Morgunblaðið - 18.05.2002, Blaðsíða 36
UMRÆÐAN
36 LAUGARDAGUR 18. MAÍ 2002 MORGUNBLAÐIÐ
ÞAÐ er gott að búa í
Reykjavík í dag en það
var æði flókið og erfitt
fyrir nokkrum árum
þegar starfsmöguleikar
mínir og dagur
barnanna minna mótuð-
ust af lítilli og lélegri
þjónustu Dagvistar
barna sem rekin var af
Reykjavíkurborg Sjálf-
stæðisflokksins. Ég
man þá tíð þegar litlu
börnin mín sem nú eru
10 og 12 ára voru á leik-
skóla í 4 tíma á dag og
voru þá sótt af ömmum
og dagmæðrum. Ég var
gift og búin að ljúka
námi. Ég var því ekki í neinum for-
gangi fyrir leikskóla og reyndi að
spara dagmæður því aðrir en for-
gangshópar fengu enga niðurgreiðslu
vegna dagvistar hjá dagmæðrum.
Heilsdagsleikskóli
Undir stjórn Reykjavíkurlistans
var ákveðið að leikskólinn skyldi vera
fyrir öll börn, óháð stöðu foreldra.
Dagvist barna var breytt í Leikskóla
Reykjavíkur sem er þjónustufyrir-
tæki fyrir börn borgarinnar og fjöl-
skyldur þeirra. Styrkir til einkarek-
inna leikskóla voru fjórfaldaðir og
niðurgreiðslur voru teknar upp vegna
allra barna hjá dagforeldrum. Byggð-
ar hafa verið 100 nýjar
leikskóladeildir og leik-
skólum borgarinnar
fjölgað úr 56 í 78 á sl. 8
árum. Við höfum samt
ekki lokið verkinu enda
verður það viðvarandi
hlutverk borgarinnar
að bjóða upp á hágæða
leikskóla fyrir öll börn.
Yngstu börnin og þau
sem það velja verða hjá
dagforeldrum og eða
einkareknum leikskól-
um, en allir fá niður-
greiðslu frá borginni.
Þess vegna á ekkert
barn að vera án ein-
hverra dagvistarúr-
ræða í Reykjavík í dag.
Það er af sem áður var og það
mætti halda að ég væri á sjötugsaldri
þegar ég segi frá aðstæðum barna
minna fyrir nokkrum árum. Börnin
mín voru í þörf fyrir góða leikskóla
þegar Sjálfstæðisflokkurinn var við
völd í borginni – en fengu ekki.
Leikskóli nauðsynlegur
Við á Reykjavíkurlistanum viljum
að öll börn gangi í leikskóla, vegna
þess náms sem þar á sér stað í gegn-
um leik, undirbúnings fyrir grunn-
skólagönguna og fyrir félagsþrosk-
ann. Það er ekki í okkar hlutverki að
setja á skólaskyldu en þess í stað vilj-
um við að hluti af skólastarfi fimm ára
leikskólabarna verði ókeypis. Þannig
getum við vonandi fengið öll börn í
leikskólana a.m.k. í eitt ár óháð því
hver fjárhagur eða önnur staða for-
eldranna er.
Ég vona að unga fólkið í borginni
viti að það er ekki sjálfsagður hlutur
að hafa góða leikskóla. Til að svo sé
þurfa borgaryfirvöld að forgangsraða
hlutunum þannig að börn og leikskól-
ar sitji í öndvegi. Það hefur Reykja-
víkurlistinn gert og mun halda áfram
að gera. Þess vegna eru kosningar 25.
maí mikilvægar og geta ráðið úrslit-
um í málum sem varða beint lífsgæði í
borginni.
Ég man þá tíð
Björk
Vilhelmsdóttir
Reykjavík
Börnin mín voru í
þörf fyrir góða leik-
skóla, segir Björk
Vilhelmsdóttir, þegar
Sjálfstæðisflokkurinn
var við völd í borginni –
en fengu ekki.
Höfundur er félagsráðgjafi og
skipar 6. sæti Reykjavíkurlistans.
ÁSTAND öldrunar-
mála á Akureyri hefur
mikið verið rætt und-
anfarna daga og vikur
og virðast menn al-
mennt vera sammála
um að ástandið eins
og það er í dag sé með
öllu óviðunandi. Í dag
eru um það bil 30
aldraðir Akureyringar
í brýnni þörf á biðlista
eftir hjúkrunarrýmum
og nokkuð ljóst að
þessir einstaklingar
geta ekki beðið eftir
viðbyggingu við Hlíð.
Úrbóta er þörf og það
strax.
Þegar farið er að rýna í ástandið
eins og það er í dag má sjá að það
er ekki nýtt af nálinni og í raun
hefur ástandið farið stigvaxandi
undanfarin ár. Okkar skoðun er sú
að einn einstaklingur í brýnni þörf
er meira en viðunandi er. Persónu-
lega þekkjum við bæði dæmi þar
sem fólk hefur mátt bíða heima án
þess að vera í nokkru ástandi til
þess. Þurfi það aðstoð yfir nóttina
er eina úrræðið að hringja og
vekja ættingja eða eins og margir
gera hringja á slökkviliðið. Að-
standendur gera virkilega sitt
besta í þessum málum en þeir
hvorki geta né eiga að bera
ábyrgðina.
Okkar skoðun er sú að svona
andvaraleysi gagnvart þeim, sem
hafa byggt upp þann bæ sem við
búum í ídag, sé með öllu ólíðandi.
Þegar leyst hefur verið úr þeim
vanda sem augljóslega blasir við í
dag þarf að ganga þannig frá hnút-
um að svona ástand komi aldrei
upp aftur. Læra þarf af þeim mis-
tökum sem valdið hafa þessari
neyð og stytta viðbragðstímann ef
ástand breytist á skömmum tíma.
Sólarhringsþjónusta
í heimahjúkrun
Við viljum leggja mikla áherslu
á að ekki er nóg að bæta við hjúkr-
unarrýmum heldur er einnig brýnt
að bæta það húsnæði sem nú þegar
er í notkun til þess að það fullnægi
nútímakröfum. Eins þarf að koma
á sólahringsþjónustu í heimahjúkr-
un.
En það er ekki bara hægt að
mála hlutina svörtum litum því
vissulega er ekki allt neikvætt
þegar kemur að þjónustu við aldr-
aða Akureyringa. Við öldrunar-
þjónustu bæjarins vinnur frábært
starfsfólk sem virkilega gerir það
besta úr því vinnuumhverfi sem
því er boðið og ber að þakka það.
Það er ekki gott
að vera gleyminn
Á dögunum hélt Framsóknar-
félag Akureyrar opinn fund með
Jóni Kristjánssyni heilbrigðisráð-
herra. Þar kom fram að fyrir árið
2002 sótti Akureyrarbær ekki um
nein framlög til bygginga á auka-
hjúkrunarrýmum til framkvæmda-
sjóðs aldraðra. Ástæðan er sú að
verið er að bíða eftir að ríki og Ak-
ureyrarbær nái samkomulagi um
áframhald Reynslusveitarfélaga-
samningsins. Kannski er eitthvað
til í því en á meðan ekki er orðið
ljóst með framhaldið ber að setja
undir alla leka með því að sækja til
framkvæmdasjóðs aldraða eins og
verið hefur.
Það ætti að vera ljóst hverra
ábyrgðin er og það skalt þú, kjós-
andi góður, hafa í huga þegar þú
gengur að kjörborðinu 25 maí
næstkomandi
Öldrunarmál á
Akureyri – hver
er ábyrgur?
Guðný
Jóhannesdóttir
Höfundar skipa þriðja og fjórða sæti
B-lista framsóknarmanna.
Akureyri
Svona andvaraleysi,
segja Jóhannes Gunnar
Bjarnason og Guðný
Jóhannesdóttir, gagn-
vart þeim, sem hafa
byggt upp þann bæ
sem við búum í, er
með öllu ólíðandi.
Jóhannes Gunnar
Bjarnason
ÞRÁTT fyrir að íbú-
um hafi fjölgað í Ár-
borg síðastliðin ár hef-
ur störfum ekki fjölgað
að sama skapi. Fjöldi
fólks sækir vinnu um
langan veg. Það skortir
fjölbreytni í starfsflóru
Árborgar. Þessari
kyrrstöðu segjum við í
Samfylkingunni í Ár-
borg stríð á hendur.
Þéttum byggðina
Það er hægt með
markvissum aðgerðum
að vinna að því að laða
fólk og fyrirtæki til Ár-
borgar. Við verðum að
hugsa stórt og tefla fram af dirfsku
og þrótti. Það þarf að vekja Þyrnirós
og drífa af stað kraftmikla atvinnu-
uppbyggingu. Um leið eigum við að
þétta byggðina og byggja blómlegan
miðbæ, í ætt við stórbrotnar hug-
myndir Einars Elíassonar, sem
kenndur er við Set. Iðandi miðbær
kallar til sín aukið líf menningar og
atvinnu. Metnaðarleysi
hefur ríkt í skipulags-
málum og mál að linni.
Það þarf að haldast í
hendur að þétta byggð-
ina, efla atvinnustigið
með ýmsum leiðum og
auka menningarlíf Ár-
borgar í nýjum miðbæ.
Forystumenn sveitar-
félagsins á hverjum
tíma eiga að fagna
frumkvæði frumkvöðla
í sveitarfélaginu og
leggja sitt af mörkum
til að stórhuga hug-
myndir geta orðið að
veruleika og orðið til
að efla uppbyggingu í
sveitarfélaginu.
Frumkvöðlasmiðjan
Borið hefur á misskilningi á hug-
mynd Samfylkingarinnar um frum-
kvöðlasmiðju til að efla atvinnulífið
og kalla frumkvæðið og nýsköp-
unina fram, til að virkja mannauð
Árborgar. Í sinni einföldustu mynd
er um að ræða farveg fyrir nýjar
hugmyndir þar sem móralskur
stuðningur og hvatning er veitt,
vænlega hugmyndir þróaðar áfram
og þær arðvænlegustu styrktar
beint á meðan verið er að byggja
fyrirtækið upp. Með þessu móti nýt-
um við þá miklu þekkingu og fólks-
auð sem fyrir er og veitum því í far-
veg. Hugsum stórt og breytum
kyrrstöðu í iðandi mannlíf með stór-
huga uppbyggingu og nýrri sýn á
skipulagsmál Árborgar.
Frumkvæði og byggða-
þétting í Árborg
Guðjón Ægir
Sigurjónsson
Árborg
Metnaðarleysi
hefur ríkt í skipulags-
málum, segir Guðjón
Ægir Sigurjónsson,
og mál að linni.
Höfundur skipar 7. sæti á lista
Samfylkingarinnar í Árborg.
ALLT frá því ég var
barn hef ég fylgst með
því hvernig borgin okk-
ar hefur verið að þróast.
Ég hef eins og margir
aðrir borgarbúar fylgst
með því hvernig stjórn-
málaöfl og borgarstjór-
ar á hverjum tíma hafa
mótað borgina, hver
með sínum hætti. Við
höfum átt borgarstjór-
ann Geir Hallgrímsson
sem malbikaði borgina.
Borgarstjórinn Davíð
Oddsson reisti sér
minnisvarða með Perl-
unni og Ráðhúsi
Reykjavíkur. Þetta
voru umdeilanlegar og mjög dýrar
byggingar á sínum tíma, en Perlan er
í dag eitt af táknum Reykjavíkur. En
sá borgarstjóri sem nú situr hefur
lagt pólitískar línur með allt öðrum
hætti. Ingibjörg Sólrún Gísladóttir er
fyrsti borgarstjórinn sem sett hefur
fólkið og umhverfi þess í öndvegi.
Vissulega ber borgin
þess merki að miklar
framkvæmdir hafa átt
sér stað á síðustu tveim-
ur kjörtímabilum.
Strandlengjan hefur
verið hreinsuð. Skóla-
byggingar og íþrótta-
mannvirki hafa risið í
nýjum borgarhverfum
og endurnýjun hefur átt
sér stað í þeim eldri.
Undirbúin hafa verið
stór byggingarsvæði
um borgina til að þétta
byggð. Net reiðhjóla-
og göngustíga hefur
verið lagt um alla borg.
Göngubrýr hafa dregið
úr slysahættu á umferðarþungum
götum. Þannig hefur núverandi
meirihluti í borginni sýnt mikinn
dugnað í verklegum framkvæmdum.
Þó er fátt eitt af framkvæmdum talið.
Það er mikilvægt að rifja það upp
hvaða ástand ríkti í borginni þegar
Ingibjörg Sólrún tók við stjórnar-
taumum í Reykjavík. Skólar voru al-
mennt tvísetnir, langir biðlistar voru
að leikskólum og minni áhersla var
lögð á ýmsa þætti félagslegrar þjón-
ustu. R-listinn fékk brautargengi á
sínum tíma vegna fyrirheita um
breytingar, sem hafa gengið eftir.
Það er athyglisvert og umhugsun-
arvert að kosningarnar núna snúast
að mestu leyti um stefnumörkun R-
listans í mýkri málum þ.e. fjölskyldu-
málum, málum sem snúa að börnum
og unglingum, málefnum eldri borg-
ara, skólamálum og síðast en ekki síst
umhverfismálum. Í öllum þessum
málum hefur Ingibjörg Sólrún beitt
sér fyrir stefnubreytingu frá því sem
var. Mig langar til þess að biðja borg-
arbúa að velta því fyrir sér hverjir eru
líklegri til að vinna áfram eftir þeirri
fjölskylduvænu stefnu sem mörkuð
hefur verið undanfarin tvö kjörtíma-
bil. Er það D-listinn, sem hefur nú
neyðst til að taka upp stefnumörkun
R-listans í þeim málaflokkum sem
hann lagði litla sem enga áherslu á áð-
ur, eða R-listinn, sem óskar nú um-
boðs til að halda áfram á sömu braut?
Á undangengnum dögum hafa dun-
ið á kjósendum auglýsingar frá fram-
boðunum í Reykjavík og er þar mjög
áberandi kosningaáróður D-listans
sem augljóslega er rekinn með gífur-
legum tilkostnaði. Kjósendur eru ef-
laust margir settir í mikinn vanda í
því að greina rétt frá röngu í þessu
mikla auglýsingaflóði. Margir eru
jafnvel ráðvilltir allt fram á síðustu
stund og ákveða sig í kjörklefanum.
Mikilvægt í þessu er að hafa það
meginatriði í huga, hverjum er að
treysta? Hverjum treysti ég betur til
að stjórna borginni næstu fjögur ár-
in? Ég vil hvetja borgarbúa til að láta
ekki villa sér sýn með ódýrum brell-
um og neikvæðum auglýsingum.
Horfa þess í stað á verkin, fram-
kvæmdirnar og fyrirheitin.
Sem Reykvíking skiptir það mig
miklu máli að þeir sem fara með
stjórn borgarinnar finni hvar hjartað
slær og sinni þörfum fólksins í borg-
inni. Það er stundum sagt að það
skipti engu máli hverjir stjórna. Það
sé sami rassinn undir öllum stjórn-
málamönnum. Ekkert er fjær sanni
þegar skoðað er valið milli R- og D-
lista í Reykjavík í dag. Valið stendur
alveg skýrt í mínum huga.
Í Ingibjörgu Sólrúnu eigum við for-
ystumann sem við getum treyst og
hefur látið verkin tala. Þegar þú ferð
inn í kjörklefann hafðu það hugfast að
val þitt getur ráðið úrslitum!
Val þitt getur ráðið úrslitum
Sigurður
Bessason
Reykjavík
Sem Reykvíking skiptir
það mig miklu máli,
segir Sigurður Bessa-
son, að þeir sem fara
með stjórn borgarinnar
finni hvar hjartað
slær og sinni þörfum
fólksins í borginni.
Höfundur er í 27. sæti R-listans í
Reykjavík og formaður Eflingar –
stéttarfélags.