Frjáls verslun - 01.04.1993, Blaðsíða 60
ERLENT
lækkað. Jafnframt hafi viðskiptavinir
fyrirtækisins haft á orði að það sé
auðveldara að skipta við það.
Weyerhaeuser hefur nú gert ár-
lega starfsþjálfun framkvæmda-
stjóranna að föstum lið. „Fyrir tíu ár-
um eyddu helstu stjórnendur fyrir-
tækisins kannski einum degi á ári í
þjálfun en nú eyða þeir um tveimur til
fjórum vikum í að læra og miðla öðr-
um starfsmönnum af reynslu sinni á
námskeiðum.“
Þrátt fyrir þetta sendir Weyer-
haeuser enn framkvæmdastjóra á
stjórnunamámskeið í Harvard og
aðra þekkta háskóla. En frá því hin
stuttu námskeið hófu innreið sína hef-
ur viðhorf framkvæmdastjóranna til
skólanna breyst.
TÓK VERKMENNTUN FRAM YFIR
NÁMSKEIÐ í STANFORD
Einn framkvæmdastjórinn, Robert
M. Wiggins, sem rekur stóra timb-
urverksmiðju fyrir fyrirtækið í Wash-
ington fylki, neitaði til dæmis að fara á
þriggja mánaða stjórnunarnámskeið í
Stanford háskóla fyrir framkvæmda-
stjóra. Hann bað þess í stað um að fá
að fara í þriggja mánaða verknám til
Ford bílaverksmiðjanna. Hann vann
þar almenn verkamannastörf um tíma
og leysti af sem verkstjóri í einni
framleiðsludeildinni um tíma. Hann
var einfaldlega úti á gólfinu en ekki við
skrifstofustörf. Hann setti sér það
sem mark að kynnast sem flestum
störfum í fyrirtækinu.
Þegar hann kom til baka til
Weyerhaeuser og þurfti að flytja er-
indi um þjálfun sína í ráðstefnusal
fyrirtækisins kom hann öllum á óvart.
Hann ók Ford Taurus bíl inn á mitt
gólfið fyrir framan framkvæmda-
stjóranna. Hann opnaði síðan vélar-
hlífina og byrjaði að skýra frá því sem
hann hafði lært.
Önnur fyrirtæki hafa farið aðrar
leiðir í þjálfun og menntun fram-
kvæmdastjóra sinna. Fyrir fjórum ár-
um vildi Chrysler bílafyrirtækið að
æðstu stjórnendur — sem og milli-
stjómendur — kæmu saman og skil-
greindu helstu vandamál fyrirtækis-
ins og finndu leiðir til úrbóta. Fengnir
voru þrír fyrrverandi prófessorar við
Harvard til að halda utan um vinnuna
sem fór fram í utanaðkomandi ráð-
stefnusal. Þeir voru sem sagt ekki í
skólahúsnæði eða salarkynnum fyrir-
tækisins.
Prófessorarnir skiptu öllum þátt-
takendum í 40 manna hópa og létu þá
skoða raunveruleg dæmi úr við-
skiptalífinu líkt og Harvard skólinn
leggur mikið upp úr. Þannig voru þeir
látnir læra að skilgreina efnislega
hvernig reka ætti fyrirtæki og hvaða
aðferðir væru almennt fyrir hendi við
stjórnun. Síðan voru þeir látnir bera
saman þróunar- og framleiðsluferilinn
hjá Mitsubishi bflaverksmiðjunum og
Chrysler. Þeir komust að því að það
er ekki munur á hæfileikum verk-
fræðinga hjá fyrirtækinu heldur upp-
götvuðu þeir í gegnum rannsóknir
sínar að stjórnunin hjá Chrysler er of
tafsöm, tekur of langan tíma.
„Það hefði aldrei verið hægt að láta
þá skilja þetta með því að flytja yfir
þeim hefðbundnar ræður um stjórn-
un. Þeir urðu að kynnast muninum á
stjórnun fyrirtækjanna af eigin raun
og komast að honum sjálfir. Þeir upp-
götvuðu líka að það var á þeirra færi
að breyta stjórnuninni hefðu þeir
áhuga,“ segir Richard Hamermesh
einn að leiðbeinendunum á námskeið-
inu.
Við veitum lán til
athafnaskálda
sem yrkja framfaraverk
á Vestur - Norðurlöndum
Lánasjóður Vestur-Norðurlanda er f eigu Norðurlandanna
allra og er samvinnuverkefni til eflingar og þróunar
atvinnulífi í Færeyjum, á Grænlandi og Islandi.
Sérstök áhersla er lögð á verkefni sem geta þróað nýja
framleiðslu til útflutnings, eða bætta þjónustu og
nýsköpunarverkefni, sem byggja á hugvitsauðlind
þegnanna.
Starfsmenn sjóðsins meta arðsemi verkefna í samvinnu
við umsækjendur og lögð er áhersla á, að komast skjótt að
niðurstöðu.
Lán eru gengistryggð og með hagstæðum greiðslukjörum.
Trygging fyrir láni skal vera veð í fasteign eða
bankaábyrgð.
Skilyrt lán frá sjóðnum eru einnig í boði, til dæmis
vegna forkönnunar á verkefni.
Hafðu samband. Við veitumfúslega nánari upplýsingar
um lán til raunhæfra framfaraverkefna í öllum
atvinnugreinum.
Á LÁNASJÓÐUR VESTUR-NORÐURLANDA
Rauðarárstígur 25, Box 1 25 Reykjavík
Sími: (91) - 60 54 00 Fax: (91)-2 90 44