Morgunblaðið - 26.06.2002, Síða 9
FRÉTTIR
MORGUNBLAÐIÐ MIÐVIKUDAGUR 26. JÚNÍ 2002 9
ÚTSALA - ÚTSALA
Dæmi um verð: Áður: Nú:
Bómullarpeysa 4.900 2.900
Jakkapeysa 4.900 2.900
Blúndubolur 3.800 2.400
Bodybolur 2.800 1.900
Dömuskyrta 3.200 1.900
Gallajakki 4.900 2.900
Túnika 3.900 2.400
Sítt pils 3.900 2.500
Dömubuxur 3.000 1.900
Kjóll 4.500 2.900
Rúskinnbuxur 7.600 4.600
Kápa pvc 6.600 3.900
Vesti m/belti 3.900 2.300
Dömuskyrta 3.300 1.900
Vatteraður jakki 4.600 2.900
...og margt margt fleira
40—70% afsláttur
Síðumúla 13, sími 568 2870,
108 Reykjavík.
Opið frá kl.10.00-18.00
Á SÍÐUSTU 10 árum hafa sér-
hæfð kúabú stækkað um 32% og
heildartekjur búanna hafa auk-
ist um 29%. Á sama tíma hafa
sérhæfð sauðfjárbú minnkað
um 8% og heildartekjur þeirra
minnkað um 7%. Þessar upplýs-
ingar koma fram í skýrslu Hag-
þjónustu landbúnaðarins um af-
komu landbúnaðarins.
Í skýrslunni segir að rekstr-
aryfirlit áranna 1991–2000
bendi til stöðnunar í rekstri sér-
hæfðra sauðfjárbúa á tíma-
bilinu. Greinilegt sé að sauð-
fjárbú séu viðkvæm fyrir
breytingum í rekstrarumhverf-
inu, enda megi lítið út af bera í
rekstri búa sem séu með um 3,5
milljónir í búgreinatekjur. Að
einhverju leyti megi ef til vill
takast á við það tekjuleysi sem
hrjái greinina með aukinni hag-
ræðingu, en öllu betra úrræði
væri að stefna að því að stækka
rekstrareiningarnar.
Það kveður við annan tón í
umfjöllun um sérhæfð kúabú.
Tekjuþróun kúabúa á þessu
tímabili hafi verið jákvæð, sér-
staklega árin 1998–2000. Ein-
kennandi sé að búin séu að
stækka og aukin umsvif í rekstri
kalli á auknar fjárfestingar.
Kaup á greiðslumarki sé skyn-
samleg og sé fallin til þess að
skila ávinningi í rekstri. Í
skýrslunni er lýst nokkrum
áhyggjum af hraðri skuldsetn-
ingu mjólkurframleiðenda.
Skuldir búanna meira en tvö-
földuðust á þessu tíu ára tíma-
bili. Hagþjónustan telur að
kúabúin þurfi að gæta aðhalds í
fjárfestingum og greiða niður
skuldir eins og kostur er. Meðal-
kúabú skuldaði tæplega 13
milljónir í árslok 2000, en meðal-
sauðfjárbú skuldaði þá 3,8 millj-
ónir.
Í skýrslunni kemur fram að
launagreiðslugeta sérhæfðra
kúabúa hafi verið 2.389 þúsund
á árinu 2000, en launagreiðslu-
geta sérhæfðra sauðfjárbúa
1.076 þúsund þetta ár.
! " # $ % &
! " # $ % &
'
(
$
"
!#
!
#
#
#
&
$
"
! " # $ % &
! " # $ % &
)
*
*
&*
$*
"*
*
Kúabú stækka en
sauðfjárbú minnka
GUÐMUNDUR Ólafsson fornleifa-
fræðingur fer til Baffinslands í Kan-
ada í ágúst til að kanna minjar sem
hugsanlega benda til norrænna
búða.
Að sögn Guðmundar hefur kan-
adíski fornleifafræðingurinn Pat-
ricia Sutherland kannað minjar á
þessum stöðum og m.a. fundið ull-
arþræði og tálgaða muni sem eru
ólíkir minjum innfæddra en bendi
til að þarna hafi norrænir menn
verið á ferð. Hún hafi haft samband
við sig þar sem hún hafi viljað fá
einhvern með þekkingu á norræn-
um minjum og hann hafi slegið til.
„Við rennum alveg blint í sjóinn og
það er óskrifað blað hvað kemur út
úr þessu en við vitum af norrænum
búðum á Nýfundnalandi og þetta er
spennandi verkefni,“ segir hann.
Guðmundur segir að auk þess
standi til í sumar að gera aldurs-
könnun á minjum framan við
Glaumbæ í Skagafirði. Þar hafi
bandarískir fornleifafræðingar hafið
rannsóknir í fyrra án þess að hafa
átt von á einhverju sérstöku, en
mælingar hafi sýnt að einhver
mannvirki væru undir túninu. Því
hafi þeir haldið áfram og komið nið-
ur á byggingu sem hafi virst vera
mjög gömul, hugsanlega skáli frá
10. eða 11. öld. Þetta hafi verið
mjög óvænt en um leið mjög spenn-
andi og því sé ráðgert að gera
þarna ýtarlegri könnun í júlí. Leiði
hún í ljós afgerandi niðurstöðu um
hvað sé þarna að ræða og frá hvaða
tíma verði hugsanlega farið út í ýt-
arlegri rannsókn.
Að sögn Guðmundar fer könn-
unin fram á vegum byggðasafnsins í
Glaumbæ í samstarfi við bandarísku
fornleifafræðingana og Þjóðminja-
safnið.
Morgunblaðið/Arnaldur Halldórsson
Guðmundur Ólafsson fornleifafræðingur bendir á svæðið þar sem rann-
sóknirnar fara fram á Baffinslandi.
Hugsanlega
norrænar búðir
á Baffinslandi
SAMÞYKKT var í borgarstjórn í
liðinni viku tillaga borgarfulltrúa
Reykjavíkurlistans um aukna
samþættingu leikskóla og grunn-
skóla. Með tillögunni samþykkir
borgarstjórn að beina því til
borgarráðs að fela starfshópi,
skipuðum fulltrúum frá leikskóla-
ráði og fræðsluráði, að vinna að
tillögum um aukna samþættingu
leikskóla og grunnskóla.
Í þeirri vinnu verður lögð
áhersla á aukið samstarf skól-
anna með það að markmiði að
þjónustan verði markvissari og
heildstæðari og að útfærsla
þeirrar stefnu að bjóða fimm ára
börnum gjaldfrjálsa þjónustu á
leikskólum hluta úr degi verði
nánar útfærð. Borgarfulltrúar
Sjálfstæðisflokks töldu tillöguna
ganga of skammt og sagði Guð-
rún Ebba Ólafsdóttir að sjálf-
stæðismenn teldu að auka þyrfti
enn frekar samstarf allra þeirra
sem vinna að menntamálum og
hafa aukið samráð við foreldra.
Þá þyrfti að auka valddreifingu.
Ingibjörg Sólrún Gísladóttir
borgarstjóri benti á að tilgangur
tillögunnar væri ekki að taka á
skólamálum í heild heldur einu
brýnu verkefni sem snerist um
samþættingu leik- og grunn-
skóla.
Í greinargerð sem tillögunni
fylgdi segir að mikilvægi sam-
starfs og samþætting starfs leik-
skóla og grunnskóla sé augljóst,
sérstaklega á því ári sem skóla-
gangan hefst. „Því er mikilvægt
að vinna nú að frekari þróun og
útfærslu samþættingar þessara
tveggja skólastiga með það að
markmiði að bæta þjónustuna
frekar en nú er og gera aðlögun
á fyrstu stigum skólagöngu sem
auðveldasta. Þá segir að stefna
R-listans sé að bjóða fimm ára
börnum gjaldfrjálsa þjónustu
hluta úr degi á leikskólum borg-
arinnar.“ Enn fremur segir að
með þessu séu börnum veitt jöfn
tækifæri til þess að njóta þeirrar
þjónustu sem byggð hefur verið
upp í leikskólum borgarinnar, án
tillits til félagslegrar stöðu eða
efnahags.
Frekari samþætting leik- og grunnskóla
Fimm ára börn
fái að hluta
ókeypis þjónustu