Morgunblaðið - 22.06.2001, Blaðsíða 8

FRÉTTIR
8 FÖSTUDAGUR 22. JÚNÍ 2001 MORGUNBLAÐIÐ
Það fækkar óðum fínum dráttum í þjóðfélaginu.
Merkjasala Blindrafélagsins
Félagsstarfið
afar mikilvægt
MERKJASALABlindrafélagsinsstendur yfir
þessa dagana og ganga
sölumenn á milli húsa
landsmanna í fjáröflunar-
skyni. Framkvæmdastjóri
Blindrafélagsins er Björg
Anna Kristinsdóttir. Hún
var beðin um að segja frá
söfnuninni og starfinu.
„Blindrafélagið hefur nú
í júnímánuði staðið fyrir
merkjasöluátaki og merk-
ið er selt fyrir 500 krónur.
Átakið nær bæði til höfuð-
borgar og landsbyggðar
og stendur formlega til 24.
júní. Blindrafélagið stend-
ur reglulega fyrir fjáröfl-
unum til uppbyggingar á
starfsemi sinni.“
– Í hverju felst starf-
semi Blindrafélagsins helst?
„Blindrafélagið hefur byggt
starfsemi sína á frjálsum framlög-
um og notið ómetanlegs stuðnings
almennings í þau rúmu 60 ár sem
liðin eru frá stofnun þess. Ágóð-
inn er notaður til uppbyggingar á
atvinnu-, húsnæðis-, mennta- og
félagsmálum fyrir blinda og sjón-
skerta. Einnig má nefna trúnað-
armannakerfi sem er stuðningur
við blinda og sjónskerta og að-
standendur þeirra. Kerfið byggist
á stuðningi félagsmanna við aðra
félagsmenn eða aðstandendur.
Einnig á Blindrafélagið íbúðir í
Hamrahlíðinni sem eru til útleigu
fyrir félagsmenn. Við rekum einn-
ig sambýli í Stigahlíðinni þar sem
fimm einstaklingar búa sem eiga
það sammerkt að vera blindir eða
sjónskertir. Um þessar mundir er
félagið líka að taka í notkun tvær
nýjar íbúðir fyrir félagsmenn í
Hamrahlíð 17. Frekari uppbygg-
ing íbúðamála er fyrirhuguð.
Blindrafélagið á líka blindra-
vinnustofuna í Hamrahlíðinni sem
er stærsti vinnustaður blindra og
sjónskertra á Íslandi, en þar
starfa um 20 blindir og sjónskert-
ir einstaklingar. Við höldum einn-
ig uppi öflugu félagsstarfi fyrir
félagsmenn okkar. Yfir vetrar-
mánuðina er opið hús tvisvar í
viku þar sem dagskrá er í gangi.
Við fáum til dæmis leikara í upp-
lestur og það er sungið. Fólk er að
sýna sig og sjá aðra eins og maður
segir.“
– Hver eru helstu baráttumál
Blindrafélagsins?
„Blindrafélagið vinnur stöðugt
að bættum hag blindra og sjón-
skertra. Tilgangur starfsins er að
vinna þannig að félagið geti rækt-
að hlutverk sitt sem er fyrst og
fremst að vinna að hagsmunamál-
um blindra og sjónskertra þannig
að þeir njóti jafnréttis á við aðra
og geti tekið þátt í samfélaginu
eins og hugur hvers og
eins stendur til. Má
þar nefna úrbætur á
þjónustu við blind og
sjónskert börn. Einnig
stuðlum við að aukinni
þátttöku í atvinnulífinu
svo eitthvað sé nefnt.“
– Hversu margir eru blindir og
sjónskertir á Íslandi?
„Aðalfélagsmenn í Blindra-
félaginu eru í kringum 360 en um
6.000 einstaklingar eru styrktar-
aðilar í félaginu. Á Íslandi eru um
það bil 1.200–1.300 blindir eða
sjónskertir.“
– Hverjir eru helstu þröskuld-
arnir sem blindir og sjónskertir
rekast á í samfélaginu?
„Það er líklega skilningsleysi
sem byggist á skorti á þekkingu.
Lítið dæmi, að mínu mati, um
slíkt skilningsleysi er þegar bílum
er lagt upp á gangstétt. Þetta er
sjáandi einstaklingum lítil hindr-
un en getur reynst blindum og
sjónskertum Þrándur í Götu.“
– Í hvað rennur ágóði fjársöfn-
unarinnar í ár?
„Ágóðinn rennur í frekari upp-
byggingu á starfsemi félagsins,
má þar nefna félagsstarf og trún-
aðarmannakerfi sem dæmi.“
– Telurðu félagsstarfið mikil-
vægan hluta af starfi Blindra-
félagsins?
„Já, tvímælalaust. Blindra-
félagið leggur mjög mikla áherslu
á uppbyggingu félagsstarfs og sá
þáttur er fyrir fólkið okkar. Ein-
staklingum, sem þjást af ein-
hverri fötlun, er það mjög mik-
ilvægt að búa yfir félagslegri
tengingu, á sama hátt og ófötluð-
um einstaklingum.“
– Hvernig gengur barátta
Blindrafélagsins?
„Félagið hefur eflst og styrkst
og þar af leiðandi getum við stutt
betur við bakið á félagsmönnum
og aðstandendum þeirra. Í þau
rúmu 60 ár sem félagið hefur
starfað hefur heilmikið áunnist í
málefnum blindra og sjónskertra
en fjölmörg spennandi og ögrandi
verkefni bíða okkar í nánustu
framtíð. Vissulega á sér alltaf stað
einhver þróun.“
– Hvað er framund-
an í starfi Blindra-
félagsins?
„Í ágúst fara tíu
fulltrúar frá félaginu á
ráðstefnu í Finnlandi
sem lýtur að málum eldri félaga
með blindu og sjónskerðingu. Við
ákváðum að senda svona stóran
hóp af því að við leggjum áherslu
á þennan málaflokk og þeir sem
fara munu leitast við að miðla
reynslu sinni af ráðstefnunni til
annarra félagsmanna. Það verður
leitast við að gera það á markviss-
an hátt á komandi vetri.“
– Eru náin tengsl við blindra-
samtökin á Norðurlöndunum?
„Já, þau eru mjög náin og mikil
og sterk tengsl þar á milli. Mikil
áhersla er lögð á miðlun þekking-
ar og reynslu milli landa.“
Björg Anna Kristinsdóttir

Björg Anna Kristinsdóttir
fæddist í Reykjavík 7. desember
1974. Hún lauk stúdentsprófi frá
Verzlunarskóla Íslands árið
1994, prófi í iðnrekstrarfræði frá
Tækniskóla Íslands 1999 og al-
þjóðamarkaðsfræðiprófi frá
Tækniskólanum árið 2000. Björg
Anna starfaði sem markaðsstjóri
Nanoq en tók við störfum hjá
Blindrafélaginu í nóvember
2000. Björg Anna er gift Jónasi
Guðmundssyni rekstrarstjóra
ELKÓ og eiga þau eins árs
gamla dóttur.
Fjölmörg
spennandi
verkefni
framundan