Morgunblaðið - 06.11.2002, Síða 19

ERLENT
MORGUNBLAÐIÐ MIÐVIKUDAGUR 6. NÓVEMBER 2002 19
SEX fórust og 37 slösuðust, þar af
sex alvarlega, er a.m.k. þrjátíu
bifreiðar og sjö flutningabílar
lentu í árekstri á þjóðvegi suður
af Poitiers í Suðvestur-Frakklandi
í gær.
Voru slökkviliðsmenn kallaðir á
vettvang því eldur kom upp í
þremur flutningabílanna og fjór-
um öðrum bílum. Orsakir slyssins
eru taldar vera hraðakstur og
slæmt skyggni vegna þoku.
AP
Sex fórust
í Frakk-
landi
Berlusconi
vinnur
tvo sigra
Róm. AP.
SILVIO Berlusconi, forsætisráð-
herra Ítalíu, vann tvo sigra í gær er
hann var sýknaður af ákæru um bók-
haldssvik og þingið samþykkti laga-
frumvarp sem gagnrýnendur segja
að muni koma forsætisráðherranum
og bandamönnum hans til góða við
spillingarréttarhöld.
Dómarar í Mílanó sýknuðu Ber-
lusconi, sem er umfangsmikill kaup-
sýslumaður, á þeim forsendum að
ákærur vegna flutnings á knatt-
spyrnumanni til félags sem Berlusc-
oni á væru fyrndar. Var sýknan
byggð á nýjum lögum, sem sam-
þykkt voru fyrr á þessu ári, og milda
ákvæði um refsiverð bókhaldssvik
og stytta fyrningartíma ákærna
vegna þeirra.
Frumvarpið, sem samþykkt var á
þinginu í gær, er af stjórnarand-
stöðuþingmönnum sagt hannað til
þess að hjálpa forsætisráðherranum
og samstarfsmönnum hans í öðrum
spillingarréttarhöldum í Mílanó.
Samkvæmt nýju lögunum, sem sam-
þykkt voru með 310 atkvæðum gegn
fjórum í fulltrúadeild þingsins, geta
sakborningar krafist þess að réttar-
höld verði færð í annað lögsagnar-
umdæmi hafi þeir „lögmætar grun-
semdir“ um að dómarar hafi horn í
síðu þeirra.
PÓLVERJAR ofsóttu og myrtu
fjölda meðborgara sinna af gyð-
ingaættum í að minnsta kosti 24
bæjum í Norðaustur-Póllandi á
dögum síðari heimsstyrjaldar.
Þetta kemur fram í niðustöðum
sagnfræðilegrar rannsóknar
sem pólska ríkisstjórnin fékk
sérfræðinga til að vinna, en
skýrslan kom út á bókarformi í
Póllandi í byrjun vikunnar.
Í skýrslunni, sem ber yfir-
skriftina „Um Jedwabne“ og er
1500 síður að lengd í tveimur
bindum, er safnað saman ýms-
um sögulegum staðreyndum
um örlög gyðinga í Norðaustur-
Póllandi á stríðsárunum, en
upplýsingar þar að lútandi sem
dregnar hafa verið fram í dags-
ljósið á síðustu misserum hafa
þvingað Pólverja til að endur-
skoða þá sögulegu sjálfsímynd
sína, að þeir hafi aðeins verið
fórnarlömb í síðari heimsstyrj-
öld.
Kveikjan að rannsókninni var
bók sem pólsk-bandaríski sagn-
fræðingurinn Jan Tomasz
Gross, sem er af gyðingaættum,
birti árið 2000 um það hvernig
pólskir íbúar bæjarins Jed-
wabne í Norðaustur-Póllandi
smöluðu sumarið 1941, skömmu
eftir innrás herja Hitlers í Sov-
étríkin, allt að 1.600 meðborg-
urum sínum, gyðingum, inn í
hlöðu og brenndu til bana.
Þýzkum nazistum hafði fram að
þessu verið kennt um þennan
glæp.
Í nýju skýrslunni eru fórnar-
lömbin í Jedwabne sögð hafa
verið nær 1.000 manns, ekki
1.600, en auk þess sannanir
raktar fyrir ofsóknum og morð-
um á gyðingum á að minnsta
kosti 23 öðrum stöðum í Norð-
austur-Póllandi á árinu 1941,
sem framin voru af Pólverjum,
ekki hernámsliði nazista sem
annars átti frumkvæðið að flest-
um gyðingaofsóknum á þessum
slóðum á þessum tíma.
Pólverj-
ar myrtu
gyðinga
Varsjá. AP.
JÖRG Haider, hinn umdeildi forystu-
maður Frelsisflokksins á hægri kanti
stjórnmálanna í Austurríki, sneri
heim úr heimsókn til Bagdad í gær og
fullyrti að sér hefði tekizt að eiga þátt
í því að fá Saddam Hussein Íraksfor-
seta til að heita því að hlíta nýrri
ályktun Sameinuðu þjóðanna um
vopnaeftirlit í landinu.
Á blaðamannafundi í Vínarborg
gagnrýndi Haider ennfremur Banda-
ríkjastjórn fyrir það sem hann kallaði
stríðsæsingastefnu.
„Okkur tókst að fá Íraka til að
breyta um skoðun,“ sagði Haider, en
hann átti tveggja stunda fund með
Saddam Hussein í Bagdad á mánu-
dag. „Við horfum nú fram á góða
möguleika á að mjaka málum áfram í
átt að því að tryggja frið,“ sagði hann.
Haider sagði Íraksforseta hafa í sín
eyru lýst „grundvallarbreytingu á af-
stöðu Íraksstjórnar til ályktana SÞ“.
Saddam sé nú reiðubúinn að fallast á
nýja ályktun SÞ um vopnaeftirlit sem
jafnframt „tryggi og viðurkenni full-
veldi, sjálfstæði og öryggi Íraks“.
Talsmenn Bandaríkjastjórnar lýstu
hins vegar frati á boðskap Haiders.
„Sækjast sér um líkir,“ voru þau orð
sem Richard Boucher, talsmaður
bandaríska utanríkisráðuneytisins,
hafði um fundi þeirra Haiders og
Saddams.
Haider sagði að Austurríki gæti
sem lítið hlutlaust land leikið sátta-
semjarahlutverk og gagnrýndi
bandarísk stjórnvöld fyrir hræsni í
fordæmingu sinni á Írak. Sagði hann
Austurríkismenn hafa á tilfinning-
unni að ráðamenn í Washington
hygðust fara í stríð gegn Írak „hvað
sem tautar eða raular“ og það í þeim
tilgangi helztum að beina athygli
bandarísks almennings frá vanda-
málum heima fyrir.
Aðrir austurrískir stjórnmálamenn
hafa gagnrýnt Haider harðlega fyrir
ferðir sínar til Íraks. „Þetta gefur
röng skilaboð á röngum tíma. Það
gengur ekki að reka eigin einka-utan-
ríkisstefnu; utanríkisstefna austur-
ríska lýðveldisins er sú eina sem gild-
ir, samkvæmt stjórnarskránni.
Haider ætti að halda sig innan ramma
stjórnarskrárinnar, í eitt skipti fyrir
öll,“ sagði Benita Ferrero-Waldner,
utanríkisráðherra Austurríkis. Haid-
er segist hins vegar sem fylkisstjóri
Kärnten hafa rétt til að koma fram
sem pólitískur fulltrúi Austurríkis á
erlendri grundu.
Kosið verður til austurríska þings-
ins eftir þrjár vikur. Staða Frelsis-
flokks Haiders, sem dró sig út úr
stjórnarsamstarfi við hinn íhalds-
sama Þjóðarflokk fyrir skemmstu,
hefur veikzt mjög vegna klofnings í
flokksforystunni.
Jörg Haider aftur í umdeilda heimsókn til Bagdad
Segir Saddam heita því
að hlíta nýrri ályktun SÞ
Vínarborg. AFP.
♦ ♦ ♦