Morgunblaðið - 22.06.2001, Blaðsíða 41

MINNINGAR
MORGUNBLAÐIÐ FÖSTUDAGUR 22. JÚNÍ 2001 41
hópi og ef ég þekki þig rétt, þegar
farinn að bralla eitthvað.
Elsku amma. Megi guð styrkja
þig og alla fjölskylduna. Þú veist
hvar mig er að finna. Elsku afi, ég
hef lært svo mikið af þér og er svo
rík að hafa átt þig að. Guð veri
ávallt með þér. Takk fyrir allt.
Þín
Lovísa Ósk.
Það er undarlegt að maður gefi
sér ekki þann tíma til að setjast
niður og minnast fyrr en einhver
nákominn deyr. Maður ætti að
gera það oftar, setjast niður,
stoppa tímann og ferðast til baka
um stund. Ég held að okkur liði
betur í stressi nútímans að horfa
til baka á allt það fallega og góða
sem við höfum upplifað.
Nú þegar elsku afi minn er far-
inn frá okkur sit ég hér og minnist
alls þess sem við áttum saman. Afi
minn var stór hluti af bernsku
minni, við bjuggum á sama bæ.
Það eru ekki öll börn sem eiga
þann kost að fá að alast upp með
ömmu og afa sér við hlið en ég var
svo heppin að gera það og fá að
kynnast þeim mjög vel.
Elsku afi. Því miður gat ég ekki
verið þér við hlið þínar síðustu
stundir en þú varst alltaf efst í
huga mér og ég fylgdi þér alla leið.
Þó svo við höfum ekki hist oft
síðustu tólf árin eigum við alltaf
okkar bönd sem enginn getur tek-
ið frá okkur.
Ég er þakklát fyrir að við hitt-
umst um páskana og að þú fékkst
að hitta börnin mín. Þó svo að
dóttir mín hafi skapgerð móður
sinnar og hafi vakið hjá öllum
óþægilegar minningar um barn-
æsku mína. Þú kvaddir mig þá, þú
vissir nú að við myndum ekki sjást
aftur, en ég vildi ekki kannast við
það því þú hefur alltaf verið mér
við hlið og einhvern veginn er það
svo að maður heldur að þeir sem
standa manni næst séu ódauðlegir.
Ég var illa minnt á að enginn er
ódauðlegur.
Ég hugsa til baka í Húnakotið,
að sitja stundum við hlið þér í
ómagahorninu og fá eina pönnu-
köku utanundir. Maður var aldrei
öruggur í nálægð þinni, þú varst
alltaf með einhver prakkarastrik í
gangi. En ég naut þess. Öll jólin
sem við höfum haldið saman, engin
jól jafnast á við þau. Oft elti ég þig
út um allt og vildi vera með þér í
daglega amstrinu en þér fannst nú
telputetrið bara vera að þvælast
fyrir fótunum á þér. Þú áttir oft í
miklu basli með að skilja mig og
Sæma að í slagsmálum á sumrin
en við slógumst um þig og ömmu.
Þú gast gert mig óða með glettni
þinni og stríðni en í dag minnist ég
þessa mest og hlæ að. Gælunafnið
sem þú gafst mér og stríddir mér
á, hataði ég þá, en í dag elska ég
það. Það er bara þitt og mitt, afi.
Að fá að alast upp með þig og
ömmu „hinum megin“ hefur að
mörgu leyti mótað mig og gert mig
að þeirri persónu sem ég er í dag
og henni er ég stolt af.
Því er ég þakklát ykkur báðum.
Elsku afi minn, ég kveð þig með
tárum og það tómarúm sem andlát
þitt skilur eftir í mínu hjarta fylli
ég með öllum minningunum okkar.
Sofðu rótt, elsku vinur, og takk
fyrir allt. Ég elska þig.
Þín Mamla,
María Anna Gísladóttir.
Elsku afi minn, ég þakka þér
allar góðu samverustundirnar sem
við áttum, einkum þegar ég var á
yngri árum og þið amma bjugguð í
Þykkvabænum. Þá dvaldi ég oft
hjá ykkur ásamt foreldrum mínum
og systkinum og alltaf voru mót-
tökurnar jafn góðar hjá ykkur
ömmu. Í sveitinni var alltaf nóg að
gera og þó maður hafi ekki gert
mikið gagn þá fékk maður að taka
virkan þátt í heyskap, réttum,
kartöfluupptöku o.fl. Það koma
líka upp í hugann allar útilegurnar
og veiðiferðirnar sem við fórum
með ykkur ömmu. Ef við fórum í
veiðiferð með afa gátum við verið
viss um að það yrði nóg að gera
við að landa aflanum því afi var
mjög glúrinn að finna hvar hægt
var að ná í fisk. Afi var líka mikill
félagi okkar krakkanna og alltaf
liðtækur í því sem okkur datt í hug
að gera og var þá oft mikið hlegið.
Í minningunni eru þetta mjög dýr-
mætir tímar fyrir mig.
Elsku afi, þú barst aldurinn svo
vel og varst enn svo líkamlega og
andlega sterkur þegar þú greind-
ist með illkynja sjúkdóm í febrúar
sl. Þú áttir svo mikið eftir og því
er þetta svo sárt, enda komstu öll-
um á óvart með líkamlegum styrk
þínum síðustu dagana. En ég veit
að nú líður þér vel og það huggar
mig á þessari stundu. Ég er viss
um að nú ertu kominn á hestbak
eða farinn að renna fyrir fisk, en
þannig leið þér svo vel.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
(Þórunn. Sig.)
Elsku amma, megi góður Guð
styrkja þig og varðveita í sorginni.
Guð geymi þig, afi minn, og
varðveiti alla tíð.
Guðrún Sandra.
Elsku afi minn. Þá er komið að
því , kveðjustund og enn svo
margt ósagt og ógert. Aldrei aftur
munum við koma við í Græn-
umörkinni og hitta þig fyrir, bí-
sperrtan með hendur djúpt í
buxnavösum, með gamalkunnan
prakkarasvip á glettnu andlitinu,
standandi við hlið ömmu í eldhús-
inu. Þá var eins gott að standa
klár á svörunum ef maður vildi
ekki verða skotinn í kaf !! Þessi
mynd og aðrar henni líkar eru gull
og gimsteinar sem við geymum í
hjarta okkar, við drögum þær
fram og huggum okkur við þegar
sorgin nístir inn að beini. Á þínum
léttu nótum hlýt ég að eiga síðustu
orðin: Merkilegt hvað þú áttir oft
veiði!!! Merkilegt líka hvað þinn
traktor fór svolítið hraðar en hinn
þegar verið var að taka upp! Ég
þarf ekki að tíunda allt sem þú
gerðir eða sagðir, þú varst mér
sem annar faðir og lærimeistari í
svo mörgu að það verður seint allt
talið. Börnin biðja fyrir kveðjur,
ég er óendanlega þakklátur fyrir
að þau fengu að kynnast þér.
Deyr fé,
deyja frændur,
deyr sjálfur ið sama
en orðstír deyr aldregi
hveim sér góðan getur.
Deyr fé, deyja frændur,
deyr sjálfur ið sama.
Ég veit einn
að aldri deyr,
dómur um dauðan hvern.
(Úr Hávamálum.)
Samverustundirnar verða ekki
fleiri hérna megin en ég held,
elsku vinur, að við höfum kreist
það sem við gátum út úr þeim sem
við áttum.
Þinn sonarsonur
Óskar Gíslason.
Elsku bróðir, mágur og frændi.
Eitt sinn verða allir menn að
deyja, segir í ljóðinu, „Söknuður“
og víst er það rétt, en þegar ást-
vinur deyr erum við alltaf óviðbúin
og söknuðurinn mikill. Minning-
arnar streyma fram. Pabbi okkar
var litli bróðir þinn og þið hafið
búið nánast hlið við hlið allt þar til
að þið Lúlla fluttuð á Selfoss fyrir
nokkrum árum. Ætíð var mikill
samgangur milli bæja. Fyrstu
minningar okkar systkinanna um
þig eru frá okkar frumbernsku. Þú
hefur skipað svo stóran sess í lífi
okkar, allar skemmtilegu stund-
irnar í sveitinni, svo við tölum nú
ekki um afmælin og veislurnar, en
þar varst þú hrókur alls fagnaðar,
faðmlag þitt, glettni og hlátur
vekja ljúfa minningu. Einu skiptin
sem við systkinin heyrðum þig
„skammast“ var þegar þú og pabbi
voruð að smala. Þá áttum við kon-
urnar í lífi ykkar bræðranna að
vera mættar kl. 11 að morgni
smaladags uppi við rétt, en þið
karlmennirnir fóruð í bítið á hest-
um. Er kom að því að reka féð inn
í réttina, gekk það misvel. Þá
heyrðist vel í ykkur bræðrunum.
Oft er hlegið að þessu enn þann
dag í dag. Hestar voru þér alltaf
hjartfólgnir og alltaf fylgdist þú
með okkar árlegu hestaferð frá
Selfossi í Þykkvabinn. Stundum
komst þú ríðandi með Gesti og
pabba á móti. Þá var gjarnan áð í
Húnakoti áður en stefnan var tek-
in á Suður-Nýjabæ. Allar hinar
ljúfu minningarnar geymum við í
hjörtum okkar. Pabbi, mamma og
við systkinin þökkum samfylgdina
öll árin.
Elsku Óskar, nú eru allar þraut-
ir þínar horfnar og við vitum að
amma, afi og systkini þín ellefu,
hafa tekið þig í arma sína. Elsku
Lúlla, Auður, Garðar, Kata, Árni
og fjölskyldur, við biðjum algóðan
guð að gefa ykkur styrk á þessari
sorgarstund. Hinsta kveðja okkar
til þín, elsku Óskar, er bæn sem
Guðrúnu ömmu dreymdi:
Drottinn blessi mig og mína
morgun, kvöld og nótt og dag.
Drottinn vefji vængi sína
vörn um lífs- og sálarhag.
Drottinn yfir lög og láð
leggi sína línarnáð.
Drottinn allra veri vörn
varðveit faðir öll þín börn.
Ástarkveðjur.
Ágúst, Nína, börn og
fjölskyldur.
Elsku Óskar, allar minningar
mínar um þig eru umluktar gleði
og hlátri, og þær mun ég varðveita
sem gull í mínu hjarta.
Takk fyrir yndislegar samveru-
stundir, þótt ég hefði kosið að hafa
þær miklu fleiri. Við bætum úr því
þegar við hittumst aftur.
Kær kveðja.
Anna Sigurlaug Ólafsdóttir.
EIGI minningargrein að birt-
ast á útfarardegi (eða í sunnu-
dagsblaði ef útför er á mánu-
degi), er skilafrestur sem hér
segir: Í sunnudags- og þriðju-
dagsblað þarf grein að berast
fyrir hádegi á föstudag. Í mið-
vikudags-, fimmtudags-, föstu-
dags- og laugardagsblað þarf
greinin að berast fyrir hádegi
tveimur virkum dögum fyrir
birtingardag. Berist grein eftir
að skilafrestur er útrunninn
eða eftir að útför hefur farið
fram, er ekki unnt að lofa
ákveðnum birtingardegi. Þar
sem pláss er takmarkað getur
þurft að fresta birtingu greina,
enda þótt þær berist innan hins
tiltekna skilafrests.
Skilafrestur
minning-
argreina
Mig langar að
kveðja vin minn
Þorra. Margar minn-
ingar frá liðinni tíð
hrannast upp í huga
mér og reynist mér
erfitt að festa þær á blað. Það eru
orðin tuttugu og eitt ár síðan ég
kynntist Þorra fyrst og hef verið
föðurfjölskyldu hans, Jóni Arnarr,
Elmu, Orra, Grímu og Birtu, sam-
ferða á lífsins göngu. Á þessum ár-
um hefur margt á daga okkar drif-
ið, mörg voru ferðalögin,
afmælisveislunnar, hátíðisdagarnir
og alls konar tilefni þar sem fjöl-
skyldurnar nutu samveru hver ann-
arrar. Þegar ég hugsa til baka sé
ég að margar af bestu stundunum
sem við áttum með Þorra voru við
ósköp hversdagslegar aðstæður,
svo sem við eldhúsborðið í Mið-
stræti þar sem mörg listaverkin
urðu til og mörg ævintýrin voru
lesin. Þar var mikið spjallað og oft
hlegið dátt. Margar kærar minn-
ingar koma upp í huga mér frá því
Þorri var barn að aldri, frá úti-
legum sem farnar voru og gleðinn-
ar í augum hans eftir vel heppnaða
útilegu og ég tala nú ekki um ef
farið var í eitthvað vatn að veiða.
Þá ljómaði hann og hafði frá svo
mörgu að segja hvort sem hann
veiddi fisk eða ekki. Jafnvel flækt
lína eða ormarnir í dollunni voru
ævintýri út af fyrir sig, og margt
skröfuðu þeir bræður Orri og Þorri
eftir slíkar ferðir, og fór það ekki
fram hjá neinum hve ríkur vin-
skapur og kærleikur var á milli
þeirra bræðra og systkinanna allra.
Þorri var mjög myndarlegur
ungur maður, afar geðgóður og
ljúfur í lund og átti mjög auðvelt
ARNARR ÞORRI
JÓNSSON
✝ Arnarr ÞorriJónsson fæddist í
Reykjavík 12. mars
1975. Hann lést á
Landspítalanum í
Fossvogi 2. júní síð-
astliðinn. Að ósk
Þorra fór útför hans
fram í kyrrþey föstu-
daginn 15. júní.
með að sjá björtu hlið-
arnar á tilverunni.
Hann hafði mjög
skemmtilega kímni-
gáfu sem hann svo
trompaði með fallega
breiða brosinu sínu í
bland við stríðnislegt
glott, þetta bros hans
var mjög sérstakt og
eftirminnilegt.
Þorri fór oft ótroðn-
ar slóðir í því sem
hann tók sér fyrir
hendur og vildi um-
fram allt hafa gaman
af því sem hann var að
fást við. Síðasta skiptið sem ég hitti
Þorra á lífi var á Bræðraborgarstíg
hjá pabba hans og Elmu, Birtu,
Sigga og Sól litlu og var hann í sól-
skinsskapi og var að grínast við
pabba sinn og okkur og kvaddi með
kveðjunni sjáumst. Mér er ekki
ætlað að sjá hann aftur fyrr en
minn tími er kominn að fara til
Drottins, ég er þakklát að eiga svo
góða og fallega minningu frá síð-
ustu samverustund okkar. Það er
mér mikill heiður að hafa fengið að
kynnast Þorra og ég bið Drottin
Guð að blessa Þorra. Ég veit að
hann er umvafinn ljósinu núna.
Ég og fjölskylda mín sendum
okkar innilegustu samúðarkveður
til Sölku litlu dóttur hans, Jóns,
Sigrúnar, Orra, Gríms, Birtu og
Elmu og allra annarra ástvina hans
og bið Guð að lina sorg þeirra og
bið þeim Guðs blessunar og friðar.
Nú hverfi oss sviðinn úr sárum,
og sjatni öll beiskja í tárum,
því dauðinn til lífsins oss leiðir,
sjá, lausnarinn brautina greiðir.
Þótt líkaminn falli að foldu
og felist sem stráið í moldu,
þá megnar Guðs miskunnarkraftur,
af moldum að vekja hann aftur.
Í jörðinni sáðkornið sefur,
unz sumarið ylinn því gefur.
Eins drottinn til dýrðar upp vekur
það duft, sem hér gröfin við tekur.
(Stef.Thor.)
Auður Hrafnsdóttir og
fjölskylda, Njarðvík.
Útfararþjónustan ehf.
Stofnuð 1990
Rúnar Geirmundsson
útfararstjóri
Traust persónuleg
alhliða útfararþjónusta.
Áratuga reynsla.
Símar 567 9110 & 893 8638
utfarir.is
ÚTFARARSTOFA ÍSLANDS
Sími 581 3300
Allan sólarhringinn — www.utforin.is
Suðurhlíð 35, Fossvogi
Sverrir
Olsen
útfararstjóri
Bryndís
Valbjarnardóttir
útfararstjóri
Sverrir
Einarsson
útfararstjóri
Landsbyggðarþjónusta. Áratuga reynsla.
 4% 

! 03 "/5 =>

  
 #  ! ! !&$  0  
# ,$!!!$&$ '(    ))
6- " 5- # 5 5- %