Morgunblaðið - 06.07.2002, Qupperneq 14

SUÐURNES
14 LAUGARDAGUR 6. JÚLÍ 2002 MORGUNBLAÐIÐ
LJÓSANÓTT, menningarhátíð
Reykjanesbæjar, verður haldin
dagana 5. til 8. september í haust.
Að þessu sinni stendur hún yfir í
fjóra daga þótt hápunktur hátíð-
arinnar verði eins og áður á laug-
ardagskvöldi.
Björk Guðjónsdóttir, forseti bæj-
arstjórnar, opnaði heimasíðu
Ljósanætur, www.ljosanott.is, með
formlegum hætti í gær við athöfn
í Skútanum, helli við smábátahöfn-
ina í Keflavík. Þar kynnti und-
irbúningsnefnd hátíðarinnar meg-
inefni dagskrár. Þegar er búið að
skrá 30 viðburði og fleiri eiga eft-
ir að bætast við. Að sögn Stein-
þórs Jónssonar, formanns und-
irbúningsnefndar, verða á
dagskránni flest sömu atriði og
áður og fjöldi nýrra bætist við.
Með því að hafa hátíðina frá
fimmtudegi til sunnudags sé hægt
að koma fleiri og tímafrekari at-
riðum á dagskrána. Á heimasíð-
unni er opinn hugmyndabanki
enda segir Steinþór að það meg-
ineinkenni hátíðarinnar verði að
haldast að þetta sé hátíð íbúanna,
með framlagi þeirra sjálfra.
Steinþór segir að nú verði lagt
meira í markaðssetningu Ljósa-
nætur sem stórs atburðar á lands-
vísu.
Morgunblaðið/Helgi Bjarnason
Ólafur Kjartansson, forstöðumaður MOA, grillaði pylsur í Skútanum í
Keflavík á meðan Björk Guðjónsdóttir opnaði heimasíðu Ljósanætur.
Ljósanótt stendur
yfir í fjóra daga
Reykjanesbær
„VIÐ höfum sótt í okkur veðrið á inn-
anlandsmarkaði. Það hefur bjargað
ferðaþjónustunni á Reykjanesi í vet-
ur, eftir samdráttinn sem varð í kjöl-
far atburðanna í Bandaríkjunum í
haust og við verðum að halda áfram
sókninni,“ segir Johan D. Jónsson,
ferðamálafulltrúi Suðurnesja.
Ferðamálasamtök Suðurnesja boð-
uðu til kynningarfundar í Minjasafni
Slysavarnafélags Íslands í Garði í
gær en það er eitt best varðveitta
leyndarmálið í safnamálum í landinu,
samkvæmt orðum Kristjáns Pálsson-
ar, formanns samtakanna. Kristján
og félagar hans kynntu það sem Suð-
urnesin hafa að bjóða ferðafólki, sér-
staklega nýjungar og þá starfsemi
sem er einstök á landsvísu og jafnvel
heimsvísu. Nefndi Kristján sérstak-
lega þrennt í því sambandi, Bláa lón-
ið, Go-kart-brautina í Njarðvík og
brúna milli Evrópu og Ameríku sem
nýlega var vígð skammt frá Reykja-
nesvita.
15% samdráttur í aðsókn
Fram kom hjá Önnu Gunnhildi
Sverrisdóttur, rekstrarstjóra Bláa
lónsins, að tæplega 15% samdráttur
hefði verið í aðsókn að baðstaðnum
frá áramótum. Aðsóknin væri þó að
aukast og júnímánuður hefði verið lít-
ið lakari en sami mánuður á síðasta
ári.
Steinþór Jónsson, hótelstjóri á
Hótel Keflavík, hafði aðra sögu að
segja varðandi gistinguna, sagði að
aukning hefði verið hjá sér það sem af
væri ári. Þá kom fram að byggð hefði
verið upp fjölbreyttari gisting, með
fleiri mótelum og gistiheimilum, auk
gistingar í sumarhúsum á Þórodds-
stöðum í Sandgerði.
Mesti vaxtarbroddurinn í ferða-
mennsku á Suðurnesjum á síðustu ár-
um hefur tengst hvalaskoðunarferð-
um. Talsverð breyting hefur orðið á
því sviði því tveir af þeim þremur
stóru bátum sem voru með hvala-
skoðunarferðir af Suðurnesjum eru
nú gerðir út frá höfnum á höfuðborg-
arsvæðinu og hefur það sett nokkurt
strik í reikninginn, að sögn Johans.
En hann segir að menn séu staðráðn-
ir í að standa vörð um starfsemi Moby
Dick sem enn er gerður út til hvala-
skoðunar frá Keflavík enda sé styst á
hvalamiðin frá höfnum á Suðurnesj-
um. Helga Ingimundardóttir, sem
gerir út Moby Dick, gat þess að þótt
samdráttur hefði orðið í hvalaskoðun
hefði aldrei verið eins mikið af höfr-
ungum og sérstaklega stórhvelum á
miðunum frá því þessi starfsemi
hófst.
Johan D. segir að ferðaþjónustan á
Reykjanesi hafi vaxið ár frá ári síð-
ustu tíu árin, með einhverju nýju á
hverju ári, og sé orðin að alvöru at-
vinnugrein. Hann segir mikilvægt að
halda þannig áfram. Leggur áherslu á
að næst þurfi að leggja svokallaðan
Ósabotnaveg, milli Sandgerðis og
Hafna, til að mynda nýjan ferða-
mannahring á Reykjanesi og einnig
Suðurstrandarveg til að tengja betur
saman Suðurnes og Suðurland. Ann-
ars sé hætt við að stöðnun verði í
ferðaþjónustu á svæðunum því
Reykjavík sem allt miðaðist nú við
gæti orðið að flöskuhálsi.
Morgunblaðið/Helgi Bjarnason
Ferðaþjónustufólk á Reykjanesi kynnti starfsemi sína í Minjasafni Slysavarnafélags Íslands í Garðinum.
Sækja fram á inn-
anlandsmarkaði
Reykjanes
Ferðamálasamtök Suðurnesja kynna ferðaþjónustu
ÞESSAR vikur er unnið að upp-
byggingu vegar norður frá Kröflu-
stöð og að Víti. Við efnisflutninga
eru meðal annars notaðar svo-
nefndar búkollur sem eru mjög öfl-
ug og afkastamikil tæki. Ein slík
varð fyrir hemlabilun á leið ofan
Rauðhólsbrekku sem er brattari en
almennt gerist á vegum landsins.
Má teljast mikil mildi að ökumaður
slasaðist ekki mjög alvarlega að tal-
ið er. Búkolla hentist fram af snar-
bröttum vegkantinum en var enn á
hjólum er hún stöðvaðist á jafnsléttu
enda plægði hún landið undir sig.
Umrædd vegagerð er erfið í
brattri brekkunni og gildir það bæði
gagnvart vegagerðarmönnum sem
og ferðamönnum á meðan bundið
slitlag er ekki komið á veginn. Áætl-
að er að leggja á veginn eftir rúma
viku og verður þá kominn góður
vegur norður Hlíðardal og alla leið
að mjög vinsælum ferðamannastöð-
um við Víti og Leirhnjúk samtals um
9 km. Landsvirkjun hefur lagt fé til
þessarar vegagerðar, en mjög þung
umferð ferðamanna er þar allt sum-
arið.
Búkolla
varð
bremsulaus
Morgunblaðið/BFH
Undir brekku stendur Búkolla
en bílar af ýmsum stærðum
glíma við brekkuna.
Mývatnssveit
VEÐRIÐ lék við knattspyrnu-
hetjurnar í gær sem þátt taka í
Pollamóti Þórs og Esso-móti KA á
Akureyri þessa dagana. Á Polla-
móti Þórs eru það knattspyrnu-
menn sem komnir eru af léttasta
skeiðinu sem etja kappi og eru
konurnar farnar á láta þar vel til
sín taka. Á síðasta ári mættu að-
eins tvö kvennalið til leiks en að
þessu sinni eru þau sjö og á þeim
eflaust eftir að fjölga enn frekar í
náinni framtíð. Karlarnir eru þó í
miklum meirihluta en alls taka
tæplega 70 lið þátt í mótinu. Leik-
ið var langt fram á kvöld í gær og
strax í morgun hófst keppni á nýj-
an leik. Leikið er í þremur deild-
um, Ljónynjudeild kvenna 25 ára
og eldri, Polladeild karla 30–40
ára og Lávarðadeild karla 40 ára
og eldri. Mótinu lýkur í kvöld,
með lokahófi og verðlaunaafhend-
ingu við Hamar.
Stelpurnar í Þórsliðinu í léttri upphitun fyrir leik.
Morgunblaðið/Kristján
Það var hart barist í leik KA og no name en stelpurnar sýndu fína takta.
Veðrið lék við knatt-
spyrnuhetjurnar
ÞESS verður minnst með ýmsu móti
á morgun, sunnudag, að hinn 1. júlí
sl. voru 40 ár liðin frá vígslu Reykja-
hlíðarkirkju. Guðsþjónusta með alt-
arisgöngu hefst kl. 14 en að henni
lokinni verður kirkjugestum boðið
að staldra við í anddyri kirkjunnar
og þiggja þar veitingar í boði safn-
aðarins.
Í tilefni vígsluafmælisins opnar
Sólveig Illugadóttir myndlistarkona
málverkasýningu í anddyri kirkj-
unnar eftir athöfnina. Nýtt póstkort
hefur verið gefið út með mynd kirkj-
unnar og sömuleiðis minningarkort,
sem verða til sýnis í kirkjunni.
Vígsluafmæli
Reykjahlíðarkirkju
Mývatnssveit
AKUREYRI