Morgunblaðið - 22.06.2001, Blaðsíða 35

MORGUNBLAÐIÐ FÖSTUDAGUR 22. JÚNÍ 2001 35
MIKLAR framkvæmdirstanda nú yfir á Bifröstvegna fyrirsjáanlegrarfjölgunar nemenda við
skólann. Verið er að byggja eftir
deiliskipulagi sem samþykkt var
sl.vetur. Annars vegar byggir Loft-
orka tvö raðhús með 16 litlum
tveggja herbergja íbúðum fyrir pör
og einstæða foreldra og hins vegar
er Byggingarfyrirtækið Sólfell að
ljúka við fjögurra íbúða byggingu
fyrir stærri fjölskyldur. Fyrir eru
75 herbergi á stúdentagörðum og
vist ásamt 20 fjölskylduíbúðum. Í
haust verður haldið áfram og 18
herbergja stúdentagarður byggður.
Nýlega var svo hrint af stað forvali
um hönnun á nýju skólahúsi og taka
arkitektastofurnar Stúdíó Granda,
Batteríð og Arkís þátt í því og eiga
þær að skila sínum tillögum í lok
júní. Stefnt er á að hefja byggingu
nýs skólahúss í haust.
Áætlunin sem unnið er eftir sam-
kvæmt samningi við menntamála-
ráðuneytið gerir ráð fyrir því að eft-
ir tvö ár verði heildar
nemendafjöldinn kominn upp í 300,
þ.e. að nemendafjöldinn á staðnum
verði 250, og afgangurinn í fjar-
námi. Eftir þrjú ár er reiknað með
að heildarfjöldi nemenda verði 350
og þar af 100 í fjarnámi.
Runólfur Ágústsson, rektor Við-
skiptaháskólans, segir að unnið sé
eftir 5 ára áætlun og gert ráð fyrir
því að þeim tíma loknum verði að
lágmarki 300 nemendur í námi á
staðnum. „Reynslutölur sýna okkur
að fyrir hvern nemenda eru tveir
íbúar til viðbótar, þannig að næsta
haust verða búandi og starfandi hér
tæplega 400 manns, 200 nemendur
og u.þ.b.100 börn, þannig að hér er
risið á örfáum árum myndarlegt
þéttbýli og auðvitað þarf að byggja
íbúðarhúsnæði yfir þetta fólk.“
Nemendaíbúðirnar eru fjármagn-
aðar eins og stúdentagarðar annars
staðar af Íbúðalánasjóði.
„Það sem er einstakt hér er að
með því að fólk býr og dvelur allan
sólarhringinn í skólaumhverfinu
hefur byggst upp þekkingarsam-
félag úti á landi sem veitir okkur
mikil sóknarfæri. Við
getum t.d. lagt meira
vinnuálag á okkar nem-
endur en aðrir skólar.
Hér er svo rekinn leik-
skóli, líkamsræktarstöð
og kaffihús sem selur heitan mat í
hádeginu og hefur leyfi til að selja
léttvín og bjór á kvöldin.“
Viðskiptalögfræði til að
mæta þörfum atvinnulífsins
Í haust hefst nýtt nám í Við-
skiptaháskólanum á Bifröst. Það er
viðskiptalögfræði en það nám er
hannað í samráði við fulltrúa at-
vinnulífsins og fyrirtækin í landinu.
„Við fengum mjög sterka vísbend-
ingu frá atvinnulífinu um að þessa
þekkingu vantaði og að þarna væri
gat í íslensku menntakerfi. Við er-
um að fylla upp í það gat og með því
að nota erlendar fyrirmyndir þurf-
um við ekki að finna upp hjólið. Þró-
unarhópurinn sem setti námið sam-
an, og samanstóð bæði af fulltrúum
háskólans og fulltrúum úr atvinnu-
lífinu, tók danska fyrirmynd, stað-
færði og breytti miðað við íslenskar
aðstæður,“ segir Runólfur.
Áherslan er annars vegar á lög-
fræði á sviði viðskipta, sem tekur til
u.þ.b. helmings námsgreinanna, og
hins vegar á hefðbundnar viðskipta-
greinar með áherslu á bókhald og
fjármál auk samþættra faga sem
snúa bæði að lögfræði og viðskipta-
sviði eða grunnfaga eins og hag-
nýtrar stærðfræði, upplýsinga-
tækni og ensku sem viðskipta og
lagamál.
„Viðtökur hafa verið mjög góð-
ar,“ segir Runólfur, „og komnar eru
margar frábærar umsóknir. Búið er
að taka inn fyrstu 15 nemendurna
og er ætlunin að taka inn 35 en um-
sóknir eru mun fleiri en við getum
annað.“
Umsjónarmaður námsins er Ólöf
Nordal. Hún starfaði sem lögfræð-
ingur Verðbréfaþings Íslands en
það er einmitt fjármálamarkaður-
inn sem Runólfur segir að m.a. sé
verið að horfa til með viðskiptalög-
fræði.
Samkvæmt nýju skipuriti skólans
verður núna boðið upp á tvær deild-
ir; lögfræðideild sem einbeitir sér
að viðskiptalögfræði og viðskipta-
deild sem skiptist annars vegar í
tveggja ára diplómanám í rekstrar-
fræði og hins vegar B.S.-gráðu í við-
skiptafræði eftir þriggja ára nám.
Fyrstu viðskiptafræðingarnir voru
einmitt útskrifaðir í Reykholts-
kirkju 2. júní og eru það fyrstu við-
skiptafræðingarnir sem útskrifast
hérlendis utan HÍ en ný lög sem
tóku gildi 1. júní afnámu einkarétt
Háskóla Íslands á því
að útskrifa viðskipta-
fræðinga. Viðskipta-
deild býður einnig upp á
30 eininga fjarnám með
vinnu til B.S.-gráðu fyr-
ir þá sem þegar hafa lokið 60 ein-
inga námi á sviði viðskipta eða
rekstrar. Að auki starfar þriðja
deildin, frumgreinadeild, við há-
skólann en hún veitir eins árs sér-
hæft undirbúningsnám fyrir þá sem
ekki standast inntökuskilyrði í við-
skipta- eða lögfræðideild.
Skólagjöld við Viðskiptaháskól-
ann eru á ári 280 þúsund krónur í
viðskiptadeild og 350 þúsund í lög-
fræðideild. „Viðskiptaháskólinn á
Bifröst er dýrasti viðskiptaháskóli
landsins hvað grunnnám varðar en
við veitum hins vegar meiri, betri og
persónulegri þjónustu, bæði hvað
varðar kennslu og almenna þjón-
ustu, en nokkur annar háskóli á Ís-
landi,“ fullyrðir Runólfur, „auk þess
sem kennsluaðferðir okkar eru
mjög dýrar en við fáum sama fram-
lag frá ríkinu á nemanda og aðrir
háskólar. Til dæmis má benda á að í
Háskóla Íslands er verið að kenna
400–600 manns á fyrsta ári í við-
skiptafræði í fyrirlestrarsal, sem er
mjög ódýr kennsla, en við erum með
30–100 manna fyrirlestra. Hér er
einnig gríðarlega mikil áhersla á
hópvinnu, verkefnatíma og jafnvel
einstaklingsbundna kennslu. Þenn-
an mismun borgar auðvitað enginn
annar en nemandinn sjálfur og með
því að koma hingað er hann að
kaupa sér betri þjónustu og meiri
gæði í kennslu en hann fær annars
staðar.“
Innifalið í skólagjöldum er pappír
til útprentunar, öll forrit í tölvur
nemenda, aðgangur að Netinu,
tölvukerfi og þráðlausu neti háskól-
ans ásamt aðgangi að líkamsrækt-
arstöð, bóksafni og upplýsingamið-
stöð sem er opin allan
sólarhringinn.
Lögð er mikil áhersla á jafnræði
við inntöku, óháð kyni, efnahag, bú-
setu eða fötlun. Lánasjóður ís-
lenskra námsmanna lánar aukalega
fyrir skólagjöldum svo að það er
ekki efnahagsleg hindrun til náms í
skólann og tölur um tekjur þeirra
sem hafa menntað sig á Bifröst
benda til þess að nám þar sé góð og
arðvænleg fjárfesting.
„Við lifum á mjög hröðum tíma
breytinga og í mikilli samkeppni um
viðskiptanám,“ segir Runólfur, „en
við finnum líklega mest fyrir sam-
keppninni við Háskólann í Reykja-
vík og hluti nemenda sem sækir um
hjá okkur sækir líka um þar. Hins
vegar er samkeppni góð, hún er
hvetjandi fyrir okkur og
við höfum staðið okkur
vel, en svo eiga auðvitað
skólarnir líka ágætt
samstarf þar sem það á
við.“
Annar háskóli er í héraðinu, þ.e.
Landbúnaðarháskólinn á Hvann-
eyri, og segir Runólfur að samstarf-
ið sé ágætt, hins vegar standi ekki
til að fara í samkeppni við hann og
mennta bændur og ekkert sé á döf-
inni sem kalla megi landbúnaðarvið-
skiptafræði.
Einn liður í samkeppni eru end-
urmenntunarmál og símenntun fyr-
ir fólk í atvinnulífinu og verið er að
ráða mann til þess að taka að sér
umsjón þess á Bifröst, hvort heldur
er í staðarnámi eða fjarnámi. „Við
teljum að fjarnám sé mjög hentugur
vettvangur, eins og t.d. fyrir stjórn-
endur sem er oftast mjög upptekið
fólk, það getur unnið sín störf og
skipulagt námið að eigin þörfum og
tíma,“ segir Runólfur. „Aðsókn í
fjarnám hefur farið vaxandi, í upp-
hafi var það skilgreint sem þróun-
arverkefni. Fyrir tveimur árum tók-
um við inn 20 manna hóp og
útskrifuðust flestir þeirra um síð-
ustu áramót með B.S.-gráðu eftir
tveggja ára 30 eininga nám en í
rauninni er um að ræða nám eftir 60
eininga fornám úr einhverjum há-
skólum, eins geta okkar nemendur
hér á öðru ári að loknu diplómanámi
í rekstrarfræði valið hvort þeir taka
þriðja árið í fjarnámi eða staðnámi.
Það er að verða algengara að fólk
hætti hér eftir tvö ár, noti tækifærið
og fari út í atvinnulífið og vinni með
námi sem er að vissu leyti af hinu
góða þannig að það nýtist beint.“
Vaxandi áhrif skólans
í Borgarfirði
Runólfur segir að áhrif Við-
skiptaháskólans á samfélagið í
Borgarfirði fari mjög vaxandi.
„Fyrir nokkrum árum voru menn
gjarnan að gagnrýna nærsamfélag-
ið okkar fyrir að veita ekki skólan-
um næga athygli en þetta hefur
gjörbreyst. Sveitarstjórn Borgar-
byggðar hefur gert sér grein fyrir
gildi þessa skóla fyrir samfélagið og
komið mjög myndarlega að málum í
þessu byggingarstarfi og fyrir það
ber að þakka. Fyrirtæki eins og
Sparisjóður Mýrasýslu ræður til
starfa mikið af fólki frá okkur og
þess eru einnig dæmi að fyrirtæki
séu stofnuð af fyrrverandi nemend-
um okkar sem veita þá atvinnu fyrir
byggðarlagið.“
Runólfur segir það eðli háskóla að
hafa þessi áhrif á umhverfið, mennt-
unarstigið hækkar og út frá háskól-
um spretta sprotafyrir-
tæki sem hafa bæði bein
og óbein áhrif. Ljóst er
að 400 manna samfélag
hefur áhrif á verslun og
þjónustu, auk atvinnu
sem skapast við framkvæmdirnar á
Bifröst, fyrir svo utan beinar tekjur
sveitarfélagsins. „Viðskiptaháskól-
inn greiðir hæst meðallaun hér, við
verðum að taka mið af launakjörum
á höfuðborgarsvæðinu og borga
samkeppnishæf laun og þá erum við
að tala um laun sambærileg við það
sem fyrirtæki eru að borga stjórn-
endum í Reykjavík.“
Á næsta ári veltir háskólinn á
þriðja hundrað milljónum króna og
verður langstærstur hluti þeirra
eftir í héraðinu, í launakostnaði eða
aðkeyptri þjónustu.
Skólinn er sjálfseignarstofnun og
á næsta starfsári koma u.þ.b. 56%
tekna skólans frá ríkinu en annað er
sjálfsaflafé. Að sögn Runólfs fara
tekjur vaxandi og stendur Við-
skiptaháskólinn eignalega og fjár-
hagslega mjög sterkt.
Nemendum fjölgar
um 50 á Bifröst í haust
Morgunblaðið/Guðrún Vala
Runólfur Ágústsson: Erum að fylla upp í gat í íslensku menntakerfi með því að nota erlendar fyrirmyndir.
Stefnt að bygg-
ingu nýs skóla-
húss í haust
Meiri og
persónulegri
þjónusta
gve@ismennt.is
Nýtt íbúðarhúsnæði við
Viðskiptaháskólann á
Bifröst verður tilbúið í
ágúst, skrifar Guðrún
Vala Elísdóttir, frétta-
ritari í Borgarnesi.
Fyrirsjáanleg er
fjölgun um 50 manns
í haust í staðnámi.
da Norð-
gunni var
fnd nátt-
eytis um
Þjórsár-
Enn frem-
ríkisins]
dsvirkjun
u þessari
með stíflu
t að 581
nir að slík
manleg án
ndargildi
filega að
ríkisins].
gerðar á
ar sam-
ndin enn
eg mörk
ðstafanir
um áhrif-
rsárvera
koðun á
nsins.“
dsvirkjun
sóknum á
rirtækinu
ræmi við
ri í um-
virkjunar
stu árum
ing á um-
gum um
að ekki
ruvernd
um fram-
m. Lands-
emur að
nga eru í fullum gangi
r-
ót
inn í
sins á
, með
etja
fis-
son.
ands-
sölu
ast í
jórn-
Morgunblaðið/RAX
málið lúti sömu lögmálum og aðrar
framkvæmdir; fari einfaldlega í
umhverfismat og í ljósi niður-
staðna þess verði ákveðið hvort
framkvæmt verði eður ei.
Náttúruvernd ekki
sama sinnis
Þessu hafa forsvarsmenn Nátt-
úruverndar ríkisins hins vegar
hafnað og bent á að málið sé í eðli-
legum farvegi. Þjórsárveranefnd
skili sínu áliti og í framhaldi af því
því muni stofnunin síðan kveða
upp sinn úrskurð. Það sé skýr
skylda hennar gagnvart lögum að
taka afstöðu til hugmynda um
framkvæmdir á hinu friðlýsta
svæði, þá ábyrgð hyggist menn
axla.
Árni Bragason, forstjóri Nátt-
úruverndar ríkisins, færði þessi
rök fyrir afstöðu stofnunarinnar í
Morgunblaðinu í apríl sl. og sagði:
„Tæknilega séð getur Landsvirkj-
un sett þetta í umhverfismat. Það
væri hins vegar fáránleg ráðstöf-
un, þar sem stofnunin er lögum
samkvæmt umsagnaraðili í slíku
mati og því er tilgangurinn með
slíku vandséður. Til er skýrt ferli
um gang þessara mála í stjórnkerf-
inu og ákvarðanir okkar má kæra
til æðra stjórnsýsluvalds sem er
umhverfisráðherra.“
Þokast í viðræðum
Norðuráls og stjórnvalda
Viðræður íslenskra stjórnvalda
og Norðuráls um aðra þætti varð-
andi þriðja áfanga álversins á
Grundartanga eru einnig í fullum
gangi. Stefnt er að því að ljúka
samkomulagi um skatta- og að-
stöðumál fyrir mánaðamót. Þriðji
áfanginn gerir ráð fyrir stækkun
upp í 180 þúsund tonna fram-
leiðslugetu á ári.
Annar áfanginn, eða stækkun úr
60 í 90 þúsund tonn, var tekinn í
notkun á dögunum en viðræður
hafa staðið yfir um nokkurt skeið
milli Norðuráls og íslenskra
stjórnvalda um frekari stækkun ál-
versins eftir að forráðamenn fyr-
irtækisins kynntu sl. haust áform
um stækkun í allt að 240 þúsund
tonna framleiðslu á ári.
Viðræðunefnd iðnaðarráðuneyt-
isins og forráðamenn Norðuráls
hittust á fundi á miðvikudag þar
sem farið var yfir stöðu mála og
annar fundur er boðaður á föstu-
daginn eftir viku. Að sögn Ragnars
Guðmundssonar, framkvæmda-
stjóra fjármála- og stjórnunarsviðs
hjá Norðuráli, er stefnt að því að
ljúka fyrsta áfanga í viðræðum um
frekari stækkun fyrir mánaðamót.
Gerir hann sér vonir um að það
þýði samkomulag um skattamál og
einnig ýmislegt er varðar aðstöðu
fyrirtækisins á Grundartanga.
Slíkt samkomulag yrði í raun
endurskoðun á þeim samningum
sem þegar eru í gildi milli ís-
lenskra stjórnvalda og Norðuráls,
m.a. á viðamiklum fjárfestingar-
samningi.