Morgunblaðið - 01.12.2001, Qupperneq 70

70 LAUGARDAGUR 1. DESEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ SEM erum báðar hreyfihaml-
aðar og notum hjólastóla höfum
gegnum árin flogið oft með Flugleið-
um og öðrum flugfélögum í Evrópu
og Ameríku. Nú nýverið kom þjón-
usta sú sem Flugleiðir veita hreyfi-
hömluðum fram í sviðsljósið þar sem
þeir voru að herða reglur um það
hverjir gætu ferðast í flugi án aðstoð-
armanna. Þetta leiddi til þess að við
fengum margar fyrirspurnir frá vin-
um og vandamönnum um það hvern-
ig okkur gengi að ferðast með Flug-
leiðum. Það er skemmst frá því að
segja að þjónusta Flugleiða hefur
verið mjög góð. Þegar miði er keypt-
ur höfum við látið vita af hreyfihöml-
un okkar og þá er það skráð á farseðil
og gefið upp hversu mikillar aðstoðar
er þörf.
Í því felst aðstoð í flugstöð með því
að ýta í hjólastólnum út að landgangi
flugvélarinnar ef þörf krefur og
styðja okkur til sætis, en við getum
staðið upp úr hjólastól og komist inn í
sæti með aðstoð.
Einnig gengur starfsmaður frá því
að koma hjólastólnum með í farang-
ursrými.
Síðan þegar komið er á áfangastað
mætir aðstoðarmaður og veitir sams-
konar þjónustu, í gegnum vegabréfa-
skoðun, að farangri og, ef um milli-
lendingu er að ræða, út að næstu vél.
Þessi góða þjónusta Flugleiða hef-
ur gert okkur kleift að ferðast
áhyggjulaust þrátt fyrir fötlun okkar.
Þess ber að geta að önnur fer yf-
irleitt ein í flugið og nýtur því aðstoð-
ar með handfarangur og aðra fylgi-
hluti.
Við skrifum þetta bréf til að þakka
fyrir góða þjónustu, sem kom raunar
á óvart þegar við fórum fyrst að
ferðast um, því kynning á þessari
þjónustu er engin og það er ekki fyrr
en maður kynnist henni af eigin raun
að maður uppgötvar hvað hún er frá-
bær. Við hlökkum til frekari ferða-
laga með Flugleiðum
og þökkum ánægjuleg samskipti.
HAFDÍS HANNESDÓTTIR,
Furugrund 70, Kópavogi.
SIGURBJÖRG
ÁRMANNSDÓTTIR,
Þingási 5, Reykjavík.
Þakkir til Flugleiða
Frá Hafdísi Hannesdóttur og
Sigurbjörgu Ármannsdóttur:
EINS OG svo oft áður er fátækt fólk
í Afganistan nú leiksoppur átaka
milli voldugra alþjóðlegra og þar-
lendra stríðs-
herra. Áður en
loftárásirnar hóf-
ust í haust var
flest venjulegt
fólk á vesturlönd-
um andvígt þeim,
m.a. 90% Íslend-
inga. Eftir að loft-
árásirnar byrjuðu
og flestar ríkis-
stjórnir eru búnar
að lýsa yfir stuðningi við þær er
meiri hluti almennings í heiminum
samt á móti þeim.
Þannig hefur þetta verið í öllum
styrjöldum. Valdsmenn og stríðs-
herrar tefla fram hersveitum sínum
eins og peðum á borði í banvænu
tafli. Þessir skákmenn dauðans
hugsa ekki eins og venjulegt fólk.
Þeir eru í slagtogi við aðra valds-
menn í hernaðar- eða í viðskipta-
bandalögum og gráta yfir óförum
eða gleðjast yfir sigrum þessara
bandamanna sinna.
Hinir óbreyttu, venjulegar mann-
eskjur, eiga hins vegar erfitt með að
sætta sig við að öðru fólki skuli látið
blæða út fyrir byssum eða sprengj-
um eða verða hungri að bráð af því
að tæknuvæddustu og ríkustu lönd
heims vilja sprengja burt fyrir því
lífsgrundvöllinn.
Kannski eru hinir smærri valda-
menn heimsins bara eins og strák-
arnir eða stelpurnar sem taka þátt í
einelti af því þeir þora ekki annað.
„Ef við neitum að taka þátt í einelt-
inu þá verðum við bara sjálf fyrir
því.“
Valdsmennirnir eiga hins vegar
fjölmiðla sem þeir nýta til að villa um
fyrir fólki í þeirri von að það láti þá í
friði á þessari leið sinni til glötunar.
En það er önnur leið.
Upphaf allra átaka í heiminum er
misrétti. Hinir ríku eru stöðugt að
verða valdameiri. Ríkidæmi tryggir
vopn og völd, og völd tryggja ríki-
dæmi. Hinir ríku traðka stöðugt
harkalegar á hinum fátækari. Þeim
fjölgar stöðugt sem andæfa, en jafn-
framt eflist tækni valdsherranna til
að halda þeim í skefjum.
Á slíkum tímum sem þessum þyk-
ir það sjálfsagt jaðra við barnsleg
trúarbrögð að vonast eftir betra
heimi og friði til handa öllum mann-
eskjum. Framtíð og velferð okkar
allra byggist samt á því og á því einu
að vinna að slíku.
Leiðin er að styðja baráttu hinna
snauðu fyrir betra lífi, í Palestínu, í
Afganistan og annars staðar í heim-
inum. Sérhvert skref í slíkum stuðn-
ingi eflir trú hinna snauðu á hinu
manneskjulega í heiminum. Loft-
árásir hinna ríku og auðugu til að
tugta til hina kúguðu munu aðeins
leiða til þess að fleiri sannfærast um
að hryðjuverk séu eina leiðin.
Breytum utanríkistefnu Íslands.
Ef ríkisstjórn Íslands mundi nú
snúa við blaðinu og segja hættið
þessu stríði. Ef hún mundi biðja
þjóðir Afganistan afsökunar á þeim
hörmungum sem hún hefur tekið
þátt í að leiða yfir þær og lofa að
bæta fyrir brot sín, væri það aðgerð
sem yrði tekið eftir um allan heim,
mundi leiða til þess að fleiri lýstu
slíku yfir, leiða til þess að fólk í Afg-
anistan mundi aftur fá trú á hinum
vestræna heimi.
Hefjum friðarbaráttu sem miðar
að slíku. Og þótt okkur takist það
ekki núna, skulum við stefna að
breyttri utanríkisstefnu Íslands,
stefnu friðsamlegra lausna. Úr Nato
herinn burt, Ísland verði aldrei aftur
þátttakandi í slíku stríði.
RAGNAR STEFÁNSSON,
jarðskjálftafræðingur.
Ísland taki upp
friðarstefnu
Frá Ragnari Stefánssyni:
Ragnar
Stefánsson