Morgunblaðið - 18.12.2001, Qupperneq 55

UMRÆÐAN
MORGUNBLAÐIÐ ÞRIÐJUDAGUR 18. DESEMBER 2001 55
ÞEGAR mér verður
hugsað til námsár-
anna minnist ég þess
hvað það var frjálst
og áhyggjulítið líf að
vera í skóla. Þá lifði
maður í allt að því
vernduðu umhverfi,
þar sem allir voru að
takast á við það sem
þeir höfðu áhuga á.
Þegar út í lífið kom
fylgdu bæði ábyrgð
og skyldur starfinu.
Umhverfið markaðist
meira af því að menn
voru að keppast við að
uppfylla skyldur sínar
og leitast við að vera
ábyrgir þegnar.
Síðan námi lauk hef ég haft
gagn og gleði af að taka þátt í ým-
iss konar námskeiðum og sækja
mér fræðslu, sem ég hef oftar en
ekki getað miðlað öðrum í gegnum
starf mitt eða prédikun. Þess
vegna lít ég á það sem forréttindi
að fá að vera í skóla.
Það er bæði gott og nauðsynlegt
að ljúka námi, en mikil spurning
er hvort fólk verði nokkurn tímann
fullmenntað. Einnig er hægt að
segja með sanni að margt fólk sé
vel menntað, þótt það hafi ekki
lokið langskólanámi. Fróðleiks-
fýsn, sem birtist m.a. í lestri og
þátttöku í margskonar námskeið-
um, skilar ákveðinni þekkingu og
færni og flokkast undir það að
kallast menntun. Því er þar við að
bæta að margir hafa lært mikið í
„skóla lífsins“.
Að takast á við lífið er það verk-
efni sem er okkur öllum sameig-
inlegt. Stöðugt er reynt að búa
okkur, hvort sem við erum ung eða
aldurhnigin, betur
undir það mikilvæga
og oft erfiða verkefni.
Þess vegna er hvers
konar símenntun mik-
ilvæg. Hún er hvatn-
ing til að auka við
þekkingu sína og
færni. En eins og ég
hef nefnt er tæplega
hægt að segja að ein-
hver einstaklingur sé
„fullmenntaður“.
Hann getur eigi að
síður hafa lokið ýms-
um lærdómsgráðum.
Mig langar til að
vekja á því athygli
hversu mikilvægt
fræðslustarf er unnið í kirkjum
landsins. Fræðslustarf sem hik-
laust má líkja við símenntun.
Við prestarnir erum stöðugt að
fjalla um texta Biblíunnar og
hvetjum fólk til að lesa hana sér til
uppbyggingar. Sá getur varla kall-
ast vel menntaður sem ekki hefur
tekið sér það verkefni fyrir hendur
að lesa hana, því stef og myndir úr
textum Biblíunnar eru gegnum-
gangandi í menningu hins kristna
heims. Oft bregður þessum stefj-
um fyrir bæði í bókmenntaverkum
og í myndlist, en einnig í kvik-
myndum.
Á okkar dögum hefur komið ný
vídd í Biblíuáhuga, en hópur af
ungu fólki hefur það að áhugamáli
að greina Biblíustef í kvikmyndum
og hefur komið upp fróðlegri vef-
síðu, Deus ex Cinema, um þetta
efni. (http:www.dec.hi.is/) Einnig
hafa guðfræðingar tekið sér það
fyrir hendur að greina trúarleg
stef í textum rokkhljómsveita.
Hið mikilvæga fræðslustarf sem
fram fer í barnastarfi kirkjunnar
er nú víðast hvar hafið. Eins og
heimsbyggðin hefur orðið vitni að
nýlega veitir ekki af því að kenna
börnum strax grundvallaratriðin í
góðum mannlegum samskiptum,
en það er meðal þess sem þeim er
lagt á hjarta í kirkjustarfinu. Það
sama má segja um ýmsa aðra
fræðslu kirkjunnar, svo sem ferm-
ingarfræðsluna, undirbúning
hjónaefna og skírnarfræðsluna.
Allt hnígur þetta starf að því að
gera fólk betur undir það búið að
takast á við lífið. Þegar áföll lífsins
dynja yfir hefur kirkjan m.a. boðið
upp á bænanámskeið og námskeið
í úrvinnslu sorgar, en mörgum
getur reynst hjálplegt að fá slíka
aðstoð, sem ekki er óeðlilegt.
Í Biblíunni er fólgin mikil og
djúp speki og efni hennar er til-
valið til íhugunar í einrúmi og
margt af því sem þar stendur
hjálpar manninum til að takast á
við lífið. Þá þarf maður líka að lesa
meira en það sem stendur á kili
hennar í bókaskápnum. Starfið í
söfnuðum landsins er aðgengilegt
símenntunarstarf í jákvæðu um-
hverfi sem vert er að hvetja fólk
til að kynna sér.
Að takast á við lífið
Friðrik J.
Hjartar
Símenntun
Starfið í söfnuðum
landsins, segir Friðrik
J. Hjartar, er aðgengi-
legt símenntunarstarf í
jákvæðu umhverfi.
Höfundur er prestur í Garðabæ.