Morgunblaðið - 23.08.2002, Blaðsíða 10

FRÉTTIR
10 FÖSTUDAGUR 23. ÁGÚST 2002 MORGUNBLAÐIÐ
HANNES Hlífar Stefánsson er
með tvo vinninga eftir fyrstu tvær
umferðirnar í landsliðsflokki á
Skákþingi Íslands. Hinir tveir
skákmennirnir sem sigruðu í fyrstu
umferð, Helgi Áss Grétarsson og
Jón Garðar Viðarsson, gerðu inn-
byrðis jafntefli í annarri umferð.
Allar líkur eru til þess að Jón Garð-
ar muni á þessu mótiuppfylla öll
skilyrði sem þarf til að hljóta út-
nefningu sem alþjóðlegur meistari.
Síðasta hindrunin er sú að ná 2.400
skákstigum og samkvæmt reglum
FIDE dugir að ná því marki í miðju
móti.
Önnur umferð var afar fjörug og
einungis einni skák lauk með jafn-
tefli:
Hannes H. Stefánss. - Arnar
Gunnarss. 1-0
Jón V. Gunnarss. - Björn Þor-
finnss. 0-1
Helgi Á. Grétarss. - Jón G. Við-
arss. ½-½
Sævar Bjarnas. - Sigurbjörn
Björnss. 0-1
Bragi Þorfinnss. - Þorsteinn Þor-
steinss. 1-0
Páll Þórarinss. - Stefán Krist-
jánss. 0-1
Staðan eftir tvær umferðir:
1. Hannes Hlífar Stefánsson2 v.
2.-6. Helgi Áss Grétarsson, Jón
Garðar Viðarsson, Bragi Þorfinns-
son, Björn Þorfinnsson, Stefán
Kristjánsson 1½ v.
7. Sigurbjörn Björnsson 1 v.
8.-10. Arnar E. Gunnarsson, Þor-
steinn Þorsteinsson, Sævar Bjarna-
son ½ v.
11.-12. Jón Viktor Gunnarsson,
Páll Þórarinsson 0 v.
Teflt er daglega í hátíðarsal
Íþróttahúss Gróttu á Seltjarnarnesi
og eru áhorfendur
velkomnir á keppnisstað á meðan
húsrúm leyfir. Umferðir á virkum
dögum hefjast klukkan 17. Beinar
útsendingar verða frá öllum skák-
unum á ICC og á heimasíðu mótsins
www.chess.is/sthi2002.
Eftirfarandi skák var tefld í
fyrstu umferð.
Hvítt: Hannes Hlífar Stefánsson
Svart: Páll Agnar Þórarinsson
Drottningarindversk vörn
1.Rf3 Rf6 2.c4 e6 3.g3 b6 4.Bg2
Bb7 5.0–0 c5 6.Rc3 a6 7.d4 cxd4 8.
Dxd4 d6 9.Hd1 Rbd7 10.Rg5 Bxg2
11.Kxg2 Hc8 12.Rge4 Hc6 13.Bf4!
Da8 14.Kg1 --
Hvítur má ekki drepa á d6: 14.
Bxd6? Bxd6 15. Rxd6+ Hxd6+
o.s.frv.
Sjá stöðumynd 1.
14...e5
Eftir 14...Rxe4 15.Dxe4 Rf6
16.Df3 Dc8 17.Hd2 Be7 18.Had1
Dc7 19.a4 0–0 20.b3 Hd8 21.Ra2 a5
22.Rc3 Dd7 23.e4 á hvítur mun
betra tafl (Adorjan-Suba, Dort-
mund 1984).
15.Rxf6+ Rxf6
Til greina kemur að leika
15...gxf6!? 16.De3, t.d. 16. -- h6 (16.
-- Hxc4 17.Bh6 Be7 18.Rd5 Bd8
19.Df3, mun betra á hvítt) 17.Rd5
Kd8 18.Rxf6 Rxf6 19.Bxe5 Rg4
20.Df4 Rxe5 21.Df6+ Ke8 22.Dxh8
Rxc4 og hvítur virðist eiga erfitt
með að notfæra sér tætingslega
stöðu svarts.
16.De3 Hxc4 17.Bg5 Rd7 18.Rd5
f6
Eftir þennan leik verður e6-reit-
urinn mjög veikur, en það er ekki
annað að gera: 18.-- h6 19.Hac1! hxg5
(19. -- b5 20.Hxc4 bxc4 21.Rc7+ Kd8
22.Rxa8, eða 19.-- Dc6 20.Hxc4 Dxc4
21.Hc1 Dxd5 (21.-- Dxc1+ 22.Dxc1
hxg5 23.Dc8+ mát) 22.Hc8+ mát)
20.Hxc4 Db8 21.Rc7+ Kd8
22.Dxg5+ og hvítur á vinningsstöðu.
19.Dd3!? --
Sjá stöðumynd 2.
Nýjung. Þekkt er 19.Df3 e4
20.Db3 Dc6 21.Be3 b5 22.Hac1 a5?
23.Hxc4 bxc4 24.Dc3 Kf7 25.Hd4 f5
26.Dxa5 og hvítur vann (Lengyel-D.
Gurevich, Eksjo 1982).
19...Hc6
Eftir 19...Dc6, t.d. 20.Hac1 b5
21.b3 Hc5 22.Be3 Hxc1 23.Hxc1 Rc5
24.b4 Rxd3 25.Hxc6 Rb2 26.Hxa6,
stendur hvítur betur.
20.Be3 Be7 21.b4 Bd8 22.Db3!
Hf8?
Eftir þennan óvirka leik ræður
svartur ekki við neitt. Besta vörnin
er 22...b5 23.a4 Db7, t.d. 24.axb5
Dxb5 25.Rc3 Dc4 26.Dxc4 Hxc4
27.Rd5 Hc6 28.Hdc1 Hxc1+
29.Bxc1 Rb8 30.Be3 Kd7 31.Ba7
Rc6 32.Hxa6 Re7 33.Rxe7 Bxe7
34.e4 d5 35.exd5 Bxb4 og svartur
ætti að halda jöfnu.
23.a4 Hc8
Sjá stöðumynd 3.
24.Bxb6! Dc6
Eða 24. -- Rxb6 (24.-- Bxb6
25.Rxb6 Rxb6 26.De6+ Kd8
27.Dxd6+ Ke8 28.De6+ mát)
25.Rxb6 Bxb6 26.De6+ Kd8
27.Dxd6+ Ke8 28.Dd7+ mát.
25.Bxd8 Kxd8 26.De3 Hf7
27.Hac1 Db7 28.Hxc8+ Kxc8
29.Dd3 Rb6 30.Dxh7 Kb8
Eftir 30...Rxd5 31.Dg8+ Kd7
32.Dxf7+ Re7 33.Dxg7 á hvítur auð-
unnið tafl.
31.Rxb6 og svartur gafst upp, því
að hann tapar manni: 31. -- Dxb6
32.Dg8+, ásamt 33.Dxf7+.
Bikarkeppni ÍAV
Bikarkeppni TG í ár mun bera
nafnið Bikarkeppni ÍAV. TG og Ís-
lenskir aðalverktakar hafa gert
samstarfssamning og með honum
eru Íslenskir aðalverktakar orðnir
stærstu stuðningsaðilar TG ásamt
Guðmundi Arasyni ehf. og Garða-
bæ. Dregið verður í 16 liða úrslit
Bikarkeppni ÍAV 28. ágúst á Rás 2.
Hannes Hlífar tekur for-
ystuna í landsliðsflokki
SKÁK
Seltjarnarnes
SKÁKÞING ÍSLANDS 2002, LANDSLIÐS-
FLOKKUR
20.–30. ágúst 2002
Daði Örn Jónsson
Bragi Kristjánsson
Stöðumynd 1. Stöðumynd 2.
Stöðumynd 3.
BREYTINGAR sem gerðar voru á
Gyllta sal og Pálmasal Hótels Borg-
ar nú í vor hafa vakið nokkra
óánægju hjá skipulags- og
byggingarnefnd Reykjavíkur eins
og Morgunblaðið hefur greint frá.
Nefndin telur að breytingarnar séu
ekki í anda hússins og telur jafn-
framt ámælisvert að lagt hafi verið
út í framkvæmdirnar án þess að til-
skilin leyfi hafi verið fyrir hendi.
Tómas Tómasson, eigandi Hótels
Borgar, segir að styrinn standi
einna helst um pall sem hækki gólf-
ið. Hann segir að breskur innan-
hússhönnuður, sem sérhæfi sig í
innréttingum í viktoríu- og art
deco-stíl, hafi verið fenginn til þess
að koma með hugmyndir. Síðan hafi
íslenskur arkitekt útbúið teikningar
til þess að fá leyfi íslenskra bygg-
ingaryfirvalda fyrir breytingunum
sem gerðar voru. Að sögn Tómasar
snerust þær breytingar aðallega
um hvort færa mætti barinn, leggja
vatnslagnir og fleira í þeim dúr.
„Það láðist þegar þessar teikn-
ingar voru lagðar inn að gera þver-
skurðarmynd sem sýndi það að
gólfið yrði hækkað. Þess vegna var
farið af stað og þetta framkvæmt
áður en við höfðum fengið leyfi fyr-
ir pallinum. Við vissum ekki að það
þyrfti samþykki fyrir honum,“ legg-
ur hann áherslu á.
Ekkert eyðilagt sem var
upprunalega á Hótel Borg
Hann bendir á að þegar bygging-
areftirlitsmenn hafi komið og skoð-
að breytingarnar og séð að búið var
að hækka gólfið hafi umræðan haf-
ist um hvort verið væri að gera eitt-
hvað sem ekki mætti en þá var vika
í opnun og erfitt að hætta við pall-
inn. Tómas segist viðurkenna að
framkvæmt hafi verið í óleyfi og
þykir honum það leitt.
„Öll þessi ár þegar við höfum
breytt einhverju á Hótel Borg hef-
ur það verið í fullu samráði við yf-
irvöld og þau samskipti hafa ávallt
verið góð.“ Hann segist sjálfur ekki
hrifinn af upphækkuninni en bendir
jafnframt á að hún sem slík geti
ekki verið það slæm að hún kosti
eitthvert þóf.
„Ef hún hefði hvort sem er verið
samþykkt hefði verið synd að rífa
hana niður og byggja aftur fyrst
skaðinn var orðinn og var ekki
meiri en þetta. Þetta er á misskiln-
ingi byggt, við erum ekki að eyði-
leggja neitt því hér var ekkert sem
var hér upprunalega,“ bendir Tóm-
as á og telur að það tæki einungis
viku að rífa pallinn og breyta gólf-
inu í fyrra horf.
Hann segist ávallt hafa lagt
mikla áherslu á að Hótel Borg liti
út sem næst sinni upprunalegu
mynd. „Þetta leit allt út í anda 4.
áratugarins þannig ég skil það vel
að þeim, sem hafa ekki sett sig inn í
söguna, þyki vænt um þessar inn-
réttingar og þeir vilji sjá þær áfram
en þær eru eitthvað sem við bjugg-
um til,“ undirstrikar hann og nefnir
sem dæmi bar sem stóð við einn
gluggann og var smíðaður fyrir um
níu árum.
Að sögn Guðnýjar Gerðar Gunn-
arsdóttur borgarminjavarðar hefur
arkitekt húsadeildar Árbæjarsafns
skoðað þær breytingar sem búið er
að gera á Gyllta salnum. Hún segir
að Árbæjarsafn hafi lagt áherslu á
að halda því sem eftir er af vegg-
myndum í Gyllta salnum og bendir
á að ekki hafi verið hróflað við
þeim.
Tillaga um friðun hússins
hjá menntamálaráðherra
Þær spurningar hafa jafnframt
vaknað hvort rétt sé að friða Hótel
Borg og segir Guðný Gerður að
þegar hafi verið lögð fram tillaga
þess efnis. Hún segir að borgar-
minjavörður leggi fram tillögu um
hús í Reykjavík sem rétt sé að
Reykjavíkurborg beiti sér fyrir
friðun á. Tillagan er síðan kynnt
fyrir menningarmálanefnd og síðar
borgarráði en þetta er í samræmi
við stefnu í húsaverndunarmálum
sem var mörkuð í aðalskipulagi árið
1996.
„Hótel Borg er eitt þeirra húsa
sem við höfum lagt til að verði frið-
uð en þar með höfum við í raun
ekki gert annað en að leggja til að
húsafriðunarnefnd skoði málið og
leggi þá til hvaða hlutar hússins
verði friðaðir,“ segir hún og bætir
við að tillagan sé nú til skoðunar í
borgarráði.
Hún bendir hins vegar á að það
sé Húsafriðunarnefnd ríkisins sem
geri tillögu til menntamálaráðherra,
sem friði síðan húsin. Hún leggur
því áherslu á að það verði ekki fyrr
en húsafriðunarnefnd ríkisins gerir
tillögu til menntamálaráðherra sem
það verður skilgreint til hvaða hluta
hússins friðunin eigi að ná. „Það er
í raun hægt að friða hvaða hluta
húss sem er og þegar hús hefur
verið friðað þarf að fá samþykki
húsafriðunarnefndar fyrir allar
breytingar,“ undirstrikar Guðný
Gerður.
Ragnar Jón Gunnarsson, arkitekt
og starfsmaður Húsafriðunarnefnd-
ar ríkisins, staðfestir að tillaga hafi
borist frá Reykjavíkurborg 16. maí
á þessu ári. „Þá var þetta sent til
kynningar í Húsafriðunarnefnd.
Þaðan fór það til umfjöllunar í
menningarmálanefnd,“ segir hann.
Hann bendir á að Húsafriðunar-
nefnd hafi gert tillögu um friðun
Hótel Borgar í millitíðinni og sent
eigendum bréf 15. júlí, þar sem
kom fram að þeir hefðu andmæla-
rétt til 6. ágúst. Hann segir engin
bréf hafa borist og andmælaréttinn
ekki nýttan og að því standi málið
nú hjá menntamálaráðherra.
„Nákvæm lýsing liggur ekki fyrir
en gert er ráð fyrir að um friðun
ytra borðs verði að ræða en það er
húsið sjálft en ekki innréttingarn-
ar,“ bætir Ragnar Jón við.
Eigendur leggja mikla
áherslu á upprunalegt útlit
Morgunblaðið/Jim Smart
Tillaga um friðun
Hótels Borgar
hjá menntamála-
ráðherra
TILBOÐ í framkvæmdir fyrir olíufé-
lagið Atlantsolíu vegna stöðvarhúss
sem á að rísa á suðurbakka Hafnar-
fjarðarhafnar voru opnuð í fyrradag.
Lægsta tilboðið var 51,8 milljónir
króna, að sögn Símonar Kjærnested,
framkvæmdastjóra Atlantsolíu.
Olíufélagið gerir ráð fyrir að hefja
starfsemi hér á landi um næstu ára-
mót og segir Símon að gengið sé út
frá því að endanlegum frágangi vegna
framkvæmdanna verði lokið í desem-
ber.
Ellefu tilboð bárust í framkvæmd-
irnar og var Magni ehf. í Kópavogi
með lægsta tilboðið. Næstlægsta til-
boðið var 53,5 milljónir en það hæsta
um 75 milljónir, að sögn Símonar,
sem vildi ekki gefa upp kostnaðar-
áætlun. Tankarnir voru boðnir út í
lokuðu útboði fyrir um þremur mán-
uðum og hefur Teknís ehf. forunnið
þá, en Símon segir að sennilega verið
samið við verktaka vegna stöðvar-
hússins strax eftir helgi.
Framkvæmdir
fyrir Atlantsolíu
Lægsta tilboð
tæpar 52
milljónir
25 UMSÆKJENDUR eru um stöðu
skólastjóra við Brunamálaskóla
Brunamálastofnunar og mun skóla-
ráð meta umsóknirnar og skila tillög-
um til brunamálastjóra sem tekur
ákvörðun um ráðningu í stöðuna.
Guðmundur Haraldsson hefur gegnt
skólastjórastöðunni síðastliðin 8 ár,
en auglýsa skal stöðuna á 4 ára fresti.
Í Brunamálaskólanum eru 1.600
nemendur, þar af 300 atvinnuslökkvi-
liðsmenn og 1.300 slökkviliðsmenn í
hlutastarfi. Skólinn hefur verið starf-
ræktur í tæpan áratug og býður upp á
námskeið fyrir slökkviliðsmenn og
eldvarnareftirlitsmenn. Þá er starf-
rækt sí- og endurmenntunardeild í
skólanum.
Brunamálaskólinn
25 umsækjend-
ur um skóla-
stjórastöðu
♦ ♦ ♦