Morgunblaðið - 23.08.2002, Qupperneq 2

FRÉTTIR
2 FÖSTUDAGUR 23. ÁGÚST 2002 MORGUNBLAÐIÐ
Erfitt verður að skáka Ríkharði
Jónssyni / C4
Félagaskipti Birkis
og Pauzuolis óleyst / C3
8 SÍÐUR Fylgstu
með
nýjustu
fréttum
www.mbl.is
4 SÍÐUR

Hanakambur á ungviðinu/B1

Brúður með fortíð/B2

Milljón króna veggteppið/B2

Engar geðlyðrur/B4

Fjallmyndarleg/B6

Púðurdósir/B7

Auðlesið efni/B8
Sérblöð í dag
MIKILL hliðarvindur hamlaði
millilandaflugi á Keflavíkurflugvelli
í gærkvöldi auk þess sem önnur að-
alflugbrautin var lokuð vegna við-
gerða. Tvær vélar Flugleiða, sem
voru að koma frá Evrópu, urðu að
lenda í Reykjavík og á Egilsstöðum
af þessum sökum. Mesti vindhraði á
vellinum mældist 52 hnútar. Þegar
Morgunblaðið fór í prentun var um-
ferð um völlinn enn takmörkuð sök-
um veðurs og óvíst hvort töf yrði á
flugi frá Bandaríkjunum til lands-
ins.
Veður og
viðgerðir
hömluðu flugi
SAMSKIP óskuðu í gær formlega
eftir því að Samkeppnisstofnun
rannsakaði hvort Eimskipafélag Ís-
lands hefði brotið ákvæði samkeppn-
islaga í flutningastarfsemi sinni og að
stofnunin beitti Eimskip þeim viður-
lögum sem lög mæla fyrir um, stað-
festi rannsóknin slík brot, eins og
segir í tilkynningu frá Samskipum.
Eimskip svaraði erindinu í gær og
sagði að umkvörtun Samskipa kæmi
á óvart, einkum í ljósi mikillar sam-
keppni sem verið hefði á markaðn-
um.
Óeðlilega lág verðlagning
Samskip telja ríka ástæðu til að
ætla að Eimskip hafi misnotað ráð-
andi stöðu sína á markaði sjóflutn-
inga til og frá Íslandi og m.a. verðlagt
þjónustu sína óeðlilega lágt í tiltekn-
um tilvikum þar sem Samskip, og eft-
ir atvikum önnur félög, sóttust eftir
sömu viðskiptum. Slíkt sé ótvírætt
brot á samkeppnislögum enda reyni
hið markaðsráðandi fyrirtæki með
þessu móti að hindra eðlilega sam-
keppni.
Í erindi sem lögmaður Samskipa
lagði fyrir Samkeppnisstofnun er
minnt á að samkeppnisráð hafi áður
beint þeim fyrirmælum til Eimskips
að gæta þess í hvívetna að samningar
fyrirtækisins, eða aðrar athafnir sem
varða viðskiptavini þess, feli ekki í
sér mismunun sem kunni að skaða
samkeppnisskilyrði þeirra. Eimskip
hafi ítrekað brotið gegn þessum fyr-
irmælum og því sé ástæða til að
skylda fyrirtækið til að gera við-
skiptakjör sín sýnileg.
Flutningastarfsemi mikilvæg
Ólafur Ólafsson, forstjóri Sam-
skipa, segir að ein af grunnþjónustu-
greinum eyríkis eins og Íslands sé
flutningastarfsemi til og frá landinu
og þess vegna sé nauðsynlegt að heil-
brigð samkeppni sé í greininni. Ólaf-
ur segir að helsta umkvörtunarefni
Samskipa í erindinu til Samkeppn-
isstofnunar sé að ekki séu í gangi al-
mennar verðskrár um flutninga sem
geri það að verkum að einstaklingar
og aðilar í atvinnulífinu eigi erfitt
með fá glögga mynd af verðlagi í
greininni.
Hann segir verðskrár þurfa að
vera skýrar og gegnsæjar og að í
þeim sé að finna tæmandi og bind-
andi ákvæði um afslátt frá grunn-
verði.
„Viðskiptakjörin þurfa að vera al-
menn og skýr þannig að allir við-
skiptavinir sitji við sama borð. Við
vitum til þess að Eimskip sem er með
meira en 70% markaðshlutdeild veit-
ir allt að 75% afslátt af flutningum á
t.d. 40 feta gámum og býður við-
skiptavinum okkar betri kjör en sín-
um eigin viðskiptavinum. Þetta
ástand er ólíðandi og við teljum að
Eimskip sé að misnota markaðsráð-
andi stöðu sína.“
Ólafur segir að dæmin sanni að
verð á flutningum geti haft bein áhrif
á samkeppni fyrirtækja á íslenskum
markaði, góðir samningar um verð á
flutningi geti haft afgerandi áhrif á
samkeppnishæfni einstakra fyrir-
tækja í tilboðsverkum svo dæmi sé
tekið.
Aðspurður segist Ólafur telja að
Samskip séu með sterkt mál í hönd-
unum. Hann segir málið alvarlegt og
á von á að Samkeppnisstofnun taki
fljótt á því.
Aðspurður segir Ólafur að eðlilega
sé verðskrá Samskipa þó engu skýr-
ari en Eimskips enda setji markaðs-
ráðandi aðilinn leikreglurnar á mark-
aðnum.
Mikil og virk samkeppni
Í fréttatilkynningu sem Eimskip
sendi frá sér í kjölfar erindis Sam-
skipa segir að umkvörtunin komi á
óvart, einkum í ljósi þess hve mikil og
virk samkeppni hafi verið á flutn-
ingamarkaðnum undanfarin ár. Jafn-
framt segir í tilkynningu félagsins að
það muni ekki tjá sig frekar um málið
fyrr en því hafi borist frekari upplýs-
ingar um beiðni Samskipa.
Samskip fara fram á rann-
sókn á háttsemi Eimskips
Eimskip undrast kvörtunina í ljósi samkeppni á flutningamarkaði
TILHLÖKKUN leyndi sér ekki í
augum flestra nemenda Melaskól-
ans í vesturbæ Reykjavíkur í gær,
en þá var skólasetning. Skólinn
hefst síðan í dag samkvæmt
stundaskrá. Skólahald hófst í
mörgum grunnskólum landsins í
gær, en um 45 þúsund nemendur
eru í grunnskólum landsins þetta
árið. Flestir skólanna byrja í þess-
ari viku en einnig byrja einhverjir
skólar í þeirri næstu.
Bjarni Páll Runólfsson, nemandi
í fyrsta bekk Melaskóla, sagði í
samtali við Morgunblaðið í gær, að
sér þætti spennandi að byrja í
skólanum. „Það er líka spennandi
að vita hvað maður á að læra,“
sagði hann, greinilega afar áhuga-
samur um skólastarfið. Hann sagð-
ist halda að sér myndi finnast
skemmtilegast í lestri en tók fram
að hann kynni þó að lesa.
„Ég held það verði skemmtileg-
ast að lesa,“ sagði hann, en taldi
að hann myndi einnig læra að
reikna og skrifa í skólanum. Að-
spurður sagðist hann ætla að vera
mjög duglegur að læra heima.
Samkvæmt upplýsingum frá
Fræðslumiðstöð Reykjavíkur eru
alls skráðir rúmlega 15.700 nem-
endur í grunnskóla í Reykjavík og
fjölgar nemendum um u.þ.b. 200 á
milli ára. Morgunblaðið leit inn á
skólasetningu Melaskóla í gær en
um 320 nemendur stunda nám við
skólann. Um 80 nemendur eru í
sex ára bekk. Tekið var á móti
nemendum skólans í Skálanum og
bauð Ragna Ólafsdóttir skólastjóri
nemendur velkomna. Sagðist hún
vona að nemendurnir hefðu átt
gott sumarfrí og hefðu stækkað og
þroskast. Þá bauð hún nýja nem-
endur sérstaklega velkomna. Eftir
samkomuna í Skálanum fór hver
bekkur í sína stofu. Þar ræddu
þeir við kennarann, fengu stunda-
skrár og aðrar upplýsingar um
skólahaldið.
Allir grunnskólar
einsetnir í Reykjavík
Ingibjörg Gunnarsdóttir, kenn-
ari nemenda í sex ára bekk Mela-
skóla, sagði að sex ára nemendur
hefðu ásamt foreldrum sínum far-
ið í viðtal við kennara sína í gær,
en slíkir fundir verða einnig í dag.
Þar fá krakkarnir tækifæri til að
kynnast kennurum sínum og kenn-
ararnir börnunum og foreldrum
þeirra. „Þau eru voða spennt oft-
ast nær,“ segir Ingibjörg, „og sum
eru greinilega með fiðrildi í mag-
anum enda er þetta heilmikil
breyting að byrja í skóla.“
Í tilkynningu frá Fræðsluráði
Reykjavíkur kemur fram að nú
séu allir grunnskólar borgarinnar
einsetnir. Í tilkynningunni segir,
að á undanförnum árum hafi „gíf-
urlegri vinnu og fjármunum verið
varið í viðbyggingar við eldri
skóla til að koma þar á einsetn-
ingu“. Síðustu skólarnir til að
fagna einsetningu eru Foldaskóli,
Hlíðaskóli, Hólabrekkuskóli og
Selásskóli.
Spennandi að
byrja í skólanum
Morgunblaðið/Þorkell
Bjarni Páll Runólfsson, 6 ára, og móðir hans Ragnheiður Linnet ræða
við kennarann Ingibjörgu Gunnarsdóttur.
Morgunblaðið/Þorkell
Nemendur í Melaskóla hittust í Skálanum í gær, áður en þau ræddu við kennara sína.
UMFERÐARSLYS urðu á Fljóts-
dalsheiði og í Norðurárdal í Borg-
arfirði í gær.
Kona var flutt með sjúkraflugi
til Reykjavíkur eftir að hún kast-
aðist út úr jeppa sem valt á mal-
arvegi sunnan við Grenisöldu á
Fljótsdalsheiði. Að sögn læknis á
slysadeild Landspítalans í Foss-
vogi er konan ekki í lífshættu.
Fernt var í jeppanum, ísraelsk
hjón með tvö börn. Maðurinn, sem
ók, og börnin voru með bílbeltin
spennt og sakaði þau ekki.
Kona sem slasaðist í Borgarfirði
síðdegis var flutt með sjúkrabíl til
Reykjavíkur. Hlaut hún háls-
áverka er hún missti stjórn á bíl
sínum skammt frá bænum Sveina-
tungu.
Tvær konur, erlendir ferða-
menn, sem villtust á göngu sinni á
Heklu í gær, komu í leitirnar í
gærkvöldi þegar björgunarsveitir í
Rangárvallasýslu fundu þær heilar
á húfi eftir nokkra leit.
Hvasst var undir Hafnarfjalli í
gærkvöldi og fauk einn bíll útaf af
þeim sökum. Lögreglan í Borgar-
nesi þurfti að koma bílum til að-
stoðar en mestur vindhraði var
upp á 44 metra á sekúndu.
Slys á Fljóts-
dalsheiði og í
Borgarfirði
♦ ♦ ♦