Morgunblaðið - 01.06.2001, Blaðsíða 22

VIÐSKIPTI
22 FÖSTUDAGUR 1. JÚNÍ 2001 MORGUNBLAÐIÐ
verð m.vsk169.700,-
Ferðatölva
Keflavík • Sími 421 4044
taeknival.is
Reykjavík • Sími 550 4000
Akureyri • Sími 461 5000
Intel Cel 450MHz
6.0 GB harður diskur
64 MB stækkanleg í 192MB
10.4” TFT SVGA 800x600
Snertiskjár
2.5 MB Trident skjákort
56 kbs mótald
10/100 netspjald
Þyngd aðeins 1.4 kg.
Utanáliggjandi geisladrif
Fujitsu Siemens Lifebook
Þyngd aðeins 1.4 kg.
SAMSKIP hf. seldu í gær allan
eignarhlut sinn í Olíufélaginu
hf.sem var um 3%, að nafnvirði 30
milljónir króna á genginu 11,35,
söluverð bréfanna nemur því 340,5
milljónum króna.
Þá keypti dótturfélag Samskipa,
Mundill ehf., hlutabréf í SÍF hf. í
gær að nafnvirði 90,8 milljónir
króna. Eignarhlutur Mundils nemur
nú 6,14% en var enginn áður.
Að sögn Ólafs Ólafssonar, for-
stjóra Samskipa, skiptu Samskip
við Fjárfestingarfélagið Straum á
hlutabréfum í Olíufélaginu og SÍF á
sléttu, að beiðni Straums.
Hlutabréfin í SÍF verða
væntanlega seld
Ólafur sagði að þar sem það sé
ekki stefna Samskipa að eiga hluta-
bréf í öðrum félögum hafi nýkeyptu
hlutabréfin í SÍF farið yfir í eign-
arhaldsfélagið Mundil. Þegar fram
líða stundir yrðu þessi bréf vænt-
anlega seld eða hluturinn minnk-
aður. Þess má geta að Burðarás,
dótturfélag Eimskipafélagsins, er
stærsti hluthafinn í SÍF, á um 12%
eignarhlut.
Um tilurð hlutabréfaskiptanna
sagði hann að þau hafi orðið af
frumkvæði Straums og Samskip
hafi talið þau sér hagstæð. „Við
sjáum svo bara til hvað við gerum,“
sagði hann.
Ólafur Ólafsson er stjórnarmaður
í Olíufélaginu og situr áfram þrátt
fyrir að eignarhlutur Samskipa sé
nú enginn en hann á sjálfur hlut í
Olíufélaginu í gegnum Kjalar. Hann
situr einnig í stjórn Mundils og í
stjórn SÍF.
Fjárfestingarfélagið Straumur
hf., sem áður hét Hlutabréfa-
sjóðurinn hf. og yfirtók Vaxtarsjóð-
inn hf., er rekið af Íslandsbanka-
FBA.
Samskip selja
hlut sinn í
Olíufélaginu
Dótturfélag Samskipa kaupir
6% eignarhlut í SÍF
Á AÐALFUNDI félags viðskipta-
og hagfræðinga sem haldinn var á
Radisson SAS Hótel Sögu í gær og
var Margrét Kr. Sigurðardóttir
kjörin formaður félagsins. Þetta er
í fyrsta sinn sem kona er kjörin for-
maður í sextíu og þriggja ára sögu
félagsins.
Félag viðskipta- og hagfræðinga
var stofnað 1938 og er ætlað að
vera fagfélag háskólamenntaðs
fólks á sviði viðskipta- og hagfræða
á Íslandi. Markmið félagsins er að
efla menntun og rannsóknir á sviði
viðskipta- og hagfræði, efla ímynd
félagsmanna og menntunar þeirra,
veita hagnýtar upplýsingar og ráð-
gjöf, hvetja til þess að siðareglur
séu virtar og efla tengsl milli
félagsmanna.
Framkvæmdastjóri FVH er Unn-
ur Arna Jónsdóttir.
Morgunblaðið/Sigurður Jökull
Margrét Kr. Sigurðardóttir
Kona tekur
við for-
mennsku
hjá FVH
GOPRO Landsteinar hættu um síðustu áramót allri
beinni þátttöku í sýningarhaldi erlendis, að því er
fram kom í erindi Björns Ársæls Péturssonar, fram-
kvæmdastjóra þróunar- og markaðssviðs GoPro
Landsteina, á ráðstefnu um útflutning á hugbúnaði
sem Skýrslutæknifélag Íslands stóð fyrir í gær í sam-
starfi við Nýsköpunarsjóð og Útflutningsráð.
Fram kom í máli Úlfars Steindórssonar, fram-
kvæmdastjóra Nýsköpunarsjóðs, í upphafi ráðstefn-
unnar að hann hefði fulla trú á að upplýsingatæknin
gæti orðið stóriðja framtíðarinnar, en það yrði að hlúa
vel að hugbúnaðarfyrirtækjum til þess að svo gæti
orðið. Hann sagði að 24% af heildarfjárfestingum Ný-
sköpunarsjóðs væri í upplýsingatækni, enda hefði sú
grein vaxið mest í fjölda fyrirtækja undanfarin ár.
Hann benti engu að síður á að útrás fyrirtækja væri
enn á byrjunarreit og vísaði til hægari vaxtar í útflutn-
ingi hugbúnaðarfyrirtækja 1999-2000.
Hrafnkell V. Gíslason, framkvæmdastjóri hugbún-
aðarsviðs Netverks, greindi frá því hvað fælist í því að
koma vöru á erlendan markað og benti á, að vörur
yrðu að leysa þann vanda, sem væri til staðar á mark-
aði og vera sérstakar til þess að þær gætu orðið eft-
irsóknarverðar.
Netverk, sem hefur aðsetur bæði hér á landi og í
Bretlandi, Danmörku og Hong Kong, hefur á liðnum
árum horft í auknum mæli til farsímamarkaðarins og
þróað búnað fyrir GSM og GPRS til þess að hámarka
nýtingu bandbreiddar í farsímakerfum.
Hrafnkell sagðist telja að með framleiðslulínum
Netverks, Fonestar og mTCP, væri fyrirtækið að
leysa það vandamál sem væri til staðar á farsíma-
markaðnum, þ.e. leysa þann skort á hraða og koma í
veg fyrir vaxandi álag sem væri fyrir hendi í slíkum
kerfum. Hann benti á, að það væri alls ekki einfalt fyr-
ir íslensk fyrirtæki að hasla sér völl erlendis, enda
væru þau ekki þekkt á hugbúnaðarsviði. Íslensk fyr-
irtæki sem hygðust herja á alþjóðlegan markað yrðu
hins vegar að hafa úthald og mættu aldrei missa
trúna, það hefði Netverk reynt í sinni starfsemi.
Útrásin er hins vegar mikilvæg
Eggert Claessen, stjórnarformaður Tölvumiðlun-
ar, ítrekaði mikilvægi stefnumótunar, þegar hugað er
að útrás á erlenda markaði. Þekking og reynsla væri
afar mikilvæg og þessir þættir þyrftu að vera til stað-
ar til að ná árangri.
Eggert sagði að fólk væri mikilvægasti þátturinn
hjá hugbúnaðarfyrirtækjum og undirstrikaði að mik-
ilvægi þess, að fólk hefði atgervi og úthald til að halda
úti markaðsetningu erlendis. Í rannsókn sem Eggert
hefur gert kemur í ljós, að ein helsta forsendan fyrir
að fyrirtæki hyggja á markaðssetningu erlendis, er
hagnaðarvon. Hins vegar gæti ákvörðun um að selja
ekki á ákveðna markaði verið jafngild ákvörðun um að
selja á erlenda markaði. Það gæti sparað fyrirtæki
miklar fjárhæðir, sem hægt væri að nota í annað en að
selja vöru á markaði, sem væri ekki tilbúinn til að taka
á móti vörunni.
Eggert gerði að umtalsefni breytingar á rekstrar-
umhverfi hugbúnaðar- og tæknifyrirtækja nú, miðað
við í fyrra og sagði að munurinn nú og í fyrra væri sá,
að hugbúnaðar- og tæknifyrirtæki væru aftur tekin til
við að selja vöru. Í fyrra hafi áherslan verið á að selja
fyrirtækin en ekki vörur þeirra, það hafi einungis ver-
ið aukaatriði. Mat á virði fyrirtækja í UT-geira hefði
snarlækkað oft á tíðum, þrátt fyrir að tekjur hefðu
aukist, starfsmönnum fjölgað og fyrirtækið skilað
hagnaði, eins og í tilfelli Tölvumiðlunar.
Eggert sagði traust vera lykilatriðið í samskiptum
við erlenda aðila, hvort sem það lúti að sölu, samstarfi,
dreifingu eða markaðsetningu. Tækist að skapa
traust, væri til staðar grunnur sem allir gætu unnið á,
hvort sem þeir tilheyrðu íslenskum fyrirtækjum eða
erlendum.
Sala hægari en reiknað var með
Pétur Pétursson, framkvæmdastjóri Manna og
músa, sagði frá reynslu fyrirtækisins af útflutningi á
hugbúnaði. Í máli hans kom fram að þróun á „pakka“-
vöru fyrir erlendan markað krefðist mjög agaðra
vinnubragða, þar sem gæði og þjónusta væru lyk-
ilatriði. Frábær vara sé gagnslaus ef hún er ekki rétt
verðlögð og sett inn á rétt dreifikerfi. Lykillinn að ár-
angri sé að þekkja viðskiptavininn og þarfir hans og
jafnframt þurfi að hafa í huga að verkefnin taki alltaf
meiri tíma og salan fari hægar af stað en reiknað sé
með. Vilja og úthald þurfi því til að ná árangri.
Pétur sagði að fyrirtækið Menn og mýs hafi verið
stofnað árið 1990, en hafi starfað að gerð DNS, nafna-
miðlara, (enska: Domain Name Service) frá árinu
1995. DNS sé grunntækni á Netinu, sem öll önnur
þjónusta byggir á. Þessi tækni sé flókin í notkun og
stefni í að verða enn flóknari. Þörfin fyrir hugbúnað
og þjónustu sem einfaldi notkun DNS fari því vaxandi.
Samkeppnin sé lítil þar sem fá fyrirtæki sérhæfi sig á
sviði DNS, en markhópurinn sé aðgengilegur í gegn-
um Netið, fagtímarit og vörusýningar.
Pétur sagði að hjá Mönnum og músum væru 21
starfsmaður, þar af fjórir erlendis. Um 99% af tekjum
fyrirtækisins koma af útflutningi. Staðsetning fyrir-
tækisins á Íslandi hafi ekki komið að sök til að byrja
með, en fjarlægð frá erlendum mörkuðum sé þó farin
að segja til sín, auk þess sem erlendir fjárfestar hiki
við að fjárfesta í íslensku fyrirtæki.
Að sögn Péturs var þróun fyrirtækisins í fyrstu
fjármögnuð af eigin tekjum, en á vaxtaskeiði þess síð-
astliðin tvö ár hafi eigin tekjur staðið undir tveimur
þriðju hlutum fjármögnunarinnar. Hlutafé hafi verið
sótt til innlendra og erlendra fjárfesta, alls 70 millj-
ónir á síðastliðnum þremur árum. Stofnendur eiga nú
75% félagsins.
Taka ekki beinan þátt í sýningum erlendis
Björn Ársæll Pétursson, framkvæmdastjóri þróun-
ar- og markaðssviðs GoPro Landsteina, sagði að ein-
faldar reglur giltu hjá fyrirtækinu, sem ætlað væri að
stuðla að því að það hefði úthald á erlendum markaði.
Til að mynda séu vörur ekki þróaðar eða framleiddar
nema fyrir liggi að kaupendur séu til staðar. Þá hafi sú
ákvörðun verið tekin hjá GoPro Landsteinum um síð-
ustu áramót, að hætta allri beinni sýningaþátttöku frá
Íslandi. Fyrirtækið styðji hins vegar samstarfsaðila
sína eða dótturfyrirtæki til þátttöku í sölusýningum
eða kynningum, en þá helst gegn greiðslu. Með þessu
móti sparist mikið fjármagn, þar sem þátttaka í sýn-
ingum erlendis væri kostnaðarsöm.
Björn sagði að hjá GoPro Landsteinum væru einnig
í gildi einfaldar reglur varðandi sölu. Til að mynda fari
starfsmenn einungis í söluferðir erlendis ef fyrir ligg-
ur að ferðakostnaður verði greiddur. Hann sagði að
fyrirtækið legði mikið upp úr því að fá fljótt greitt fyr-
ir vörur sínar, að kostnaðareftirlit sé virkt, yfirbygg-
ing sé í lágmarki og að einstakar deildir skili arði.
Fyrirtækin GoPro Group og Landsteinar voru sam-
einuð í október á síðasta ári. Björn sagði að viðskipta-
vinir fyrirtækisins væru u.þ.b. 700 stofnanir og fyrir-
tæki. Starfsmenn eru samtals um 550.
Að sögn Ásgeirs Ásgeirssonar, framkvæmdastjóra
vöruþróunar hjá Marel hf., þá fóru 10% af rekstr-
artekjum Marels á síðasta ári, eða 250 milljónir króna,
í vöruþróun og fyrirtækið telji nauðsynlegt að sækja
um 8-10 einkaleyfi á ári. Það sé eina leiðin til að vernda
sérstöðu Marels. Um 600 starfsmenn eru í Marel-
samstæðunni, þar af 260 á Íslandi.
Ásgeir segir að öll stærstu matvælafyrirtæki í
heimi séu viðskiptavinir Marels, en Marel hafi fljótt
komist að raun um það, að stærð skiptir máli í útflutn-
ingi og að Ísland sé nær óþekkt í hinum stóra heimi.
Yfirleitt borgaði sig að taka frekar fram að varan væri
evrópsk og einnig væriíslenskur sölumaður bestur á
Íslandi og það væri oft betra að fá þarlenda sölumenn
að málinu, þegar um útflutning væri að ræða.
Ráðstefna Skýrslutæknifélags Íslands um útflutning á hugbúnaði
Stóriðja framtíðarinnar
Morgunblaðið/Sverrir
Annie Brooking, framkvæmdastjóri Lux Inflecta,
flutti fyrirlestur um leitina að rétta fjárfestinum til
að fjármagna útþenslu á alþjóðlega vísu.
ÖÐRUM og þriðja áfanga í
hlutafjárútboði Íslandssíma hf.
lauk í gær og seldist allt hlutafé
sem í boði var. Í þriðja og jafn-
framt síðasta áfanga, sem var
sala hlutafjár til almennings, var
143% umframspurn eftir hluta-
fé.
Hlutafjárútboðinu var skipt í
þrjá áfanga en alls var selt nýtt
hlutafé að nafnverði 115,7 millj-
ónir króna eða 987,3 milljónir að
söluverði.
Í fyrsta áfanga, sem lauk sl.
föstudag, voru seld bréf til þá-
verandi hluthafa í félaginu fyrir
55,7 milljónir króna að nafnverði
á genginu 8,3, eða að söluvirði
462,3 milljónir. Umframeftir-
spurn í þeim áfanga var 53%.
Öðrum áfanga, sölu til stofnana-
og fagfjárfesta, lauk í gær og
seldist allt hlutafé sem í boði
var, 40 milljónir, á genginu 8,75
eða 350 milljónir króna að sölu-
virði.
Sölu til almennings lauk einn-
ig í gær og voru 20 milljónir
króna að nafnvirði í boði á geng-
inu 8,75, eða 175 milljónir að
söluvirði. Almenningur skráði
sig fyrir 425 milljónum króna að
söluvirði og nemur umframeft-
irspurnin því 143%. Hámarks-
hlutur hvers og eins minnkar því
úr 300 þúsund krónum að nafn-
verði í 96,8 þúsund.
Hlutafjárútboði
Íslandssíma lokið
Umfram-
eftirspurn
almenn-
ings 143%
Morgunblaðið/Jim Smart