Frjáls verslun - 01.04.1993, Blaðsíða 35

ERLENT
HINN NÝIFORSTJÓRIIBM:
LOUIS V. GERSTNER
Eftir nokkra leit varð Louis V.
Gerstner fyrir valinu sem for-
stjóri IBM. Hann er 51 árs og
hans bíður erfitt verk; að koma
IBM aftur á beinu brautina.
Gerstner kemur til IBM úr for-
stjórastól tóbaks og matvæla-
fyrirtækisins Nabisco. Aður var
hann hjá American Express.
Það skemmtilega við ráðningu
hans er að hann er hvorki tækni-
maður né dellukarl um tölvur.
Enda hefur IBM þegar nóg af
afburðamönnum á því sviði. Ger-
stner kann hins vegar að stjórna
og selja. Kenningin segir að það
gildi einu hvort varan sé kex,
krítarkort eða tölvur, lögmálin
við að selja séu þau sömu.
Fyrir áhugamenn um stjórnun
verður forvitnilegt að sjá hvort
þessi kenning gengur upp hjá
IBM með ráðningu Gerstner.
Nær hann að sýna í verki að það
sem gildi við rekstur fyrirtækja í
tölvuframleiðslu sé það sama og
annars staðar; hæfileikinn til að
stjórna fólki og hvetja það til að
ná árangri. Þess rná geta að nú-
verandi forstjóri Apple, John
Scully, var áður hjá Pepsi Cola.
IBM fer því svipaða leið í vali á
forstjóra.
Louis Gerstner hefur náð frábær-
um árangri með Nabisco fyrirtækið.
Hann þykir slyngur samningamaður
og laginn við að skera niður kostnað í
fyrirtækjum. Það er af sumum raunar
talið koma honum til góðs að vita lítið
um tölvur. Það tákni nefnilega að
hann gangi inn í forstjóraherbergið hjá
IBM án þess að hafa myndað sér
skoðanir fyrirfram. Eða, eins og Jam-
es E. Ousley forstjóri Control Data
Systems orðar það: „Ég segi ekki að
tækni sé ekki mikilvæg en staðreynd-
in er samt sú að þeir þættir sem
skipta sköpum eru salan, markaðs-
málin og fjármálin."
En þótt kenningin sé sú að sömu
lögmál gildi við sölu á kexi og tölvum
er stóra spurningin auðvitað; hvað
með reynsluna af tölvum þegar í sjálf-
an tölvuheiminn er komið? Þegar
kaldur raunveruleikinn tekur við?
Reyndin er sú að tölvuiðnaðurinn hef-
ur reynst mörgum framkvæmda-
stjórum, sem koma úr öðrum grein-
um, erfiður. Þá hefur skort reynsluna
og þó fremur innsýnina. En það eru
líka til dæmi um árangur utanaðkom-
andi manna. Þau eru flest um tölvu-
fyrirtæki á niðurleið sem þurftu á
mönnum með fjármálavit að halda er
gætu skorið kostnað hraðar niður en
tekjurnar féllu. Þeir minnkuðu fyrir-
tækin.
Ef það er það sem stjórarmenn í
IBM vilja getur Gerstner eflaust náð
árangri. En ef markmið stjórnar IBM
-og Gerstners sjálfs- eru háleitari
blasir við löng barátta upp brekkuna.
Það mun ekki síst reyna á þolrifin í
honum að koma IBM risanum aftur á
skrið þar sem hann kemur frá fyrir-
tæki þar sem árangur af þróunarstarfi
og sölumennsku sést mun fyrr en hjá
IBM.
John Sculley, forstjóri Apple,
er líklegast besta dæmið um for-
stjóra, sem ekki kemur úr tölvu-
heiminum en hefur náð árangri í
að stjórna tölvufyrirtæki. Mun-
urinn á komu Sculley til Apple og
Gerstner til IBM er sá að tækni-
lega var Apple á uppleið þegar
Sculley réðst til fyrirtækisins.
Hann þurfti ekki að leggjast undir
feld og marka nýja stefnu í tækni-
málum. Tæknin var á hreinu með
Macintosh sem grunn. Hann gat
því lagt áherslu á að víkka grunn-
inn, eins og að leggja áherslu á
auknar nettengingar, og fara nýj-
ar leiðir á markaðnum.
Gerstner þarf hins vegar að
skilgreina upp á nýtt í hvaða tölv-
uviðskiptum IBM ætlar sér raun-
verulega að vera í. Ætli hann að
ná árangri og auka vöxt fyrirtæk-
isins þarf hann að gera tvennt.
Hann þarf að ráða í kringum sig
hóp tæknisnillinga sem ráðleggja
honum. Síðan verður hann að gefa
öllum yfirmönnum í fyrirtækinu það
sjálfstæði og frelsi sem þeir þurfa til
að vera samstíga tækninýjungum en
ekki síður þörfum viðskiptavinanna.
Ljóst er að Gerstner fer úr öruggu
sæti hjá Nabisco í heitan stól hjá IBM
vegna þess að hann lítur á það sem
ögrun fyrir sjálfan sig í stjómun. Tak-
ist honum að endurreisa IBM-risann
verður hann ekki aðeins hetja heldur
kemst hann á spjöld sögunnar yfir
hæfustu forstjórana. í því felst metn-
aður hans.
(Byggt á Businees Week)
Hinn nýi forstjóri IBM, Louis V. Gerstner, er
51 árs. Menntaður í Harvard. Fljótur að til-
einka sér nýjungar. Mikill sölumaður. Talinn
óþolinmóður. Þykir frábær í að marka heildar-
stefnu og láta yfirmenn deilda njóta sín.
Greiddi niður ótrúlegar skuldir Nabisco. Mikill
áhugamaður um garðrækt. Áfjáður golfleikari.
35