðurinn hef-
ur verið í að undanförnu, „en ég
vona sannarlega að botninum sé
náð. I fyrra þurftum við í fyrsta
skipti að leggja niður deild vegna
lítillar eftirspurnar. Okkur tókst
hinsvegar að halda í horfinu nú í ár
en spurningin er hvað gerist eftir
áramót. Við gætum þurft að leggja
niður deild en einnig má vera að
skattlausa árið spili þarna inn í. Við
tökum inn nýnema tvisvar á ári, að
hausti og um áramót. Skattlausa árið
gæti stuðlað að meiri eftirspurn eftir
vinnu sem skilar ef til vill fleiri nem-
endum í skólana eftir áramót.“
Ætla mætti að aukin bílaeign
landsmanna auki eftirspurn eftir
bifvélavikjum. Stefnir í óefni á mark-
aðnum ef skólinn nær ekki að
mennta fleiri bifvélavirkja?
Guðmundur segir erfitt að svara
því að svo stöddu. „Hinsvegar má
búast við því að aukinn bílainnflutn-
ingur bæti laun bifvélavirkja og auki
starfsöryggi þeirra. Að þeim forsend-
um gefnum megum við allt eins
búast við fjölgun í greininni en hún
fylgir ekki bílaeigninni, hún kemur
síðar. Ég geri ráð fyrir því að úr
þessu rætist strax á vori komanda
með fjölgun nemenda á næsta skóla-
ári.“
En þrátt fyrir allt er ósvarað veiga-
mikilli spumingu. Eiga Islendingar
of marga bíla. Endursölumarkaður-
inn er ákaflega tregur og hefur verið
það á síðustu mánuðum. Halldór
Sverrisson hjá Aðal-Bílasölunni
27