Morgunblaðið - 15.08.2002, Síða 1

TBL. 90. ÁRG. FIMMTUDAGUR 15. ÁGÚST 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 15. ÁGÚST 2002
RÍKISSAKSÓKNARI Ísraels höfð-
aði í gær mál á hendur Marwan
Barghouti, einum þekktasta leiðtoga
Palestínumanna og þingmanni á pal-
estínska þinginu, fyrir ætlaða þátt-
töku hans í hryðjuverkum á hendur
Ísraelskum borgurum. Saka ísraelsk
stjórnvöld Barghouti um að hafa leitt
Al-Aqsa herdeildirnar, einn hryðju-
verkahóp Palestínumanna, og að
hafa skipulagt tugi árása á ísraelsk
skotmörk.
Barghouti, sem verið hefur í haldi
Ísraela frá því í byrjun aprílmánaðar,
hefur neitað sakargiftum og neitaði í
gær að viðurkenna lögsögu dóm-
stólsins.
Þegar hann var spurður hvernig
honum liði svaraði Barghouti, sem
var í brúnum fangabúningi, órakaður
og illa tilhafður, „Baruch Hashem“
eða „dýrð sé Guði“. Þetta er hebreskt
orðtak sem er mikið notað af
strangtrúuðum gyðingum. „Hver
einasti maður veit að ég er maður
friðar,“ sagði hann við fréttamenn
áður en réttarhöldin hófust. „Ég hef
gert allt sem í mínu valdi stendur til
að stuðla að friði milli þjóðanna
tveggja og ég trúi því að eina leiðin til
að ná því markmiði sé stofnun sjálf-
stæðs ríkis Palestínumanna.“ Þegar
hann var leiddur inn í réttarsalinn í
gærmorgun kallaði Barghouti á
hebresku: „Uppreisnin mun sigra!“
Einn lögmanna Barghoutis, Khadr
Shkueirat, hélt því fram að dómstóll-
inn hefði ekkert yfir Barghouti að
segja þar sem hann nyti friðhelgi
sem þingmaður. „Að vissu leyti er um
sýndarréttarhöld að ræða,“ sagði
annar lögmaður Barghoutis, Jawal
Bolous. Dómarinn, Zvi Gorfinkel,
frestaði málflutningi til fimmta sept-
ember næstkomandi eftir að sak-
sóknari las upp ákæruna á hendur
Barghouti.
Nokkrir stjórnmálaskýrendur
segja Ísraelsstjórn taka nokkra
áhættu með því að höfða málið á
hendur Barghouti með jafnáberandi
hætti og gert hefur verið. Segja þeir
að Barghouti geti notfært sér rétt-
arhöldin til að fordæma hernaðarað-
gerðir Ísraela og vekja athygli á mál-
stað sínum. Þá hafa sumir Ísraelar af
því áhyggjur að vegur Barghoutis
meðal Palestínumanna muni vaxa
eftir því sem líður á réttarhöldin en
hann er einn vinsælasti leiðtogi Pal-
estínumanna og hefur verið nefndur
sem hugsanlegur eftirmaður Yassers
Arafat, forseta heimastjórnarinnar.
Verði Barghouti fundinn sekur um
hryðjuverk getur dómstóllinn dæmt
hann í lífstíðarfangelsi.
Sjálfsmorðsárásir eina vopnið
Stór-múfti Egyptalands, Sheikh
Mohammed Ahmed al-Tayeb, sagði í
gær að sjálfsmorðsárásir væru eina
vopn Palestínumanna í baráttu
þeirra fyrir frelsi og því væri rangt
að fordæma beitingu þeirra. „Annars
vegar erum við með sterkan [ísr-
aelskan] her og hins vegar mjög veik-
burða þjóð,“ sagði al-Tayeb. „Þessi
þjóð hefur ekki fundið aðra leið til að
verjast...og því ættum við ekki að
ætlast til þess að hún verði ekki far-
in.“
Saka Ísraela um
sýndarréttarhöld
Marwan Barghouti segist vera maður friðarins
Jerúsalem, Kaíró. AFP, AP.
AP
Marwan Barghouti, leiðtogi
Fatah-hreyfingarinnar á Vest-
urbakkanum, ræðir við frétta-
menn í dómshúsinu í Tel Aviv.

Áfrýja/28
Reuters
TVEIR menn ganga um götur bæj-
arins Grimma, nærri Leipzig í aust-
urhluta Þýskalands, í gær, en
Grimma varð afar illa úti í flóð-
unum sem leikið hafa Mið- og Aust-
ur-Evrópubúa grátt undanfarna
daga. Byrjað var að flytja um 2.000
sjúklinga af sjúkrahúsum í Dresden
í gær með aðstoð þýska hersins.
Gerhard Schröder, kanslari
Þýskalands, heimsótti hamfara-
svæðið í gær og taldi hann að kostn-
aður vegna flóðanna gæti numið
milljörðum evra. Schröder sagði að
flóðin hefðu valdið því að uppbygg-
ing efnahagsins í austurhéruðunum
hefði verið unnin fyrir gýg. „Tíu
ára starf hefur verið eyðilagt á
einni nóttu,“ sagði hann. „Ég mun
aldrei geta gleymt því sem fyrir
augu mín bar í Grimma.“
„Tíu ára
starf
eyðilagt “

Tékkar/26
HVÍT bændafjölskylda lokaði sig inni í húsi sínu í
norðurhluta Zimbabve í gærmorgun þegar land-
lausir blökkumenn reyndu að bera þau út af býlinu
sem þau hafa átt undanfarin 27 ár. Bóndinn, Terry
Hinde, er fyrsti bóndinn sem reynt hefur verið að
bera út eftir að frestur sá er Robert Mugabe, for-
seti landsins, gaf hvítum bændum til að yfirgefa
jarðir sínar, rann út.
Hinde-fjölskyldan beið ásamt tveimur blaða-
mönnum eftir því að lögreglumenn kæmu til að
fylgja þeim á brott, en sú bið reyndist tilgangs-
laus. Fjölskyldan sagðist mundu reyna að yfirgefa
býlið fyrir sólsetur af ótta við aðgerðir landtöku-
manna. Samtök hvítra bænda segjast munu berj-
ast gegn landtökum og útburði af þessu tagi fyrir
dómstólum, en Mugabe sagðist á mánudag mundu
fylgjast grannt með því sem færi fram á bænda-
býlunum. „Ef hvítu mennirnir vilja annað stríð
ættu þeir að hugsa sig tvisvar um meðan þeir hafa
enn tíma til,“ sagði hann.
Tilskipun forsetans tekur til um 2.900 hvítra
bænda í landinu, en samtök þeirra segja ekki alla
hafa hlýtt henni. Bændur, sem enn eigi eftir að
skera upp eða eigi eftir að losa sig við búfé, sitji
enn á jörðum sínum. Segja samtökin tilskipunina
ekki einungis hafa áhrif á hvítu jarðeigendurna
heldur einnig tugþúsundir svartra verkamanna
sem starfa á býlunum.
Boðið til Botsvana
Samtök bænda í nágrannaríkinu Botsvana
hvöttu í gær starfsbræður sína í Zimbabve, sem
nú eru hraktir af jörðum sínum, til að flytjast til
landsins. „Þetta fólk er nú á flótta og hefur ekki
enn fundið land. Ég hvet það til að koma hingað og
festa fé sitt,“ sagði talsmaður bændasamtakanna.
„Það besta sem [bændurnir frá Zimbabve] gætu
gert er að hefja samstarf við bændur hér á landi.
Það yrði landbúnaði í Botsvana til hagsbóta.“
Ríkisstjórn Roberts Mugabes í Zimbabve þjarmar enn að hvítum
Bændur verða bornir út
Harare. AP, AFP.
ÍTALSKA stjórnin ætlar í
september að hefja sölu á um
það bil 5.000 dýrum húsum í
eigu ríkisins og á sölunni að
verða lokið fyrir áramót. Um er
að ræða fyrsta skrefið í víð-
tækri sölu ríkiseigna og á að
nota féð til umfangsmikilla
framkvæmda á sviði sam-
gangna og annarra innviða
landsins. Ráðuneyti efnahags-
mála gerir ráð fyrir að fá um
sjö milljarða evra, nær 600
milljarða króna, fyrir um
50.000 eignir á næstu árum.
Maria Teresa Armosino, að-
stoðarráðherra efnahagsmála,
sagði að gerð hefði verið eigna-
könnun á um 50.000 mannvirkj-
um sem öll yrðu seld á mark-
aðsverði, núverandi notendur
fengju forkaupsrétt. Ríkið
myndi losa sig við íburðarmikl-
ar byggingar og hallir strax en
einnig yrðu seldir um 2.500 her-
mannabraggar og 9.000 járn-
brautarstöðvar í fyrstu lotu.
Talsmenn stjórnarandstöð-
unnar mótmæltu áformunum
kröftuglega og sögðu hægri-
stjórn Silvios Berlusconis for-
sætisráðherra ætla að reyna að
selja þjóðararfinn. Eitt af verk-
efnunum sem fjármögnuð
verða með sölunni er brú yfir
Messínasund milli Sikileyjar og
meginlands Ítalíu.
Ríkis-
eignir á
uppboði
Róm. AFP.
RÁÐAMENN belgíska hersins
eru nú að láta kanna hvort
nokkrir hermenn hafi notað
gervibyssur á hersýningu vegna
sjálfstæðisdagsins 21. júlí.
Fjölmiðlar sögðu í gær að
sumir hermenn tækju gervi-
vopnin fram yfir raunveruleg
drápstól á hersýningum vegna
þess að huga þyrfti mun betur
að undirbúningi og öryggi þegar
vopnin væru raunveruleg.
Hættan væri hins vegar að
skrefið yrði tekið til fulls og allur
herinn búinn leikfangabyssum.
Herinn notar stundum gervi-
byssur á æfingum en ekki er
gert ráð fyrir að þær séu not-
aðar á hersýningum. Danny
Pieters, þingmaður í stjórnar-
andstöðu, hrósaði hermönnum
fyrir framtakið og sagði að ein-
vörðungu bæri að nota raun-
veruleg vopn þegar hætta væri á
ferðum. „Þetta er fremur merki
um heilbrigða skynsemi en leti,“
sagði hann.
„Bang,
þú ert
dauður!“
Brussel. AP.