Morgunblaðið - 10.01.2001, Blaðsíða 18

AKUREYRI
18 MIÐVIKUDAGUR 10. JANÚAR 2001 MORGUNBLAÐIÐ
SIV Friðleifsdóttir umhverfisráð-
herra opnaði í gær skilavef veiði-
stjóraembættisins á Akureyri með
því að senda um 3.700 veiðikort-
höfum lykilorð í tölvupósti. Þetta
markar tímamót í sögu veiðikorta-
kerfisins því þessir veiðikorthafar
geta síðan skilað veiðiskýrslum og
sótt um nýtt veiðikort algerlega
rafrænt.
Umhverfisráðherra lýsti yfir
ánægju með þetta framtak og sagði
að með þessu væri verið að bæta
þjónustuna og gera hana vistvænni,
auk þess sem skil á upplýsingum
yrðu betri.
Að sögn Áka Ármanns Jónssonar
veiðistjóra er skilavefurinn í fimm
auðveldum skrefum og það tekur í
mesta lagi nokkrar mínútur að fara
í gegnum skila- og umsóknaferlið.
„Við reyndum að hafa ferlið einfalt
og fjótlegt svo að vefurinn anni um-
ferðinni. Vonir eru bundnar við að
helmingur allra veiðikorthafa skili
skýrslu og sæki um nýtt veiðikort á
Netinu. Veiðikorthafar sem fá
veiðiskýrsluna senda heim í pósti
geta líka skilað skýrslunni á Netinu
og sótt um nýtt veiðikort en lyk-
ilorð er prentað framan á veiði-
skýrsluna,“ segir Áki Ármann.
Hugmyndin með skilavefnum er
að minnka pappírsflóðið sem fylgir
núverandi kerfi. Það sparar prent-
un á veiðiskýrslum og umslögum,
póstburðargjöld og innslátt bæði á
skýrslum og umsóknum. Að sögn
Áka Ármanns er ekki vanþörf á, því
veiðikorthöfum hefur fjölgað um
5.500 á fimm árum, úr 11.000 í
16.500 með tilheyrandi kostnaðar-
hækkunum.
Umhverfisráðherra opnaði skilavef veiðistjóraembættisins
Tímamót í sögu
veiðikortakerfisins
Morgunblaðið/Kristján
Siv Friðleifsdóttir umhverfisráðherra opnar skilavef veiðistjóraemb-
ættisins. Við hlið hennar stendur Áki Ármann Jónsson veiðistjóri.
ÞRÍR félagar í björgunarsveitinni
Súlum á Akureyri skoðuðu neyð-
arskýli á Öxnadalsheiði á ferð sinni
þar um í gær. Eins og fram kom
Morgunblaðinu á sunnudag voru
unnar skemmdir á skýlinu, ytri
hurðin m.a. tekin af hjörum og not-
uð sem skotskífa fyrir haglabyssu.
Einnig hefði dósamatur verið tekin
úr skýlinu og notaður sem skot-
mark.
Gunnlaugur Búi Ólafsson einn
þremenningana sagði að þeir félag-
ar hefðu hengt hurðina á hjarir aft-
ur en hún er nokkuð illa útleikin
eins og sést á myndinni. Gunn-
laugur Búi sagði alveg ótrúlegt
hvernig gengið væri um þessi neyð-
arskýli, sem eiga að vera fólki til
öryggis. Hann hefur áður orðið
vitni af því að skemmdarverk hafi
verið unnin á neyðarskýlum.
Morgunblaðið/Gunnlaugur Búi
Ytri hurðin á neyðarskýlinu á Öxnadalsheiði komin á sinn stað en hún er
mikið skemmd og m.a. var skotið í gegnum hana með haglabyssu.
Skemmd-
ir unnar
á neyðar-
skýli
BÆJARYFIRVÖLD á Akureyri
hafa ákveðið að skera niður fjárveit-
ingar til handverks- og tómstunda-
miðstöðvarinnar Punktsins um tæp-
ar 3 milljónir króna milli ára. Að
sögn Kristbjargar Magnadóttur, for-
stöðukonu Punktsins, þarf að mæta
þessum niðurskurði m.a. með því að
loka starfseminni hálfan daginn,
hækka gjald á kvöldnámskeiðum og
fækka stöðugildum.
Nú eru þar 4,5 stöðugildi en ekki
er þó gert ráð fyrir að þessar breyt-
ingar komi til framkvæmda fyrr en í
vor. Punkturinn hefur notið vin-
sælda meðal bæjarbúa en einnig
hafa erlendir ferðamenn nýtt sér að-
stöðuna og látið vel af, að sögn Krist-
bjargar. Hún sagði að á síðasta ári
hefðu um 70 manns að meðaltali nýtt
sér aðstöðu Punktsins daglega.
Á fjárhagsáætlun síðasta árs voru
áætlaðar tæplega 11 milljónir króna
til Punktsins en rúmar 8 milljónir
króna í ár. Kristbjörg sagði að launa-
og húsnæðiskostnaður væri lang-
stærsti liðurinn í starfseminni.
Punkturinn heyrir nú undir íþrótta-
og tómstundaráð og voru málefni
hans til umræðu á fundi ÍTA í síðasta
mánuði. Þar var m.a. bókað að ráðið
hafði móttekið áskorun, undirritaða
af 101 einstaklingi, þar sem skorað
var á bæjaryfirvöld að skerða hvorki
nú kljúfa í sundur þá starfsemi sem
fram fer í Punktinum.
Starfsemin öllum opin
Meirihluti íþrótta- og tómstunda-
ráðs lagði til breyttan afgreiðslutíma
Punktsins, þannig að eftir 1. maí í
vor verði opið virka daga frá kl. 13–
17. Jafnframt verði tekin upp gjald-
taka fyrir afnot af stærri tækjum
eins og vefstólum.
Handverks- og tómstundamið-
stöðin hefur verið starfrækt í um sjö
ár en hún var stofnuð þegar miklir
erfiðleikar voru í atvinnulífi á Akur-
eyri og var í upphafi verið að horfa til
fólks sem missti atvinnu sína á þeim
tíma. Punkturinn hefur þó alla tíð
verið öllum opinn og er það enn í dag.
Fyrir tæpum tveimur árum var
starfsemin flutt frá Gleráreyrum í
Listagilið, í húsnæði fyrir ofan Lista-
safnið. Á þeim tíma var gert ráð fyrir
að starfsemin yrði þar í að minnsta
kosti fimm ár og að gefnu tilefni lagði
ÍTA á það áherslu á fundi sínum að
staðið yrði við það fyrirkomulag.
Akureyringar verði
í fararbroddi
Kristbjörg sagði að eftir að Punkt-
urinn missti húsnæðið á Gleráreyr-
um hefði hafist barátta fyrir því að
finna nýtt húsnæði en að lokum var
flutt í Listagilið. Hún sagðist gera
sér fulla grein fyrir því að húsnæðið
væri eyrnamerkt Listasafninu og að
safnið fengi það til umráða en þó
væri nauðsynlegt að Punkturinn
fengi að vera þar áfram eins og um
var samið fyrir tæpum tveimur ár-
um. Kristbjörg sagði jafnframt að á
hverju ári hefði þurrft að berjast fyr-
ir því að halda starfseminni gang-
andi.
Til stóð að skipta Punktinum upp
og reka starfsemina á tveimur stöð-
um í bænum en Kristbjörg sagði að
slíkur gjörningur hefði gengið af
starfseminni dauðri. Hún sagði að
bæjarbúar hefðu byggt þessa starf-
semi upp og lagt fjölmörg tæki og tól
til. Akureyringar ættu því að vera í
fararbroddi varðandi gott handverk
og bæjaryfirvöld ættu að leggja
metnað sinn í að svo gæti orðið. Að
minnsta kosti væri vinsælt af bæj-
aryfirvöldum að sýna gestum starf-
semina á hátíðarstundum.
Stöðugt hefur verið unnið að því
að auka fjölbreytnina í starfseminni.
Á næstunni verður farið af stað með
útskurðarnámskeið, þar sem nem-
endur læra að skera út sitt eigið
brauðmót. Með því er verið að end-
urvekja gamla heimilisiðnaðarhefð,
en hér áður fyrr bökuðu konur brauð
sem var skreytt ýmiss konar
mynstrum sem fengust á brauðin
með því að fletja deigið út á þjöl sem
skorið hafði verði út í mynstur og
texti í spegilskrift.
Fjárveitingar til Punktsins á Akureyri skornar niður
Draga þarf úr
starfseminni
SKÍÐASVÆÐI Húsvíkinga
hafa verið opin undanfarna
daga, lyfturnar eru tvær; önn-
ur í Skálamel og hin í Stöllum.
Ungir sem aldnir skíðamenn
hafa notað sér þetta óspart og
aðsókn verið góð og veðrið
ekki spillt fyrir. Lyftan í
Skálamel er aðeins steinsnar
frá skólum bæjarins og um
leið og skóla lýkur flykkist
ungviðið í Melinn.
Það lítur út fyrir hlýnandi
veður er líða tekur á vikuna.
Því er best að nota þessa daga
sem gefast til að renna sér á
skíðum og eða brettum.
Morgunblaðið/Hafþór Hreiðarsson
Elsa Dóra Ómarsdóttir er ein þeirra sem skíðað hefur undanfarna daga.
Húsvík-
ingar
skemmta
sér á
skíðum
Húsavík. Morgunblaðið.
TÖLUVERÐAR skemmdir urðu á
neðri hæð í tveggja hæða steinhúsi
við Laugagötu á Akureyri er eldur
kom þar upp eftir hádegi í gær. Er
Slökkvilið Akureyrar kom á staðinn
lagði reyk út um glugga í svefnher-
bergi og logaði eldur þar inni. Húsið
var mannlaust og greiðlega gekk að
slökkva eldinn en miklar skemmdir
urðu í svefnherberginu.
Reykur fór víðar um neðri hæðina
og aðeins varð vart við reyk á efri
hæð hússins en slökkviliðsmenn
reykræstu húsið.
Að sögn Daníels Snorrasonar, lög-
reglufulltrúa hjá rannsóknardeild
lögreglunnar á Akureyri, eru allar
líkur á að eldur hafi kviknað út frá
kerti sem gleymst hafði að slökkva á.
Morgunblaðið/Kristján
Töluverðan reyk lagði út um
glugga í kjallara hússins er
slökkviliðsmenn komu á staðinn.
Eldur
logaði
í svefnher-
berginu