Morgunblaðið - 23.08.2002, Blaðsíða 15
AKUREYRI
MORGUNBLAÐIÐ FÖSTUDAGUR 23. ÁGÚST 2002 15
Garðeigendur
Seljum á kr. 490 margar tegundir
af stórum og fallegum runnum.
Sírenur og fleira á kr. 660.
Skuld, gróðrastöð,
Lynghvammi 4, Hafnarfirði, s. 565 1242.
Í HEIMSÓKN forseta Íslands, Ólafs
Ragnars Grímssonar, í Eyjafjarðar-
sveit á dögunum afhenti Anton Ant-
onsson, trélistamaður frá Gilsá í
Eyjafjarðarsveit, forsetanum út-
skorna gestabók sem er gjöf til ís-
lensku þjóðarinnar í tilefni landa-
fundaafmælisins árið 2000.
Í tilefni af þessum tímamótum
ákvað Anton að framleiða fáeina
tugi útskorinna gestabóka og jafn-
framt að tvö fyrstu tölusettu eintök-
in yrðu gjafir til Íslendinga og
Bandaríkjamanna. Bók númer 2 var
á sínum tíma afhent Hillary Clinton,
þáverandi forsetafrú Bandaríkj-
anna, þegar hún kom í heimsókn til
Íslands í tilefni af ráðstefnunni Kon-
ur og lýðræði við árþúsundamót en
sú ráðstefna var haldin árið 1999.
Anton hefur þegar fengið staðfest-
ingu á því að bókin er nú varðveitt í
Hvíta húsinu í Washington.
Tækifæri hafði ekki gefist fyrr en
nú fyrir forseta Íslands að veita
gjafaeintakinu til íslensku þjóð-
arinnar viðtöku í Eyjafjarðarsveit.
Ólafur Ragnar Grímsson sagði við
þetta tækifæri að þessum vandaða
og fallega grip yrði fundinn staður á
forsetasetrinu á Bessastöðum. Við
sama tækifæri afhenti Anton Ant-
onsson forseta Íslands og fjölskyldu
hans útskorna bók til minningar um
Guðrúnu Katrínu Þorbergsdóttur
forsetafrú.
Anton Antonsson trélistamaður afhenti forseta Íslands, Ólafi Ragnari
Grímssyni, aldamótagestabókina sem gjöf til íslensku þjóðarinnar.
Íslensku þjóðinni færð
aldamótagestabók að gjöf
HALLDÓR Ásgeirsson opnar
myndlistarsýningu í Safnasafn-
inu á Svalbarðsströnd laugar-
daginn 24. ágúst kl. 14.00.
Myndlistarverkið sem Halldór
sýnir heitir „....og gá þar að orði
sem kynni samt að ná yfir alla
veröldina.“ Tilvitnunin er úr
ljóði eftir Sigfús Daðason
skáld.
Verkið er annars vegar sam-
tal ólíkra stafa, sem hafa verið
teknir upp úr ritmálum heims-
ins og hins vegar endurbrædds
hrauns sem hefur verið límt á
hvíta matardiska. Svartur
hraunglerungurinn minnir á
myndletur og rímar á móti
tölvuprentuðum stöfunum.
Saman myndar þetta eina rým-
isheild.
Halldór Ásgeirsson fór í
framhaldsnám í myndlist til
Frakklands. Hann hefur tekið
þátt í fjölmörgum samsýning-
um heima og erlendis og sett
upp einkasýningar sem hafa
fengið lofsamlega dóma. Sýn-
ingin í Safnasafninu stendur til
15. september og er opin alla
daga frá kl. 10–18.
Halldór
sýnir í
Safna-
safninu