Morgunblaðið - 20.03.2002, Page 18

LANDIÐ
18 MIÐVIKUDAGUR 20. MARS 2002 MORGUNBLAÐIÐ
MIKLAR umbætur hafa nú orðið í
tölvusambandi Landbúnaðarháskól-
ans á Hvanneyri við umheiminn með
því að skólanetið á staðnum hefur
verið fært yfir á RHnet – Rann-
sókna- og háskólanet Íslands. Þessi
nýja tenging er margfalt öflugri en
sú sem var fyrir. Hún tengist frá
húsi heimavistarinnar á Hvanneyri
með örbylgju upp að Vatnshömrum í
Andakíl í mastur fjarskiptafélagsins
Fjarska hf., dótturfélags Lands-
virkjunar, á 10.000kbit/s sambandi.
Netsambandið er um 40 sinnum öfl-
ugra nú en það var áður og nýtist
starfsfólki og nemendum Landbún-
aðarháskólans margfalt betur en sú
gamla. Um hundrað nemendur
stunda nú nám við Landbúnaðarhá-
skólann, þar af um 25 í fjarnámi.
Kennt er á þremur námsbrautum við
háskólann auk þess sem þar er rekin
bændadeild á framhaldsskólastigi.
Öflugri
tölvu-
tenging á
Hvanneyri
Morgunblaðið/Pétur Davíðsson
Kennararnir Susanne Greef og Þorsteinn Guðmundsson við vinnu sína.
Skorradalur
AÐALFUNDUR Félags ferðaþjón-
ustubænda var haldinn á Arnarstapa
12. og 13. mars. Auk venjulegra aðal-
fundarstarfa var fjallað um stöðu
greinarinnar, samstarf milli ferða-
þjónustubænda, markaðsmál og
fleira. Einn mikilvægasti liður fund-
arins var þó samhljóma samþykkt
fundarmanna á yfirlýsingu sem snýr
að umhverfismálum ferðaþjónustu-
bænda og er Félag ferðaþjónustu-
bænda þar með fyrsta búgreina-
félagið sem mótar sér umhverfis-
stefnu, þar sem segir m.a.:
„Umhverfismál eru ofarlega á
baugi í samfélagslegri umræðu og
Ísland hefur eins og svo margar aðr-
ar þjóðir samþykkt að fylgja eftir
hugmyndafræði sjálfbærrar þróun-
ar.
Félag ferðaþjónustubænda horfir
enn á ný til framtíðar og stefnir að
því að verða til fyrirmyndar í um-
hverfismálum ferðaþjónustu á lands-
byggðinni. Með viljayfirlýsingu sam-
takanna er það haft að markmiði að
hvert einasta fyrirtæki sem starfar
innan vébanda Félags ferðaþjón-
ustubænda hafi innan 2ja ára mótað
sér umhverfisstefnu. Telja samtökin
slíka stefnu og framkvæmd hennar í
daglegum rekstri fyrirtækjanna
verða eitt mikilvægasta gæðatákn
framtíðar í ferðamálum...“
Í fararbroddi
í umhverfismálum
Einar Sveinbjörnsson, aðstoðar-
maður umhverfisráðherra, ávarpaði
fundinn í forföllum ráðherra og sagði
meðal annars að Ferðaþjónusta
bænda væri að vissu leyti umhverf-
isvæn nú þegar þar sem hún stuðlaði
að dreifingu álags og opnaði fleiri
dyr að landinu. Fagnaði Einar þess-
ari framsæknu stefnumörkun Fé-
lags ferðaþjónustubænda í umhverf-
ismálum og sagði hana í samræmi
við stefnumótun umhverfisráðuneyt-
isins fram til ársins 2024. Með þess-
ari ákvörðun væru ferðaþjónustu-
bændur til fyrirmyndar og ættu
möguleika á að vera í fararbroddi í
öllu því sem lyti að umhverfi og
ásýnd landsins.
Forseti bæjarstjórnar Snæfells-
bæjar, Ásbjörn Óttarsson, tók í
sama streng og Einar og óskaði
ferðaþjónustubændum til hamingju
með stefnumörkunina. Sagði hann
náttúruna vera auðlind og færri búa í
nánari tengslum við hana en ferða-
þjónustubændur og væri það
ánægjulegt að þeir vildu leggja mik-
ið af mörkum til að vernda hana.
Hann fagnaði því að yfirlýsingin
skyldi undirrituð í Snæfellsbæ, þar
sem bæjarfélagið hefði staðið fram-
arlega að umhverfismálum, allt frá
því að það samþykkti Staðardagskrá
21 fyrst allra bæjarfélaga á landinu.
Kynningar á svæði og fólki
Ferðaþjónustubændur á Snæfells-
nesi höfðu veg og vanda af undirbún-
ingi og framkvæmd fundarins og
buðu m.a. upp á skoðunarferð um
Þjóðgarðinn Snæfellsjökul í sólskini
og björtu vetrarveðri. Fiskrétta-
verksmiðjan Humall í Ólafsvík
kynnti djúpsteikta hörpuskel, fisk-
nagga úr ýsu og rækjum og fisk-
stauta úr ýsu fyrir hátíðarkvöldverð
og gestir fengu einnig að smakka há-
karl frá Hildibrandi í Bjarnarhöfn og
þurrkuð sandsíli frá ferðaþjónustu-
bændum á Brekkubæ.
Veislustjóri kvöldsins var Bjarni
Guðmundsson, framkvæmdastjóri
Framleiðnisjóðs landbúnaðarins.
Samkoman heiðraði sérstaklega
Kristleif Þorsteinsson, fyrrverandi
ferðaþjónustubónda á Húsafelli, fyr-
ir framlag hans til Ferðaþjónustu
bænda, en hann var einn fyrsti bóndi
á landinu til að taka upp ferðaþjón-
ustu. Helstu skemmtiatriði kvölds-
ins fluttu Ingi Hans Jónsson, sagna-
maður frá Grundarfirði, og söngva-
skáldið Ólína Gunnlaugsdóttir frá
Hellnum, en Durgarnir sungu bak-
raddir hjá henni.
Morgunblaðið/Guðrún Bergmann
Frá fjölmennum aðalfundi Félags ferðaþjónustu bænda á Arnarstapa.
Í fararbroddi í umhverf-
isvænni ferðaþjónustu
Hellnar
„ÉG er virkilega stolt af krökk-
unum og gaman að fylgjast með
því hvað þeir læra ótrúlega mikið á
stuttum tíma segir Ásrún Krist-
jánsdóttir danskennari en hún hef-
ur komið árlega til Hólmavíkur í
um tuttugu ár og kennt dans. Það
eru nemendur í grunnskólanum á
Hólmavík og í Broddanesi svo og
leikskólabörn sem fá danskennslu í
eina viku á ári.
„Ég kom fyrst hingað norður á
Strandir að kenna þegar ég var að
læra dans hjá Sigurði Hákonarsyni
árið 1982 og hef alltaf jafn gaman
af því að koma og sjá hvað nem-
endunum fer fram.
Ásrún, sem býr á Akranesi,
kennir dans við nokkra skóla í
Borgarfirðinum svo og á sunn-
anverðu Snæfellsnesi. Hún kennir
einnig í Reykjavík hjá Dansskóla
Jóns Péturs og Köru. Þá kennir
hún eldri borgurum á Akranesi svo
fátt eitt sé nefnt. „Það er ákveðinn
hópur sem er búinn að vera hjá
mér í fjögur ár og þau láta sig aldr-
ei vanta á æfingu,“ segir Ásrún.
Morgunblaðið/Arnheiður Guðlaugsdóttir
Ásrún kennir yngstu börnunum, sem eru fjögurra ára, að dansa.
Hefur kennt
árlega í tuttugu ár
Strandir
ÞAÐ var mikið að gera hjá fimleika-
iðkendum helgina 16. og 17. mars. Á
laugardaginn var innanfélagsmót
þar sem fimleikafólk á aldrinum 6 –
15 ára keppti. Alls tóku 67 krakkar
þátt í mótinu.
Á sunnudaginn var byrjenda-
trompmót. Trompmót er annað nafn
yfir hópakeppni. Á trompmóti er
ekki keppt í einstaklingsgreinum
heldur eingöngu hópakeppni. Kepp-
Fimleikar
alla helgina
Morgunblaðið/Margrét Ísaksdóttir
Sigurliðið á trompmóti Hamars, Gerpla 3P.
Hveragerði
víkur. Sigurliðin voru: 1. sæti Gerpla
3P, 2. sæti Gerpla 4P og 3. sæti Sel-
foss1.
endur voru 121 og komu þeir frá fim-
leikadeildum Fylkis, Gróttu, Gerplu,
Bjarkar, Hamars, Selfoss og Kefla-
LOKAHÁTÍÐ stóru upplestrar-
keppninnar í Austur-Skaftafells-
sýslu var haldin á Höfn fyrir
skömmu. Allir keppendur voru úr 7.
bekk og komu úr fjórum skólum á
Suðausturlandi, það er að segja
Djúpavogi, Hafnarskóla, Hrollaugs-
staðaskóla í Suðursveit og Hofgarðs-
skóla Öræfum. Sigurvegari keppn-
innar varð Katrín Líf Sigurðardóttir
úr grunnskólanum í Öræfum. Þessi
mynd af henni var tekin skömmu eft-
ir að heim var komið með verðlauna-
skjalið.
Morgunblaðið/Sigurður Gunnarsson
Sigurvegari keppninnar, Katrín
Líf Sigurðardóttir úr grunn-
skólanum í Öræfum.
Lokahátíð
upplestr-
arkeppn-
innar
Öræfi