Morgunblaðið - 01.12.2001, Side 25

VIÐSKIPTI/ATHAFNALÍF
MORGUNBLAÐIÐ LAUGARDAGUR 1. DESEMBER 2001 25
BAUGUR hf. skilaði 131 milljónar
króna hagnaði á fyrstu níu mánuðum
ársins samanborið við 394 milljóna
króna hagnað á sama tímabili í fyrra.
Rekstrartekjur samstæðunnar
námu 26 milljörðum króna á tíma-
bilinu en voru 16,5 milljarðar króna á
sama tíma í fyrra. Rekstrargjöld
námu tæpum 25 milljörðum króna en
voru ríflega 15 milljarðar í fyrra.
Hagnaður fyrir afskriftir og fjár-
magnsliði, EBITDA, nam tæpum 1,1
milljarði sem er svipað og af sama
tímabili í fyrra. Hagnaður af reglu-
legri starfsemi eftir skatta nam 454
milljónum króna á tímabilinu en var
644 milljónir króna allt árið 2000.
Áhrif hlutdeildarfélaga Baugs
námu 626 milljónum króna á tíma-
bilinu en hlutdeild í óreglulegum
gjöldum hlutdeildarfélags námu 284
milljónum. Alls er tekjufærð hlut-
deild í afkomu hlutdeildarfélaga að
fjárhæð 341 milljón króna.
Eignir Baugs námu í lok septem-
ber 34,2 milljörðum króna og hafa
ríflega tvöfaldast frá áramótum en
þá námu eignir félagsins 15,4 millj-
örðum króna. Aukningin er að mestu
tilkomin vegna aukinna eignarhluta í
dóttur- og hlutdeildarfélögum og
aukinna vörubirgða.
Skuldir samstæðunnar tvöfölduð-
ust einnig frá áramótum, svo og eigið
fé. Skuldir námu í lok tímabils 23
milljörðum króna en eigið fé nam 11
milljörðum. Veltufé frá rekstri nam
534 milljónum en var tæpir 1,3 millj-
arðar um áramót. Gert er ráð fyrir
að veltufé verði 1,7 milljarðar í árs-
lok.
Í tilkynningu frá Baugi segir að
niðurstöður níu mánaða uppgjörsins
séu í samræmi við væntingar for-
svarsmanna að frátöldum rekstri
móðurfélagsins á heimamarkaði í
septembermánuði. Þá segir að mikill
kostnaður hafi fallið á félagið í sept-
ember vegna opnunar átta verslana í
Smáralind.
Hagnaður
Baugs 131
milljón króna
TAP varð á rekstri Kaupfélags Ey-
firðinga og dótturfélaga fyrstu níu
mánuði ársins og nam það 419 millj-
ónum króna, að teknu tilliti til skatta
og annarra tekna, skv. óendurskoð-
uðu árshlutauppgjöri félagsins.
Rekstrartekjur samstæðunnar
námu 3.904 milljónum króna og
rekstrargjöld fyrir afskriftir og vexti
námu 3.705 milljónum króna. Af-
skriftir námu 185 milljónum króna og
rekstrarhagnaður fyrir fjármagnsliði
nam 60 milljónum króna. Fjármagns-
gjöld umfram fjármunatekjur námu
606 milljónum króna og vegur þar
stærst gengistap á erlendum lánum
og afleiðusamningum að fjárhæð 517
milljónir króna, að því er fram kemur
í tilkynningu til Verðbréfaþings.
Tap á reglulegri starfsemi félags-
ins eftir skatta nam 440 milljónum
króna en tap ársins nam 419 millj-
ónum króna. Veltufé til rekstrar nam
413 milljónum króna. Bókfært eigin-
fjárhlutfall samstæðu er 25% og móð-
urfélags 40%.
Eiríkur S. Jóhannsson kaupfélags-
stjóri segir að uppgjörið sé vonbrigði
en áfram verði unnið í því að ná fram
aukinni hagræðingu í rekstri innan
samstæðunnar. Ytri skilyrði félagsins
séu áfram óhagstæð eins og flestra
annarra fyrirtækja.
Um áramótin verða allar eignir og
skuldir Kaupfélags Eyfirðinga svf.
færðar í sérstakt hlutafélag sem mun
hafa fjárfestingar- og eignaumsýslu
að meginstarfsemi.
Tap Kaupfélags Ey-
firðinga 419 milljónir
ÚTBOÐ Hlutafjár í Bakkavör Group
hf. í framhaldi af kaupum félagsins á
breska matvælafyrirtækinu Kats-
ouris Fresh Food Ltd. í Bretlandi
fyrir 15,6 milljarða króna verður að
fjárhæð 2,9 milljarðar króna að
markaðsvirði. Útboðið verður tví-
skipt. Þannig er áformað að 700
milljónir króna að markaðsvirði
verði seldar til almennings á genginu
6,8, sem þó gæti lækkað ef endanlegt
útboðsgengi, sem ákvarðast mun af
áhuga fagfjárfesta, verður lægra.
Lokaverð bréfa í Bakkavör var í
gær 7,15 á VÞÍ og hefur gengið
hækkað úr 4,54 frá því tilkynnt var
um kaupin á breska fyrirtækinu.
Sala til almennings (almennt út-
boð) mun fara fram með rafrænum
hætti á heimasíðu Kaupþings hf.,
www.kaupthing.is, frá kl. 10:00
föstudaginn 7. desember n.k. til kl.
18:00 miðvikudaginn 12. desember.
Þá er ætlað að selja hlutabréf að
markaðsvirði 2,2 milljarðar króna til
fagfjárfesta á Íslandi, í Svíþjóð og í
Danmörku. Útboðsgengi verður á
bilinu 6,2 – 6,8. Mun endanlegt út-
boðsgengi ákvarðast af áhuga fag-
fjárfesta á svokölluðu „book-build-
ing“ tímabili, sem er frá kl. 10:00
mánudaginn 3. desember n.k. til kl.
18:00 miðvikudaginn 12. desember
n.k. Tilkynnt verður um endanlegt
útboðsgengi eftir lok tímabilsins.
Í tilkynningu til Verðbréfaþings
kemur fram að heimilt er að hækka
fjárhæð hlutafjár sem boðið verður
fagfjárfestum um allt að 700 millj-
ónir króna í allt að 2,9 milljarða
króna að markaðsvirði, enda verði
um verulega yfiráskrift fagfjárfesta
að ræða. Kaupþing hf., Búnaðar-
banki Íslands hf., Íslandsbanki hf. og
MP – Verðbréf hf. munu annast sölu
til fagfjárfesta á Íslandi, Aragon
Fondkommission AB og Kaupthing
Investment Bank, Stokkhólmi, til
fagfjárfesta í Svíþjóð og Kaupthing
Bank Danmark til fagfjárfesta í
Danmörku.
Þannig verður heimilt að hækka
heildarfjárhæð útboðsins í allt að kr.
3,6 milljarða króna að markaðsvirði,
enda verði um verulega umframeft-
irspurn að ræða.
Útboð hlutafjár í Bakkavör Group hf.
Gengi á bréfum
til almennings
verður 6,8