Frjáls verslun - 01.04.1993, Blaðsíða 14
FRETTIR
SETNINGAR MÁNAÐARINS
LANDSBANKINN FÉLAGSMÁLASTOFNUN
„Það má auðvitað segja að Landsbankinn hafi um
langa hríð verið notaður eins og félagsmálastofnun
atvinnulífsins."
— Davíð Oddsson forsætisráðherra.
YFIRSTÉTTIN GÆTI EKKISKÚRAÐ GÓLF
„Björgun Landsbankans er enn eitt dæmið um, að
þjóðmál og fjármál eru í höndum ábyrgðarlausrar yfir-
stéttar, sem gæti ekki einu sinni skúrað bankagólfin.“
— Jónas Kristjánsson, ritstjóri DV.
NÝLENDUNEFND EN EKKITVÍHÖFÐANEFND
„Ef starf nefndarinnar miðast allt við „hagnað“ út-
gerða (hráefnisaðilans), ætti nefndin af efnislegum
ástæðum að heita „Nýlendunefnd“ en ekki Tvíhöfða-
nefnd, þar sem allt miðast við handhafa hráefnisins en
hagsmunir annarra, s.s. vinnslunnar, eru látnir lönd
og leið.“
— Baldur Pétursson viðskiptafræðingur.
SÆGREIFAR í ÍSLENSKU LÉNSKERFI
„Dönsku einokunarkaupmennirnir verða í mínum
augum eins og starfsmenn hjálparstofnunar í saman-
burði við sægreifana í hinu íslenska lénskerfi.“
— Magnús Jónsson veðurfræðingur.
NÁMSMENN Á BÍÓBARNUM
„Þetta er kannski ekki nein stór upphæð en til hvers
er ríkisvaldið að lána mönnum eins og okkur 300 þús-
und á ári til að eyða í viðbót á Bíóbarnum?“
— Armann Jakobsson og Flosi Eiríksson, háskóla-
nemar um Lánasjóð námsmanna.
ÞÝSKALAND EINS OG SKEMMTIGARÐUR
„Þjóð, sem vill eiga sér framtíð, getur ekki skipulagt
sig eins og skemmtigarð. I þýskalandi er vinnuvikan
styst, stúdentarnir elstir og eftirlaunaþegarnir yngst-
ir.“
— Helmut Kohl, kanslari Þýskalands.
HJÓN MEÐ BÖRN ÖRUGGARILÁNTAKENDUR
„Breskt byggingarfélag telur að ógift pör séu 50%
líklegri til að standa ekki í skilum en hjónafólk og að
hjón með börn séu öruggari lántakendur en barnlaus
hjón.“
— Ur leiðara The Economist.
NÆG ATVINNA VEGNA ERLENDRA LÁNA
„Sannleikurinn er sá að háu atvinnustigi hefur verið
haldið uppi hér á landi um langt skeið með hallarekstri
ríkissjóðs og skuldasöfnun erlendis."
— Jóhannes Nordal, Seðlabankastjóri í
Fjármálatíðindum.
ERLENDIR FJÁRFESTAR ÓVELKOMNIR
„Á Verðbréfaþingi Islands eru nú skráð 17 félög en
fjárfestingar erlendra aðila eru annaðhvort óheimilar
eða óæskilegar í 14 af þessum 17 félögum. Af þessu má
vera ljóst að við erum ekki að bjóða erlenda fjárfesta
velkomna.“
— Guðmundur Hauksson, Kaupþingi, á
ársþingi iðnrekenda.
KRÖFLUSAGA í ÞORSKVEIÐUM
„Nær hefði verið að taka Kröflusöguna sem hlið-
stæðu þess hvað gerist þegar ekki er farið að vísinda-
legri ráðgjöf. Það er einmitt það sem hefur gerst í
stjórn á veiðum á íslenska þorskstofninum."
— Jakob Jakobsson, forstöðumaður
Hafrannsóknastofnunar.
EKKI BENDA Á MIG...
„Ég svara ekki til um málefni bankans við fjölmiðla.
Ég bendi á Sverri og Halldór.“
— Björgvin Vilmundarson, bankastjóri
Landsbankans.
ÉG VANN VIÐ ÓVIÐUNANDISKILYRÐI
„Starfsskilyrði bankastjórnar voru algjörlega óvið-
unandi, ríkisafskiptin of mikil og eftirlitið of lítið. Þá
voru ekki taldar pólitískar forsendur fyrir því að taka á
málinu."
— Jónas Haralz, fyrrverandi bankastjóri
Landsbankans.
14