Morgunblaðið - 15.10.2002, Side 10

STURLA Böðvarsson samgöngu-
ráðherra kynnti á ríkisstjórnar-
fundi í síðustu viku frumvarp til
laga um breytingu á lögum um
póstþjónustu. Frumvarpið fjallar
um breytingu á einkaréttarmörk-
um gildandi laga með hliðsjón af
nýrri tilskipun ESB frá því í júní
sl. varðandi frekari opnun póst-
markaðarins í Evrópu fyrir sam-
keppni.
Frumvarpið gerir ráð fyrir
breytingum á einkarétti íslenska
ríkisins á póstsendingum, sem eru
núna samkvæmt gildandi lögum
allt að 250 grömm að þyngd. Ef
frumvarpið nær fram að ganga
verða þyngdarmörkin færð niður í
100 grömm frá og með 1. janúar
2003 til 1. janúar 2006. Frá og með
1. janúar 2006 verða mörkin 50
grömm. Þetta kemur til vegna til-
skipunar ESB.
Í frumvarpinu er skerpt á
nokkrum atriðum til hagsbóta fyr-
ir viðskiptavini póstsins. Í fyrsta
lagi eru tekin inn skýrari ákvæði
um sérstakar gjaldskrár rekstrar-
leyfishafa vegna þjónustu þeirra
við atvinnufyrirtæki, fyrirtæki
sem afhenda mikið magn póst-
sendingu í einu eða fyrirtæki sem
safna saman póstsendingum mis-
munandi viðskiptavina og afhenda
rekstrarleyfishafa.
Í öðru lagi eru tekin inn ákvæði
þar sem rekstrarleyfishöfum er
bannað að greiða niður þjónustu-
gjöld í alþjónustu utan einkarétt-
ar með tekjum af einkaréttarþjón-
ustu, nema að sýnt hafi verið fram
á að slíkt sé beinlínis nauðsynlegt
til að verða við sérstökum alþjón-
ustukvöðum sem hvíla á rekstrar-
leyfishafa.
Í þriðja lagi eru sett inn ákvæði
sem skylda rekstrarleyfishafa til
að gefa út skýrar reglur um með-
ferð kvartana frá notendum.
Einkarétti póst-
sendinga breytt
ÞINGFUNDUR á Alþingi
hefst kl. 13.30 í dag. Eft-
irfarandi mál verða á dag-
skrá:
Fjáraukalög.
Tryggingagjald.
Barnalög.
Útlendingar.
Skráning skipa.
Skipamælingar.
Sveitarstjórnarlög.
Kvennahreyfingin á
Íslandi.
Áfengislög.
FRÉTTIR
10 ÞRIÐJUDAGUR 15. OKTÓBER 2002 MORGUNBLAÐIÐ
ÁRNI M. Mathiesen sjávarút-
vegsráðherra tilkynnti þingheimi
í upphafi þingfundar á Alþingi í
gær að Íslendingar hefðu fengið
aðild að Alþjóðahvalveiðiráðinu.
Sú niðurstaða fékkst á aukafundi
ráðsins í Cambridge í Bretlandi í
gær. Ráðherra sagði að við aðild-
ina hefðu Ís-
lendingar sett
fyrirvara við
hvalveiðibann
hvalveiðiráðsins
en jafnframt
skuldbundið sig
til að hefja ekki
hvalveiðar í at-
vinnuskyni fyrr
en 2006.
„Ég kveð mér
hljóðs til að
segja háttvirtum þingheimi frá
því að Ísland var í dag viður-
kenndur sem aðili að Alþjóðahval-
veiðiráðinu á ný með fyrirvara við
bann við hvalveiðum,“ sagði ráð-
herra í upphafi þingfundar í gær.
Ráðherra sagði að það væri
grundvallaratriði fyrir Ísland að
vera aðili að Alþjóðahvalveiði-
ráðinu til að geta hafið hvalveiðar
að nýju. „Með því að vera með
viðurkenndan fyrirvara erum við
að horfa til langtíma hagsmuna
Íslands í hvalveiðum í atvinnu-
skyni. Hins vegar opnar aðildin
fyrir okkur möguleika á því að
hefja hvalveiðar í vísindaskyni
sem við höfðum ekki áður en við
gengum inn í Alþjóðahvalveiða-
ráðið og þar með höfum við engu
fórnað í því að geta hafið hval-
veiðar, þetta er spurning um
hvers konar hvalveiðar við mun-
um hefja.“
Bryndís Hlöðversdóttir, þing-
flokksformaður Samfylkingarinn-
ar, og Árni Steinar Jóhannsson,
þingmaður Vinstrihreyfingarinn-
ar –græns framboðs, fögnuðu að-
ild Íslendinga að Alþjóðahval-
veiðiráðinu en Jóhann Ársælsson,
þingmaður Samfylkingarinnar,
var ekki sáttur við það að Íslend-
ingar gætu ekki hafið hvalveiðar í
atvinnuskyni fyrr en árið 2006.
Sjávarútvegsráðherra
Ekki hvalveiðar
fyrr en 2006
Árni M.
Mathiesen
GEIR H. Haarde fjármálaráð-
herra mælti á Alþingi í gær
fyrir frumvarpi til fjáraukalaga
fyrir árið 2002. Í frumvarpinu
er gert ráð fyrir að tekjur rík-
issjóðs á árinu hækki um 5,7
milljarða kr. og að útgjöld
hækki um 7,3 milljarða kr.
Hækkun tekna má fyrst og
fremst rekja til þess að tekju-
skattar einstaklinga og fyr-
irtækja verða meiri en áætlað
var í fjárlögum og hækkun út-
gjalda má m.a. rekja til hærri
framlaga til heilbrigðis- og
tryggingarmála. „Stafa útgjöld
í heilbrigðismálum aðallega af
hallarekstri sjúkrastofnana og
af auknum útgjöldum sjúkra-
trygginga,“ sagði ráðherra
m.a.
Stjórnarandstæðingar gagn-
rýndu það m.a. að ekki væru
lagðar til meiri fjárveitingar til
heilbrigðismála. Jón Bjarnason,
þingmaður Vinstrihreyfing-
arinnar – græns framboðs,
minnti þó á að fjáraukalaga-
frumvarpið myndi væntanlega
breytast í meðförum þingsins.
Fjárveitingar verði auknar
til heilbrigðismála
FRAMKVÆMDAÁÆTLUNIN er
liður í allsherjarendurskoðun á sam-
eiginlegri sjávarútvegsstefnu ESB og
verður til umfjöllunar á fundi
sjávarútvegsráðherra ESB-landanna
í dag, 15. október. Þar eru einnig á
dagskránni fleiri mál sem tengjast
endurskoðun stefnunnar, svo sem að-
gang allra ESB-ríkja að sjávarsvæð-
um sem falla undir lögsögu ESB-
ríkja, aukið eftirlit og svæðisráð um
fiskveiðistjórnun.
Hvað varðar fiskveiðar í Miðjarð-
arhafi bendir framkvæmdastjórnin á
að varðandi markaðsmál og styrki
hafi verið beitt reglum sameiginlegu
sjávarútvegsstefnunnar, svo og eftir-
litsreglum að mestu leyti, en stefnu-
mörkun til verndar stofnum og veið-
um hafi verið beitt á annan hátt. Það
helgast einkum af því að um er að
ræða sérstakar aðstæður, þar sem að-
eins hluti ríkjanna sem liggja að haf-
inu eru innan ESB, en einnig að sam-
setning fiskveiðiflotans er að
langmestu leyti smærri bátar, sem
selja fiskinn beint til kaupanda, en
fara ekki í gegn um hefbundna mark-
aði. Því er sóknin afmarkaðri og nær
ströndum landanna – og erfitt að hafa
eftirlit með sölu og afla.
Tillögur framkvæmdastjórnarinn-
ar miða að því að almennum mark-
miðum sameiginlegu fiskveiðistefn-
unnar um veiðar sem tryggi sjálfbæra
þróun fiskistofna í samræmi við
markmið umhverfisverndarsjónar-
miða og með efnahagslegan og fé-
lagslegan ávinning af leiðarljósi. Um
er að ræða framkvæmdaáætlun til
næstu þriggja ára.
Tilgreinir framkvæmdastjórnin í
tillögunum að endurmeta þurfi á
hvaða stjórnunarstigi sé bezt að hafa
stjórnun ákveðinna fiskveiða, svo sem
strandveiða smábáta – hjá bandalag-
inu, svæðisstofnunum eða jafnvel við-
komandi strandríki. Telur fram-
kvæmdastjórnin að betur fari á því að
fiskveiðistjórnun og úrlausn vanda-
mála sem eru takmörkuð við ákveðin
svæði, sé komið fyrir á innanlands-
stigi – sem fæli m.a. í sér aukið sam-
ráð og samstarf við samtök útvegs-
manna og sjómanna á svæðinu eða í
landinu.
Greint á milli þriggja flokka
Greint er á milli þriggja flokka sem
gætu fallið undir mismunandi stjórn-
unarstig:
Veiðar á stofnum sem myndu telj-
ast flökkustofnar. Stjórnun þeirra
yrði á valdsviði hinna yfirþjóðlegu
stofnana í samstarfi við svæðisbundin
samtök hagsmunaþjóða.
Veiðar stofna sem eru sameiginleg-
ir að einhverju leyti – svo sem útsjáv-
ar- og uppsjávartegundir, eða stofna
sem ganga inn á sameiginleg mið.
Stjórnun þeirra yrði á valdsviði ESB-
stofnananna og/eða alþjóðlegra sem
hafa farið með þessi mál, svo sem
FAO (Matvælastofnun SÞ).
Í þriðja lagi eru nefndar veiðar
stofna sem eru staðbundnir í land-
helgi eða fiskveiðilögsögu eins ríkis
og gert út á aðallega frá einu strand-
ríki. Þeim ætti að halda áfram að
stjórna frá viðkomandi ríki, sé ekki
verulegt magn aukaafla úr stofnum
sem falla undir 1. og 2. lið.
Þá er í tillögunum einnig tíundað að
hugsanleg stjórnun ríkja á fiskveiðum
í eigin lögsögu eða staðbundnum
stofnum skuli taka mið af sameigin-
legu sjávarútvegsstefnunni og einnig
að ESB muni setja ákveðnar viðmið-
anir um verndun stofna og umhverfis.
Hins vegar verði tæknileg útfærsla til
að ná þeim markmiðum í höndum við-
komandi ríkis. Helztu markmið sem
stofnanir ESB settu yrðu þá m.a. um
hámarksheildarkvóta (TAC) fyrir
hverja tegund, umhverfisáhrif og
veiðar á meðalafla úr öðrum tegund-
um auk verndar svæða þar sem seiði
klekjast og þroskast.
Vakið máls á því að færa fisk-
veiðilögsögu út í 200 mílur
Athyglisvert er ennfremur, að í til-
lögunum er fjallað um kosti þess að
færa fiskveiðilögsögu ESB-ríkja í
Miðjarðarhafi út í 200 mílur til sam-
ræmis við alþjóðlega viðurkennt há-
mark. Telur framkvæmdastjórnin
það myndu bæta möguleika til skil-
virkrar fiskveiðistjórnunar á svæð-
inu. Mjög mismunandi er hve stóra
fiskveiðilögsögu löndin sem liggja að
Miðjarðarhafi áskilja sér. Spánn hef-
ur lýst yfir 49 sjómílan lögsögu,
Malta, sem er á leiðinni inn í sam-
bandið, hefur haft 25 mílna lögsögu sl.
30 ár, Frakkland og Ítalía hafa 12
mílna lögsögu og Grikkland 6 mílna.
Framkvæmdaáætlunin ber á ensku
titilinn „Action Plan for the conserva-
tion and sustainable exploitation of
fisheries resources in the Mediterr-
anian Sea under the Common Fisher-
ies Policy“ – COM (2002) 535 final og
má finna hana á vefslóðinni http://eu-
ropa.eu.int/comm/fisheries/reform/
proposals_en.htm.
Aðalatriði tillögu ESB
9. október sl. lagði fram-
kvæmdastjórn ESB
fram tillögu að fram-
kvæmdaáætlun um
hvernig haga mætti
stjórnun veiða og nýt-
ingu auðlinda í Miðjarð-
arhafi. Hér er nánar
rakið hvað markverðast
þykir í þessari tillögu.
LANDSLIÐ Íslands undir 21 árs
leikur gegn Litháen á morgun.
Leikurinn fer fram á Akranesi og
hefst klukkan 15:30. Landsliðshóp-
urinn hefur að undanförnu dvalið á
Hótel Selfossi og undirbúið sig und-
ir átökin. Á sama tíma hefur Mjólk-
urskákmótið á vegum Hróksins far-
ið fram á hótelinu og hefur
hópurinn fylgst með mótinu. Þeir
settust síðan allir að tafli á sunnu-
dagskvöld þegar stórmeistarinn
Luke McShane tefldi fjöltefli við
hópinn, liðsmenn, þjálfara og fylgd-
armenn.
Tuttugu og fjórir tóku þátt í fjöl-
teflinu en áður en taflið hófst af-
henti Hrafn Jökulsson, forseti
Hróksins, Guðmundi Mete, einum
af máttarstólpum landsliðsins,
taflsett og skákklukku til notkunar
á keppnisferðum landsliðsins. Við-
ar Halldórsson landsliðsnefnd-
armaður færði Hróknum að gjöf
áritaða landsliðstreyju og boli fyrir
alla keppendur og starfsmenn á
Mjólkurskákmótinu. Luke McShane
fékk sömuleiðis áritaða lands-
liðstreyju, en sjálfur er hann fyrr-
verandi heimsmeistari barna í skák
yngri en tíu ára.
Hrafn Jökulsson hafði á orði er
hann ávarpaði landsliðið að um
merkan viðburð væri að ræða þar
sem þjóðaríþróttirnar tvær, knatt-
spyrna og skák, mættust. Lands-
liðsstrákarnir sýndu góða takta en
urðu að játa sig sigraða nema
Magnús Sverrir Þorsteinsson,
hægri kantmaður, sem náði sigri og
það gerði einnig Ólafur Þórðarson
þjálfari. Fjórir úr herráði Ólafs
náðu jafntefli, þeir Ágúst I. Jónsson
stjórnarmaður, Björn Gunnarsson
liðsstjóri, Magnús Gylfason aðstoð-
arþjálfari og Viðar Halldórsson.
Luke McShane fékk því 20 vinninga
gegn fjórum.
Reyndu sig í fjöltefli
við Luke McShane
Morgunblaðið/Sigurður Jónsson
Guðmundur Mete tekur við taflsetti úr hendi Hrafns Jökulssonar áður en
fjölteflið hefst. Frá landsliðsfjölteflinu á Hótel Selfossi á sunnudagskvöld.
Selfossi. Morgunblaðið.
VALGERÐUR Sverrisdóttir, iðnað-
ar- og viðskiptaráðherra, sótti um
helgina óformlegan ráðherrafund
ESB og EFTA/EES-ríkjanna um
samkeppnishæfni atvinnulífsins,
sem haldinn var í Nyborg í Dan-
mörku. Á fundinum var annars veg-
ar fjallað um samkeppnishæfni og
hins vegar einföldun laga og reglna
til að bæta starfsskilyrði atvinnulífs-
ins. Í tilkynningu frá iðnaðar- og við-
skiptaráðuneytinu segir að innan
ESB sé lögð vaxandi áhersla á þessa
málaflokka en Danir, sem fara nú
með formennsku í ESB, buðu til
fundarins.
Ákveðið var að leggja áherslu á
framkvæmdaáætlun ESB um ein-
földun laga og reglna til þess að bæta
samkeppnishæfni fyrirtækja og
greiða þannig fyrir hagvexti. Árang-
ur á þessu sviði krefðist þó einnig
vinnu innan einstakra landa sem inn-
an Evrópusambandsins.
Valgerður ávarpaði fundinn og tók
undir þessi sjónarmið. Taldi hún að
stofnun hins nýja ráðherraráðs gæti
opnað ný tækifæri til að vinna að
þessum málum með áhrifaríkari
hætti. Sagðist hún vænta þess að Ís-
land sem EES-land, og hluti af innri
markaðnum, gæti tekið vaxandi þátt
í starfi á sviði samkeppnishæfni.
Ráðherrarnir heimsóttu skipa-
smíðastöð í Óðinsvéum í tengslum
við fundinn. Við það tækifæri lögðu
þeir hver um sig til hlut frá sínu
heimalandi í listaverk sem tákna á
grósku í Evrópu. Framlag Íslands
var listaverkið „Egg snjófuglsins“
eftir listamanninn Koggu, Kolbrúnu
Björgólfsdóttur.
Viðskiptaráðherra á
ráðherrafundi um
samkeppnishæfni
Rætt um ein-
földun laga
til að bæta
samkeppni