Morgunblaðið - 14.07.2002, Blaðsíða 2
FRÉTTIR
2 SUNNUDAGUR 14. JÚLÍ 2002 MORGUNBLAÐIÐ
HÉRAÐSDÓMUR Reykjavíkur hefur dæmt ís-
lenskan kaupsýslumann til greiðslu 800 þúsund
króna sektar fyrir brot á vörumerkja- og sam-
keppnislögum. Heildverslun ákærða, sem einnig
sætti ákæru, var dæmd til greiðslu 700 þúsund
króna sektar og til að sæta upptöku á 300 þúsund
krónum.
Ákærða var m.a. gefið að sök í ákæru ríkislög-
reglustjóra að hafa selt Baugi hf. 901 stuttermabol
sem voru eftirlíkingar af framleiðsluvörum Stussy
Inc. sem framleiddar höfðu verið ólöglega með
eftirlíkingum af vörumerkjum þess fyrirtækis.
Samkvæmt ákæru keypti ákærði bolina af fyrir-
tæki í Hong Kong og flutti inn til Íslands, þrátt fyr-
ir að vita að rannsókn á sýnishornum úr sending-
unni hefði leitt í ljós að um eftirlíkingar var að
ræða.
Ákærði viðurkenndi innflutning og sölu bolanna
en hélt því fram að hann hefði ekki vitað að þeir
væru eftirlíkingar.
Með vísan til vitnisburðar fulltrúa Stussy Inc. í
Ástralíu og Bandaríkjunum og annarra gagna taldi
dómurinn hins vegar sannað að umræddir bolir
hefðu verið eftirlíkingar.
Dómurinn taldi að áralöng reynsla ákærða í við-
skiptum leiddi til þess að gera yrði þá kröfu til hans
að hann þekkti reglur um vörumerki og heimildir
til notkunar þeirra. Fullyrðing hans um að sér
hefði ekki verið kunnugt um að bolirnir hefðu ekki
verið framleiddar undir merki Stussy með réttri
heimild var því metin haldlaus með öllu og hann
sakfelldur fyrir brot á vörumerkjalögum og sam-
keppnislögum.
Hann var þó ekki sakfelldur fyrir brot á almenn-
um hegningarlögum eins og ákæruvaldið fór fram
á, þar sem ekki þótti nægur grundvöllur til að meta
ranga notkun vörumerkis sem fölsun eða eftirlík-
ingu. Við ákvörðun viðurlaga taldi dómurinn að líta
yrði til þess að brotið var framið í atvinnustarfsemi
og hagnaðarskyni en á móti kæmi að um staka
sendingu var að ræða og ekki mjög stóra.
Jón Finnbjörnsson héraðsdómari kvað upp dóm-
inn. Helgi Magnús Gunnarsson fulltrúi hjá efna-
hagsbrotadeild ríkislögreglustjóra sótti málið en
Sigmundur Hannesson hrl. var verjandi ákærða.
Kaupmaður sakfelldur fyrir brot á vörumerkja- og samkeppnislögum
Talið sannað að fatnað-
urinn væri eftirlíking
HALLDÓR Jón Kristjánsson,
bankastjóri Landsbankans, vísar á
bug gagnrýni Holbergs Mássonar á
bankann sem fram kom í Morgun-
blaðinu í gær. Holberg er stofnandi
hugbúnaðarfyrirtækisins Netverks
sem hefur verið tekið til gjaldþrota-
skipta. Halldór segir að Landsbank-
inn hafi stutt fyrirtækið eins vel og
bankanum hafi verið fært.
Í Morgunblaðinu í gær sagði Hol-
berg að Landsbankinn, Belgacom og
TeleDanmark hefðu ýtt honum úr
stjórn fyrirtækisins og stöðu fram-
kvæmdastjóra. Landsbankinn hefði
síðan hafnað 4 milljónum Banda-
ríkjadala sem bandarískt fyrirtæki
bauðst til að leggja í Netverk í byrj-
un júní sl. Sagðist Holberg telja að
Landsbankinn hefði hafnað tilboðinu
og sett fyrirtækið í gjaldþrot í þeim
tilgangi að eignast það allt.
Halldór Jón vísar allri gagnrýni
Holbergs á bug, en segist ekki geta
svarað einstökum liðum gagnrýninn-
ar efnislega. „Við virðum banka-
leynd og þó að viðskiptaaðilar geri
okkur að umtalsefni höfum við ekki
svarað því. Ég vil því ekki tjá mig um
málefni Netverks sérstaklega,“ seg-
ir hann. „Almennt um samskipti
frumkvöðla og fjármálafyrirtækja
þá virðist vera mjög auðvelt að
kenna bönkum um þegar illa fer.
Staðreyndin er hins vegar sú að
bankarnir aðstoða frumkvöðla og
koma með fjármagn inn í verkefni
sem stofnendur bera ábyrgð á og
þegar fer illa bera þeir höfuðábyrgð
á fyrirtækinu en ekki fjármálafyrir-
tækin. Það er rétt að hafa í huga að
fyrirtæki í fjarskiptageiranum hafa
lent í rekstrarvanda um allan heim
vegna erfiðra utanaðkomandi að-
stæðna. Þetta er kannski megin-
skýring vanda fyrirtækja af þessari
gerð.“
Halldór segir að reynslan sýni al-
mennt að taka beri áhuga alþjóð-
legra aðila á fjárfestingum með fyr-
irvara, langur vegur sé frá því að
viljayfirlýsing sé gerð þar til fjár-
festing sé ákveðin.
Halldór Jón Krist-
jánsson, bankastjóri
Landsbankans
Vísar gagn-
rýni stofn-
anda Net-
verks á bug
LÖGREGLAN á Húsavík hefur þrjá
unga menn grunaða um fíkniefna-
lagabrot eftir að hún stöðvaði bifreið
í fyrrinótt við reglubundið eftirlit. Í
bifreiðinni fundust tæki og tól til
fíkniefnaneyslu og leifar af kanna-
bisefnum. Málið er í rannsókn hjá
lögreglu.
Nokkur erill var hjá lögreglunni
vegna ölvunarútkalla í tengslum við
skemmtanahald í fyrrinótt.
Fíkniefnatól
fundust í bíl
HÁIR sem lágir gengu um Heið-
mörkina í gærmorgun vopnaðir
áttavitum og kortum í leit að fjár-
sjóði og í ratleik. Þá var keppt í
H2O-hlaupinu svokallaða, sem er 10
km hlaup eftir skógarstígum í Heið-
mörk og 3,5 km skemmtiskokki á
Útivistar- og fjölskylduhátíð
Orkuveitu Reykjavíkur sem haldin
var í fjórða sinn. Samstarfsaðilar
Orkuveitunnar í ár voru Skógrækt-
arfélag Reykjavíkur, Frjáls-
íþróttadeild ÍR og Skátasamband
Reykjavíkur.
Stefán Halldórsson, formaður
frjálsíþróttadeildar ÍR, segir að fjár-
sjóðsleitin hafi verið hugsuð fyrir
yngstu meðlimi fjölskyldunnar en
ratleikurinn fyrir þá eldri. Í fjár-
sjóðsleitinni áttu keppendur að
ganga ákveðna leið eftir korti og
leysa sex þrautir í ákveðinni röð.
„Þetta eru aðallega spurningar um
náttúruna, þetta er svona hálftíma
gangur og þegar fólkið kemur til
baka fær það verðlaun,“ segir Stef-
án. Blaðamann fýsti að vita hvaða
fjársjóður biði þeirra sem kæmu í
mark með öll svör rétt og sagði Stef-
án alla þátttakendur fá bol, vatns-
brúsa, jójó og latópeninga. „Stærsti
fjársjóðurinn er nú kannski að fólk
hreyfi sig saman og upplifi Heið-
mörkina,“ segir Stefán.
Feðginin Ásgerður Elín Magnús-
dóttir, fimm ára, og Magnús Freyr
Ólafsson tóku þátt í fjársjóðsleitinni.
Morgunblaðið hitti þau að máli á
þriðja pósti keppninnar. Þar átti að
finna stimpil sem hékk í tré við
göngustíginn og stimpla aftan á
blaðið. Magnús Freyr segir að þau
feðginin hafi gaman af því að koma í
Heiðmörkina. „Við búum til okkar
eigin ratleik og erum líka í nátt-
úruskoðun, að skoða tré og fugla. Ég
er líffræðingur og reyni að koma
þessu áfram til hennar,“ segir Magn-
ús.
Tré sem stinga og stinga ekki
Ásgerður Elín segir að sér finnist
skemmtilegast að labba, skoða trén
og fuglana. Pabbi hennar segir að á
síðasta pósti hafi þau feðgin lært
hver munurinn er á barrtrjám og
lauftrjám. „Hennar skilgreining er
tré sem stingur og sem ekki stingur.
Það er einfalt og þægilegt,“ segir
hann. Magnús segir að sér finnist há-
tíðin vera gott framtak. „Það var
eiginlega ekki spurning að koma þó
að það væri spáð rigningu, það er nú
líka að rofa til svo þetta er bara
fínt.“
Ratleikurinn er aftur á móti 1,5–2
tíma gangur, að sögn Stefáns. „Þá er
fólk með kort og áttavita, á að finna
punkta á kortinu og fá stimpla á
kortið fyrir að hafa fundið staðinn.
Það reynir bæði á að fólk hafi úthald
að fara þessa leið og líka útsjón-
arsemi. Ratleikurinn er aðeins
þyngri en fjársjóðsleitin,“ segir
hann.
Gaman að hreyfa sig saman
Mæðgurnar Áslaug Helgadóttir
og Hildigunnar Anna Hall, tíu ára,
tóku þátt í ratleiknum. „Ég hleyp
hérna mjög reglulega og nota
stígana til að hlaupa, það er alveg
frábært,“ segir Áslaug. Þær búa í
Laugarnesinu og segist Áslaug
hlaupa langleiðina þaðan í
Heiðmörkina. Þær hafi ákveðið að
taka þátt í ratleiknum til að hreyfa
sig saman. Hildigunnur Anna segist
hafa farið nokkrum sinnum í
Heiðmörkina með skólafélögunum.
Ekkert þátttökugjald þurfti að
greiða til að taka þátt í dagskránni.
„Á þennan hátt vilja ÍR, Skógræktin,
Orkuveitan og skátarnir hvetja fólk
til að koma út í náttúruna og njóta
útivistar. Fólk er að skoða náttúruna
og reynir á þrek sitt og hæfileika.
Heiðmörkin, þetta svæði í jaðri
borgarinnar, hefur upp á svo mikla
fjölbreytni að bjóða,“ segir Vignir
Sigurðsson, framkvæmdastjóri
Skógræktarfélags Reykjavíkur.
Ratleikur og fjársjóðsleit á Útivistar- og fjölskylduhátíð OR í Heiðmörk
Ásgerður lærði að tré sem stinga heita
barrtré og tré sem ekki stinga lauftré.
Alls tók á þriðja hundrað þátt í Útivistar- og fjölskylduhátíðinni í gær. Voru aðstandendur ánægðir með
þá þáttöku þar sem veðrið var frekar hryssingslegt.
Hreyfingin
stærsti fjár-
sjóðurinn
Morgunblaðið/Árni Sæberg
Mæðgurnar Áslaug og Hildigunnur Anna voru bjartsýnar á að þeim
tækist að finna leiðina með áttavita og korti, þar sem þær þekkja
ágætlega til í Heiðmörkinni.
LÖGREGLAN í Borgarnesi heldur
áfram rannsókn á banaslysinu sem
varð á tjaldstæðinu við Varmaland í
Borgarfirði á föstudagskvöld. Fimm
ára gömul stúlka lést er hún varð
fyrir bifreið sem ekið var inn á tjald-
stæðið.
Nokkur fjöldi fólks, börn og full-
orðnir, var á tjaldstæðinu þegar
slysið varð og komu þrír prestar, sál-
fræðingur og liðsmenn björgunar-
sveita að Varmalandi til að veita
þeim áfallahjálp sem á þurftu að
halda í kjölfar slyssins.
Banaslys
áfram til
rannsóknar
♦ ♦ ♦
♦ ♦ ♦