Morgunblaðið - 01.06.2001, Blaðsíða 35

LISTIR/KVIKMYNDIR
MORGUNBLAÐIÐ FÖSTUDAGUR 1. JÚNÍ 2001 35
ALEX Cross (Morgan Freeman) er
rannsóknarlögreglumaður, sálfræð-
ingur og rithöfundur í Wasinghton
DC sem á í höggi við sérlega óhugn-
arlegan, sálsjúkan morðingja að
nafni Gary Soneji (Michael Wincott).
Gary hefur framið mannrán en er
ekki endilega á höttunum eftir lausn-
argjaldi heldur miklu fremur athygli.
Hann vill komast á spjöld sögunnar.
Cross og lögreglukonan Jezzie
Flannigan (Monica Potter) komast á
slóð hans og hefst nú eltingarleikur
upp á líf og dauða. Þannig er sögu-
þráðurinn í bandarísku spennu-
myndinni Along Came a Spider með
Morgan Freeman, Monica Potter,
Michael Wincott, Penelope Ann Mill-
er, Michael Moriarty og Mika Boor-
em. Leikstjóri er Ný-Sjálendingur-
inn Lee Tamahori. Freeman er
sjálfur einn af framleiðendum mynd-
arinnar en handritið gerir Marc
Moss upp úr metsölubók bandaríska
spennusagnahöfundarins James
Patterson.
Freeman hefur áður leikið Alex
Cross því Along Came a Spider er
eins konar forsaga spennumyndar-
innar Kiss the Girls frá árinu 1997.
Höfundurinn, Patterson, segist ákaf-
lega ánægður með Morgan Freeman
í hlutverkinu. „Það er enginn betri en
Freeman, held ég,“ er haft eftir hon-
um. „Að horfa á hann leika er eins og
að horfa á körfubolta þegar Michael
Jordan var upp á sitt besta.“
Lee Tamahori var einstaklega
ánægður með samstarfið við leikar-
ann. „Það er mjög gott að vinna með
Morgan,“ segir hann. „Hann veit ná-
kvæmlega hver Alex Cross er svo við
þurftum ekki að eyða neinum tíma í
„rannsóknir“. Hann veit meira um
hann en ég nokkurn tíma. Annað sem
ég tók eftir varðandi Morgan Freem-
an er að hann á nokkuð sameiginlegt
með klassískum amerískum kvik-
myndaleikurum eins og Gary Cooper
og Clint Eastwood. Þögnina og
kyrrðina. Því minna sem þeir segja
því meira gefa þeir okkur áhorfend-
unum. Í spennumynd er það ákaflega
mikilvægt.“
Mótleikari Freemans í myndinni,
Monica Potter, tekur undir það.
„Morgan er leikari sem þarf ekki að
segja neitt.“
Freeman segist vera mjög ánægð-
ur með söguna. „Það er mikið um
dularfulla atburði,“ segir hann. „Það
er eins og að skræla lauk að fylgjast
með sögunni flétta ofan af sér. Hún
er í mörgum lögum og það eru alls
kyns útúrsnúningar og krókaleiðir að
lausninni.“
Þegar Morgan er beðinn að lýsa
persónu Alex Cross segir hann:
„Cross er vel þjálfaður, vel mennt-
aður rithöfundur auk þess að vera
lögreglumaður. En styrkleiki hans
felst fyrst og fremst í því að finna út
hvað glæpamaðurinn er að hugsa og
það er gaman að því vegna þess að þá
er spennan fremur sálfræðileg en
sýnileg.“
Leikarar: Morgan Freeman, Monica Pot-
ter, Michael Wincott, Penelope Ann Mill-
er, Michael Moriarty og Mika Boorem.
Leikstjóri: Lee Tamahori (Once Were
Warriors, Mulholland Falls, The Edge).
Morgan Freeman í spennumyndinni Along Came a Spider.
Freeman leikur
Cross á ný
Háskólabíó og Laugarásbíó frumsýna
bandarísku spennumyndina Along
Came a Spider með Morgan Freeman.
SEM póstberi er Gordon (David
Arquette) hreykinn af því að geta
átt við hvaða hund sem er, þegar
hann er að dreifa pósti til fólks.
Hann þarf að fást við mismunandi
gæfa hunda alla daga ársins og er
orðinn ansi sjóaður í því að fást við
þá grimmustu.
En svo gerist það að hann býðst
til þess að passa ungan dreng ná-
granna síns (Leslie Bibb) og kemst
í leið í tæri við lögregluhundinn
Spot, sem nýlega hefur sloppið úr
vitnavernd og eru bæði mafían og
löggan á höttunum eftir honum.
Þannig er söguþráðurinn í
bandarísku gamanmyndinni Spot
eða See Spot Run sem frumsýnd er
í fjórum kvikmyndahúsum í dag.
Með aðalhlutverkin fara David Arq-
uette, Leslie Bibb, Michael Clarke
Duncan, Paul Sorvino, Joe Viterelli,
Angus T. Jones og Steven R.
Schirripa. Leikstjóri er John
Whitesell en hann hefur ekki gert
mynd áður, hefur unnið við sjón-
varpsþætti eins og Cosby og Rose-
anne.
Framleiðandi myndarinnar er
Bob Simonds og hann segist hafa
verið að leita að rétta verkefninu
fyrir leikarann David Arquette þeg-
ar Spot varð á vegi hans. „Ég hef
viljað vinna með David núna í nokk-
urn tíma,“ er haft eftir framleiðand-
anum. „Mér fannst hann alveg
framúrskarandi í Never Been Kis-
sed. Hann stal algerlega senunni.“
Og áfram heldur framleiðandinn:
„David gæti auðveldlega verið Bus-
ter Keaton okkar kynslóðar fengi
hann réttu myndina upp í hend-
urnar og ég held að þessi mynd sé
sú rétta. Hún byggir miklu meira á
sjónrænni fyndni en nokkur önnur
mynd, sem gerð hefur verið í lang-
an tíma.“
David Arquette var ánægður
með hlutverkið sitt sérstaklega
vegna þess að það minnti hann á
persónur í gömlu gamanmyndun-
um. „Það skemmtilega við þessa
mynd,“ er haft eftir honum, „er að
við vildum reyna að skapa í henni
andrúmsloft þöglu myndanna, þar
sem leikararnir eru að detta á
hausinn og lenda í allskyns vand-
ræðum. Mér fannst það frábærlega
gaman.“
Michael Clarke Duncan leikur
FBI-mann í myndinni sem leitar
hundsins, en Duncan hefur verið
áberandi í myndum upp á síðkastið
eins og Grænu mílunni. Hann segir
að eftir að hann lék í Grænu míl-
unni, sem byggir á sögu eftir
Stephen King, hafi hann helst viljað
leika í gamanmynd.
„Það var líka ánægjulegt að fá
tækifæri til þess að leika á móti
David Arquette, sem er mjög fynd-
inn og hæfileikaríkur leikari. Einn-
ig hafði ég gaman af því að leika
móti Paul Sorvino. Hann var frá-
bær í GoodFellas.“
Leikarar: David Arquette, Leslie Bibb,
Michael Clarke Duncan, Paul Sorvino,
Joe Viterelli, Angus T. Jones og Steven
R. Schirripa. Leikstjóri: John White-
sell.
Hundalíf póstberans
Tveir af aðalleikurunum í bandarísku fjölskyldumyndinni Spot.
Bíóhöllin, Kringlubíó, Háskólabíó og
Nýja bíó Akureyri frumsýna gam-
anmyndina Spot.
ALÞJÓÐLEGU ofurnjósnararnir
Gregorio og Ingrid Cortez, sem
talið var að hefðu sest í helgan
stein til þess að koma sér upp fjöl-
skyldu, hafa tekið upp fyrri iðju og
verið rænt af óvinum sínum. Sjö
aðrir OSS-njósnarar hafa einnig
horfið. Tæknifríkið Fegan Floop
er talinn eiga þátt í hvarfi þeirra.
Örlög Cortez-hjónanna og jafn-
vel heimsins alls virðast hvíla á
hugrekki og hugkvæmni tveggja
einstaklinga, barnanna Carmen og
Juni Cortez, sem helst eru þjálfuð
í tölvuleikjum en hafa ýmis hjálp-
artæki sér til aðstoðar eins og ein-
staklega létt loftfar, köfunartæki,
tyggjó sem gefur rafmagnsstuð en
þó mest af öllu ást þeirra á for-
eldrum sínum.
Þannig er söguþráðurinn í
bandarísku ævintýramyndinni Spy
Kids sem frumsýnd er í fimm
kvikmyndahúsum í dag. Með
helstu hlutverkin fara Antonio
Banderas, Carla Gugino, Alan
Cumming, Teri Hatcher, Cheech
Marin og Danny Trejo en leik-
stjóri og handritshöfundur er Ro-
bert Rodriguez.
Spy Kids hefur verið lýst sem
James Bond-mynd fyrir krakka en
leikstjóri hennar og höfundur, Ro-
driguez, hefur hingað til verið
þekktur fyrir annað en fjölskyldu-
myndir. Hann hefur miklu fremur
gert blóðugar hasarmyndir en vildi
núna í fyrsta sinn, orðinn foreldri
sjálfur, gera ævintýramynd sem
hann vildi sjálfur sjá með börn-
unum sínum þremur. „Sannleik-
urinn er sá,“ segir Rodriguez, „að
flestar stuttumyndirnar sem ég
gerði áður en ég gerði El Mariachi
voru fjölskyldukómedíur. Ég vildi
alltaf gera stóra ævintýramynd
fyrir alla fjölskylduna og hug-
myndin að Spy Kids kom þegar ég
var að leikstýra Antonio Banderas
í mínum hluta myndarinnar Four
Rooms. Í honum leikur Banderas
föður tveggja barna og börnin eru
klædd í smóking. Ég man að ég
horfði á krakkana og hugsaði með
mér, vá, þau eru eins og litlar út-
gáfur af James Bond.“
Framleiðandi myndarinnar er
eiginkona Rodriguez, Elizabeth
Avellan. „Spy Kids er mynd sem
Robert er fæddur til þess að
gera,“ segir hún. „Hann hefur svo
gaman af börnum og þetta hefur
alltaf verið draumaverkefnið
hans.“
Rodriguez segir að það erfiðasta
við gerð myndarinnar hafi verið að
finna upp tæki sem ungu njósn-
ararnir nota, er ekki hafa verið
notuð áður í bíómyndum. Hann
fann upp á ýmsu nýju til þess að
koma áhorfendum á óvart en fyrst
og fremst hafði hann áhuga á að
búa til skemmtilegt ævintýri sem
minnti hann á þær ævintýramynd-
ir sem hann ólst upp við eins og
Chitty Chitty Bang Bang og Es-
cape to Witch Mountain.
Leikarar: Antonio Banderas, Carla
Gugino, Alan Cumming, Teri Hatcher,
Cheech Marin og Danny Trejo. Leik-
stjóri: Robert Rodriguez (El Mariachi,
Desperado, From Dusk Till Dawn, The
Faculty).
Litlar útgáf-
ur af Bond
Regnboginn, Stjörnubíó, Laugarásbíó,
Borgarbíó Akureyri og Nýja bíó Keflavík
frumsýna ævintýramyndina Spy Kids.
Atriði úr ævintýramyndinni Spy Kids, sem Robert Rodriguez leikstýrir.