Frjáls verslun - 01.01.1999, Blaðsíða 76

Styrmir Gunnarsson, ritstjóri Morgublaðsins: „í raun og veru vorum við Gunnar Bergmann
að framkvœma óskir og hugmyndir Birgis heitins Kjaran. “ FV-myndir: Geir Olajsson.
Þátlaskíl í umtjöllun
fjölmiðla um viðskípti
Styrnir Gunnarsson, ritstjóri Morgunblaðsins, var ritstjóri
Frjálsrar verslunar á árunum 1963 til 1964 ásamt
Gunnari Bergmann.
ími minn sem ritstjóri Fijálsrar
verslunar var ekki langur. Þetta
var hlutastarf með námi mínu í
Háskóla Islands. Aðdragandi þess að ég
tók ritstjórastarfið að mér var sá að ég
hafði verið starfandi í Sjálfstæðisflokknum
allt frá því að ég lauk stúdentsprófi. Þegar
ég hóf þátttöku í flokksstarfi má segja, að
Birgir heitinn Kjaran hafi tekið mig upp á
sína arma og sýnt mér mikla vinsemd. Eg
hef alltaf talið að það hafi verið vegna þess
að hann og faðir minn, og raunar föðurfjöl-
skylda mín að töluverðu leyti, höfðu átt
samleið í öðrum stjórnmálasamtökum
sem hér störfuðu um skeið fyrir stríð.
Birgir var þróttmikill og eftirminnilegur
forystumaður í stjórnmálum, sem hefði átt
að komast til meiri áhrifa. A milli okkar
hélzt samband til æviloka hans,“ segir
Styrmir Gunnarsson, ritstjóri Morgun-
blaðsins.
„Gunnar Bergmann var einnig ritstjóri
Frjálsrar verslunar á sama tíma. I raun og
veru vorum við Gunnar að framkvæma
óskir og hugmyndir Birgis. Mig minnir að
ég hafi haft mest gaman af því að skrifa
leiðara í Fijálsa verslun og koma þar á
framfæri eigin hugmyndum um stjórn-
málaástandið á þeim tíma,“ segir Styrmir.
GJÖRBREYTT VIÐSKIPTALÍF
„Samskipti viðskiptalífs og fjölmiðla
hafa gjörbreytzt. Eg tel að það hafi orðið
þáttaskil þegar Morgunblaðið hóf útgáfu á
sérstöku viðskiptablaði um miðjan síðasta
áratug. Þá var farið að fjalla um viðskiptalíf-
ið með öðrum hætti en gert hafði verið.
Fram að þeim tíma höfðu bæði dagblöð og
aðrir fjölmiðlar tilhneigingu til að líta
þannig á að umfjöllun um viðskiptalífið og
einstök fyrirtæki væri auglýsingastarfsemi
fýrir viðkomandi fýrirtæki. Menn voru
mjög varir um sig þegar fyrirtæki áttu í
hlut
Með útgáfu Viðskiptablaðs Morgun-
blaðsins fóru menn að sjá viðskiptalífið í
nýju ljósi. Forsvarsmenn fyrirtækjanna
sjálfra áttu í byrjun erfitt með að laga sig að
þessari breytingu. Eg var í símanum á
hverjum fimmtudegi í tvo mánuði að út-
skýra fyrir reiðum forstjórum að umflöllun
um keppinauta þeirra væri af fréttalegum
ástæðum en ekki væri um að ræða tilraun
til að auglýsa þessi fýrirtæki upp. Það er lít-
ið um slík viðbrögð nú, þótt þau komi alltaf
við og við. Víðtæk umfjöllun um viðskipta-
lífið á síðum Morgunblaðsins, í Viðskipta-
blaðinu, sem OIi Björn Kárason stofnaði, í
Frjálsri verslun og í öðrum fjölmiðlum, hef-
ur orðið til þess að gjörbreyta viðhorfi al-
mennings til fyrirtækja og starfsemi
þeirra. Raunar tel ég að útgáfa okkar á
Verinu, sérblaði um sjávarútvegsmál hafi
haft sömu áhrif og eflt skilning almennings
á mikilvægi sjávarútvegs fýrir þjóðarbú-
skap okkar. Fijáls verslun hefur breytzt
mikið á undanförnum árum og á sinn þátt
í þessari þróun.
Hins vegar er ekki hægt að líta fram
hjá joví að það eru ákveðin vandamál því
samfara fyrir ijölmiðla að fjalla um við-
skiptalífið hér á landi. Návígið í þjóðfélagi
okkar veldur því. Fjölmiðlarnir þurfa auð-
vitað að fjalla á gagnrýnni hátt um við-
skiptalífið og einstök fyrirtæki en þau gera,
en vandamálin sem af því leiða eru marg-
vísleg. Stjórnmálamenn eru tilbúnari til að
taka gagnrýni en forsvarsmenn fýrirtækja.
Eg er þeirrar skoðunar að þetta hái
umfjöllun um viðskipti í fjölmiðlum. Við
þurfum að þróa viðskiptablaðamennsku
og ná betri tökum á því að fjalla á faglegan
hátt um fyrirtæki, stöðu þeirra og aíkomu
ekki sísttil þess að upplýsa almenning sem
er að fjárfesta í þessum sömu fyrirtækjum.
En til þess þarf blaðamenn með sérþekk-
ingu í viðskiptamálum, viðskiptafræðinga
og hagffæðinga. Það er ekki auðvelt fyrir
fjölmiðla að fá menn með þá sérþekkingu
til starfa, enda æskilegast að þeir hafi
einnig reynslu í blaðamennsku.
Frjáls verslun er auðvitað allt annað
blað en það var fyrir rúmum þrjátíu árum.
Það er orðið metnaðarfullt viðskiptatímarit
og hefur mjög ákveðnu hlutverki að
gegna. Eitt af því jákvæða sem Fijáls versl-
un gerir, er að draga fram í sviðsljósið nýtt,
ungt fólk sem er að hasla sér völl í við-
skiptalífinu. Almennt finnst mér Frjáls
verslun gott blað og merkilegt hve langa
sögu það á að baki,“ segir Styrmir. (11
Hins vegar er ekki hægt aö iíta fram hjá því aö þaö eru ákveðin vandamál því samfara
fyrir fjöimiðla aö fjalla um viöskiptalífiö hér á landi. Návígið í þjóöfélagi okkar veldur því.
TEXTI: ISAKORN SIGURÐSSON
76