Morgunblaðið - 10.04.2001, Síða 25

ERLENT
MORGUNBLAÐIÐ ÞRIÐJUDAGUR 10. APRÍL 2001 25
skrefi framar
oroblu@sokkar.is - www.sokkar.is
Afmælistilboð á öllum
sokkabuxum
20% afsláttur
Tilboðið gildir einnig í
Lyfju Hamraborg,
Lyfju Smáratorgi,
Lyfju Garðabæ,
Lyfju Hafnarfirði og
Lyfju Laugavegi
Laugavegi
Sími 552 4045
Lágmúla 5,
sími 533 2300
Kynning í Lyfju
Laugavegi í dag,
þriðjudag 10. apríl, kl. 14-18
og Lyfju Lágmúla
miðvikudag 11. apríl kl. 13-17
DAVÍÐ Oddsson forsætisráðherra
og Jacques Chirac Frakklandsfor-
seti ræddu samskipti Íslands og
Frakklands á fundi sínum í Élysée-
höllinni í gær.
Viðskiptatengsl landanna hafa
aukist verulega á umliðnum árum, en
talsverður fjöldi íslenskra fyrirtækja
hefur fjárfest í atvinnustarfsemi í
Frakklandi. Á síðustu 10 árum nem-
ur þessi fjárfesting um það bil 2,9
milljörðum króna, sem jafngildir
9,2% af beinni heildarfjárfestingu Ís-
lendinga erlendis á árinu 1999.
Heildarvelta þessara fyrirtækja
var 1,7 milljarðar franskra franka ár-
ið 1999, sem jafngildir rúmlega 21
milljarði íslenskra króna á núgild-
andi gengi.
Fyrst og fremst er um að ræða
fjárfestingu í fiskvinnslu þar sem Ís-
lendingar eru með 900–1.000 starfs-
menn, sem er um 8,5% af heildar-
mannafla í fiskvinnslu í Frakklandi.
Útflutningur til Frakklands
jókst um 11% í fyrra
Frakkland er mikilvægur útflutn-
ingsmarkaður fyrir íslenskar afurðir
og er vægi hans yfirleitt á bilinu
5–7% hvað heildarútflutning varðar
og allt að 60–80% fyrir einstakar,
unnar matvörutegundir, sem eru
m.a. grásleppuhrogn, þorsklifur,
hörpuskel o.fl.
Helstu útflutningsvörur eru sjáv-
arafurðir, sem nema um 75% af
heildarútflutningi til landsins. Er þar
fyrst og fremst um að ræða frystar
og saltaðar afurðir. Frakkland gegn-
ir oft á tíðum lykilhlutverki í aðgangi
að mörkuðum sunnar í álfunni og
jafnvel á heimsvísu með alþjóðavæð-
ingu franskra stórmarkaða í huga.
Árið 2000 nam heildarútflutningur
til Frakklands 6,5% af heildarút-
flutningi Íslendinga og jókst því um
rúm 11% á milli ára. Nam hann 836
milljónum franskra franka sam-
kvæmt upplýsingum franskra tollyf-
irvalda, sem jafngildir um 9,6 millj-
örðum íslenskra króna. Á móti fluttu
Íslendingar inn vörur frá Frakklandi
fyrir um 549 milljónir franka, eða um
6,3 milljarða íslenskra króna.
Færri íslenskir námsmenn
Áætla má að 250 til 300 Íslending-
ar séu búsettir í Frakklandi, sem er
heldur færra en var fyrir nokkrum
árum. Íslenskum námsmönnum í
Frakklandi hefur fækkað nokkuð á
seinustu árum, samkvæmt upplýs-
ingum Unnar Orradóttur Ramette,
viðskiptafulltrúa við sendiráð Ís-
lands í París. Algengt var að nálægt
100 Íslendingar væru samtímis við
nám af ýmsum toga í Frakklandi ,,en
það virðist ekki vera í tísku í augna-
blikinu að fara í nám til Frakklands,
þar sem námsmenn í dag eru innan
við 30,“ segir hún.
Unnur telur að ástæður þessa
megi e.t.v. að nokkru rekja til þess að
íslenskir námsmenn sæki frekar í
nám á Ítalíu og Spáni um þessar
mundir, sem þeir hefðu annars sótt
til Frakklands. ,,Það er einhver tíska
að fara t.d í hönnunarnám í Mílanó
eða Barcelona,“ segir hún. ,,Hins
vegar hafa samskiptin milli landanna
frekar aukist. Ísland er orðið þekkt-
ara hér í Frakklandi en það var.“
„Á síðastliðnum tíu árum hafa ís-
lensk fyrirtæki fjárfest mikið hér í
Frakklandi, aðallega í fiskvinnslu og
eru Íslendingar með tæplega 1.000
manns hérna í vinnu,“ segir Unnur.
Meðal fyrirtækja sem eru með
starfsemi í Frakklandi eru Bakka-
vör, Flugleiðir hf., Sölumiðstöðin,
Marel, SÍF, Jón Ármannsson er með
vínekru Chateau de Rions S.A.R.L.
Hecla S.A.S. sem er í eigu Íslendinga
og Frakka, sem starfar við sölu á ís-
lensku og frönsku hugviti í flutningi
á raforku.
Íslendingar hafa haslað sér völl á
æ fleiri sviðum í Frakklandi á sein-
ustu árum. Hefur Íslendingurinn
Þór Guðmundsson opnað fjóra
breska pöbba í samstarfi við Breta,
þrjá í París og einn í Toulouse, sem
eru mjög vinsælir og hafa notið at-
hygli. Bera þeir nöfnin The Frog and
Rosbif, The Frog and Princess, The
Frog og Cour St.-Emilion.
Vilja vanda vel undirbúning
menningardaga
Ríkuleg áhersla er lögð á menn-
ingarsamskipti Íslands og Frakk-
lands. Eins og fram kom í Morgun-
blaðinu í seinustu viku er stefnt að
því að halda íslenska menningardaga
í París árið 2003 en framkvæmd
þeirra var meðal þess sem rætt var á
fundi Björns Bjarnasonar mennta-
málaráðherra og franska menning-
armálaráðherrans Catherine Tasca í
París fyrir skömmu. Jacques Chirac
lýsti einnig miklum áhuga á menn-
ingardögunum á fundi sínum með
Davíð Oddssyni forsætisráðherra í
gær og lagði áherslu á að vandað yrði
til undirbúnings þeirra.
Hefur undirbúningur menningar-
daganna staðið yfir um nokkurt
skeið en hugmyndin að þeim kvikn-
aði fyrst hjá Íslendingum búsettum í
Frakklandi sem töldu fulla ástæðu til
að kynna Frökkum íslenska menn-
ingu.
Fyrsta íslenska kvikmyndin í
almenna dreifingu í Frakklandi
Næsta haust verður í fyrsta skipti
sett íslensk kvikmynd í almenna
dreifingu í frönsk kvikmyndahús en
það er kvikmyndin 101 Reykjavík,
sem fékk meðal annars verðlaun á
norrænu kvikmyndahátíðinni í Rou-
en [Rúðuborg] í mars sl. 101 Reykja-
vík, sem Baltasar Kormákur leik-
stýrði, var einnig sýnd fyrir skömmu
á Kvikmyndahátíð Parísarborgar og
þessa dagana er verið að sýna kvik-
myndina í Quartier Latin-kvik-
myndahúsinu í 5. hverfi Parísarborg-
ar á norrænu kvikmyndahátíðinni
Quinzaine du Cinéma Nordique.
Í þeirri margbreytilegu flóru list-
viðburða sem Parísarborg hefur upp
á að bjóða má finna fleiri viðburði þar
sem Íslendingar koma við sögu.
Þessa dagana stendur yfir umfangs-
mikil sýning á Pop-list í Centre
Pompidou-safninu, þar sem sýnd eru
bæði listaverk og munir frá Pop Art-
tímabilinu Þar má sjá tvær myndir
eftir Erró meðal verka eftir lista-
menn á borð við Andy Warhol, Roy
Liechtenstein, Pierre Cardin o.fl.
Íslendingar hafa fjárfest fyrir 2,9 milljarða króna á seinustu tíu árum í Frakklandi
Með um 1.000
manns í vinnu
í Frakklandi
Morgunblaðið/Hjörtur Gíslason
Höfuðstöðvar Gelmer, fransks dótturfyrirtækis ÍS, í Boulogne sur Mer.
París. Morgunblaðið.