Morgunblaðið - 01.06.2001, Page 4

NEMENDUR í 10. bekk Rétt-
arholtsskóla afhentu við skólaslit
í gærkvöldi Umhyggju, félagi
langveikra barna, söfnunarfé að
upphæð 432.000 krónur sem nem-
endur höfðu safnað með sjálf-
boðavinnu í tvo daga hjá fjölda
fyrirtækja og stofnana í vetur.
Framtak nemendanna tengdist
þróunarverkefni um samstarf
heimila og skóla með áherslu á
lífsleikni þar sem ákveðið var að
fjalla um vanda langveikra barna
og standa fyrir söfnun fyrir Um-
hyggju.
Það var Ingveldur Marion
Hannesdóttir, nemandi í 10. bekk,
sem afhenti Ásu Valgerði Gunn-
steinsdóttur, framkvæmdastjóra
Umhyggju, og Leifi Bárðarsyni,
varaformanni félagsins, söfn-
unarféð í formi stórrar ávísunar.
Ingveldur hefur sjálf þurft að
ganga í gegnum tugi aðgerða frá
fæðingu vegna sjaldgæfs sjúk-
dóms sem hún fæddist með og í
tengslum við verkefnið útskýrði
hún fyrir skólafélögum sínum
hvaða áhrif veikindin hafa haft á
líf hennar.
Anna Dröfn Ágústsdóttir flutti
ávarp fyrir hönd nemendanna og
sagði að í fyrstu hefðu þau litið á
þetta sem skylduverkefni en
áhuginn hefði síðan glæðst þegar
í ljós kom hvað langveik börn
Nemendur í 10. bekk Réttarholtsskóla söfnuðu fé í sjálfboðavinnu fyrir Umhyggju
þurfa að glíma við. Sérstaklega
minntist Anna Dröfn þess þegar
Ingveldur sagði þeim veikinda-
sögu sína og sýndi þeim ör á lík-
amanum eftir aðgerðir sem hún
hefur þurft að gangast undir og
er óhætt að segja að þeim hafi
runnið kalt vatn milli skinns og
hörunds við að sjá örin sem Ing-
veldur sýndi þeim.
Stolt af hetjunni sinni
Að sögn Önnu Drafnar unnu
krakkarnir síðan hörðum höndum
að verkefninu og fannst gaman
að takast á við það. Þau unnu í
tvo daga að ýmsum verkefnum
hjá 17 fyrirtækjum og stofnunum
sem voru það rausnarleg við út-
borgun launa að alls söfnuðust
432.000 krónur. Anna Dröfn
sagði krakkana vera stolta af
hetjunni sinni, henni Ingveldi, og
bað hana að lokum að afhenda
fulltrúum Umhyggju söfnunarféð.
Leifur Bárðarson, varafor-
maður Umhyggju, þakkaði
krökkunum fyrir stórhöfðinglega
gjöf og sagði félagið vera þeim
afskaplega þakklátt fyrir að líta
upp úr námsbókunum til að rétta
öðrum hjálparhönd. Hann sagði
gott að finna þegar einhver gæfi
sér tíma til að stoppa við og sjá
að lífið væri ekki alltaf skemmti-
legt enda dytti engum það
sjálfum í hug að hann yrði
veikur. Leifur óskaði síðan nem-
endunum til hamingju með dag-
inn og sagði að félagar í
Umhyggju myndu nýta kaupið
þeirra vel.
Afhentu
langveik-
um börn-
um 430.000
krónur
Morgunblaðið/Arnaldur
Ása Valgerður Gunnsteinsdóttir, framkvæmdastjóri Umhyggju, Leifur Bárðarson, varaformaður Umhyggju,
og skólasysturnar Ingveldur Marion Hannesdóttir og Anna Dröfn Ágústsdóttir.
FRÉTTIR
4 FÖSTUDAGUR 1. JÚNÍ 2001 MORGUNBLAÐIÐ
EIGNATEKJUR landsmanna hafa
aukist verulega á seinustu árum.
Þannig nam arður og söluhagnaður
af hlutabréfum tæpum 13 milljörð-
um kr. árið 1999 samanborið við 7,5
milljarða árið áður. Þetta kemur
fram í nýútkominni samantekt
Þjóðhagsstofnunar á tekjum og
eignum landsmanna árin 1998 og
1999 sem byggð er á skattfram-
tölum.
52.700 manns töldu fram hluta-
bréf á árinu 1999 alls að nafnvirði
tæplega 42 milljarða kr. og fjölgaði
eigendum hlutabréfa um 7,5% milli
ára. Um 20.500 framteljendur
nýttu sér frádrátt vegna hluta-
bréfakaupa eða rúmlega tíundi
hver framteljandi. Vaxtatekjur
hækkuðu um tæp 70%, m.a. vegna
innlausnar spariskírteina.
„Eignarskattstofn hækkar mjög
mikið eða um 17,6% og athygli
vekur fækkun þeirra sem eru með
neikvæðan eignarskattstofn, þ.e.
með skuldir umfram eignir,“ segir í
samantekt Þjóðhagsstofnunar.
Í úttektinni kemur fram að aðrar
tekjur en atvinnutekjur, sem eru
aðallega fjármagnstekjur, falla að
langstærstum hluta þeim tekju-
hærri í skaut. Þessi tekjuliður
hækkaði um 21% hjá hjónum í efri
hluta tekjustiga framteljenda á
milli áranna 1998 og 1999 en lækk-
aði um 1% í þeim neðri.
Um 8.700 hjón voru annaðhvort
eignalaus eða með skuldir umfram
eignir.
Úttekt Þjóðhagsstofnunar á eignum og tekjum
Eignatekjur hafa
aukist verulega
Kjör varaforseta
Alþýðusambandsins
14,6% skil-
uðu auðu
VIÐ kjör varaforseta Alþýðusam-
bands Íslands á ársfundi sl. þriðju-
dag skiluðu 14,6% ársfundarfull-
trúa auðu. Halldór Björnsson,
formaður Starfsgreinasambands-
ins, var endurkjörinn varaforseti
með 62,5% atkvæðum allra þeirra
sem þátt tóku í kosningunni og
Óskar Stefánsson, formaður
Sleipnis, fékk 22,9% af heildar-
fjölda atkvæða.
Eins og fram kom í Morgun-
blaðinu sl. miðvikudag fékk Hall-
dór 73,16% atkvæða þeirra sem af-
stöðu tóku í kjörinu Óskar fékk
26,84%. Þegar úrslit kosninganna
voru kynnt á ársfundinum var ein-
göngu greint frá skiptingu atkvæða
þeirra sem afstöðu tóku á milli
frambjóðendanna en skv. upplýs-
ingum frá skrifstofu ASÍ skiluðu
14,6% auðu við kosninguna. Notað
var rafrænt kosningakerfi við kjör
varaforseta og miðstjórnar. Alls
sátu 256 fulltrúar ársfund ASÍ.
Vinstri grænir
ræða við Framsókn
og Samfylkingu
SAMÞYKKT var á félagsfundi
Vinstrihreyfingarinnar – græns
framboðs í Reykjavík í gærkvöldi að
veita stjórn félagsins umboð til
könnunarviðræðna við Framsóknar-
flokk og Samfylkinguna í Reykjavík
um kosningabandalag í næstu sveit-
arstjórnarkosninum á grundvelli
málefnaskrár félagsins og hand-
bókar flokksins. Þá var gert ráð fyrir
að stjórn félagsins myndi að loknum
viðræðum kalla saman félagsfund og
gera grein fyrir stöðunni til að
ákveða næstu skref. Á fundinum var
jafnframt rætt um drög að málefna-
skrá fyrir væntanlegar borgar-
stjórnarkosningar.
Sigríður Stefánsdóttir, formaður
félags VG í Reykjavík, sagði í sam-
tali við Morgunblaðið seint í gær-
kvöldi að ákvörðun um framhaldið
yrði tekin í haust. „Þetta eru bara
könnunarviðræður og umboðið nær
yfir sumarið, þannig að eigi síðar en
15. september þurfum við að grein
fyrir stöðu mála á félagsfundi. Þá
verður gerð grein fyrir því hvað hef-
ur komið út úr viðræðunum og það
hefur alltaf verið stefnan að félags-
fundur taki ákvörðun um hvert
skref. Og meginmarkmið könnunar-
viðræðna er að fá fram hvort grund-
völlur er til samstarfs þessara
flokksfélaga á næsta kjörtímabili.“
HÆSTIRÉTTUR ómerkti í gær dóm
Héraðsdóms Reykjavíkur yfir manni
sem ákærður var fyrir að slá konu í
andlitið á skemmtistað í Reykjavík
með þeim afleiðingum að gat kom á
hljóðhimnu og hún varð fyrir heyrn-
artapi. Ríkissaksóknari áfrýjaði
dómnum til Hæstaréttar og krafðist
þess að refsing yrði þyngd.
Í dómi Hæstaréttur kemur fram að
þegar málið var fyrst tekið fyrir dóm
neitaði maðurinn sök. Þar sem ljóst
var af rannsóknargögnum að niður-
staða málsins myndi að verulegu leyti
ráðast af mati á sönnunargildi manns-
ins og konunnar, sem bar að hann
hefði slegið sig, taldi Hæstiréttur að
þrír dómarar hefðu átt að skipa hér-
aðsdóm. Þá var talið að leita hefði átt
eftir framburði dyravarða sem höfðu
fullyrt á vettvangi að maðurinn hefði
slegið til konunnar og eftir álitsgerð
læknis um áverka konunnar og bata-
horfur hennar. Þá þótti héraðsdómur
að nokkru óskýr um hvað teldist
sannað í einstökum atriðum í málinu.
Af þessum sökum var héraðsdómur
ómerktur og lagt fyrir héraðsdóm að
taka málið til frekari meðferðar og
dóms á ný.
Hæstiréttur ómerkir dóm
Vildi héraðsdóm
fjölskipaðan
♦ ♦ ♦
NOKKRIR hluthafar í Lyfjaverslun
Íslands hafa samkvæmt sjónvarps-
fréttum Stöðvar 2 í gærkvöldi farið
fram á hluthafafund til að lýsa van-
trausti á stjórn fyrirtækisins, vegna
áforma um kaup fyrirtækisins á hlut
í Frumafli hf. fyrir 860 milljónir
króna. Umræddur hlutur er í eigu
Jóhanns Óla Guðmundssonar, eins
stærsta hluthafans í Lyfjaverslun Ís-
lands.
Grímur Sæmundsen, stjórnarfor-
maður Lyfjaverslunar Íslands, sagði
í samtali við Morgunblaðið í gær, að
hann gæti staðfest að rétt í þessari
frétt væri að fyrir dyrum stæði að
halda hluthafafund innan tveggja
næstu vikna. „Við héldum stjórnar-
fund í morgun, þar sem við ákváðum
að halda hluthafafund til að kynna
fyrir hluthöfum ákveðin mál, sem við
erum að vinna“, sagði Grímur og
nefndi sem dæmi að fyrirtækið hefði
verið að kaupa fyrirtæki á síðustu
mánuðum fyrir miklar fjárhæðir og
þær fyrirætlanir hafi alltaf verið
kynntar á hluthafafundum. „Þetta er
því mjög eðlileg framganga hjá okk-
ur.“
Grímur vildi ekki staðfesta að
kaupin á hlut Jóhanns Óla í Frumafli
yrðu meðal þeirra mála sem færu
fyrir hluthafafund né heldur fjárhæð
kaupanna.
Deilur innan Lyfjaverslunar Íslands
Hluthafafundur
á næstu vikum
Þroskaþjálfar
Önnur
atkvæða-
greiðsla um
verkfall
SÓLVEIG Steinsson, formaður
Þroskaþjálfafélags Íslands, segir að
niðurstaða Félagsdóms þess efnis að
boðað verkfall þeirra hjá ríkinu sé
ólögmætt valdi henni undrun. Henni
kom það mjög mikið á óvart að mál-
um væri ekki þannig háttað, að ríkið
væri að semja fyrir þær sjálfseign-
arstofnanir sem um væri að ræða og
þær hefðu talið.
Sólveig sagði að efnt yrði til at-
kvæðagreiðslu á nýjan leik um boð-
un verkfalls. Ekki væri á þessu stigi
hægt að segja til um hvenær það
hæfist, en boða þyrfti það með 15
daga fyrirvara. Þroskaþjálfar í starfi
hjá ríkinu eru tæplega 140 talsins.
Boðaður hefur verið almennur
félagsfundur hjá Þroskaþjálfafélags-
ins um stöðuna í samningamálunum
seinnipartinn í dag.
Þær sjálfseignarstofnanir sem um
er að ræða eru Skálatúnsheimilið og
Styrktarfélag vangefinna. Önnur
staða er uppi varðandi Reykjalund,
að sögn Sólveigar.
Þroskaþjálfar í starfi hjá Reykja-
víkurborg hafa verið í verkfalli frá
18. maí síðastliðnum og boðað verk-
fall þeirra í öðrum sveitarfélögum
átti að hefjast á miðnætti í nótt.
Samningafundir með viðræðuaðilum
þroskaþjálfa stóðu enn yfir hjá rík-
issáttasemjara þegar Morgunblaðið
fór í prentun.