Morgunblaðið - 18.05.2002, Blaðsíða 13
FRÉTTIR
MORGUNBLAÐIÐ LAUGARDAGUR 18. MAÍ 2002 13
Austurstræti 17, 4. hæð, 101 Reykjavík, sími 562 0400, fax 562 6564,
netfang: prima@heimsklubbur.is, heimasíða: http://www.heimsklubbur.is
Ítalíuferð í öðru veldi
FÁIÐ NÁNARI FERÐALÝSINGU Á SKRIFST.
PÖNTUNARSÍMI:
56 20 400
„Ferð okkar, LISTATÖFRAR ÍTALÍU
með Heimsklúbbi Ingólfs í fyrra,
breytti öllu gildismati okkar um
ferðalög. Konan valdi ferðina vegna
áhuga á listum, sem höfðuðu ekkert
sérstaklega til mín í upphafi, en nú veit
ég betur. Á mörgum ferðum hefur ekkert
ferðalag komið mér meir á óvart, við bókstaflega drukkum í okkur hvert and-
artak í hrifningarvímu. Svona ferð á erindi við alla, en margir gera sér ekki
fyrirfram grein fyrir, hvaða forréttindi hún býður.” Helgi Guðmundsson og
Ingveldur Jónsdóttir.
SANNKÖLLUÐ LISTAVEISLA: VERONA, MILANO, PARMA,
PISA, FLÓRENS, SIENA, BOLOGNA, PADUA, FENEYJAR,
TRIESTE, VERONA. Lúxusvagn á fegurstu leiðum, 4-5* hótel
m. morgunv., fegurstu söfn og byggingar - fararstjórn Ingólfs.
Ferð með ævarandi
gildi
Síðustu sætin
Þú sérð varla aðra eins listfjársjóði og fegurð annars staðar
MORGUNBLAÐINU hefur borist
eftirfandi greinargerð frá Braga
Guðbrandssyni forstjóra Barna-
verndarstofu, fyrir hönd Barna-
verndarstofu:
„Hinn 24. apríl sl. kvað Hæstirétt-
ur upp sýknudóm yfir manni sem
ákærður hafði verið fyrir kynferðis-
brot gagnvart stúlkubarni sem átt
hefðu sér stað á löngum tíma, eða frá
því stúlkan var 8 ára og til 13 ára ald-
urs hennar. Hinn ákærði hafði hins
vegar verið sakfelldur í Héraðsdómi
Vesturlands. Niðurstaða Hæstarétt-
ar um að sýkna beri hinn ákærða
þrátt fyrir að framburður hennar
þyki trúverðugur, byggir á því að
rannsókn málsins hafi verið áfátt og
jafnframt að við skýrslutöku af stúlk-
unni í Barnahúsi hafi hún verið spurð
leiðandi spurninga. Þar sem mál
þetta hefur hlotið talsverða umfjöllun
í fjölmiðlum undanfarið telur Barna-
verndarstofa rétt og skylt að koma
eftirfarandi upplýsingum á framfæri.
Samkvæmt breytingu á lögum um
meðferð opinberra mála, sem tók
gildi hinn 1. maí 1999, ber dómari
ábyrgð á framkvæmd skýrslutöku af
barni sem grunur leikur á að sætt
hafi kynferðisbroti, er skýrslutakan
því sérstök dómsathöfn og hluti af
dómstólameðferð málsins verði sak-
borningur ákærður.
Auk dómarans fylgjast með
skýrslutökunni verjandi sakborn-
ings, fulltrúi ákæruvalds, lögregla,
fulltrúi barnaverndarnefndar og
skipaður réttargæslumaður barns-
ins. Þegar dómari ákveður að
skýrslutaka fari fram í Barnahúsi
annast sérfræðingur hússins sjálfa
skýrslutökuna undir stjórn dómar-
ans, sem þá fylgist með framkvæmd-
inni á sjónvarpsskjá í öðru herbergi
ásamt öðrum þeim sem fyrr eru
nefndir. Með sérstökum tæknibúnaði
getur dómari lagt fyrir sérfræðing að
spyrja barnið tiltekinna spurninga
eða nánar um tiltekin efnisatriði í
framburði barnsins. Aðrir viðstaddir,
þ.m.t. verjandi sakbornings, geta
komið á framfæri athugasemdum við
dómara um framkvæmd eða annað
það sem máli skiptir. Sú skýrslutaka
sem lögð var til grundvallar í því
dómsmáli sem um ræðir, fór fram í
Barnahúsi í desember árið 2000. Til-
högun hennar var með sama hætti og
venja er og að ofan er lýst. Barna-
verndarstofu er ekki kunnugt um að
athugasemdir hafi verið gerðar við
framkvæmd skýrslutökunnar.
Sérfræðingar Barnahúss, sem fal-
in er framkvæmd skýrslutöku undir
stjórn dómara, spyrja barn í sam-
ræmi við alþjóðlega viðurkennda að-
ferð (protokoll) sem þróuð hefur ver-
ið m.a. í því skyni að forðast leiðandi
spurningar. Sá sérfræðingur sem
annaðist umrædda skýrslutöku er
sálfræðingur, annar tveggja sérfræð-
inga hérlendis sem hlotið hafa sér-
staka þjálfun erlendis í skýrslutökum
á börnum með fyrrgreindri aðferð.
Frá því að Barnahús tók til starfa
hefur málum rúmlega 400 barna ver-
ið vísað til meðferðar þar sem rann-
sóknarviðtöl hafa verið tekin. Frá
breytingu laga vorið 1999 hafa 132
börn komið til skýrslutöku undir
stjórn dómara. Ljóst er því að sér-
fræðingar Barnahúss hafa öðlast
meiri reynslu og þekkingu á um-
ræddu sviði en fyrr hefur þekkst hér-
lendis. Barnaverndarstofu er ekki
kunnugt um að dómstólar hafi áður
gert samsvarandi athugasemdir við
framkvæmd skýrslutöku og hér um
ræðir síðan Barnahús tók til starfa
fyrir um þremur og hálfu ári síðan.
Barnaverndarstofa mun hér eftir
sem hingað til hlutast til um að
tryggja að Barnahús ráði yfir og nýti
bestu þekkingu á sviði rannsóknar-
viðtala sem völ er á.“
Sýknudómur Hæstaréttar
og skýrslutaka af börnum
SÝSLUMAÐURINN í Kópavogi
gerir ekki efnislegar athugasemdir
við gagnrýni á vinnubrögð embættis-
ins sem kom fram í dómi yfir for-
svarsmanni Eystrasaltsviðskipta
sem var dæmdur fyrir að ráða níu lit-
háska ríkisborgara í vinnu, þrátt fyrir
að enginn þeirra hefði atvinnuréttindi
á Íslandi.
Héraðsdómur Reykjaness dæmdi
manninn til að greiða 300.000 krónur
í sekt og tók við ákvörðun refsingar
mið af vanköntum á rannsókn máls-
ins. Segir í dómnum að svo virðist
sem ákæruvaldið hafi ekki gert alvar-
lega tilraun til að upplýsa hversu
lengi mennirnir voru við störf hér á
landi, hvað þeim hafi verið greitt í
laun eða hvernig þeir komu til lands-
ins. Komið hafi fram að mennirnir
hafi búið í húsnæði á vegum Eystra-
saltsviðskipta en sá þáttur hafi ekk-
ert verið rannsakaður.
Í frétt Morgunblaðsins af máli
Litháanna í nóvember í fyrra kom
m.a. fram að skv. áreiðanlegum heim-
ildum blaðsins hafi mennirnir búið í
húsnæði í Gufunesi sem uppfyllti
hvergi kröfur sem hægt er að gera til
íbúðarhúsnæðis. Einn þeirra hafi
borið að hafa fengið tæplega 700
krónur á klukkustund í vinnulaun.
Þar sem Litháarnir voru ekki látn-
ir gefa skýrslu fyrir dómi áður en þeir
fóru úr landi, var framburður þeirra
hjá lögreglu ekki notaður sem sönn-
unargagn. Þorleifur Pálsson, sýslu-
maður, segir að alls ekki sé hægt að
draga almennar ályktanir af starf-
semi embættisins, þó svo héraðsdóm-
ur hafi gagnrýnt eitt tiltekið mál. „Við
tökum hins vegar alltaf mark á gagn-
rýni sem kemur fram hjá dómstólum
og við munum skoða þær aðfinnslur
sem koma fram í dómnum,“ segir
Þorleifur. Aðspurður segir hann að
komi sambærilegt mál upp verði tek-
ið mið af dómnum, en bætir við að slík
mál séu afar fátíð og þetta hafi verið
fyrsta málið þessarar tegundar sem
embættið hafi fengist við. Þorleifur
segir þó að ekki sé alveg ljóst hvaða
áhrif önnur vinnubrögð hefðu haft á
niðurstöður dóms í þessu tilviki.
Sýslumaður
tekur mark á
gagnrýninni
ÞESSIR öryggisverðir sáu sér hag í
því að stíga upp á stein, á meðan
þeir hringdu til að spyrja frétta af
komutíma þyrlu Berlusconis, for-
sætisráðherra Ítalíu, og Davíðs
Oddssonar til Geysis í Haukadal á
dögunum. Hilmar Gunnarsson, yf-
irmaður hjá Símanum, segir að það
sé ekki vegna gloppótts farsíma-
sambands á svæðinu þar sem Sím-
inn sé með gsm-stöð við þar rétt
hjá, við hliðina á Hótel Geysi.
Morgunblaðið/RAX
Uppi á steini
TUGIR víkinga munu berjast,
hamra járn, spinna, syngja, setja
upp leikrit og bjóða til veislu í Hafn-
arfirði dagana 13.–17. júní næst-
komandi. Stemmningin verður því
væntanlega líkust því sem var hér á
landi og víðar um Norður-Evrópu
fyrir hundruðum ára. Tilefnið er
Sólstöðuhátíð víkinga við Fjöru-
krána, en samkvæmt upplýsingum
Jóhannesar Viðars Bjarnasonar,
eiganda Fjörukrárinnar, Vestnor-
ræna menningarhússins og Vestnor-
ræna hótelsins í Hafnarfirði, er Vík-
ingahátíðin orðin árviss viðburður í
bænum, en hann er sjálfur frum-
kvöðull hátíðarinnar.
„Í tilefni hátíðarinnar koma hing-
að tugir erlendra víkinga, sem allir
eru listamenn,“ segir Jóhannes.
„Meðal þeirra eru t.d. ýmsir góðir
handverksmenn sem einbeita sér
ýmist að steinhöggi, tréskurði eða
öðru. Þá eru margir þeirra bardaga-
listamenn, en við Íslendingar eigum
einnig góða bardagalistamenn í
okkar röðum sem munu sýna á há-
tíðinni.“
Sönghópur sem í eru söngvarar
frá Íslandi, Finnlandi og Danmörku
munu stíga á svið á hátíðinni og
flytja gömul þjóðlög. Þá kemur
hingað til lands sænskur leikhópur,
inúítar frá Kanada og samar frá
Norður-Noregi í tengslum við hátíð-
ina. Þá segir Jóhannes að fjölmargir
Færeyingar og Grænlendingar
komi fram á hátíðinni, en árið 2000
var opnað við Fjörukrána Vestnor-
rænt menningarhús í þeim tilgangi
að efla tengsl Íslendinga, Grænlend-
inga og Færeyinga. Handverksfólki
frá þessum löndum býðst að koma
og sýna og selja sitt handverk og
kenna áhugasömum aðferðir sínar.
Þá er þessa dagana verið að vinna
að breytingu á hótelinu og mun það
verða opnað í endurnýjaðri mynd í
tengslum við Víkingahátíðina.
Víkingahátíðin fer fram á svæð-
inu umhverfis Fjörukrána þar sem
slegið verður upp tjöldum.
Víkingar munu berjast við Fjörukrána í ár á Sólrisuhátíð Víkinga.
Sólrisuhátíð víkinga
við Fjörukrána
MORGUNBLAÐINU hefur borist
eftirfarandi yfirlýsing frá Bruna-
málastofnun og Ísfélagi Vestmanna-
eyja hf.:
„Brunamálstofnun hefur ákveðið
að veita Ísfélagi Vestmannaeyja hf.
tveggja mánaða frest til að skila inn
athugasemdum við skýrslu stofnun-
arinnar um bruna hjá Ísfélaginu í
desember 2000. Brunamálastofnun
tekur að því loknu afstöðu til þess
hvort hún breyti skýrslunni. Á með-
an verður ekki um frekari dreifingu
skýrslunnar að ræða og aðilar tjá sig
ekki frekar um hana við fjölmiðla
fyrr en þessari vinnu er lokið.“
Ísfélagið fær
að gera at-
hugasemdir
BERGDAL ehf. heildverslun lækk-
aði verð um 3–10% síðastliðinn mið-
vikudag. Lækkunin nær til flestra
vöruflokka í matvöru og er til komin
vegna gengisþróunar, að sögn Sverr-
is E. Bergmann. Dæmi um vörur
sem Bergdal flytur inn eru McVities
kex, Finn Crisp hrökkbrauð, Pik Nik
kartöflustrá, Heinz matvörur, Kavli
hrökkbrauð og Sun-Maid rúsínur.
Bergdal lækkaði verð síðast 25.
febrúar og nam lækkunin 2–11%
segir Sverrir Bergmann.
3–10% verð-
lækkun hjá
Bergdal
♦ ♦ ♦
♦ ♦ ♦
KARLMAÐUR var handtekinn í
gær af lögreglunni í Reykjavík,
grunaður um að hafa kveikt í garð-
skúr við Hverfisgötu. Skúrinn gjör-
eyðilagðist í eldinum sem kom upp á
þriðja tímanum í fyrrinótt. Reynist
hafa verið um íkveikju að ræða verð-
ur málið litið mjög alvarlegum aug-
um þar sem skúrinn stóð inni á íbúð-
arlóð rétt við íbúðarhús.
Maðurinn var ölvaður þegar lög-
reglumenn handsömuðu hann
skammt frá vettvangi.Yfirheyra átti
hann er hann hefði sofið úr sér
áfengisvímuna. Ekki er vitað til þess
að hann hafi átt neitt sökótt við fólkið
sem í íbúðarhúsinu býr.
Grunaður um
íkveikju við
íbúðarhús