Morgunblaðið - 02.08.2002, Síða 16

AKUREYRI
16 FÖSTUDAGUR 2. ÁGÚST 2002 MORGUNBLAÐIÐ
HLJÓMAR
HLJÓMAR
HLJÓMAR
LAUGARDAGS-
OG
SUNNUDAGSKVÖLD
Á GRÆNA
HATTINUM
NEMENDUM við Háskólann á Ak-
ureyri mun fjölga um 10% á milli
ára, en gert er ráð fyrir að um 1.020
nemendur verði við nám í háskól-
anum næsta skólaár. Á síðastliðnu
háskólaári stunduðu 925 nemendur
nám við háskólann.
Fjölgun nemenda er aðallega í
tveimur deildum, kennaradeild og
auðlindadeild. Í þeirri fyrrnefndu
fjölgar nemendum úr 332 í 431 og í
auðlindadeild fjölgar úr 31 í 56. Ný-
nemar í kennaradeild verða 207 alls
og 42 nýnemar skráðu sig til náms í
auðlindadeild. Þar er boðið upp á
nám á þremur brautum, sjávarút-
vegsbraut, líftækni og umhverfis-
fræði. Eins fjölgar nemendum í
fjarnámi nokkuð eða úr 369 í 396.
Þorsteinn Gunnarsson, rektor
Háskólans á Akureyri, sagði að um
væri að ræða meiri vöxt en menn
hefðu gert ráð fyrir. Þannig hefði
fyrir röskum áratug verið spáð að
árið 2004 yrðu 7–900 nemendur í
Háskólanum á Akureyri, „og þóttu
algjörir draumórar þá“, sagði Þor-
steinn.
Aukin aðsókn að kennara-
og auðlindadeildum
Hann kvaðst afar ánægður með
mikla aðsókn að kennaradeild sem
og einnig auðlindadeild háskólans.
„Svo virðist sem bætt launakjör og
jákvæðari umræða um störf kenn-
ara hafi orðið til þess að ungt fólk
sækir í ríkara mæli í þetta nám,“
sagði Þorsteinn. Þetta sagði hann
gjörbreytt ástand og væri í raun svo
komið að fleiri sæktu um en kæm-
ust að.
„Það er einnig ánægjulegt að að-
sókn í auðlindadeild hefur aukist
mikið, einkum á sjávarútvegsbraut.“
Nýnemar í auðlindadeild eru 42 alls,
en í sjávarútvegsdeild, sem er for-
veri auðlindadeildar, var 31 nem-
andi á síðasta skólaári. „Þær skipu-
lagsbreytingar sem gerðar voru
virðast skipta máli og eins kynntum
við deildina vel. Það virðist skila ár-
angri að nálgast viðfangsefnið á já-
kvæðan hátt,“ sagði Þorsteinn.
Lokahönd lögð á nýbyggingu
Þessa dagana er verið að leggja
lokahönd á síðusta áfanga þeirra
nýbygginga sem nú er unnið að. Í
honum eru verknámsstofur fyrir
hjúkrunarfræði og iðjuþjálfun og
verður húsnæðið tekið í notkun nú í
haust. Þorsteinn sagði að aðstaðan
sem þar byðist væri einstök.
Kennsla nýnema hefst 19. ágúst
næstkomandi með dagskrá sem
kallast nýnemadagar og hefur að
markmiði að undirbúa nýnema fyrir
nám og starf í háskóla. Tölvuum-
hverfi og stoðþjónusta háskólans
verða kynnt, boðið verður upp á
hnitmiðuð og hagnýt undirbúnings-
námskeið auk hópeflis. Með þessu
móti verður reynt að gera nýnem-
um aðlögun að háskólanámi auð-
veldari og leggja grunn að betri
námsárangri. Nýnemadagar eru nú
haldnir í annað sinn. Kennsla eldri
nemenda hefst 26. ágúst næstkom-
andi.
Nemendum Háskólans á Akureyri fjölgar um 10% milli ára
Yfir 1000 nemendur og
meiri vöxtur en spáð var
VERIÐ er að hlaða steinbrú á úti-
vistarsvæði Akureyringa í Kjarna-
skógi. „Þetta á að vera samgöngu-
tæki og mubla í skóginum, ef vel
tekst til. Við staðsetjum hana á fal-
legum stað við lítinn foss; þetta á að
geta orðið ein af perlum skógarins í
framtíðinni,“ sagði Hallgrímur
Indriðason, framkvæmdastjóri
Skógræktarfélags Eyfirðinga.
Hleðslumeistarinn Bergsveinn
Þórsson hefur umsjón með gerð
mannvirkisins og aðstoðarmaður
hans er Óli Þór Jónsson. „Það koma
nýir stígar að þessari brú sem eiga
að opna víðsýni yfir Brunnána; yfir
Vesturbakkann,“ sagði Hallgrímur.
Hann sagði aðsókn að Kjarnaskógi
hafa verið með eindæmum mikla í
sumar. „Það er verið að slá öll met,
hér eru öll bílastæði full og alltaf
fullt af fólki þegar vel viðrar.“
Steinbrú hlaðin
í Kjarnaskógi
Morgunblaðið/Skapti Hallgrímsson
Bergsveinn Þórsson, yfirmaður útivistarsvæðisins í Kjarna, til vinstri,
sem sér um að hlaða mannvirkið, og Óli Þór Jónsson að störfum í vik-
unni. Ungur og áhugasamur gestur í skóginum fylgist með.
Hallgrímur Indriðason, framkvæmdastjóri Skógræktarfélags Ey-
firðinga, ræðir við Bergsvein Þórsson hleðslumeistara.
BESTA veðrið um verslunarmanna-
helgina verður norðanlands, sæmi-
legt fyrir austan en almennt verður
meiri rigning á landinu en menn
bjuggust við. Mest rignir vestan-
lands og úrkoma á höfuðborgar-
svæðinu kemur á óvart, segir í veð-
urspá Veðurklúbbsins á Dalbæ en
hún gildir fyrir ágústmánuð.
Almennt hafa klúbbfélagar trú á
að veðrið fyrir norðan fari að verða
jafnara og betra en verið hefur í júlí.
Nýtt tungl kviknar í vestri 8. ágúst
sem klúbbfélögum líst afar vel á.
Tveimur dögum síðar halda Dalvík-
ingar Fiskidaginn mikla og þá er að
mati veðurspámanna á Dalbæ útlit
fyrir einkar gott veður. „Þá er tungl
næst jörðu og stórstreymt og voru
allir sammála um að það væri góð
blanda,“ segir í spánni.
Félagarnir telja allar líkur á góðri
berjasprettu og að framundan sé
gott berjaár, segir í spánni.
Betra og
jafnara veð-
ur fyrir norð-
an í ágúst
RÓSASÝNING verður í
Blómabúð Akureyrar, sem er
við göngugötuna í Hafnar-
stræti, nú um helgina.
Að sögn Jóhanns Gunnars
Arnarssonar hjá Blómabúð
Akureyrar eru yfir 100 teg-
undir rósa ræktaðar á Íslandi
og „við verðum með nokkurs
konar brot af því besta, svona
30–40 tegundir“, sagði hann.
Samhliða sýningunni gefst
gestum kostur á að taka þátt
í vali á „Rós ársins 2002“ með
því að setja svarseðil í pott,
sem síðan verður dregið úr.
Þrír heppnir gestir fá síðan
20 rósa vönd, þær rósir sem
þeir völdu fegurstar.
Þetta er í annað sinn sem
Blómabúð Akureyrar efnir til
rósasýningar um verslunar-
mannahelgi, en í fyrra tóku
um 800 manns þátt í vali á
rós ársins. „Við vorum mjög
ánægð með viðtökurnar og
greinilegt að fólk hefur gam-
an af því að skoða þessi fal-
legu blóm. Íslenskir blóma-
bændur standa mjög
framarlega á sínu sviði og
bera að mörgu leyti af hvað
varðar útlit og gæði,“ sagði
Jóhann Gunnar.
Sýningin hefst í dag, föstu-
daginn 2. ágúst, og lýkur á
sunnudag. Blómabúð Akur-
eyrar er opin frá kl. 10 til 21
föstudag og laugardag og frá
kl. 11 til 17 á sunnudag.
Rósasýning í Blóma-
búð Akureyrar
Rós árs-
ins valin
SÖGUGANGA verður um
Innbæinn og Fjöruna á laugar-
dag, 3. ágúst, og er hún á vegum
Minjasafnsins á Akureyri. Geng-
ið verður um þennan elsta hluta
bæjarins þar sem húsin eiga sér
langa og sum fjölbreytta sögu.
Guðrún María Kristinsdóttir
safnstjóri verður leiðsögumaður
og leggur af stað með hópinn
klukkan 14 frá Laxdalshúsi, sem
er elsta hús bæjarins, byggt
1795. Húsin í Innbænum eru
mörg kennd við danska kaup-
menn sem versluðu þar lengi
framan af og fluttu með sér er-
lenda menningarstrauma. Sumir
voru áhugasamir um tónlist og
leiklist eins og sá ferðugi hljóð-
færaleikari faktor Mohr og leik-
húsáhugamaðurinn Bernhard
August Steincke. Á Akureyri
voru hús kennd við Höepfner,
Túliníus og Friðrik Gudmann
sem gaf Akureyringum hús und-
ir spítala. Og ekki má gleyma
þeirri mætu konu Vilhelmínu
Lever, dugnaðarforki, verslunar-
eiganda og hótelhaldara, sem
varð fyrst íslenskra kvenna til
að taka þátt í opinberum kosn-
ingum 1863.
Allir eru velkomnir í sögu-
gönguna, sem tekur um eina og
hálfa klukkustund. Þeir sem
hafa áhuga geta eftir gönguna
litið inn á sýningu Minjasafns-
ins, Akureyri – bærinn við Poll-
inn.
Söguganga um Innbæinn
og Fjöruna á morgun