Morgunblaðið - 18.05.2002, Blaðsíða 18
LANDIÐ
18 LAUGARDAGUR 18. MAÍ 2002 MORGUNBLAÐIÐ
jöreign ehf
OPIÐ HÚS í dag, laugardag, frá kl. 14 - 16
á Rauðalæk 2, Reykjavík
Í íbúðinni er ný, falleg innrétting, ný
tæki, vifta, tengt fyrir uppþvottavél,
borðkrókur og gluggi, flísar milli
skápa. Baðherbergi m/flísum, hvítar
innréttingar og tæki, gluggi, allt nýtt
t.d. pípulögn, sturtuklefi. Barnaher-
bergi m/nýju plastparketi, nýir stórir
skápar, fallegar viðarrimlagardínur,
herbergið er um 14 fm. Góð stofa
m/parketi, góðir gluggar, mjög björt stofa sem og öll íbúðin, hjónaher-
bergi inn af stofunni m/parketi, mjög stórir og fallegir nýir skápar.
Sérgeymsla undir innistiga, önnur sameiginleg geymsla en notuð af íbúð-
inni er inn af gangi og þaðan gengið inn í sameiginlegt þvottahús og það-
an inn í hitakompu sem er líka nýtt sem geymsla af íbúðinni. Nýtt raf-
magn, tvöfalt gler, nýtt þak, nýjar tröppur m/hita. Mjög góð staðsetning.
Anna Kristín býður ykkur velkomin milli kl. 14 - 16 í dag.
Sími 533 4040
www.kjoreign.is
Ármúla 21, Reykjavík
Dan V.S. Wiium hdl., lögg. fasteignasali,
NÝTT vestfirskt vikutímarit hefur
hafið göngu sína á Vestfjörðum.
Tímaritið, sem ber heitið Meira-
blaðið, er gefið út af Meira ehf.,
útgáfufyrirtæki á Ísafirði, er áður
gaf m.a. út Skjárútuna, sjónvarps-
handbók, á norðanverðum Vest-
fjörðum til skamms tíma. Útgáfu-
stjóri er Halldór Pálmi Bjarkason.
Meirablaðið verður selt í hús og
á helstu blaðsölustöðum, og mun
kosta kr. 200 í lausasölu. Markmið
Meirablaðsins er fyrst og fremst
að færa vestfirska fjölmiðlun í nú-
tímalegra horf, samkvæmt því sem
fram kemur í fréttatilkynningu.
Meirablaðið er allt unnið í hluta-
starfi af vestfirskum áhugamönn-
um um blaðamennsku og útgáfu-
mál, og er það von útgefenda að
því verði vel fagnað af Vestfirð-
ingum.
Blaðið er litprentað á glans-
pappír. Ritstjóri Meirablaðsins er
Magnús Gautur Gíslason, sem
vann m.a. við útgáfu Vestfirska
fréttablaðsins um áratugaskeið á
sínum tíma.
Nýtt vikurit á Vestfjörðum
Ísafjörður
ÁRBORGARSVÆÐIÐ
FJÖRUTÍU manna lið Rústa-
björgunarsveitar Austurlands
verður um hvítasunn-
una á Gufuskálum við
strangar æfingar. Það
er liður í undirbúningi
sveitarinnar fyrir
mjög stóra alþjóðlega
björgunaræfingu, sem
fram fer í Vestmanna-
eyjum 28.–30. júní
n.k. á vegum Land-
helgisgæslunnar.
Austfirska rústabjörg-
unarsveitin nýtur þess
trausts að verða send
á undan öllum öðrum
á vettvang í Vest-
mannaeyjum og segir
það nokkuð til um
hæfni hennar.
Dagana á undan
þessari æfingu, verð-
ur eistnesk rústabjörgunarsveit
við þjálfun á Austurlandi í boði
heimamanna, en hún er meðal virt-
ustu fagaðila á þessu sviði í heim-
inum. Samstarf hefur verið milli
sveitanna frá árinu 2000, þegar
þær tóku báðar þátt í stórri björg-
unaraðgerð á sjó. Eistarnir koma
á tveimur herflugvélum til Egils-
staðaflugvallar 24. júní og með í
för verða einnig bandarískir leit-
armenn.
Baldur Pálsson, slökkviliðsstjóri
og björgunarsveitarmaður á Egils-
stöðum, sagði í samtali við Morg-
unblaðið að brýnt væri að gera sér
grein fyrir að hugtakið rúst í leit
og björgun næði yfir allan hugs-
anlegan slysavettvang. Þannig
væri rústabjörgunarsveit sérstak-
lega þjálfað lið manna með ólíka
reynslu og afar fjöl-
breytta kunnáttu og
ætti að geta glímt við
öll verkefni til lands
og sjávar.
„Við stofnuðum
þessa sveit árið 1997,“
segir Baldur, „eftir
reynsluna af snjóflóð-
unum fyrir vestan og
þeim flóðum sem hér
hafa fallið. Ákveðinn
kjarni manna var tek-
inn út úr austfirskum
björgunarsveitum og
þetta unnið í alvöru.
Austurland – Rústa-
björgun er í dag með
mannafla og tækja-
búnað sem stenst
mjög brátt saman-
burð við það besta í landinu. Með
þrotlausum æfingum og vinnu höf-
um við áunnið okkur traust þeirra
aðila sem fara með björgunarmál á
landsvísu, s.s. Almannavarna rík-
isins og Landhelgisgæslunnar. Þá
má geta þess að við höfum sent
fjóra einstaklinga til Bandaríkj-
anna í rústaþjálfun hjá einni af öfl-
ugustu sveitum Bandaríkjamanna í
rústum. Þessir menn eru nú með
alþjóðleg réttindi sem leiðbeinend-
ur í rústabjörgun. Það er ekki síst
þess vegna sem Eistum þykir fýsi-
legt að æfa sig með okkur fyrir
Vestmannaeyjaaðgerðina,“ sagði
Baldur að lokum.
Austfirskir rústabjörgunarmenn við æf-
ingar á Gufuskálum um hvítasunnuna
Sambærilegir
við þá bestu
Egilsstaðir
Baldur
Pálsson
HALDIÐ upp á 30 ára vígsluafmæli
Hveragerðiskirkju sunnudaginn 12.
maí. Hátíðarguðsþjónusta var í
kirkjunni, þar sem Sigurbjörn Ein-
arsson biskup predikaði. Séra Tóm-
as Guðmundsson fyrrum sókn-
arprestur og Jón Ragnarsson
sóknarprestur þjónuðu fyrir altari.
Kirkjukór sóknarinnar söng undir
stjórn Jörg E. Sondermanns, Elín
Gunnlaugsdóttir söng einsöng og
Jóhann I. Stefánsson lék á trompet.
Dvalarheimilið Ás gaf af þessu
tilefni vængjahurð milli kirkju og
forkirkju og var það Guðrún Gísla-
dóttir sem afhenti gjöfina. Heilsu-
stofnun NLFÍ færði kirkjunni pen-
ingagjöf og það var Árni
Gunnarsson framkvæmdastjóri
stofnunarinnar sem afhenti gjöfina.
Opnuð var sýning á krossamyndum
Þorgerðar Sigurðardóttur, sem hún
vann undir áhrifum frá krossinum í
Njarðvíkurskriðum á Borgarfirði
eystri. Einnig var opnuð sýning á
ljósmyndum og ýmsu tengdu sögu
og starfi kirkjunnar. Fyrstu ferm-
ingarbörnin, sem fermdust á hvíta-
sunnudag 1972 og færðu þá kirkj-
unni einn kirkjubekk, komu til
hátíðarinnar. Jörundur Pálsson
arkitekt teiknaði kirkjuna á vegum
Húsameistara ríkisins en Jón Guð-
mundsson smiður var bygg-
ingameistari. Var honum ásamt
Þorgerði listakonu, Guðrúnu Gísla-
dóttur og Árna Gunnarssyni for-
stjóra HNLFÍ færður blómvöndur. Í
messulok voru Jóni Helga Hálfdán-
arsyni þökkuð, með gjöfum, góð og
óeigingjörn störf, en hann hefur
verið meðhjálpari kirkjunnar frá
upphafi. Eftir guðsþjónustuna var
gestum boðið að þiggja veitingar,
sem fyrirtækið Heilsukostur sá um.
Um kvöldið hélt Kirkjukór Hvera-
gerðis- og Kotstrandarsókna tón-
leika í kirkjunni, þar sem m.a. var
frumflutt Þrenningarsónata eftir
stjórnandann, Jörg E. Sondermann,
sem tileinkuð er Kirkjukór Hvera-
gerðis- og Kotstrandarsókna. Fjöldi
folks kom til vígsluhátíðarinnar.
30 ára fermingarbörn sitja á bekknum sem þau gáfu við vígsluna.
30 ára vígslu-
afmæli
Hveragerð-
iskirkju
Hveragerði
Morgunblaðið/Margret Ísaksdóttir
Jón Helgi Hálfdánarson meðhjálpari, sr. Jón Ragnarsson, Sigurbjörn Ein-
arsson biskup og sr. Tómas Guðmundsson fyrrverandi sóknarprestur.
VERSLUNARKEÐJAN Bónus og
Knattspyrnufélag Árborgar hafa
tekið höndum saman um að efla
knattspyrnuna á Suðurlandi. Bónus
hefur ákveðið að gerast aðalstyrkt-
araðili liðsins. Gildir samningurinn
til eins árs, með möguleika á fram-
lengingu. Jóhannes í Bónus og Helgi
Valberg framkvæmdastjóri Knatt-
spyrnufélags Árborgar undirrituðu
samninginn fyrir utan Bónusversl-
unina á Selfossi.
Samningurinn felur í sér að Bónus
auglýsir framan á búningum liðsins,
leiktímabilið 2002. Einnig fær fyrir-
tækið umfjöllun í blaði félagsins sem
gefið verður út í upphafi tímabils, og
flaggar fánum og fær skilti sem fé-
lagið setur upp á leikjum sínum.
„Það er mjög ánægjulegt að Bón-
us sjái sér fært að styðja við bakið á
Knattspyrnufélagi Árborgar, en fé-
lagið hefur nú eignast öflugan
bandamann sem leggur sitt af mörk-
um til þess að koma liðinu í fremstu
röð. Bónus hefur sýnt það og sannað
í gegnum tíðina að þar er á ferðinni
mjög metnaðarfullt fyrirtæki, sem
félagið getur tekið sér til fyrirmynd-
ar og vonast félagið til að Bónus geti
miðlað metnaði sínum til þess,“ sagði
Helgi Valberg framkvæmdastjóri
Knattspyrnufélags Árborgar. „Við
stefnum að því að komast í úrslita-
keppni 3. deildarinnar í ár. Tvö efstu
sætin þar veita rétt til að spila í 2.
deild að ári. Í fyrra komst félagið í 32
liða úrslit í Coca-Cola-bikarnum, en
var þá slegið út af liði Stjörnunnar
sem spilar í 1. deild, í framlengdum
leik á Selfossvelli.
Leikmannahópurinn hjá okkur
hefur stækkað mikið en við höfum
fengið til okkar mikið af sunnlensk-
um leikmönnum sem áður höfðu
horfið til höfuðborgarsvæðisins.
Stjórn, þjálfari og leikmenn vinna í
nánu samstarfi að því að ná góðum
árangri, hvort sem er á leikvellinum
eða í samfélagsverkefnum eins og
skógrækt,“ sagði Helgi Valberg.
Morgunblaðið/Sig. Jóns.
Jóhannes Jónsson, forstjóri Bónuss, og Helgi Valberg, framkvæmda-
stjóri Knattspyrnufélags Árborgar, undirrita samninginn fyrir utan Bón-
usverslunina. Fyrir aftan þá standa nokkrir leikmenn Árborgarliðsins.
Bónus aðalstyrktaraðili
Knattspyrnufélags Árborgar
Selfoss
BÖRNIN á leikskólanum Sól-
völlum í Neskaupstað buðu fjöl-
skyldum sínum og vinum á
uppskeruhátíð um síðastliðna
helgi. Það var margt um mann-
inn, enda margt að skoða og sjá.
Listaverkum sem börnin hafa
unnið í vetur var stillt upp um
sali og veggi leikskólans og þeg-
ar leið á daginn sungu börnin og
fóru með ljóð fyrir gestina. Þá
gátu þeir sem svangir voru gætt
sér á kökum, súkkulaði og vöffl-
um með rjóma.
Morgunblaðið/Ágúst Blöndal
Börnin á Kattholti sungu og fóru með ljóð fyrir gestina.
Sungið á Sólvöllum
Neskaupstaður