Morgunblaðið - 18.05.2002, Blaðsíða 2
FRÉTTIR
2 LAUGARDAGUR 18. MAÍ 2002 MORGUNBLAÐIÐ
FJÓRIR leikmenn ameríska ruðn-
ingsliðsins Balitmore Ravens eru
staddir hér á landi í skemmtiferð
ásamt aðdáendum sínum. Tilefnið
er leikur sem Flugleiðir stóðu fyrir
í samstarfi við liðið og bauðst fjór-
um heppnum aðdáendum að koma
með átrúnaðargoðunum sínum í ís-
lenska ævintýraferð. Hópurinn
kom til landsins í gærmorgun og
verður hér fram á sunnudag. Í gær-
kvöldi snæddi hópurinn kvöldverð
á veitingastaðnum Apótekinu í mið-
bænum og í dag mun hann fara í
jöklaferð og á sunnudag í Bláa lón-
ið. Liðið Baltimore Ravens varð
heimsmeistari árið 2001.
Leikmennirnir sem buðust til að
fara með aðdáendum sínum til Ís-
lands eru Mike Flynn, Edwin Muli-
talo, Casey Rabach og leikstjórn-
andinn Chris Redman. Mulitalo og
Flynn sögðu í samtali við blaða-
mann Morgunblaðsins að þetta væri
fyrsta heimsókn þeirra til Evrópu.
„Við erum mjög ánægðir með dvöl-
ina hér enn sem komið er,“ sagði
Flynn. „Við höfum farið að versla
og skoðað miðbæinn sem er fal-
legur.“ Þeir voru sammála um að
Íslendingar væru vinalegt fólk sem
gott væri að heimsækja. „Ég vissi
lítið um Ísland áður en ég kom
hingað annað en að hér væru jöklar
og að þið stundið miklar fisk-
veiðar,“ sagði Flynn. Mulitalo bætti
við að þeir hafi vitað að hér væri
kalt svo þeir komu vel útbúnir.
Morgunblaðið/Sverrir
Mike Flynn, Chris Redman, Casey Rabach og Edwin Mulitalo, leikmenn
Baltimore Ravens, ásamt aðdáendum sínum.
Hrafnarnir frá Balti-
more í skemmtiferð
Fylgstu
með
nýjustu
fréttum
www.mbl.isFylkir og Grindavík sigra á
útivelli / B2
Geir Sveinsson áfram þjálfari
hjá Val / B1
4 SÍÐUR16 SÍÐUR
Sérblöð í dag
Á LAUGARDÖGUM
Morgunblaðinu í
dag fylgir auglýs-
ingablað frá Hvöt,
sjálfstæðisfélagi
kvenna. Blaðinu
verður dreift í
Reykjavík.
TVEIR Íslendingar, sem báðir eru á
viðbragðslista Íslensku friðargæsl-
unnar, halda um mánaðamótin til Sri
Lanka þar sem þeir munu taka þátt í
eftirliti á vegum Norðmanna vegna
friðarsamkomulags sem nýverið
komst á í landinu fyrir milligöngu
þeirra, eftir áratugalangt borgara-
stríð. Þetta er í fyrsta skipti sem ís-
lenskir friðargæsluliðar eru sendir
til starfa á vegum utanríkisráðu-
neytisins utan Evrópu.
Að sögn Auðuns Atlasonar, sendi-
ráðsritara í utanríkisráðuneytinu,
hafa Norðmenn undanfarið haft 23
borgaralega friðargæsluliða á sínum
vegum á Sri Lanka en verkefni
þeirra er að hafa eftirlit með því að
farið sé eftir skilmálum friðarsam-
komulagsins milli stjórnvalda og
tamíla, skæruliðahreyfingar sem um
áratuga skeið hefur barist við stjórn-
arher landsins.
Nú á hins vegar að fjölga eftirlits-
mönnunum í 49 og barst því beiðni
frá Norðmönnum til hinna Norður-
landanna, um að þau tækju þátt í
verkefninu. Sagði Halldór Ásgríms-
son utanríkisráðherra í samtali við
Morgunblaðið að í ráðuneytinu hefðu
menn orðið sammála um að mikil-
vægt væri að leggja hér hönd á plóg.
Íslendingarnir sem fara til Sri
Lanka 1. júní nk. eru Teitur Þorkels-
son fréttamaður og Karl Sæberg af-
brotafræðingur. Teitur verður fjöl-
miðlafulltrúi norrænu sendinefnd-
arinnar en Karl mun sinna eftirliti
með framkvæmd vopnahléssamn-
ingins. Báðir verða þeir í Colombo,
höfuðborg Sri Lanka, og er gert ráð
fyrir að þeir dvelji í landinu í sex
mánuði hið minnsta.
Liður í því að efla
Íslensku friðargæsluna
Þátttaka Íslendinga í alþjóðlegri
friðargæslu hefur fram að þessu ver-
ið bundin við Balkanskagann. Hall-
dór sagði þetta skref hins vegar lið í
því að efla Íslensku friðargæsluna.
„Okkar fólk hefur fengið mikla
reynslu í friðargæslustörfum á Balk-
anskaga og við teljum að við höfum
öðlast nægt sjálfsöryggi á þeim
grundvelli til að geta stigið þetta
skref,“ sagði hann.
Aðspurður hvort þess mætti
vænta að íslenskir friðargæsluliðar
færu til starfa á fleiri stöðum utan
Evrópu á vegum utanríkisráðuneyt-
isins sagði hann ekkert útilokað í
þeim efnum. Menn myndu meta það
í hverju tilviki.
Utanríkisráðuneytið sendir tvo Íslendinga til eftirlitsstarfa á Sri Lanka
Fyrsta friðargæsluverkefn-
ið sem sinnt er utan Evrópu
ÁRNI Johnsen, fyrrverandi alþing-
ismaður, játaði í gær fyrir dómi 12
ákæruliði af 27 liðum í ákæru rík-
issaksóknara fyrir fjárdrátt, um-
boðssvik, rangar skýrslur til yfir-
valda og mútuþægni í opinberu starfi
sem alþingismaður, formaður bygg-
ingarnefndar Þjóðleikhússins og for-
maður byggingarnefndar Vestnor-
ræna ráðsins, Brattahlíðarnefndar.
Þar af játaði ákærði fjóra ákæruliði
með fyrirvara.
Ákærði játaði skýlaust fjárdrátt í
opinberu starfi sem formaður bygg-
ingarnefndar Þjóðleikhússins með
því að hafa dregið sér ýmsar vörur
að andvirði rúmlega 1,2 milljónir
króna. Um er að ræða byggingarefni
s.s. timbur, óðalskantsteina, hrein-
lætistæki og eldhús- og baðinnrétt-
ingu sem byggingarnefnd Þjóðleik-
hússins greiddi. Þá kvað ákærði
réttan þann ákærulið, sem varðar
rangar skýrslur til yfirvalda með því
að framvísa tilhæfulausum greiðslu-
kvittunum á skrifstofu Alþingis að
fjárhæð samtals 230 þúsund krónur.
Ákærði taldi þó ekki um refsiverða
háttsemi að ræða.
Þá játaði ákærði skýlaust um-
boðssvik með því að hafa fengið með-
ákærða Tómas Tómasson, verkfræð-
ing hjá Ístaki hf., til að gefa út beiðni
í nafni Ístaks til Funa ehf. um sand-
blástur, efni og viðgerðir á ofni sem
var byggingarnefnd Þjóðleikhússins
algjörlega óviðkomandi en Ístak
krafði nefndina um kostnað vegna
verksins, um 32.800 krónur.
Þá kvað ákærði rétta fjóra ákæru-
liði sem varða fjárdrátt upp á tæp-
lega eina milljón króna, en þar er
honum gefið að sök að hafa tekið út
ýmsar vörur sem byggingarnefnd
greiddi. Ákærði sagði það hins vegar
rangt í ákæruliðunum að hann hefði
notið aðstoðar meðákærða Tómasar
við umrædda háttsemi.
Neitar sök í 6 ákæruliðum er
varða fjárdrátt
Ákærði neitaði sök í 6 ákæruliðum
sem varða fjárdrátt í opinberu starfi
sem formaður byggingarnefndar
Þjóðleikhússins upp á rúmlega tvær
milljónir króna og neitaði ennfremur
sök um fjárdrátt sem formaður
byggingarnefndar Vestnorræna
ráðsins upp á 782 þúsund krónur.
Þá neitaði ákærði sök í 7 ákærulið-
um m.a. vegna mútuþægni með því
að hafa heimtað og þegið 650 þúsund
krónur úr hendi fyrirsvarsmanna
Þjóðleikhúskjallarans fyrir að sam-
þykkja reikning Þjóðleikhúskjallar-
ans upp á rúmar þrjár milljónir
króna vegna lagfæringa í Þjóðleik-
húskjallaranum.
Þá neitaði ákærði sök um refsi-
verða háttsemi í því að hafa sem for-
maður byggingarnefndar Vestnor-
ræna ráðsins misnotað aðstöðu sína,
sér eða öðrum til ávinnings er hann
greiddi Torf- og grjóthleðslunni ehf.
645 þúsund krónur út af reikningi
Vestnorræna ráðsins vegna hleðslu í
Brattahlíð og tækjaleigu þótt fyrir-
tækið hefði verið undirverktaki Ís-
taks við framkvæmd verks í Græn-
landi.
Fjórir meðákærðir í málinu, Björn
Leifsson, Gísli Hafliði Guðmunds-
son, Stefán Axel Stefánsson og Tóm-
as Tómasson neita allir sök.
Mál Árna Johnsen þingfest í héraðsdómi
Játaði tólf
af 27 liðum
ákærunnar
HARALDUR Örn Ólafsson,
sjötindafari og pólfari, sneri
niður úr Suðurskarði í gær eftir
hvíld í fjórðu búðum að lokinni
uppöngu á tind Everest. Hann
hélt áleiðis niður í grunnbúðir
þar sem faðir hans, Ólafur Örn
Haraldsson, og vinur hans,
Steinar Þór Sveinsson, biðu
hans og hópsins alls.
Óstaðfestar fregnir hafa bor-
ist um atvik í Suðurskarði rétt
áður en Haraldur og félagar
hófu uppgönguna aðfaranótt
fimmtudags. Mun sænskur
leiðangursstjóri hafa ráðist
með ísöxi að sérpa að nafni,
Ang Dorje, en ekki liggur fyrir
hvað manninum gekk til með
árásinni eða hvort sérpinn hafi
meiðst. Talið er að Svíinn hafi
truflast af einhverjum ástæð-
um og ráðist að sérpanum með
umræddum hætti.
Taka átti á móti fjallafólkinu
með miklum hátíðarbrag og
halda góða veislu í grunnbúð-
um. Stuttum góðviðriskafla er
lokið í bili efst á fjallinu og var
vindhraðinn kominn í 32 metra
á sekúndu þegar Haraldur hélt
niður.
Í dag, laugardag, efnir bak-
varðasveitin til ferðar til Nep-
als undir fararstjórn Helga
Benediktssonar þar sem stefnt
er að því að taka á móti Haraldi
í Katmandú, höfuðborg Nepals,
á þriðjudag. Í förinni verða
Una Björk Ómarsdóttir, unn-
usta Haralds, Hallur Hallsson,
Skúli Björnsson og Georg
Ottósson. Gert er ráð fyrir að
öll hersingin með Harald í
broddi fylkingar komi til Ís-
lands sunnudaginn 26. maí.
Haraldur
heldur
niður af
Everest