Morgunblaðið - 23.08.2002, Blaðsíða 16
SUÐURNES
16 FÖSTUDAGUR 23. ÁGÚST 2002 MORGUNBLAÐIÐ
LEIGUBÍLSTJÓRAR hjá Bílstjór-
afélaginu Fylki í Keflavík finna fyrir
samdrætti í ferðaþjónustu. Fleiri
ferðamenn sækja í skipulagðar hóp-
ferðir nú í sumar en undanfarin ár.
Minna er um að ferðamenn séu að
ferðast á eigin vegum. Kemur þetta,
að sögn Snorra Einarssonar for-
manns Fylkis, niður á tekjum leigu-
bílstjóra. Hann segir ferðamenn
ekki kvarta undan verði leigubíl-
anna og segir leigubílstjóra ekki
verða vara við að ferðamenn óski
frekar eftir rútuferðum. Í Morgun-
blaðinu sl. laugardag sagði rekstr-
araðili tjaldstæðsins Stekks í
Reykjanesbæ að ferðamönnum lík-
aði illa að geta ekki ferðast milli
flugstöðvarinnar og bæjarins öðru
vísi en í leigubíl. Bæjaryfirvöld eru
að vinna að samgöngumálum í
tengslum við ferðaþjónustu.
„Það kostar 1.000 krónur að taka
leigubíl milli Flugstöðvar Leifs Ei-
ríkssonar og tjaldstæðisins í
Reykjanesbæ,“ segir Snorri, „það er
alls ekki dýrt, enda hafa ferðamenn
alls ekki haft orð á því.“ Þegar um
t.d. fjögurra manna fjölskyldu er að
ræða kostar farið því 250 krónur á
mann. Ef farþegar kjósa stóran bíl,
fimm farþegar eða fleiri, kostar far-
ið um 1.500 krónur.
Bílstjórar Fylkis bjóða ferða-
mönnum fast verð á milli flugstöðv-
arinnar og Bláa lónsins, 3.500 krón-
ur fyrir lítinn bíl og 4.500 krónur
fyrir stærri bíl.
Snorri segir að því miður séu fáir
ferðamenn sem hafi viðkomu í
Reykjanesbæ. Þeir sæki þá frekar á
gistiheimilin, sem hefur fjölgað í
bænum, heldur en á tjaldstæðið.
„Það er of lítið um það,“ segir
Snorri. „Þetta sumar er ólíkt því
sem verið hefur undanfarin ár að því
leyti að það virðist vera að meira sé
um að fólk fari í skipulagðar hóp-
ferðir, heldur en að ferðast á eigin
vegum. Þessum venjulegu ferða-
löngum, sem við höfðum orðið varir
við undanfarin ár og stöldruðu
margir hverjið við í Keflavík, hefur
snarfækkað. Ég veit ekki hvað veld-
ur, hvort að það séu voðaverkin 11.
september, eða hvað það er. En ein-
hver er ástæðan. Þetta hefur breyst.
Þetta kemur niður á þeim sem
keyra leigubíl, þetta sumar hefur
verið slakt miðað við undanfarin ár.“
Snorri segir að kannski horfi
staðan öðru vísi við þeim aðilum
sem hafa átt kost á að auglýsa og
markaðssetja starfsemi sína og
þjónustu. Því sé ekki að skipta hjá
Fylki. Þar starfa nú 22 leigubílstjór-
ar.
Ferðamenn kvarta
ekki yfir fargjöldum
Keflavík
Leigubílstjórar Fylkis hafa fundið fyrir samdrætti í sumar
GESTIR Bláa lónsins í júlímánuði
voru 50.058 talsins, sem er 5,8%
fækkun frá sama mánuði í fyrra.
Það sem af er ágúst hafa um
33.000 gestir heimsótt lónið. Það
stefnir því í svipaðan fjölda í ágúst
í ár og í sama mánuði á síðasta ári
að sögn Magneu Guðmundsdóttur,
markaðsstjóra Bláa lónsins.
„Gestum hefur því fækkað að-
eins miðað við sama tímabil á
síðsta ári. Fjöldi Íslendinga var
hinn sami í júlí í ár og í fyrra en
erlendum gestum fækkaði um rúm
8% í júlí í ár miðað við júlí 2001.“
Lónið góður mælikvarði
Magnea segist telja að Bláa lón-
ið sé góður mælikvarði á sveiflur í
ferðaþjónustunni í landinu, því
lónið er með svipaða markaðs-
hlutdeild í dag og frá því mæl-
ingar á fjölda ferðamanna hófust.
„Við unum hag okkar vel og er-
um ekki ósátt við sumarið,“ segir
Magnea. „Auðvitað hefðum við
viljað fleiri gesti, en miðað við allt
sem á undan er gengið, erum við
sátt.“
Magnea telur að Ferðamálaráð,
Flugleiðir, Bláa lónið og fleiri að-
ilar hafi brugðist rétt við eftir
hryðjuverkin í Bandaríkjunum sl.
haust sem hafa orsakað samdrátt í
ferðamennsku víða um heim. „Í
stað þess að draga úr markaðs-
setningu jukum við hana. Ég held
að það sé nú að skila sér, annars
stæðum við frammi fyrir mun
lægri aðsóknartölum.“
Aukin markaðs-
setning skilar sér
Bláa lónið
Morgunblaðið/Þorkell
Gestum Bláa lónsins hefur fækkað lítillega milli ára. Fjöldi Íslendinga sem baða sig í lóninu stendur í stað.
UM SJÖHUNDRUÐ kátir
framhaldsskólanemendur
mættu í Fjölbrautaskóla
Suðurnesja í gær, en þá var
fyrsti skóladagurinn. Ólafur Jón
Arnbjörnsson skólastjóri, segir að
stemmningin í skólanum hafi verið
góð fyrsta daginn, enda jákvæð og
lífsglöð ungmenni þar á ferð.
Í dag rennur út umsóknarfrestur
í öldungadeild skólans en Ólafur Jón
telur að nemendafjöldinn þar verði
svipaður og í fyrra, um 250 manns.
„Það er eitt af einkennum skólans
okkar hvað öldungadeildin hefur
verið og er öflug,“ segir Ólafur Jón.
„En aðaleinkenni skólans er auðvit-
að fjölbreytnin og breiður nem-
endahópur.“
Ólafur Jón segir að langflestir
framhaldsskólanemendur á Suð-
urnesjum sæki sitt nám í Fjölbrauta-
skóla Suðurnesja. „Það er alltaf
ákveðinn hluti sem fer annað, sem
er mjög eðlilegt. T.d. vegna náms-
brauta sem við bjóðum ekki upp á.
En þetta er tiltölulega lítill hluti.“
Undanfarin ár hafa um 80–85% Suð-
urnesjamanna sem stunda fram-
haldsnám sótt nám í Fjölbrauta-
skóla Suðurnesja.
Það var líflegt um að litast í
Reykjanesbæ í gær. Nemendur virt-
ust sáttir við að mæta í skólann eftir
sumarfrí og heilsa upp á kunningj-
ana. Þá kepptust margir við að
kaupa bækurnar í tíma til að vera
tilbúinn í skólaslaginn.
Já-
kvæðni
og lífs-
gleði
Reykjanesbær
Það var mikill handagangur í öskjunni í
Bókabúð Keflavíkur í gær þar sem grunn-
og framhaldsskólanemar keyptu bækur
og ritföng fyrir veturinn.
Kennsla hafin í Fjölbrautaskólanum
Ljósmynd/Hilmar Bragi
Í DAG, föstudag, kl.14 fer fram
skólasetning í Gerðaskóla.
Einnig fer fram á þessum tíma
formleg afhending á nýbygg-
ingu Gerðaskóla.
Með tilkomu nýbyggingar-
innar batnar öll aðstaða til
náms og verður skólinn nú ein-
setinn. Þetta kemur fram í
fréttatilkynningu frá sveitar-
stjóra Gerðahrepps.
Í nýju skólastofunum verður
aðstaða fyrir nemendur 1.-4.
bekkjar.
Þá hefur kaffiaðstaða og
vinnuaðstaða starfsfólks nú
einnig verið bætt, en hana er að
finna í eldri hluta skólahússins.
Skólasetningin og formleg
afhendingarathöfn nýbygging-
ar fer fram í nýjum samkomu-
sal Gerðaskóla sem einnig er að
finna í viðbyggingunni.
Garðbúar eru hvattir til að
mæta. Eftir skólasetningu er
skólinn til sýnis og boðið verður
upp á veitingar.
Gerða-
skóli
stækkar
Garður