Morgunblaðið - 14.07.2002, Blaðsíða 23

LISTIR
MORGUNBLAÐIÐ SUNNUDAGUR 14. JÚLÍ 2002 23
Skógarhlíð 18, sími 595 1000.
www.heimsferdir.is
Verð kr. 49.950
Flug og hótel í 6 nætur, m.v. 2 í herb-
ergi, Pyramida, 4 stjörnur. Innifalinn
morgunverður, ísl. fararstjórn og skattar.
Ferðir til og frá flugvelli, kr. 1.800.
Heimsferðir bjóða nú spennandi vikuferð yfir Versl-
unarmannahelgina til þessarar heillandi borgar þann 30. júlí, í 6 nætur. Hér getur
þú kynnst fegurstu borg Evrópu , gamla bænum, Hradcany kastala, Karlsbrúnni,
Wenceslas torginu, og farið í spennandi kynnisferðir með fararstjórum Heims-
ferða sem gjörþekkja borgina. Nú höf-
um við fengið viðbótargistingu á hinu
vinsæla Pyramida hóteli, sem er staðsett
fyrir ofan kastalann í Prag, með afbragðs
aðbúnaði fyrir gesti.
Verð kr. 40.450
Flugsæti með sköttum.
Síðustu sætin
Verslunarmannahelgin í
Prag
30. júlí - Hotel Pyramida
frá kr. 49.950
Lyf & heilsu Austurstræti
þriðjudaginn 16. júlí kl.11–15
miðvikudaginn 17. júlí kl.11–15
Lyf & heilsu Kringlunni
fimmtudaginn 18. júlí kl.11–15
föstudaginn 19. júlí kl.11–15
Heilbrigði
Jafnvægi
Fegurð
Kynning á nýju
andlitslínunni frá
Bláa lóninu verður í:
Verið velkomin!
Glæsilegur kaupauki
fylgir meðan á
kynningu stendur.
ÍSAFJÖRÐUR heillar banda-
ríska listamanninn Holly Hughes
því samfélagið er lítið og þar býr
fólk frá mörgum þjóðlöndum.
Hún hefur verið búsett þar frá því
í haust en þangað kom hún fyrst á
skútunni Hannah Brown sem hún sigldi á um öll
heimsins höf í 4 ár en þar áður ferðaðist hún um á
reiðhjóli og átti því heima alls staðar og hvergi.
Holly ætlaði aðeins að hafa vetursetu á Vestfjörð-
um en raunin varð önnur. Félagi hennar hélt sigl-
ingunum áfram en hún varð eftir í leit að íslenskum
ævintýrum.
Holly hefur ekki ákveðið hve lengi hún mun
dvelja á Íslandi, hún gæti horfið þaðan á braut í
haust en í augnablikinu er hún ánægð því hún finn-
ur að á Vestfjörðum gerir hún gagn.
Hún er menntaður vélaverkfræðingur en hefur
einnig lagt stund á listnám og ljósmyndun. Frá
leikskólaaldri hefur hún unnið að listsköpun, og var
hvött til að fara í listnám en þráaðist við, vildi verða
vísindamaður og átta sig á hvernig hlutirnir virka.
Við það vann hún í nokkur ár en sneri sér þá alfarið
að listinni.
Fjölhæfni einkennir
Holly, hún gerir m.a.
skúlptúra af ýmsum
toga m.a. úr matvælum,
hún málar, tekur ljós-
myndir, skrifar sögur og
margt fleira. „Til þess
að ná sambandi við fólk
nota ég mismunandi
miðla. Fólk er ólíkt og
því er misjafnt hvað
hentar hverju sinni.
Sköpunarkraftur er
mitt aðalsmerki. Þetta
segi ég því oft hitti ég
fólk sem segist ekki geta
framkvæmt hlutina af
einhverjum ástæðum til
dæmis vegna peninga-
skorts eða tímaleysis,
það lætur hlutina stjórna gerðum sínum í stað þess
að láta drauma sína rætast. Íslendingar eru þó
fljótir að bregðast við, til dæmis ef sólin skín þá
rjúka þeir út í sólbað, en ef rignir klæða þeir sig í
regngallana. Þeir láta veðrið ekki stjórna sér.“
Lítil sveitasamfélög eiga erfitt uppdráttar víða í
heiminum, ekki aðeins hér á Íslandi, bendir Holly
á. „Sveitaþorp og bæir eru að lognast út af því íbú-
arnir sjá hag sínum betur borgið í stóru borgum. Á
Ísafirði og fleiri álíka stöðum held ég að ég geti
gert gagn með því að nota sköpunarkraftinn, með
honum reyni ég að fá fólkið til þess að líta þorpið
sitt öðrum augum, sem hugsanlega mun draga úr
löngun þess og þörf til þess að flytjast á brott.“
Undanfarið hefur Holly lagt sig fram um að fá
fólkið í sveitum og bæjum víða um land til þess að
fara hvergi. „Sköpunarkraftur er mikilvægur í
litlum samfélögum eins og Ísafirði þar sem fisk-
veiðar hafa verið undirstaðan um aldir en vegna
nýrrar tækni og tóla er verið að grafa undan henni.
Þá þarf að finna aðrar lausnir.
Þekking og virðing fyrir uppruna sínum er einn-
ig mikilvæg því þeir sem þekkja sögu sína kunna
betur að meta heimkynni sín. Íhuga þarf því hvað
gera skal til að viðhalda arfleifðinni.“
Með þetta í huga vinnur Holly nú að gerð lista-
verks sem mun prýða höfnina á Ísafirði. „Ég var
beðin um að hanna kort af Vestfjörðum á stóran
gám niður við höfn fyrir erlenda ferðamenn. Ég
hugsaði um hvernig íbúarnir gætu haft gaman að
þessu og ákvað að tengja kortið við sögu fólksins
hérna og arfleifðina. Ég veit að Ísland hefur verið
teiknað sem stór dreki og Vestfirðir sem dreka-
höfuð. Mér var sagt að drekinn hafi verið ógnvæn-
legur og tröllin vildu hann burt. Þau ákváðu að
skera hann á háls, og byrjuðu á því að grafa holur
og henda út á haf og þess vegna eru eyjar og sker
víða í kringum Vestfirði. Tröllin voru stór, feit og
löt og þreyttust fljótt á þessari vinnu. Eitt þeirra
settist dauðþreytt niður á fjalli sem gnæfir yfir Ísa-
firði og fór í fótabað og því myndaðist hvilft í miðju
þess.
Annað tröll hvíldi lúin bein við höfnina og setti
annan fótinn ofan í sjóinn, þar sem hann er nú
dýpstur, þar leggja stóru skipin landfestar en á
kortinu er vegvísir fyrir ferðamenn um hvernig
komast eigi frá skipinu í upplýsingamiðstöð ferða-
mála.“
Mynd af drekanum og trölli hefur Holly nú lokið
við að mála á gáminn, auk nákvæms korts af Vest-
fjörðum, en á aðra hlið gámsins hefur hún skrifað
söguna um drekann og tröllin. Verkið aftan á
gámnum er tileinkað íbúum Vestfjarða, þar er að
finna tákn sjómanna og kirkjunnar um trú, von og
kærleika, sem Holly segir vera gott sameiningar-
tákn. Einnig eru þar um 40 lófaför, þar sem á Vest-
fjörðum býr fólk frá um 40 þjóðlöndum. Holly
hefur ferðast um landið til þess að auka skilning
fólks á verðmæti þeirra staða sem það býr á. Sand-
gerði er einn af þeim. „Ég var á námskeiði í Kram-
húsinu og þar var líka kona sem heillaðist af minni
vinnu og bað mig um að koma með sér til Sand-
gerðis. Ég dreif mig strax um kvöldið og dvaldi þar
í viku. Hvað viljiði að ég geri? spurði ég bæjarbúa.
Á ég að búa til matarskúlptúr, fara í göngutúr og
tína rusl, mála, segja sögu, skrifa sögu? Börnunum
leist vel á skúlptúr úr rusli svo það varð ofan á, og
síðan var honum komið fyrir á vegg niðri í bæ.“
Hughes vinnur mikið með rusl sem hún finnur
hvar sem er, af því er nóg. Hún dregur fram mynd-
ir af tómri klósettrúllu sem hún hefur breytt í
skrítna og skemmtilega kú. „Með skærum er unnt
á einfaldan hátt að breyta hlutum, sem að sumra
mati gera ekkert gagn lengur, í lítið listaverk, jafn-
vel búa til fugl úr tómri áldós,“ segir hún og sýnir
mynd af slíkum furðufugli. „Þetta eru gamlar
pakkningar sem hefur verið hent en nýtast mér vel
sem efniviður. Gott er ef hægt er að nýta hlutina í
meira en einum tilgangi.“
Holly finnst ekki síður gaman að vinna með
börnum en fullorðnum, t.d. hefur hún unnið með
nemendum Menntaskólans á Ísafirði og fjallað um
stríð í víðum skilningi, og með börnunum á Flateyri
vann hún kökuskúlptúr, með það að markmiði að fá
nágranna í bænum til þess að kynnast örlítið. Í
byrjun ágúst er ferðinni heitið til Egilsstaða þar
sem hún mun vinna með börnunum.
„Ég er ánægð ef mér tekst með listinni að gera
börn og unglinga örlítið næmari á umhverfi sitt;
koma auga á smáatriðin sem geta auðgað lífið. Ætl-
unin er ekki að gera alla að listamönnum, síður en
svo. Strákur sem ég vinn með verður kannski ein-
hvern tímann sjómaður. Með hjálp listarinnar get-
ur hann mögulega seinna meir verið sneggri að
greina veðrabrigði en ella eða séð mynstur í sjón-
um sem gefur til kynna hvar fiskinn er að finna.
Skynjun hans verður vonandi meiri og þroskaðri.“
Holly sýnir ljósmyndir af hjartalaga hlutum af
ýmsum toga sem hún hefur fundið á við og dreif í
náttúrunni. Hjörtun myndast í fossinum, sjónum,
og skel svo dæmi séu tekin. „Mér hefur þótt gaman
að sýna þessar myndir því eftir á koma til mín börn
og fullorðnir og segja mér frá hjörtum sem þau
hafa fundið til dæmis í steinum eða morgunkorns-
pökkum.
Mér líður vel þegar mér tekst að opna augu fólks
fyrir þessum litlu fallegu hlutum í umhverfinu. Þá
kannski aukast líkurnar á að það sjái ástæður fyrir
að vera um kyrrt og þannig hjálpa ég því að lifa af.
Þetta snýst allt um viðhorf.“
Holly setur verkin sín upp hvar sem er, ekki
endilega á söfnum því hún telur okkur öll þurfa á
list að halda í daglega lífinu. Því hengir hún myndir
sínar upp á pósthúsinu, í garðinum, í matvöruversl-
uninni, nánast hvar sem henni dettur í hug og leyfi
fæst. Vefsíðan hennar getur þó flokkast undir gall-
erí því þar er að finna myndir og lýsingar af því
helsta sem hún hef unnið að undanfarið. Slóðin er:
www.nmt.edu/-bridge.
Náttúran er ástríða Hollyar. Hún metur Ísland
mikils og telur náttúruna hér vera afar dýrmæta
auðlind. Henni finnst einnig mikils virði að búa á
stað þar sem ekki þarf að læsa bílnum sínum eða
þar sem slík farartæki eru jafnvel ekki nauðsynleg
því hægt er að fara fótgangandi á milli staða. „Þessi
lífsstíll hentar mér afar vel. Íbúar lítilla samfélaga
hafa meiri tíma og betri aðstöðu til að njóta lífsins
en íbúar í stórum borgum.“
List gerir okkur hamingjusöm að mati Hollyar
en ef kafað er dýpra, er tilgangur listarinnar að
auka vitund okkar. „Tónlist er list, dans er list,
matreiðsla er list; allt þetta eykur vitund okkar og
virðingu okkar fyrir umheiminum. Næstu mánuði
ætla ég að eyða meira tíma í að deila list minni í
þeim tilgangi að hjálpa fólki að meta betur það sem
það hefur. Ég fer þangað sem mér er boðið en mér
finnst dýrmætt að kynnast landinu og fólkinu hér á
þennan máta.“
Sköpunarkraftur er mikil-
vægur í litlum samfélögum
FÓLK
Hrönn Mar-
inósdóttir
hrma@mbl.is
Holly Hughes er að leggja lokahönd á listaverk sem prýðir höfnina á Ísafirði.
Mbl/Árni Sæberg