Morgunblaðið - 01.06.2001, Blaðsíða 27

ERLENT
MORGUNBLAÐIÐ FÖSTUDAGUR 1. JÚNÍ 2001 27
Kirsuberjaviður
Kirsuberjalíki
Vegna hagstæðra samninga getum við
boðið þessar fallegu eldhúsinnréttingar,
með 20% afslætti út júní.
Bjóðum einnig allt að 15% afslátt á
eldhústækjum með innréttingum.
afsláttur
Teiknivinna og tilboðsgerð er í höndum
hönnuða okkar. Þú kemur aðeins með þínar
óskir og við sjáum um restina.
%20
Gegnheil eik
Suðurlandsbraut 16 • 108 Rvk • Sími 5880500
ZANUSSI
Sprengju
kastað að
sendiráði
TVEIR óþekktir menn köstuðu
handsprengju að sendiráði
Rússlands í Minsk í Hvíta-Rúss-
landi í gær, nokkrum klukku-
stundum áður en Vladímír Pútín
Rússlandsforseti kom til borg-
arinnar.
Embættismaður öryggisráðs
Hvíta-Rússlands sagði að eng-
inn hefði særst í árásinni.
Sprengjunni hefði verið kastað
yfir girðingu umhverfis sendi-
ráðið en hún hefði skollið á tré
og sprungið á lóðinni án þess að
valda miklum skemmdum.
Að sögn embættismannsins
köstuðu árásarmennirnir
sprengju sem notuð er í sókn-
arhernaði og veldur fremur litlu
tjóni en miklum hvelli.
Alexander Lúkashenko, for-
seti Hvíta-Rússlands, kallaði ör-
yggisráðið saman til að ræða
hvernig bregðast ætti við árás-
inni. Pútín fór til Minsk síðar um
daginn til að sitja leiðtogafund
Samveldis sjálfstæðra ríkja,
samtaka tólf fyrrverandi sovét-
lýðvelda.
Kveðst
saklaus
ROBERT Hanssen, fyrrverandi
gagnnjósnari bandarísku alrík-
islögreglunnar FBI, sem var
ákærður fyrir njósnir í þágu
Sovétríkjanna, hélt fram sak-
leysi sínu í gær þegar hann var
leiddur fyrir dómara í Virginíu.
Réttarhöldin í máli hans eiga að
hefjast 29. október og hann á
dauðadóm yfir höfði sér.
Þingforsetar
kjörnir
á Ítalíu
PIER Ferdinando Casini, 45
ára miðjumaður, var kjörinn
forseti neðri deildar ítalska
þingsins í
gær. Daginn
áður var
Marcello
Pera, 58 ára
félagi í flokki
Silvios Berl-
usconis, kjör-
inn forseti efri
deildarinnar.
Bandalag
mið- og
hægriflokka, undir forystu Berl-
usconis, fékk meirihluta í báðum
deildunum í kosningunum 13.
maí. Berlusconi stefnir að því að
mynda 59. stjórn Ítalíu á sl. 56
árum fyrir leiðtogafund Atlants-
hafsbandalagsins 13. júní.
Konum
bannað að
aka bílum
ÍSLAMSKA hreyfingin Taliban
hefur bannað erlendum konum í
Afganistan að aka bílum. Þetta
kemur fram í tilkynningu frá
trúarlögreglu Taliban segir
ástæðu bannsins þá að akstur
kvenna gangi í berhögg við afg-
anskar hefðir og hafi „neikvæð
áhrif á umhverfið“.
Verði banninu framfylgt get-
ur það torveldað starfsemi al-
þjóðlegra hjálparstofnana í Afg-
anistan. Konur í starfsliði stofn-
ananna segjast þurfa að aka bíl-
um til að geta haldið áfram
störfum sínum.
STUTT
Pier Ferdin-
ando Casini
UM 200 þúsund manns tóku í gær
þátt í mótmælagöngu í Algeirsborg,
höfuðborg Alsírs, til að vekja athygli
á ofsóknum gegn þjóðflokki berba í
norðausturhluta landsins.
Stjórnarandstöðuflokkur sósíal-
ista, FFS, boðaði til göngunnar í
mótmælaskyni við harðar aðgerðir
lögreglunnar gegn berbum í Kabýla-
héraði. Óeirðir brutust þar út í lok
apríl, eftir að unglingur var skotinn
til bana í vörslu lögreglu, og síðan
hafa yfir 50 manns beðið bana og um
1.300 særst.
Mótmælendur í Algeirsborg í gær
hrópuðu slagorð gegn stjórn Abd-
elaziz Bouteflikas forseta og kröfð-
ust mál- og prentfrelsis auk rann-
sóknar á upptökum átakanna. Til
átaka kom milli mótmælenda og
ungra stuðningsmanna knattspyrnu-
liðs frá hverfi í gömlu borginni,
Kasbah.
Í Alsír búa um 29 milljónir manna
en þar af er um fimmtungur berbar í
Kabýlahéraði. Þeir hafa um langt
skeið barist fyrir viðurkenningu á
menningararfi sínum og tungu.
Um 200 þúsund
berbar mótmæla
ofsóknum í Alsír
AP
Þátttakendur í mótmælunum í Algeirsborg í gær kröfðust þess að rétt-
indi berba yrðu aukin. Tugir hafa fallið í óeirðum síðustu vikurnar.
Algeirsborg. AFP.