Morgunblaðið - 17.05.2002, Qupperneq 4

FRÉTTIR
4 FÖSTUDAGUR 17. MAÍ 2002 MORGUNBLAÐIÐ
GEORGE Robertson, aðal-
framkvæmdastjóri Atlantshafs-
bandalagsins, komst að því að
Bláa lónið ber nafn með rentu.
Það er nefnilega blátt, líkt og Atl-
antshafið sjálft. Samanburðurinn
nær þó ekki miklu lengra, enda
er lónið almennt mun þægilegri
og hlýrri baðstaður en hafið. Ro-
bertson virtist kunna vel við sig í
þessum indæla félagsskap þegar
hann gerði hlé á fundasetu á dög-
unum.
Morgunblaðið/Atli Már Gylfason
Stund á
milli stríða
HARALDUR Johannessen ríkislög-
reglustjóri segir aðgerðir lögregl-
unnar vegna vorfundar Atlantshafs-
bandalagsins hafa gengið snurðu-
laust fyrir sig. Störf lögreglu hafi
gengið samkvæmt skipulagi og áætl-
un. „Þar fór ekkert úrskeiðis og eng-
ir hnökrar voru á framkvæmd lög-
gæslu og öryggisgæslu,“ segir hann.
Haraldur segir umfang aðgerð-
anna hafa verið hið mesta í sögu lög-
reglunnar, en þá eru leiðtogafundur-
inn 1986 og fundur utanríkis-
ráðherra Atlantshafsbandalagsins
1987 taldir með. „Mér er sagt, af
þeim sem hafa starfað lengur í lög-
reglunni en ég, að þetta sé að öllum
líkindum langumfangsmesta ein-
staka löggæslu- og öryggisverkefni
sem íslenska lögreglan hefur þurft
að fást við,“ segir hann. Á NATO-
fundinum 1987 voru 16 utanríkisráð-
herrar. Nú eru þeir 19 talsins, auk
þess sem nú voru í reynd haldnir
fimm fundir með samtals 46 utanrík-
isráðherrum.
Tekið mið af ástandi heimsmála
Haraldur segir að ástandið í
heimsmálum sé einnig allt annað en
þá. „Við þurftum að sjálfsögðu að
taka mið af ástandinu í heiminum,“
segir hann aðspurður hvort nauðsyn-
legt hafi verið að breyta fyrirætlun-
um vegna hryðjuverkanna í Banda-
ríkjunum í september. „Þótt ætla
mætti að Ísland, vegna stöðu sinnar
sem eyja í miðju Atlantshafi, sé hag-
stæðari staður fyrir fund sem slíkan
en aðrir, má ekki álykta sem svo að
Íslendingar standi fyrir utan heim-
inn. Við verðum að gera sömu kröfur
til gæslu og tíðkast annars staðar
þegar svo mikilvægur fundur er
haldinn og svo margir utanríkisráð-
herrar samankomnir á einum stað,“
segir hann.
Að sögn Haraldar var, eftir því
sem leið að fundinum, ástæða til að
ætla að óróaseggir, sem látið hafa til
sín taka í tengslum við stórfundi und-
anfarin misseri, myndu ekki leggja
leið sína til landsins. Þó var gripið til
ýmissa aðgerða til að hindra vanda-
mál vegna þeirra. „Við áttum gott
samstarf við þá sem við vissum að
myndu mótmæla,“ segir hann.
NATO-fundurinn umfangsmesta aðgerð lögreglunnar
Hnökralaus fram-
kvæmd löggæslu
KANNAÐ verður hjá borgaryfirvöld-
um á næstunni hvort nauðsynlegt
gæti reynst að leggja fram viðbótar-
fjármagn til að unnt verði að ráða
fleira ungt fólk í sumarstörf á vegum
borgarinnar. Um og yfir þúsund ung-
lingar á aldrinum 16–20 ára hafa verið
ráðnir til borgarinnar síðustu ár og
eru nú um 600–800 til viðbótar á skrá
en umsóknarfrestur er til loka maí.
Liðlega þúsund ungmenni
ráðin í sumarstörf
Steinunn Valdís Óskarsdóttir,
borgarfulltrúi Reykjavíkurlistans,
segir borgina hafa ráðið liðlega þús-
und ungmenni í margs konar störf hjá
ýmsum stofnunum borgarinnar, svo
sem við félagsþjónustu, hjá Íþrótta-
og tómstundaráði og borgarverk-
fræðingi. Á fundi borgarstjórnar í
gær sagði Steinunn Valdís að reynt
yrði að mæta auknum fjölda umsókna
um sumarstörf með aukafjárveitingu.
Sagði hún hana geta orðið á bilinu
130–140 milljónir króna. Nákvæm
tala myndi þó ekki liggja fyrir fyrr en
að loknum umsóknarfresti þegar í ljós
kæmi hversu margir væru þá enn á
biðlista eftir störfum. Málið yrði þá
rætt í borgarráði.
Borgin
íhugar
aukafjár-
veitingu
Sumarstörf
KJARASAMNINGUR fjármála-
ráðherra fyrir hönd ríkissjóðs og
St. Franciskusspítala annars vegar
og Læknafélags Íslands hins vegar
sem undirritaður var 2. maí sl. var
samþykktur eftir atkvæðagreiðslu
læknafélagsins. Niðurstöður at-
kvæðagreiðslu voru kunngerðar í
gær. Á kjörskrá voru 663 læknar
og bárust atkvæði frá 383 þeirra,
eða frá 57,8% atkvæðisbærra fé-
laga. Samninginn samþykktu 234,
eða 61,1%, en 144, eða 37,6%,
sögðu nei. Auðir og ógildir seðlar
voru 5.
Læknar
samþykkja
kjara-
samning
HÆSTIRÉTTUR dæmdi í gær Sig-
urð Pál Guðjónsson í tveggja ára
fangelsi fyrir nauðgun, tilraun til
nauðgunar og eignarspjöll. Hann var
jafnframt dæmdur til að greiða kon-
unni sem hann braut gegn 500 þús-
und krónur í miskabætur, 120 þús-
und fyrir munatjón auk málskostn-
aðar.
Taldi Hæstiréttur sannað að Sig-
urður hefði í júní í fyrra ráðist inn á
heimili konunnar, sem hann hafði áð-
ur átt í sambandi við, brotið þar hús-
muni, og með ofbeldi og ofbeldishót-
unum reynt að þröngva henni til
kynmaka í eldhúsi hennar og nokkru
síðar þröngvað henni til holdlegs
samræðis í svefnherbergi íbúðarinn-
ar. Við ákvörðun refsingar var litið
til þess að Sigurður réðst inn á heim-
ili konunnar og braut gegn henni
þrátt fyrir að hann vissi af 8 ára
gömlum syni hennar í íbúðinni. Sig-
urður játaði að hafa valdið spjöllum á
húsmunum, m.a. brotið fót undan
eldhúsborði og síðan brotið glerplötu
á sófaborði og skemmt sjónvarps-
tæki. Hann játaði einnig að hafa
valdið konunni áverkum en neitaði
að hafa þröngvað henni til kynmaka
eða samræðis, það hefði gerst með
fullum vilja konunnar. Þótti Hæsta-
rétti þessi framburður fjarstæðu-
kenndur en frásögn konunnar var
talin trúverðug. Hæstaréttardómar-
arnir Markús Sigurbjörnsson, Garð-
ar Gíslason, Haraldur Henrysson,
Hrafn Bragason og Pétur Kr. Haf-
stein dæmdu málið. Sigríður J. Frið-
jónsdóttir saksóknari ríkissaksókn-
araembættisins sótti málið en Björg-
vin Jónsson hrl. var til varnar.
Tveggja ára
fangelsi fyrir
nauðgun
Réðst inn til konu og 8 ára sonar hennar
ATHYGLI skal vakin á því að
Morgunblaðið kemur út þriðju-
daginn 21. maí nk., þriðja í
hvítasunnu. Er þetta liður í að
fjölga útkomudögum blaðsins.
Um hvítasunnuhelgina verður
fréttaþjónusta á fréttavef
Morgunblaðsins, mbl.is, eins og
venjulega.
♦ ♦ ♦
SLÖKKVILIÐ höfuðborgarsvæðis-
ins slökkti á annan tug sinuelda í
gær og segir stöðvarstjóri þess að
tímabært sé að foreldrar ræði við
börn sín um afleiðingar sinuelda.
Slökkviliðið sinnti þó aðeins stærri
sinueldum en borgarstarfsmenn
þeim smærri og höfðu þeir í nógu að
snúast.
Gróður er mjög þurr og mælist
slökkviliðið eindregið til þess að fólk
fari varlega með eld. Í gær brunnu
um þúsund fermetrar á Kjalarnesi
eftir að einhver kastaði logandi síg-
arettu í þurran mosa.
Flestir eldar verða þó vegna
íkveikju. Höskuldur Einarsson
stöðvarstjóri segir ástandið mjög
slæmt og foreldrar verði hreinlega
að gera börnum sínum grein fyrir því
tjóni sem sinubrunar geti valdið.
Fyrir utan gróðurskemmdir verði
fuglalíf fyrir miklum skaða en fuglar
hafa víða hafið hreiðurgerð og varp.
Þá geti eldurinn borist í byggingar
með tilheyrandi tjóni. Reykurinn
einn og sér geti einnig valdið
skemmdum en dæmi séu um að fólk
hafi þurft að mála hús sín eftir að
þau hafa fyllst af reyk frá sinueldum.
Þá sitji lyktin oft lengi í húsgögnum,
gluggatjöldum og fatnaði.
Þá geti sinueldar tafið slökkviliðs-
menn frá því að sinna alvarlegri
útköllum vegna bruna eða slysa.
Höskuldur nefnir sem dæmi að það
hafi tekið slökkviliðið tvo klukkutíma
að slökkva sinueldinn á Kjalarnesi í
gær. Á meðan hafði getað komið út-
kall vegna bruna í Árbæ og þá hefðu
bílarnir verið mun lengur á staðinn
en ella. Reykinn af sinubrunanum
lagði yfir gamalt samkomuhús þar
sem leikskólabörn voru í heimsókn.
Börnin voru látin yfirgefa húsið og
sakaði ekki.
Sígarettuglóð kveikti
sinueld á Kjalarnesi
Morgunblaðið/Þorkell
Um 1.000 fermetrar brunnu eftir að sígaretta féll í þurran svörð.