Morgunblaðið - 20.03.2002, Blaðsíða 48

48 MIÐVIKUDAGUR 20. MARS 2002 MORGUNBLAÐIÐ






 

 


  
    


  
 

   
 
  





 

! "# BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
DANSKUR rithöfundur, Marianne
Gade, hefur áhuga á að komast í
samband við ættingja sína á Íslandi.
Langamma hennar, Viktoría Jóns-
dóttir, fluttist til Kaupmannahafnar
18 ára gömul, giftist þar og eignaðist
fjölskyldu. Íslenskir ættfræðingar
hafa verið Marianne hjálplegir við að
rekja ættir Viktoríu hér á Íslandi.
Faðir Viktoríu hét Jón Jónsson, f. 25.
apríl 1818 á Stokkahlöðum (Svarf-
dælingar I). Móðir hennar hét Anna
Þorláksdóttir, f. 21. júní 1824. Þau
eignuðust 8 börn sem voru:
a) Anton Jónsson, f. 10. apríl 1848,
bóndi í Hamarkoti.
b) Kristjana Jónsdóttir, f. 25 október
1851, húsfreyja á Sökku.
c) Anna María Jónsdóttir, f. 8. febr-
úar 1856,
barn hennar: Theodór Árnason,
fiðluleikari.
d) Jósep Jónsson, f. 25. júlí 1857,
ökumaður á Akureyri,
barn hans: Jóhannes Jósepsson,
glímukappi og gestgjafi á Hótel
Borg.
e) Jón Aðalsteinn Jónsson, f. 28.
ágúst 1859, skósmiður á Akureyri.
f) Viktoría Jónsdóttir, f. 22. janúar
1862, Danmörku.
g) Jóhann Jónsson, f. 21. mars 1865.
h) Magnús Jónsson, f. 14. apríl 1871,
vinnumaður á Akureyri.
Börn Magnúsar og Margrétar
Sigríðar Sigurðardóttur voru 7 tals-
ins. Þeirra á meðal:
ha) Aðalsteinn Magnússon, f. 10.
sept. 1892, skipstjóri á Akureyri.
hb) Viktor Magnússon, f. 10. sept.
1897.
hc) Sigursteinn Magnússon f. 24.
des. 1899, ræðismaður Íslands í
Skotlandi,
barn hans: Magnús Magnússon,
sjónvarpsmaður.
hd) Ásta Magnúsdóttir, f. 2. ágúst
1902.
he) Anna Magnúsdóttir, f. 20. apríl
1905.
Marianne hefur í höndum lista yfir
afkomendur Magnúsar og Mar-
grétar og hefur mjög gaman af að
stauta sig í gegnum hann.
Marianne Gade er fædd 1945. Hún
hefur skrifað 12 barnabækur en
byrjaði nýlega að skrifa bækur fyrir
fullorðna og hefur sent frá sér tvær
slíkar. Hún vinnur nú að skáldsögu
sem hún tengir íslenskum uppruna
sínum.
Marianne biður ættingja sína á Ís-
landi að senda sér línu á dönsku eða
sænsku í bréfi eða með tölvupósti.
MARIANNE GADE,
Rædersvej 12,
6000 Kolding,
Danmark,
marianne.gade@get2net.dk.
Langömmu leitað
Frá Marianne Gade:
ÞAÐ er engin algild trú þó að þeir
sem tilheyra hverjum trúarhópi fyrir
sig fullyrða að sín trú sé sú eina
sanna (hvernig sem það getur stað-
ist). „Hvernig væri heimur án trúar,“
spyrja eflaust margir guðræknir ein-
staklingar sig. Flestir myndu eflaust
svara því að það væri hrikalegur
heimur, en ég spyr: Hvað er það ná-
kvæmlega sem væri svo hrikalegt?
Hvað er það sem gerir trúna svo frá-
bæra? Svarið gæti verið á þá leið að
trúin veitti huggun og án trúarinnar
fengi fólk minni hvatningu, eins og
til dæmis þeir sem hafa frelsast burt
frá eiturlyfjum. Þá segi ég á móti:
Hvað hefur orðið um það að geta
treyst á næsta mann? Hvað varð um
það að geta hallað sér að náunganum
og fengið alla þá huggun sem maður
vill? Hvað eiturlyfin varðar hefði fólk
aldrei byrjað að reykja ópíum, elsta
eiturlyfið í heimi, ef það hefði ekki
verið partur af trúariðkun fyrr á öld-
um og ennþá. Sannleikurinn sem all-
ir vilja líta fram hjá af hræðslu við
reiði kirkjunnar og „sannkristinna“
manna sem hóta öllu illu um leið og
guð þeirra er gagnrýndur, er sá að
trú veldur þjáningum, fordómum,
aðskilnaði, fjarlægð þjóðfélagshópa
hvor frá öðrum og svona mætti
áfram telja og ég gæti skrifað bók
fulla af rökum sem styðja að trú sé
mannskemmandi.
Þjáningar: Fréttnæmasta stríðið í
dag er Ísrael/Palestínu stríðið.
Hversu margir hafa dáið og munu
deyja vegna túlkunar Ísraelsmanna
á klausu í biblíunni? Svo hyllir fólk
hina heilögu hefnd og öll hefndar/
hermdarverk eru framin í nafni All-
ah/Jahve/Shivu eða hvað sem þessir
ofstrúarmenn vilja kalla „þann al-
máttuga“, því allir guðir hvers og
eins eru jú almáttugir samkvæmt
hverjum og einum (hvernig sem það
gengur upp).
Fordómar: Fordómar gagnvart
samkynhneigðum, svörtum, gyðing-
um, múslimum, kristnum, vangefn-
um, konum og svona mætti halda
áfram í allan dag og á meðan skapa
fordómarnir þjáningar yst sem
innst.
Aðskilnaður: Aðskilnaður svartra
og hvítra, ríkra og fátækra, samkyn-
hneigðra og gagnkynhneigðra, krist-
inna og múslima, allt þetta og ótal
margt fleira hefur trúin fært okkur
og mun halda áfram að færa okkur
um ókomin ár.
Fjarlægð þjóðfélagshópa: Nú er
svo komið að fólk vill frekar finna
samkennd með upplognu fólki í bók-
um skrifuðum fyrir mismunandi
mörgþúsund árum en að tala við
börnin sín, maka sinn eða að sjá
sóma sinn í því að fara út og gera
mannlega skyldu sína gagnvart öðru
fólki og hjálpa því.
Hvað græðir palestínskt barn sem
hefur misst pabba sinn, mömmu,
systkini og húsaskjól á því að Jón
Jónsson og kona hans biðji fyrir hon-
um? Horfist í augu við sannleikann:
Það hefur ekki virkað hingað til og
mun ekki virka úr þessu!
Væri afnám trúar þá svo slæmt?
Nei. Það er svarið sem ég gef ykkur
eftir að hafa hugsað um spurn-
inguna. Hinir sem eru í afneitun geta
leitt rök að hinu.
FINNUR GUÐMUNDSSON,
nemandi í
Menntaskólanum við Hamrahlíð,
Skeiðarvogi 135, Reykjavík.
Heimur án trúar
Frá Finni Guðmundssyni: