Frjáls verslun - 01.04.1993, Blaðsíða 46
TOLVUR
NÝR PRENTARIFRÁ OKI
Þótt geislaprentarar séu mikil
framför leysa þeir ekki nálaprentara
af hólmi. Ástæðurnar eru m.a. þær
að afköst nálaprentara eru margföld,
reksturskostnaður þeirra er mun
minni, þeir geta prentað í margriti
(t.d. gíróseðla) sem geislaprentarar
geta ekki og síðast en ekki síst eru
þeir mun ódýrari.
Nú eru komnir á markaðinn hér-
lendis nálaprentarar af nýrri kynslóð
frá OKI sem hefur verið ein þekkt-
asta tegund tölvuprentara hérlendis
sl. 10 ár; Microline 590 og 591, sem
byggja á nýrri tækni sem er m.a. fólg-
in í hugbúnaði sem stýrir nálahausn-
um. Þessi tækni, sem er þróuð af
OKI í Japan, nefnist „Intelligent Head
Technology" og lýsir sér í því að nála-
hausinn skynjar m.a. pappírsþykkt og
getur þannig aðlagað og stillt prentun
á sjálfvirkan hátt þannig að hún verð-
ur ávallt með hámarksgæðum þótt
verkefnin séu af mismunandi toga.
Hausinn skynjar m.a. pappírsþykkt-
ina fyrir hverja línu í senn sem þýðir
að hægt er að prenta með jöfnum
gæðum á pappír með mismunandi
TEXTI: LEÓ M. JÓNSSON
yfirborði, t.d. á þann hluta sem kann
að vera upphleyptur.
Stundum þarf að prenta efst á blað-
ið. Yfirleitt kostar það talsverðar til-
færingar, jafnvel þótt prentarinn sé af
vandaðri gerð. Nýi prenthausinn frá
OKI leysir þetta vandamál á einfaldan
og öruggan hátt; það er ekkert auð-
veldara en að láta hann prenta í efstu
línu sé þess óskað og það rýrir ekki
aðra eiginleika prentarans. Munurinn
á þessum gerðum er sá að Microline
590 tekur allt að 254 mm breiða örk
(80 10 pt. stafi í Iínu) en 591 rúmlega
406 mm breiða (13610 pt. stafi í línu).
Báðir eru með 24ra nála prenthaus.
í venjulegri vinnslu eru afköstin
360 stafir á sek. en 120 stafir í 12
punkta bréfletri. Stafaþéttni getur
verið 1-20 stafir á tommu auk þess
sem hægt er að hafa misjafnt stafabii.
Velja má 10 mismunandi leturfonta og
grafísk þéttni getur verið allt að
360x360 doppur á tommu. Prentar-
arnir eru samhæfðir IBM Proprinter
og Epson LQ og eru með 64 Kb bið-
minni. Hljóðstyrkur í vinnslu er 52-55
dBA.
RAÐAR ÍSLENSKUM STÖFUMI dBASE
íslensk forritaþróun sf. hefur
uppfært ÓpusAllt hugbúnaðinn með
útgáfu 1.2. í nýju útgáfunni er að
finna margar athyglisverðar nýjung-
ar, þ.e. viðbætur semþeir notendur
útgáfu 1.1, sem hafa gert þjónustu-
og viðhaldssamning við ÍF, fá end-
urgjaldslaust.
Þetta umfangsmikla kerfi hafði
verið marga mánuði til prófunar hjá
ákveðnum notendum áður en dreif-
ing hófst. Af mörgum nýjungum í
ÓpusAllt má nefna aukna möguleika
á skjalaskiptum á milli tölva (SMT)
en á því sviði hefur IF haft ákveðna
forystu, eins og segir í fréttabréfi
fyrirtækisins. SMT tenging við
Tollstjórn er í stöðugri þróun og er
hagræði notenda, svo sem innflytj-
enda, af ÓpusAllt SMT sagt vera
svo mikið að kerfið geti borgað sig
upp á skömmum tíma. Þá njóta þeir
sem eru í „pappírslausum viðskipt-
um“ tollkrítar.
Tenging SMT kerfisins við Ópus-
Allt viðskiptahugbúnaðinn er þannig
að einungis þarf að styðja á hnapp til
að senda nótur og önnur skjöl á milli
tölva. Nefna má ÓpusAllt bílatölvu-
tengingu en það er nýtt undirkerfi
birgðabóklialds. Með henni er hægt
að nota fartölvu til að skrá sölu og
birgðastöðu jafnóðum og vörur eru
seldar og afhentar úr bíl. ÓpusAllt
sér um að senda upplýsingar um
vörur og viðskiptamenn til bílatölva,
lesa upplýsingar um sölu úr minni
bílatölva og uppfæra þannig jafnóð-
um birgða-, viðskiptamanna- og
fjárhagsbókhald auk þess að upp-
færa pantanakefið.
46