Morgunblaðið - 19.03.2002, Side 16

SUÐURNES
16 ÞRIÐJUDAGUR 19. MARS 2002 MORGUNBLAÐIÐ
G LF
í Túnis
Ferðaskrifstofa Vesturlands býður upp á 11 daga
golfferðir til Túnis, þar sem ekkert er til sparað til
að gera ánægjulega og eftirminnilega ferð.

Golf við kjöraðstæður í þægilegu loftslagi.

Fyrsta flokks strandhótel, góður matur og þjónusta.

Sérlega áhugaverður menningarheimur.

Brottför 26. apríl.
Fararstjóri Sigurður Pétursson golfkennari.
Verð kr. 145.800 í tvíbýli innifelur: Flug, fararstjórn,
akstur, gistingu, hálft fæði og 8 vallargjöld.
Ferðaskrifstofa Vesturlands, sími 437 2323.
Sími 437 2323, fax 437 2321. Netfang travest@simnet.is
BRÆÐURNIR Sigurður og Friðrik
Guðmundssynir úr Njarðvík njóta
lífsins í Flórída. Þeir fóru um
helgina í tvo garða í Disney World,
að því er fram kemur í dagbók
þeirra á Netinu.
Bræðurnir, sem báðir eru haldn-
ir erfiðum sjúkdómi og eru bundnir
við hjólastól, gátu látið drauminn
um að fara til Flórída rætast eftir
að fyrirtæki og einstaklingar lögðu
fram fé í ferðasjóð þeirra. Fóru
þeir utan síðastliðinn mánudag,
ásamt aðstoðarfólki, og notuðu
fyrstu dagana til að skoða sig um í
Orlando og slaka á. „Á föstudaginn
fórum við í Magic Kingdom sem er
einn af fjórum Disney-görðunum
það var líkast því að koma inn í
teiknimynd með öllum Disney-
fígúrunum. Frikki fór í fullt af
tækjum en ég komst ekki í neitt
tæki en það var frábært að koma
þangað. Það var mjög heitt, svona
32°C, og rosalega margt fólk,“
skrifar Sigurður í dagbók sína.
„Á laugardag fórum við af stað
klukkan 9.30 og fórum í Epcot sem
er annar Disney-garður sem hefur
þema um framtíðina, tæknina og
umhverfismál. Við fórum í göngu-
túr eftir vatni sem er í garðinum og
þar eru matsölustaðir frá stærstu
löndum heims (þar var ekki hægt
að fá íslenska kjötsúpu), mér fannst
þetta frábær garður því ég komst í
nokkur tæki. Við vorum í þessum
garði þangað til um kl. 20.30 þá fór-
um við í stað sem kallast Downtown
Disney ... Á þessum stað er mikið líf
og fjör, fullt af Disney-búðum og
matsölustöðum, t.d. Planet Holly-
wood. Þarna var líka fullt af stórum
og flottum skemmtistöðum. Um
miðnætti var flugeldasýning og við
komum ekki heim fyrr en kl. 1.30.
Eftir daginn voru allir dauðþreyttir
eftir alla gönguna og sofnuðu ligg-
ur við áður en lagst var.“
Sigurður er ánægður með hversu
gott aðgengi fatlaðra er í Orlando.
Hann segist komast allra sinna ferða
og í tæki, lest og strætó. Alls staðar
sé gert ráð fyrir fólki í hjólastólum.
Á næstu dögum heimsækja þeir
meðal annars Kennedy-geimferða-
miðstöðina. Ferðadagbók þeirra er
á slóðinni: www.simnet.is/cool2.
Fötluðu bræðurnir loksins komnir til Flórída og njóta lífsins í Disney World
Draumurinn rætist
Friðrik, Sigurður og aðstoðarfólk í Epcot Center, f.v. Guðmundur Sigurðsson, faðir þeirra, og Kolbrún Grét-
arsdóttir, kona hans, Sigríður J. Ágústsdóttir, Margrét Arna Eggertsdóttir og Ragnhildur Guðbrandsdóttir.
Njarðvík
Átök utan
við nætur-
klúbb
LEIGUBÍLSTJÓRI óskaði eft-
ir aðstoð lögreglunnar snemma
að morgni sunnudags vegna
bandarísks hermanns sem hafði
veist að bifreið hans fyrir utan
næturklúbbinn Strikið.
Lögreglumenn voru sendir á
staðinn til að huga að þessu.
Samkvæmt upplýsingum lög-
reglunnar í Keflavík hafði komið
til átaka milli hermannsins og
leigubifreiðarstjórans, en her-
maðurinn var þarna ásamt
tveimur félögum sínum. Var
framburður manna á tvenna
vegu um atvik og gengu kærur á
báða bóga. Málið er í rannsókn.
Keflavík
JÓN Gunnarsson, fyrrverandi odd-
viti Vatnsleysustrandarhrepps, mun
skipa efsta sæti á H-lista óháðra
borgara við sveitarstjórnarkosning-
arnar í vor. Sigraði hann Þóru
Bragadóttur, núverandi oddvita, í
prófkjöri sem fram fór um helgina.
Félagsmönnum í Bæjarmálafélagi
H-listans fjölgaði nærri fjórfalt.
Fyrir prófkjörið voru félagsmenn
84 en 322 að því loknu. Af þeim
greiddu 303 atkvæði eða liðlega 94%.
Til samanburðar má geta þess að 560
manns eru á kjörskrá í Vatnsleysu-
strandarhreppi þannig að meira en
helmingur kjósenda tók þátt.
Jón Gunnarsson fékk 186 atkvæði í
fyrsta sætið eða liðlega 61% þeirra
sem tóku þátt í prófkjörinu, en 106
greiddu Þóru Bragadóttur atkvæði
sitt, eins og fram kemur á meðfylgj-
andi korti. Ellefu seðlar voru ógildir.
Tveir buðu sig einnig fram í annað
sætið, Birgir Þórarinsson bar sigur-
orð af Sigurði Kristinssyni.
Kristinn Þór Guðbjartsson bauð
sig einn fram í þriðja sætið og Lena
Rós Matthíasdóttir í það fjórða. Þá
náði Hanna Helgadóttir kjöri í fjórða
sætið.
Niðurstaða prófkjörsins er bind-
andi fyrir fimm efstu sætin. H-listinn
er með meirihluta í hreppsnefnd
Vatnsleysustrandarhrepps, hefur
þrjá fulltrúa af fimm. Enginn af fimm
efstu á sæti í núverandi hreppsnefnd
en Kristinn Þór er varamaður.
Fylgið var að minnka
Jón Gunnarsson átti sæti í hrepps-
nefnd í tólf ár og var oddviti frá 1990
til 1998 er hann gaf ekki lengur kost
á sér. Spurður um ástæður þess að
hann býður sig nú fram að nýju segir
Jón að fylgið hafi verið að reytast af
H-listanum á þessu kjörtímabili
vegna óánægju með störf meirihlut-
ans og ekki hafi verið útlit fyrir að
hann héldi meirihlutanum að
óbreyttu. Hann segir að ráðist hafi
verið í mikið verk við markaðssetn-
ingu Voga og uppbyggingu en innra
starf H-listans hafi verið í molum.
Þannig hafi oddviti ekki farið að sam-
þykkt meirihlutans um frestun
ákveðinnar framkvæmdar og
hreppsnefndarmaður sagt af sér
vegna þess. „Framboð mitt er tilraun
til að ná þessum brotum saman aftur.
Mér finnst þessi mikla þátttaka, vilji
fólks og áhugi vera vísbending um að
það muni takast,“ segir Jón.
Þóra Bragadóttir oddviti segir að
tvær fylkingar hafi tekist á og hafi
þeir sem stóðu að framboði keppi-
nautar hennar smalað mjög í próf-
kjörinu. Meðal annars hafi margir
þeirra sem voru á móti H-listanum í
síðustu kosningum tekið þátt í kjör-
inu. „Þegar ég sá kjörskrána klukk-
an sex sá ég hvað var að gerast og
eftir það komu úrslitin mér ekki á
óvart,“ segir hún.
Þóra segir að ekki sé hægt að
túlka úrslitin að öllu leyti sem van-
traust á sín störf. Ef einungis H-
listafólk hefði tekið þátt hefðu úrslit-
in orðið tvísýn. Þá segir hún ánægju-
legt að nýr frambjóðandi, Birgir
Þórarinsson, skyldi ná öðru sætinu.
Félagsmönnum í H-listanum fjölgaði fjórfalt í prófkjöri


 
           
 






 )*+ 



   

 
 ),*     
 






 

  
 
 -. )+
  !" 
 
    !""# $%& '& (
$ 

Vatnsleysuströnd
Jón Gunnarsson
sigraði oddvita
UNNIÐ er að undirbúningi þess að
breyta Sparisjóðnum í Keflavík í
hlutafélag. Á aðalfundi, sem haldinn
var síðastliðið föstudagskvöld, var
ákveðið að ljúka undirbúningi og til-
lögugerð fyrir 1. október og boða þá
til aukafundar til að taka afstöðu til
málsins.
Á aðalfundi Sparisjóðsins var
rætt um breytingu á rekstrarformi
undir sérstökum dagskrárlið.
Kynntu starfsmenn ráðgjafar- og
endurskoðunarfyrirtækisins Del-
oitte & Touch þá möguleika sem fyr-
ir hendi eru og fulltrúi frá Lands-
lögum sagði frá lagalegum atriðum
málsins.
Fundurinn fól stjórn sjóðsins að
undirbúa endurskoðun á félagsform-
inu með það að markmiði að breyta
Sparisjóðnum í hlutafélag. Í ályktun
hans kemur fram að stjórnin skal í
þessu skyni vinna að því að öll skil-
yrði laga um breytinguna verði upp-
fyllt, þar á meðal að stofna sérstakt
hlutafélag, fela óháðum aðila að
meta markaðsvirði sparisjóðsins og
undirbúa stofnun sjálfseignarstofn-
unar sem við hugsanlega breytingu
verði eigandi þess hluta stofnfjár
sem ekki gangi til stofnfjáreigenda.
Geirmundur Kristinsson spari-
sjóðsstjóri segir að tilgangur breyt-
ingarinnar sé að auðvelda spari-
sjóðnum að auka eigið fé sitt og það
hafi verið tilgangur lagabreytingar-
innar sem heimilaði hana. Hann seg-
ir að samþykkt aðalfundarins sé
áfangi á þessari leið en málið sé ekki
í höfn. Í mörg horn sé að líta, ekki
síst vegna þess að starf af þessu tagi
hafi ekki verið unnið áður.
Undirbúa breytingu á
sparisjóðnum í hlutafélag
Keflavík
LJÓSANÓTT 2002, menning-
arhátíð Reykjanesbæjar,
verður haldinlaugardaginn 7.
september, samkvæmt
ákvörðun markaðs- og at-
vinnuráðs.
Ráðið hefur falið fram-
kvæmdastjóra sínum að fylgja
eftir áður fram kominni hug-
mynd og kanna formlega
grundvöll þess að fá kínverska
fjöllistamenn á Ljósanótt.
Ljósanótt
verður 7.
september
Reykjanesbær
Tillaga að
framboðslista
AÐALFUNDUR Samfylking-
arinnar í Reykjanesbæ verður
haldinn miðvikudaginn 20.
mars í Víkinni, sal Verkalýðs-
og sjómannafélags Keflavíkur
og nágrennis, og hefst klukk-
an 20.30. Fyrir fundinn verð-
ur lögð tillaga að framboðs-
lista Samfylkingarinnar í
Reykjanesbæ við komandi
bæjarstjórnarkosningar.
Reykjanesbær